Niðurstöður aðalfundar

Fréttir

Nýafstaðinn aðalfundur samþykkti samhljóða að veita Ferðafélagi Íslands leyfi til að nýta Bratta sem stendur í Kópavogi sem skálavarðahús í Nýjadal. Þegar að tilskilin leyfi fást til að setja upp skála í Súlnadal þá hefur FÍ skuldbundið sig til þess að byggja nýan skála sem mun henta enn betur til notkunar bæði fyrir félagsmenn Ísalp og FÍ.

Litlar breytingar urðu á stjórn. Sif Pétursdóttir lét af stjórnarstörfum eftir árs setu sökum þess að vera flutt út í nám. Fráfarandi stjórn vill þakka henni fyrir vel unnin og gott samstarf störf síðasta árið. Í stað Sifjar var Elísabet Atladóttir kjörin inn í staðinn. Elísabet hefur starfað með klúbbnum síðastliðin tvö ár og er auk þess jöklaleiðsögumaður og undanfari í Hjálparsveit skáta í Kópavogi. Stjórn vill bjóða Elísabetu velkomna til starfa og við hlökkum til komandi mánaða.

Annað hefðbundið fór fram á aðalfundi, skýrsla stjórnar var kynnt, reikningar klúbbsins voru samþykktir samhljóða og Karl Ingólfs fékk umboð klúbbsins til að starfa í SAMÚT að málum vestursvæðis Vatnajökulsþjóðgarðs.

Mæting var með besta móti, um 20 manns.

Aðalfundur Ísalp 26. september

Fréttir

Stjórn vill mynna á aðalfund Ísalp sem verður haldinn klukkan 20:00 26. september næstkomandi. Fundurinn fer fram í Ísalp salnum í Klifurhúsinu.

Fyrst á dagskrá er kynning FÍ á möguleikum til nýtingar á núverandi Bratta

Næst er kostning nýrrar stjórnar og skoðunarmanna reikninga

Yfirferð ársreikninga

Stutt kynning á nýafstaðinni Ísalp ferð til Písa.

Fuglalíf M 4

Leiðir

Mynd og nánari staðsetning óskast.

Mixuð leið í Kollafirði. Leiðin liggur upp 4m háa íslænu sem er 30-40cm breið, upp á snjósyllu að 2m kerti og þaðan tekur við 4m morkin bergsprunga. Þaðan er hliðrað í lélegu bergi til hægri upp í áberandi skál sem liggur upp á brún.

M 4, 25m

FF: Guðmundur Tómasson 14. mars 1997

Klifursvæði Barðaströnd
Svæði Kollafjörður
Tegund Mixed Climbing

Fjallaskíðaferð á Tröllaskagann með þriðja hluta Erasmus samstarfinu

Fréttir

Þann 27. apríl koma til okkar gestir frá Ungverjalandi og Slóveníu til að taka þátt í þriðja hluta Erasmus samstarfsins á milli alpaklúbbana í þessum þrem löndum.

Hópur Ísalpara keyrir norður með hópinn þann 28. apríl og skíðar með þeim á Tröllaskaganum til 4. maí. 

Nóg verður um að vera alla daga og á kvöldin. Planað er að hafa snjóflóða fyrirlestur, grillveislu í fjörunni, heimsókn í Kalda og margt fleira ásamt því að skíða á valda tinda hér og þar um Tröllaskagann.

Ísölpurum er velkomið að slást í hópinn, fara með okkur í skíðaferðir og grilla með okkur.

Því miður er mest allt húsrúm sem klúbburinn bókaði orðið fullt svo að þeir sem myndu vilja bætast við myndu þurfa að útvega sína gistingu sjálfir.

Örninn flýgur WI 3+

Leiðir

Örninn flýgur – Þorsteinslundur – Fljótshlíð

Þorsteinslundur er rétt vestan við Gluggafoss í Fljótshlíð.
Þar eru miklir möguleikar en hlíðin vísar í suður og því hentar best ef það nær að frysta vel yfir dimmustu mánuðina.

Leiðin fékk nafnið vegna þess að það var Haförn á sveimi yfir okkur sem þykir óvanalegt á suðurlandi.

Hægt væri að taka leiðina í einni spönn og er hún WI3+
Fyrri spönnin byrjaði á tæknilegu klifri upp kerti sem náði ekki alveg niður.

