Aðalfundur Ísalp

Þann 1. október ætlar klúbburinn að koma saman og halda hinn árlega og eldsnögga aðalfund á Pedersen Svítunni. Í beinu kjölfari ætlar Matteo að halda fyrir okkur myndasýningu og segja frá frumferðum sínum síðasta vetur. Eftir myndasýninguna ætlum við að sitja áfram og halda smávegis partý.
Dagskrá fundarins er skv. lögum félagsins:
1. Kosning fundarstjóra sem síðan skipar fundarritara.
2. Skýrsla stjórnar.
3. Ársreikningar lagðir fram til samþykktar, undirritaðir af tveimur skoðunarmönnum.
4. Lagabreytingar.
5. Kjör stjórnar
6. Kjör uppstillingarnefndar.
7. Kjör tveggja skoðunarmanna ársreikninga.
8. Ákvörðun árgjalds næsta árs.
9. Önnur mál
–Ársritið
–Dagskrá vetrarins 2021-2022
Atkvæðisbær og kjörgeng eru þau ein sem greitt hafa árgjald 2021.
Framboð skulu hafa borist uppstillingarnefnd (runathor@gmail.com) fyrir 24. september en einnig er heimilt að bjóða sig fram í lausar stöður á aðalfundi eftir að kosningar um framkomin framboð hafa farið fram.
Allar tillögur um lagabreytingar skulu hafa borist stjórn (stjorn@isalp.is) fyrir 24. september.
Staðsetning: Pedersen Svítan

Myndasýning á Sólon 15.júní

ÍSALP blæs til hittings á 2.hæð veitingastaðarins Sólon á þriðjudaginn kl. 19.00. Þar sýna nokkur fyrirmenni í íslenskri fjallamennsku myndir og halda stutt erindi og er viðfangið allt frá íslenskum grjóglímuafrekum erlendis til drekaskíðamennsku á afskekktu hálendi Íslands.
Á mælendaskrá verða:
-Róbert Halldórsson og Katrín Möller
-Ásrún Mjöll og Jafet Bjarkar
-Hinn eini sanni Páll Sveinsson
-Hallgrímur Magnússon (Kite-skíði)
-Valdimar Björnsson (hinn síkáti)
-Jónas G. Sigurðsson formaður ÍSALP
Sjáumst öll!

BANFF 2021!

Til að hita upp fyrir sumarið þá mun Ísalp standa fyrir BANFF fjallakvikmyndahátíðinni í Bíó Paradís við Hverfisgötu 4. og 6. maí. Eins og fyrri ár sér GG sport um að gera hátíðina mögulega (svo lengi sem heimsfaraldurinn blandar sér ekki í málið).
Það er af nægu að taka og flestir útivistar- og jaðarsports iðkendur og áhugafólk ættu að finna eitthvað við sitt hæfi: klettaklifur, alpaklifur, skíði, fjallahjól, hlaup og fleira.
ATH. Vegna sóttvarnalaga eru örfáir miðar í boði og því mikilvægt að tryggja sér miða sem fyrst. Einungis verður hægt að kaupa miða á netinu í gegnum tix.is
Félagar í Ísalp geta sótt afsláttarorð á stjorn@isalp.is
Myndir:
Þriðjudagur, 4. maí 20:00
Charge 2
Free As Can Be
Ocean to Asgard
The Chairlift
Pretty Strong: Fernanda
K2: The Impossible Descent
Fimmtudagur, 6. maí 20:00
The Legend of Tommy G
FKT
Climbing Blind
One Star Reviews: National Park
Mount Logan
Slack Sisters
The Secret of Bottom Turn Island
The Ghosts Above

