BANFF Mountain Film Festival 2022 – Ísland

Takið kvöldin frá! Íslenski Alpaklúbburinn ætlar að sjá fyrir sannkallaðri fjallaveislu á BANFF Mountain Film Festival kvikmyndahátíðinni í Bíó Paradís þann 10. og 12. maí kl 21:00. Kvikmyndahátíðin er sannarlega góð upphitun fyrir sumarið með fullri dagskrá af fjallamennsku, klifri, skíðum, fjallahjólum og fleiru.
Meðlimir Ísalp geta sótt afsláttarkóða hjá stjorn@isalp.is
Við mælum með að fólk mæti snemma í Bíó Paradís og hafi það gaman saman, hægt verður að tryggja sér Ísalp derhúfuna og tilboð verða á barnum og veitingasölunni.
Ísalp þakkar GG sport og Íslenskum Fjallaleiðsögumönnum fyrir að gera hátíðina mögulega.
___
The Icelandic Alpine Club ISALP celebrates the Banff Centre Mountain Film Festival on May 10th and 12th at 9 o’clock at Bíó Paradís, Hverfisgata. The festival includes films focusing on rock climbing, alpine climbing, skiing, mountain biking, running and more.
Isalp members can get a discount code at stjorn@isalp.is
___
Myndir / Films:
Þriðjudagur, 10. maí 21:00
The Slabs
EM
Exit the North Pole
The Mystery
Swissway to Heaven
INSIDE – A Hole New Ski Experience
Fimmtudagur, 12. maí 21:00
Follow the Light
ASCEND: Reframing Disability in the Outdoors
Link Sar
Learning to Drown
The Farmer
Reel Rock15: Action Directe
Maneuvers
JURRA – The Guardians of the Pole
Girls Gotta Eat Dirt
Markus Eder’s The Ultimate Run

Basaltroute M 7

Þar sem Stuðlagil er vinsæll ferðamannastaðaur og náttúruperla sem þarf að hugsa um og vernda, þá mælir Ísalp með að fleiri þurrtólunarleiðum verði ekki bætt við veggina og að þessi leið verði bara endurtekin með mestu varúð og nákvæmni.

Þurrtólunarleið upp miðjann vegginn í stuðlagili. Tryggð með náttúrulegum tryggingum.

FF: Dani Arnold & Martin Echser 8. febrúar 2022

Klifursvæði Fljótsdalshérað
Svæði Stuðlagil
Tegund Mixed Climbing

Nýtt svæði, Tröllaskagi

Nýverið voru skráðar þrjár nýjar leiðir. Ein í Héðinsfirði og tvær á Siglufirði. Þar sem að ís- og alpaklifur er frekar dreift um Tröllaskagan, þá var ákveðið að sameina þessar nýju þrjár leiðir ásamt klifursvæðunum Ólafsfjarðarmúli og Svarfaðardalur (Svarfaðardalur, Búrfellshyrna, Kerling og Skíðadalur).

Nýja klifursvæðið heitir Tröllaskagi og þar undir eru allar gömlu góðu leiðirnar af áðurnefndum svæðum, nú skráð sem undirsvæði.

Ljósbláa leiðin WI 4+

Leiðin hefst rétt til vinstri við „Bláu leiðina“ en byrjar á hliðrun til vinstri og svo er þrykkt lóðrétt upp 10m (WI4+) kafla af ís (sem getur verið þakinn þunnu snjólagi).  Eftir það er hliðrað lengra til vinstri og sett upp akkeri. Þarna er góð sylla til að standa á og hefst leiðin „Kiddi“ á vinstri hönd. En í stað þess að halda þangað er farið aftur til hægri og svo beint upp 20m (WI4+) kafla sem er að mestu lóðréttur á góðum bláum ís.  Eftir það eru um 30m (WI3+) þar sem skiptist á ís og snjór.  Í frumferð var gerð v-þræðing undir klettinum í góðum ís og sigið niður á tveimur 60m reipum. Það var mikill snjóhengja fyrir ofan en kletturinn veitti sálrænt skjól.

60m

FF: Halldór Fannar og Ágúst Kristján Steinarrsson, 17. feb. 2022

Klifursvæði Brattabrekka
Svæði Austurárdalur
Tegund Ice Climbing

Myndbönd

Catch and Release WI 4

Marked as “II” in the photo. WI4 120m.

The Hatchery is on East face of Eyrarfjall, across from The Exorcist on Hvestudalur. Some options for lower climbs exist, but the majority begin on a bench about 300m up. The routes here are 120+m in length and are generally moderate, with opportunities to top out on the plateau. The coordinates for the bench are 65.71238, -23.71605.

