Say it, don’t spray it WI 4

Leið númer 1.

Leið sem rennur úr Baugsgili (fossin heitir þá hugsanlega Baugsfoss) í Baugsmúla, rétt vestan við Baugsvatn og rétt fyrir utan Ólafsvík.

WI 3+/4, tvær spannir.

Fyrri spönn er tvö höft, ágætlega brött en ekki svo löng 30m ca. Þegar komið er upp úr seinna haftinu kemur maður í stóra skál og þarf að ganga ca 20 m inn að næstu spönn.

Seinni spönnin er ca 15-20m WI 3, hins vegar var toppurinn eitthvað þunnur og með skrýtinni skel svo að það þurfti að beita alskonar kúnstum og kletta hreyfingum til að komast upp úr spönninni.

Hægt var að ganga niður í stóru skálina og svo síga eitt sig þaðan.

FF: Brynjar Tómasson og Jónas G. Sigurðsson, 16. febrúar 2019

Klifursvæði Snæfellsnes
Svæði Baugsmúli
Tegund Ice Climbing

Almannaréttur WI 3+

Leið í sömu skál og Víkurfoss, beint fyrir ofan Látravík við Búlandshöfða.

Landeigandi á svæðinu er ekki hrifin af klifrurum eða fólki sem hefur hug á að fara í fjallið.

WI 3+, 30m

FF: Bergur Einarsson, Daniel Ben-Yehoshua og Sydney Gunnarsson, 16. febrúar 2019

Klifursvæði Snæfellsnes
Svæði Búlandshöfði
Tegund Ice Climbing

Prentari WI 3

Prentari er u.þ.b. 10 metra hár foss sem liggur í Miðdalsgljúfri.   Miðdalsgljúfur liggur innan við bæinn Miðdal í Laugardal.  Sem er í u.þ.b. 10 mín akstursfjarlægð frá Laugarvatni.  Fossinn sést frá afleggjarnum að Miðdal. Best er að nálgast fossinn með því að rölta upp veginn sem liggur norður að Hlöðufelli og þaðan þvera að gilinu.  Ef menn eru ævintýragjarnir að þá er hægt að labba upp gljúfrið með ánni.  Mælst er með því að láta landeigendur vita áður en haldið er í gilið .

FF. Smári Stefánsson og Svavar Helgi 20??

Klifursvæði Árnessýsla
Svæði Miðdalsgljúfur
Tegund Ice Climbing

Heaven WI 5

Kerti sem er beint upp af leiðinni Guide to Heaven í Stigárdal, áður en komið er inn að Testofunni og Hlaupárgili.

Fyrst er klifrað upp ís pillar þar til komið upp undir klettaþak. Frá klettaþakinu er hliðrað á þunnu tjaldi út á aðal kertið.

Rory tók fall í frumferðinni frá hliðruninni en klifraði aftur upp og kláraði hvíldarlaust upp á topp.

FF: Rory Harrison og Einar Rúnar Sigurðsson 5. febrúar 2019

Klifursvæði Öræfi, Austur og Suðursveit
Svæði Stigárdalur
Tegund Ice Climbing

Myndbönd

Ice Route Heaven WI 5 from Einar Rúnar Sigurðsson on Vimeo.

2019-02-05_h264-420_1080p_29.97_HQ_2xSlow from Einar Rúnar Sigurðsson on Vimeo.

Dalafoss WI 4

Leið í hlíðunum ofan við Fagurhólsmýri, rétt vestar en Irpugilið (og leiðin Irpugilskertið)

Tvær stuttar spannir, fyrsta WI 3 og seinni WI 4. Leiðin var mjög þunn og vatnsmikil þegar hún var fyrst klifruð.

FF: Einar Rúnar Sigurðsson og Matthías Einarsson, 3. febrúar 2019

Klifursvæði Öræfi, Austur og Suðursveit
Svæði Hnappavellir
Tegund Ice Climbing

Myndbönd

Ice Route Dalafoss in southeast Iceland WI 4 first ascent in February 2019 from Einar Rúnar Sigurðsson on Vimeo.

Risa þristur WI 4

Blá lína. Fyrsta leiðin fyrir ofan Skaftafellsjökul.

Leiðin var frumfarin í þrem spönnum, af hluta til vegnað þess að það voru ekki alveg nógu margar skrúfur með í för.

Fyrsta spönn var löng WI 3 ca 50 m.

Spönn tvö var 15m WI 4 þar sem að fyrst var farið til vinstri úr stansi og svo til hægri eftir syllu sem myndast í brattasta hluta leiðarinnar.

Spönn 3 var WI 4(+) í ca 15m. Byrjaði frekar brött en svo slaknaði á hallanum eftir því sem ofar dróg. WI 4 sem stakir 15m en hugsanlega ef spönn 2 og 3 eru teknar saman þá verði sú spönn nær WI 4+.

Nafnið er þríþætt, frumferðarteymið samanstóð af þrem klifrurum, þeir voru þriðja teymið til að leggja í leiðina í vikunni og Árni keypti risa þrist í nesti fyrir alla.

FF: Árni Stefán Halldorsen, Bjartur Týr Ólafsson og Jónas G. Sigurðsson, 1. febrúar 2019

Klifursvæði Öræfi, Vestur
Svæði Skaftafellsjökull
Tegund Ice Climbing

Myndbönd

Skýjabólstrar WI 3+

Leið upp Hangandifoss í Viðborðsfjalli, rétt austan við Fláajökul og rétt hjá bæjunum Rauðaberg.