Nýtt undirsvæði, Búahellir í Búahömrum

Búahellir er nýtt þurrtólunarsvæði í Búahömrum í Esjunni. 12 fullboltaðar leiðir hafa verið settar upp.
Aðkoma:
Sama og fyrir Tvíburagil, Skakka turninn og 55. gráður N. Frá þjóðveginum er beygt inn við bæinn Skriðu og bílum lagt þar sem vegurinn tekur 90° beygju nálægt húsunum. Gengið er meðfram námunni og farið yfir girðinguna við járnstaurinn þar sem sést móta fyrir göngustíg. Þaðan eru tveir möguleikar á að komast á svæðið.
1. Bláa línan sem fer nokkuð beint upp, línu hefur verið komið fyrir á erfiðasta kaflanum, 20mín.
2. Rauða línan upp í gegnum Tvíburagil, gengið eftir toppinum og svo niður, 30mín.
Leiðir:
12 leiðir eru fullboltaðar með hringakkeri á toppnum. 95% af axarfestunum hafa verið boruð til og munu verða merkt.
Frá hægri eru gráðurnar um það bil: D6+, D7+, D8+?, D9?, D10?, D9+?, D9+?, D9+?, D9?, D9?, D9?, D8?
Það eru þrjú akkeri fyrir ofan brún þar sem er mögulegt að síga niður í leiðirnar og setja upp top-rope: það er mikið af lausum steinum, EKKI síga niður ef fólk er að klifra. Klippið í alla boltana meðan sigið er til að haldast upp við klettinn. Notið hjálm!
Föstum tvistum hefur verið komið fyrir í mest yfirhangandi hlutum veggsins, VINSAMLEGAST ekki taka þá.
Enn finnast lausir steinar í sumum leiðana, verið vakandi meðan klifrað er.
14 tvistar og 60m lína dugar.
Hægt er að klifra á svæðinu allt árið og þarfnast það ekki frosts.
Bergið er gott fyrir utan neðsta gulleita hlutann, léttasta hlutann af leiðunum og svo er restin mjög föst og góð í yfirhanginu.
Látið okkur vita ef þið náið að klifra einhverja af leiðunum svo að við getum uppfært gráðurnar.

Niðurstöður ljósmyndakeppni Ísalp 2020

Nú styttist í að ársrit Ísalp 2020 fari á flakk um landið og skili sér í póstkassa meðlima. Forsíðu ársritsins príðir ein af þremur vinningsmyndunum úr ljósmyndakeppni klúbbsins, að þessu sinni var það sigurmynd klifurflokksins. Úr nægu var að velja af ótal glæsilegum myndum sem meðlimir sendu okkur í nóvember, en sjóuð dómnefnd skar úr um þær þrjár bestu myndir í hverjum flokki og má sjá þær hér að neðan ásamt nöfnum ljósmyndara og lýsingum. Að sjálfsögðu hljóta þessar myndir sínar síður i ársritinu, ásamt nokkrum fleiri vel völdum myndum úr keppninni sem skreyta blaðið.

Ljósmyndakeppni ÍSALP 2020

 

Ljósmyndakeppni Ísalp 2020

Að venju er komið að árlegri ljósmyndakeppni Íslenska alpaklúbbsins. Í boði eru flokkarnir Klifur, Skíði og Mannlíf á fjöllum. Dómnefnd kýs sigurvegara í hverjum flokki ásamt því að besta myndin mun prýða komandi ársrit klúbbsins.

Reglurnar eru eftirfarandi:

  • Keppandi þarf sjálfur að hafa tekið myndina
  • Keppandi þarf að vera meðlimur í klúbbnum
  • Myndir þurfa að vera teknar eftir síðustu ljósmyndakeppni (nóvember 2019)
  • Hver keppandi má senda 3 myndir að hámarki (mega fara allar í sama flokk eða skiptast á flokka)
  • Hverja mynd þarf að tilgreina í einn flokk
  • Stutt lýsing þarf að fylgja hverri mynd
  • Með þáttöku samþykkir keppandi að mynd getur birst í ársriti klúbbsins

Til að taka þátt skal senda myndir með tölvupósti á netfangið ljosmyndakeppni@isalp.is í síðasta lagi 15. nóvember 2020!