FA: Akio Joy, and Carl Tremblay, March 2022

Klifursvæði Arnarfjörður
Svæði Hvestudalur
Tegund Ice Climbing

Urðarrani WI 3+

Urðarrani, WI 3+, 130m

Spönn 1: 50m, WI 3+

Spönn 2: 35m, WI 2+

Spönn 3: 45m, WI 3

Gengum að skálinni við Urðir, aðkoma tók u.þ.b. 40 mín og leynir á sér. Völdum línuna sem var í samfelldustu ísaðstæðunum, nokkrar línur sitthvorum megin við en þar voru mosabreiður á milli íshafta. Fyrsta spönn (50m, WI 3+) hefst á léttu ísbrölti upp að krúxi leiðarinnar, 15m WI 3+ hafti og heldur þar áfram upp WI 2 að stansi. Spönn 2 (35m WI 2+) hefst á léttu krúsi og stífnar aðeins rétt fyrir stans. Spönn 3 (45m, WI 3) eru tvö höft, bæði um WI 2-3. Ef lítið er um ís fyrir akkeri á topp leiðarinnar (líkt og var hjá okkur) finnast ágætis grjót aðeins ofar í hlíðinni.

Við tókum spönn 3 í tveimur spönnum (og leiðin þannig 4 spannir hjá okkur) en sjálfsagt eðlilegast að klifra hana í einni spönn.

Þægilegt að ganga niður úr leiðinni með því að halda til austurs og niður áberandi hrygg (áður en komið er að gilinu).

FF: Ásgeir Már Arnarsson og Jóhann Garðar Þorbjörnsson, 24 jan 2022

Klifursvæði Tröllaskagi
Svæði Svarfaðardalur - Urðir
Tegund Ice Climbing

Pourquoi-Pas

Áberandi snjógil upp af Flyðrum í norðanverðu Hafnarfjalli (64°30,069‘ -21°54,360‘).

Snjór/ís I gráða. 250-300 m.

Skemmtilegt snjógil sem var fyrst farið í fínasta hjarnfæri. Leiðin öll tryggð hlaupandi með borðum á klettasnasir, nokkrum hnetum og tricömum í hliðarnar og snjóakkerum.

Fyrst farin: 1. febrúar 2022, Hulda Rós Helgadóttir og Bergur Einarsson

Klifursvæði Hafnarfjall
Svæði Flyðrur
Tegund Alpine

Hrói

Mynd af Hróa óskast.

Skriðurunnar hlíðar Hafnarfjalls hafa löngum heillað margan fjallagarpinn.
Ekki til uppferðar heldur til niðurferðar í villtum fótskriðudansi.

lnn úr vestanverðu fjallinu gengur dalur og þar er snotur tindur sem Hrói heitir.

Sumarið 1985 fóru þeir Björn Gíslason og Snævarr og Guðmundsson skemmtilega klettaleið í sudurhlíð tindsins af ll.-lll. gráðu.

Klifursvæði Hafnarfjall
Svæði Hrói
Tegund Alpine

Skriðdrekarnir í tönkunum WI 3

Leið númer tvö á mynd.

WI 3, ~70m.

Þægileg stölluð þriðja gráða. Fyrst þegar Hafnarfjarðar kreðsan frétti af leynisvæði Flubbana, skildum við aldrei almennilega hvar það var því að við höfðum jú talsvert klifrað í Þyrlinum norðanverðum upp af Litlasandsdal á árunum fyrir 2000. Það svæði gat því ekki verið leynisvæðið því að það var alþekkt og talsvert klifrað. Leiðin er því líklega fyrst farin einhvern tímann fyrir 2000, kannski af Markúsi Elvari Péturssyni og Eiríki Stefánssyni.

Leiðin var samt a.m.k. farin 9. janúar 2022 af Ágústi Þór Gunnlaugssyni, Þórhildi Höllu Jónsdóttur og Bergi Einarssyni.

Klifursvæði Hvalfjörður
Svæði Litlasandsdalur
Tegund Ice Climbing

Skegg Bláskeggs WI 3

Sunnanmegin innst í gilinu sem Bláskeggsá fellur um niður í Litlasandsdal (64°24,220′ -21°23,529′).

WI 3, ~40m.

Tveir stallar með góðri syllu á milli. Áin er talsvert vatnsmikil og leiðin er líklega oft of blaut til að klifra hana. Hægt er að halda lengra upp eftir ánni og klifra þar fleiri stalla.

Mögulega fyrst farin: 9. janúar 2022 af Bergi Einarssyni, Ágústi Þór Gunnlaugssyni og Þórhildi Höllu Jónsdóttur.

Klifursvæði Hvalfjörður
Svæði Litlasandsdalur
Tegund Ice Climbing