Tvær spannir ca 60m. Fyrri spönnin var þakin í stærðarinnar bólstrum sem leiðin dregur nafnið sitt af og þurfti að hliðra eftir þeim frá vinstri til hægri ca WI 3. Seinni spönnin var létt mest ella leið en mjög þunn með vatni undir svo að vissara var að klifra varlega. Seinni spönnin endaði á þröngum og smá tæknilegum topphreyfingum sem að ýta heildargráðunni upp í WI 3+.

FF: Bergur Ingi Geirsson, Jónas G. Sigurðsson og Rory Harrison, 31. janúar 2019

Klifursvæði Öræfi, Austur og Suðursveit
Svæði Viðborðsfjall
Tegund Ice Climbing

Guide to Heaven WI 3

Ca 100m vinstra megin við PapaRASSA

Það eru ágætis steinar 20 metrum fyrir ofan leiðina, góðir fyrir toppankeri og til að síga af.

Það er kerti fyrir ofan leiðina sem að Rory Harrison og Einar Rúnar létu vaða í nokkrum dögum eftir frumferðina á þessari leið (Heaven WI 5). Rory tók fall ofarlega í leiðinni áður en hann kláraði upp á topp og því er ekki hægt að skrá frumferð á þá leið að svo stöddu. Framhaldið hefur verið nefnt Heaven WI 5 og bíður eftir falllausri leiðslu.

WI3 25 metrar

FF 29/1 2019 Magnús Bjarki Snæbjörnsson og Einar Rúnar Sigurðsson

Klifursvæði Öræfi, Austur og Suðursveit
Svæði Stigárdalur
Tegund Ice Climbing

Ísöld WI 3+

Leiðin í kverk á milli Léttölshryygs og Plútó (sportklifurleiðir)

Leiðin var þunn í frumferð en tók þó þunnum skrúfum vel. Einar kom fyrir einum bolta fyrir ofan ísinn og ætti að vera auðvelt að skella upp toprope og auðvelt að koma sér niður.

FF: Einar Rúnar Sigurðsson og Matthías Einarsson, 27. janúar 2019. 15m WI 3+

Klifursvæði Öræfi, Austur og Suðursveit
Svæði Hnappavellir
Tegund Ice Climbing

Myndbönd

Ísklifurfestival Ísalp 2019

Ísklifurfestival Íslenska Alpaklúbbsins (Ísalp) verður haldið þennan veturinn, og er stefnt á helgina 15.-17. febrúar 2019. Þótt desember hafi haldið að hann héti júlí þá veit enginn nema morgundagurinn hvaða ís bíður okkar í framtíðinni.

Við sveiflum öxum í ís á Snæfellsnesi og höfum tekið frá næturpláss á gistiheimili í Grundarfirði.

Skráning á festivalið og ítarlegri upplýsingar verða á isalp.is þegar nær dregur!

Skoska leiðin M3 WI3+

Leið utan í Votabergi sem einkennist af stórum steinboga í fyrstu/annarri spönn. Í bogann glittir af veginum utan í múlanum, um hundrað metra vestan við ristarhliðið, hér um bil fyrir miðjum hamrinum.

Til að komast að leiðinni er hægt að klöngrast upp gil og hryggi vestan megin og hliðra svo austur undir bogann, eða klifra upp þunnan en auðveldan ís undir leiðinni.

Leiðin hefst undir boganum, og fylgir fyrri spönn hægri grófinni bak við bogann. Í ákjósanlegri aðstæðum er mögulega hægt að klifra ~WI3 ís beint uppúr, en í (mögulegri) „frumferðinni“ var grófinni fylgt í fyrstu á ís, sem ofar endar í víðri, hrímaðri sprungu á sprungutökum (eflaust gott að hafa með stærri bergtryggingar (Já, hexur!)). EK er að hliðra til vinstri úr sprungunni á sléttum vegg (M3?) undir þaki.

Seinni spönn byrjar í lítilli skál, og eru þar nokkrar mögulegar leiðir uppúr. Miðjuleiðin var klifruð, og fylgir hún misísaðri gróf uppá topp. Skemmtilega skoskt klifur í það heila.

 

M3 WI3+ 90m

 

FF(?) Sigurður Ý. Richter og Guðmundur Ísak Markússon, jan 2019

 

Steinboginn
Efri spönnin í Skosku leiðinni
Klifursvæði Múlafjall
Svæði Votaberg
Tegund Mixed Climbing

Free Solo – Sýning #2

Vegna mikillar eftirspurnar ætlum við að halda aðra sýningu!

Myndin Free Solo fjallar um Alex Honnold, afrek hans að verða fyrstur til að einfara hinn heimsfræga vegg El Capitan og undirbúninginn sem hann þurfti að ganga í gegnum til að láta þennan draum sinn verða að veruleika.

Miðasala fer fram í á netinu og er aðeins hægt að versla miða þar:
https://secure.tickster.com/en/b1mn54errkeplx9/products

Ekki láta þig vanta á þessa mögnuðu sýningu!

Photographs © 2018 National Geographic Partners, LLC. All rights reserved.
Photographs © 2018 National Geographic Partners, LLC. All rights reserved.

Free Solo í Bíó Paradís

Nú er loksins komið að myndinni sem allir hafa beðið eftir!

Myndin Free Solo fjallar um Alex Honnold, afrek hans að verða fyrstur til að einfara hinn heimsfræga vegg El Capitan og undirbúninginn sem hann þurfti að ganga í gegnum til að láta þennan draum sinn verða að veruleika.

Miðasala fer fram í á netinu og er aðeins hægt að versla miða þar:
https://secure.tickster.com/en/za6kl977gb8yyae

Ekki láta þig vanta á þessa mögnuðu sýningu!

Photographs © 2018 National Geographic Partners, LLC. All rights reserved.
Photographs © 2018 National Geographic Partners, LLC. All rights reserved.