Aðalfundur Ísalp 23. september kl. 20:00

Kæru félagar
Aðalfundur Íslenska alpaklúbbsins 2020 verður haldinn á efri hæð Klifurhússins að Ármúla 23, miðvikudaginn 23. september, kl. 20:00.
Dagskrá fundarins er skv. lögum félagsins:
1. Kosning fundarstjóra sem síðan skipar fundarritara.
2. Skýrsla stjórnar.
3. Ársreikningar lagðir fram til samþykktar, undirritaðir af tveimur skoðunarmönnum.
4. Lagabreytingar.
5. Kjör formanns og meðstjórnenda.
6. Kjör uppstillingarnefndar.
7. Kjör tveggja skoðunarmanna ársreikninga.
8. Ákvörðun árgjalds næsta árs.
9. Önnur mál
–Ársritið
–Dagskrá vetrarins 2020-2021
Atkvæðisbær og kjörgeng eru þau ein sem greitt hafa árgjald 2020.
Í ár lýkur kjörtímabilum hjá formanni Ísalp Jónasi G. Sigurðssyni (til tveggja ára) svo og meðstjórnendum Ottó Inga Þórissyni (kjörinn til tveggja ára), Védísi Ólafsdóttur (kjörin til eins árs) og Elísabetu Atladóttur (kjörin til eins árs). Þau gefa öll kost á sér áfram fyrir utan Ottó Inga Þórisson.
Framboð skulu hafa borist uppstillingarnefnd fyrir 13. september en einnig er heimilt að bjóða sig fram í lausar stöður á aðalfundi eftir að kosningar um framkomin framboð hafa farið fram.
Allar tillögur um lagabreytingar skulu hafa borist stjórn (stjorn@isalp.is) fyrir 13. september.
Sjá lög klúbbsins hér

 

Ársritið 2019 aftur á netið

Við vonum að vel fari um fólk og að allir séu við góða heilsu þessa dagana. Þar sem við erum vonandi sem flest að fylgja ráðleggingum og höldum okkur heima viljum við opna aftur fyrir vefútgáfu ársrits 2019 þar sem ekki hefur þótt ráðlegt af gefnu tilefni að póstleggja riti til hundruða einstaklinga, auk þess að ekki er hægt að nálgast ritin í Klifurhúsinu vegna lokana. Við bindum vonir við að geta póstlagt ársritin þegar fer að kyrrast, en fram að því verður hægt að glugga í ritið hér að neðan

 

Banff fjallakvikmyndahátíðin 2020

Nú er komið að kvikmyndaviðburði ársins þegar Íslenski alpaklúbburinn heldur Banff kvikmyndasýningarnar hátíðlega. Í ár fara sýningarnar fram 17. og 19. mars. Hátíðin verður í Bíó Paradís við Hverfisgötu og við vonum að það verði ekki svo í síðasta skipti. Eins og fyrri ár sjá GG sport og Íslenskir Fjallaleiðsögumenn um að gera hátíðina mögulega á Íslandi.

Það er af nægu að taka og flestir útivistar- og jaðarsports iðkendur og áhugafólk ættu að finna eitthvað við sitt hæfi: klettaklifur, alpaklifur, skíði, fjallahjól, hlaup og fleira.

Sjá nánar um sýningarnar og miðasöðluna á Banff vefsíðunni.

Ljósmyndakeppni og Leið ársins 2019

Þó vantað hafi sjálft ársritið á prentuðu formi, gekk útgáfa ársrit ÍSALP 2019 með eindæmum vel og var góð mæting og stemning á KEX hostel síðasta föstudagskvöld. Þar voru m.a. kynnt efstu sætin í ljómyndakeppninni, og má hér sjá fimm efstu sætin í hverjum flokki, en í blaðinu sjálfu fengu efstu þrjú sætin sína síðu hvert. Sigurmynd skíðaflokks, tekin af Martin Voigt, príðir forsíðu blaðsins, en sigurvegarar hinna flokkanna voru Egill Örn Sigurpálsson í klifurflokki og Virgil Reglioni í mannlíf á fjöllum.

Keppnin um leið ársins var haldin í annað sinn, og útvegaði Matteo verðlaunin í boði GG Sport. Fór keppnin þannig fram að tólf leiðir voru kynntar til leiks, og fengu viðstaddir meðlimir tækifæri til að kjósa um hver leiðanna hlyti verðlaunin. Úrslitin voru eftirfarandi: þriðja sætinu deildu leiðirnar Brattasti þristur landsins (WI4+) og Gnar for breakfast (AD+, WI3), í öðru æti var klettaleiðin Stefnið (5.10+), en fyrsta sætið og verðlaunin hreppti leiðin Jólatré, 180m WI5 frumfarin af þeim Bjarti Tý og Rory Harrison.

Leið ársins:

Leið ársins: Jólatré

Klifur:

Sigurmynd klifurflokks: Egill Örn Sigurpálsson - „Sigurður Richter býr sig undir klifur í Mýrarhyrnu á ísklifurfestivali Ísalp."2, sæti klifurflokks: Virgil Reglioni - „Rise from the Deep: Hanging deep in this bottom-less moulin, shooting from below, this shot brought me such an incredible experience photographing. The conditions were hard, hanging low on an uncomfortable position, ice particles falling down on me and my gears, i was trying to hold my balance with one hand, holding the ice axe jammed in the ice wall in front of me and shooting with the other one."3. sæti klifurflokks: Björgvin Hilmarsson - „Bjartur Týr Ólafsson í þriðju spönn leiðarinnar Kulusuk Hostel á Kulusuk eyju á Austur-Grænlandi. Leiðin er um 110 metrar og fimm spannir (5a / 5b / 6a+ / 6b / 3c)."4. sæti klifurflokks: Sigurður Ý. Richter - „Magnús Ólafur Magnússon klifrar upp í næstsíðasta stans suðurveggjar Midi tinds í frönsku Ölpunum."5. sæti klifurflokks: Bjartur Týr Ólafsson - „Matthew Mcateer stígur inn á sólríkt slabbið í fjórðu spönn Nabot Léon leiðarinnar á Rauða Turni Aiguille de Blatiére."

Skíði:

Sigurmynd skíðaflokks: Martin Voigt - „Gönguskiðaferð í Landmannalaugar með HSSK."2. sæti skíðaflokks: Haraldur Ketill Guðjónsson - „Á bakaleið yfir Drangajökul eftir þriggja daga ferð um svæðið á gönguskíðum. Hljóðabunga sést í bakgrunni."3. sæti skíðaflokks: Rowan Bashford - „Rúnar Pétur Hjörleifsson ripping a fresh line above his family home in Neskauðstaður"4. sæti skíðaflokks: Martin Voigt - „Miðnæturfjallaskíðaferð á Snæfellsjökul" 5. sæti skíðaflokks: Bjartur Týr Ólafsson

Mannlíf á fjöllum:

Sigurmynd í mannlíf á fjöllum: Virgil Reglioni - „Eternal: A capture from the golden hours through the long sea. Lost, deep in the highlands, this hike got us absolutely speechless and mind-blown. A perfect harmony between human and nature."2. sæti í mannlíf á fjöllum: Bjartur Týr Ólafsson - „Jón Heiðar og Ásgeir Már á leið niður norð-austur hrygg Obergabelhorn, 4063 m.y.s., í Sviss."3. sæti í mannlíf á fjöllum: Rowan Bashford - „Guðný Diljá Helgadóttir and I are out on a berry picking trip above some of the most scenic glacier tongues in Iceland. How lucky we are to have such incredible alpine and wilderness across the road from our house. Where else in the world is life this good?"4. sæti í mannlíf á fjöllum: Eric Contant - „Umferðarteppa í Khumbu ísfallinu milli fyrstu og annarra tjaldbúða Everestfjalls."5. sæti í mannlíf á fjöllum: Magnús Ólafur Magnússon - „Sigurður Ý. Richter á suðurvegg Midi tinds í frönsku Ölpunum. Í bakgrunni sjást tvö teymi á Cosmiques hryggnum."

Ísklifurfestival 2020

Hið árlega Ísklifurfestival Ísalp verður haldið á Vestjörðum þetta árið. Stefnan er sett á að gista á gistiheimilinu á Ísafirði og klifra á svæðunum í stuttri akstursfjarlægð frá bænum.
Nánari upplýsingar um leiðir á svæðinu má finna á hér á vefnum undir http://www.isalp.is/crag/isafjordur.

Skráning í gistingu fer fram í umræðuþræðinum „Skráning á Ísklifurfestival 2020“.
Arnar leggur af stað í Bleika pardusinn

Jólaklifur ÍSALP 2019

Hið árlega jólaklifur ÍSALP verður haldið í Múlafjalli laugardaginn 21. desember!

Eins og á hverju ári fer alveg að vera komið að Jólaklifri Ísalp. Stefnan er sett á Múlafjall eins og hefð er fyrir.

Byrjað verður í Testofunni http://www.isalp.is/crag/mulafjall-2 þar sem vanari klifrarar byrja á að koma fyrir top rope línum í nokkrar af léttari leiðunum.

Góð skemmtun rétt fyrir jólin, ætluð bæði byrjendum og lengra komnum.

Sjá facebook viðburð: https://www.facebook.com/events/290052408558279/

Kv, Stjórn

Ullarteppi í Tindfjallaskála

Íslenski Alpaklúbburinn (ÍSALP) hefur nú með hjálp góðra samstarfsaðila safnað ullarteppum sem verða fljótlega sett í Tindfjallaskála.

Með þessu móti gefst ferðalöngum tækifæri til að ferðast léttar þegar gist er í skálanum.

Nú þurfa gestir aðeins að hafa með sér innri poka (liner poka) í stað þess að bera svefnpoka.

Hugmyndin er að erlendri fyrirmynd og talið er að þetta sé fyrsti skálinn á landinu sem bjóði uppá þennan lúxus.

Stjórn ÍSALP vonar að sem flestir geti í framtíðinni nýtt sér skálann og hlakkar til að sjá ykkur á fjöllum.

Nánari upplýsingar um Tindfjallaskála má finna á heimasíðu ÍSALP undir Skálar.

Ljósmyndakeppni ÍSALP 2019

Nú er komið að árlegu ljósmyndakeppni Ísalp, og erum við að vanda að leita að myndum í þrjá flokka; Klifur, Skíði og Mannlíf á fjöllum. Kosnir verða sigurvegarar í hverjum flokki og mun besta myndin príða forsíðu ársrits Ísalp 2019!

Myndirnar þurfa að vera teknar eftir ljósmyndakeppni seinasta árs (frá og með nóvember 2018) og er öllum velkomið að taka þátt. Reglurnar eru eftirfarandi:

-Þátttakendur mega senda að hámarki þrjár myndir hver

-Ekki skiptir máli í hvaða flokk hver mynd fer, en t.a.m. er hægt að senda eina mynd í hvern flokk eða allar þrjár í sama flokkinn

-Hver mynd getur einungis tekið þátt í einum um flokki

-Sú/sá sem tekur þátt þarf sjálf/ur að hafa tekið myndina

 

Taka skal fram í hvaða flokki hver mynd tekur þátt og helst skal fylgja stutt lýsing (ein setning).

Myndir þurfa að berast á stjorn@isalp.is fyrir miðnætti 15. nóvember!

 

 

 

 

 

Jeff Mercier slideshow

On Friday the 8th November we are going to have a slideshow with Jeff Mercier.

The event is going to be in Klifurhusid, will start at h18.00 with some dry tooling then a little rest for dinner and then at h20 the pictures.

Jeff Mercier is a world class iceclimber, part of the generation that developed dry tooling and brought it up on the mountain. He is visiting icelandic glacier and before leaving is going to climb with us and then taking a slideshow.

Niðurstöður aðalfundar

Nýafstaðinn aðalfundur samþykkti samhljóða að veita Ferðafélagi Íslands leyfi til að nýta Bratta sem stendur í Kópavogi sem skálavarðahús í Nýjadal. Þegar að tilskilin leyfi fást til að setja upp skála í Súlnadal þá hefur FÍ skuldbundið sig til þess að byggja nýan skála sem mun henta enn betur til notkunar bæði fyrir félagsmenn Ísalp og FÍ.

Litlar breytingar urðu á stjórn. Sif Pétursdóttir lét af stjórnarstörfum eftir árs setu sökum þess að vera flutt út í nám. Fráfarandi stjórn vill þakka henni fyrir vel unnin og gott samstarf störf síðasta árið. Í stað Sifjar var Elísabet Atladóttir kjörin inn í staðinn. Elísabet hefur starfað með klúbbnum síðastliðin tvö ár og er auk þess jöklaleiðsögumaður og undanfari í Hjálparsveit skáta í Kópavogi. Stjórn vill bjóða Elísabetu velkomna til starfa og við hlökkum til komandi mánaða.

Annað hefðbundið fór fram á aðalfundi, skýrsla stjórnar var kynnt, reikningar klúbbsins voru samþykktir samhljóða og Karl Ingólfs fékk umboð klúbbsins til að starfa í SAMÚT að málum vestursvæðis Vatnajökulsþjóðgarðs.

Mæting var með besta móti, um 20 manns.

Aðalfundur Ísalp 26. september

Stjórn vill mynna á aðalfund Ísalp sem verður haldinn klukkan 20:00 26. september næstkomandi. Fundurinn fer fram í Ísalp salnum í Klifurhúsinu.

Fyrst á dagskrá er kynning FÍ á möguleikum til nýtingar á núverandi Bratta

Næst er kostning nýrrar stjórnar og skoðunarmanna reikninga

Yfirferð ársreikninga

Stutt kynning á nýafstaðinni Ísalp ferð til Písa.

Bætt vinnubrögð við boltun!

Upp á síðkastið virðist það hafa færst í aukana að klifrarar verði varir við nýja múrbolta af ýmsum toga á ótrúlegustu stöðum, oftar en ekki boltar sem hafa engan augljósan tilgang. Ekki er nóg með það að þessir boltar eru villandi og síður en svo öruggir í öllum tilfellum, heldur eiga þeir líka til að finnast á svæðum þar sem boltun er óheimil. Þ.a.l. viljum við koma eftirfarandi áherslum á framfæri, og fara fram á að fólk kynni sér rétt og vönduð vinnubrögð við uppsetningu klifurleiða og almenna boltun í náttúru Íslands:

  1. Fá leyfi hjá landeigendum/hagsmunaaðilum! Sama hver tilgangur boltunar er, eru það óhjákvæmilega landeigendur sem eiga síðasta orðið um boltun á þeirra landi (hvort sem landeigendur eru ríkið eða einkaaðilar). Því er nauðsynlegt að öðlast tilskilin leyfi áður en lagt er í að bora fyrir boltum.
    • Þó svo að tiltekið svæði sé þegar boltað (t.d. sportklifursvæði) þýðir það ekki að enn sé leyfi fyrir að reka inn fleiri bolta, og þarf því að ganga úr skugga um að slíkt sé enn leyfilegt.
    • Stranglega bannað er að bolta á friðlýstum svæðum, nema skírt leyfi hafi verið fengið fyrir boltun á slíku svæði.
    • Á sumum svæðum er almennt samþykki um að halda boltalausum (t.d. Stardalur og Gerðuberg) og verða því allir boltar fjarlægðir fyrirvara- og undantekningalaust nema breyting hafi orðið á slíku samkomulagi.
  2. Þekkja og hafa reynslu af öruggri boltun! Margskonar vinnubrögð, misörugg, þekkjast við boltun í ýmsum tilgangi, og nauðsynlegt er að fólk kynni sér RÉTT og VÖNDUÐ vinnubrögð, sér í lagi á svæðum þar sem fólk gæti í gáleysi reitt sig á tryggingar í öðrum tilgangi en þær voru settar upp fyrir. Greinargóðar leiðbeiningar og siðferðisreglur við boltun í íslensku bergi má finna í viðamikilli grein Jóns Viðars Sigurðssonar frá 2012, sem hægt er að nálgast á PDF formi með eftirfarandi tengli, og mælum við eindregið með að allir sem hafa hug á að bolta hérlendis kynni sér hann sem og að öðlast reynslu frá reyndum leiðasmiðum: https://klifurhusid.is/wp-content/uploads/2012/04/Boltun-klifurlei%C3%B0a.pdf
  3. Ekki reka inn bolta sem hafa áhrif á þegar uppsettar klifurleiðir! Aðeins ætti að bolta í námunda við klifurleiðir ef tilgangur þess er að auka öryggi í þeirri klifurleið, t.d. ef skipta þarf út gömlum boltum (að sjálfsögðu í samráði við frumfarendur eða umsjónafólk). Annað getur verið villandi, verið klifrurum til vandræða og jafnvel skapað hættu ef slíkt er ekki vel ígrundað.
  4. Er nauðsynlegt að koma fyrir varanlegum tryggingum? Oft er nóg í boði af öruggum náttúrulegum tryggingum sem gera boltun óþarfa. Á þetta sérstaklega við á svæðum þar sem dótaklifur er stundað, og oftar en ekki er mjög óvinsælt meðal klifrara að leiðir séu boltaðar sem eru auðtryggðar á öruggan hátt með náttúrulegum tryggingum. Sömuleiðis er ekki í lagi að bolta klifurleiðir sem þegar hafa verið klifraðar með slíkum tryggingum, nema frumfarendur hafa gefið leyfi fyrir slíku.

Annars vonum við að sumarið hefur nýst klifrurum vel, og er frábært að sjá allar þær nýju og gömlu leiðir sem settar eru upp og haldið við á víð og dreif um landið. Það er einmitt ástæða þess að við viljum áfram sjá góð vinnubrögð og halda öllum á góðu nótunum, svo við getum haldið áfram á sömu braut í framtíðinni 😉