FF: Bjarni Guðmundsson og Sigurður Bjarni Sveinsson, 30. janúar 2019

Klifursvæði Fljótshlíð
Svæði Þorsteinslundur
Tegund Ice Climbing

Krummi er svangur WI 4

Leiðir

Krummi er svangur – Stakkholtsgjá – Þórsmörk

Rétt vestan við innganginn á Stakkholtsgjá er ísfoss.
Tveggja spanna klifur líklega um 15-20m sitthvor fossinn.

Leiðin fékk þetta nafn vegna þess að frumfarar fylgdust með Krummapari murka líftóruna úr Fýlsgreyi sem átti engan séns.

Fyrri fossinn er WI3+ og seinni WI4-5 (hægt er að velja úr á breiðu ístjaldi)

FF: Bjarni Guðmundsson og Sigurður Bjarni Sveinsson, janúar 2018

Klifursvæði Þórsmörk
Svæði Stakkholtsgjá
Tegund Ice Climbing

Á tæpasta vaði WI 4

Leiðir

Keyrt áleiðis inn í þórsmörk að fyrstu ánni/læknum (Sauðá) sem þarf að keyra yfir.
Þar er hægt að keyra slóða upp með ánni smá spöl austan megin við hana. Gengið er greinilegan göngustíg í ca.
10 mín yfir hrygg og svo áfram inn gilið ca. 20 mín.
Við blasir ísfoss beint að augum inn í gilinu. Þar er lænan lengst til vinstri kölluð Manía.
Ef farið er örlítið lengra upp kviltina til hægri (þegar horft er á fossinn) þá eru þar nokkrir möguleikar.
Við fórum næstu íslínu til hægri við Maníu og færðum okkur svolítið lengra til hægri eftir fyrstu spönnina.
Völdum okkur, það sem við héldum, auðveldustu leiðina sem var síðan mjög tæp í toppinn.

1. spönn: ca. 20m WI3+/WI4 foss sem fer á góðan stall fyrir tryggingu.

2. spönn: ca. 60m WI4 með mikið af sveppum og ,,kálhausum“ og aðeins klunnalegt klifur. Þegar komið er yfir brúnina efst
tók við brött snjóbrekka með lítið af ís og þurfum við að nota hugmyndflugið við gerð akkeris.
Notast var við t-slot í snjópakka og ísexi í frosinn mosa.

Leiðina kölluðum við Á tæpasta vaði.
Mig grunar að í góðum ísaðstæðum sé þetta hins vegar mjög góður ís og ætti ekki að vera neitt vandamál 🙂

FF: Bjarni Guðmundsson og Sigurður Bjarni Sveinsson, 28. janúar 2019

Klifursvæði Þórsmörk
Svæði Merkurker
Tegund Ice Climbing

Skál WI 3+

Leiðir

Rauðar leiðir á mynd

Rétt austan við Hamragarða (Gljúfrabúa) eða Seljalandsfoss er brattur klettaveggur.
Þar myndast stundum ís í lítill skál. Hægt er að labba uppfyrir og gera topprope.
Settir voru þrír járnstaurar í jörðu fyrir ofan leiðina sem hægt er að tryggja akkerið í.
Hentar bara fyrir leiðir merkar rauðum lit.

20m leiðir WI3-4

FF. Ólafur Þór Kristinsson og Bjarni Guðmundsson, febrúar 2018

Klifursvæði Eyjafjöll
Svæði Seljalandsfoss
Tegund Ice Climbing

Þorskastríðið WI 3

Leiðir

Rétt áður en komið er að Sauðá eru nokkrar kviltar í fjallshlíð sem vísar í norður.
Þar eru leiðir sem heita Jólakötturinn og Giljagaur. Ágætis klifur með mörgum stöllum milli stuttra en skemmtilegra ísfossa.
Neðst í Þorskastríðinu er stórt fríhangandi kerti sem við höfum klifrað í toprope.
Gaman væri að reyna að tengja það með mix klifri einn daginn. En lítið um tryggingar uppað kertinu.

Farið er upp fyrstu spönn á Jólakettinum. Og þaðan þverað til vinstri inná leiðina.
Leiðin eru margir stuttir en brattir kaflar og á einum stað er stór steinn sem þarf að klöngrast yfir.
Mjög skemmtileg leið í góðum ísaðstæðum en stundum fyllast stallar af snjó eftir mikla snjókomu.

WI3 ca. 100m í heildina. Hægt er að labba niður af leiðinni. Hlíðin er brött.

Leiðin fékk nafnið Þorskastríðið þar sem hópinn skipuðu tvö frá Stóra-Bretlandi og tveir frá Íslandi.

FF: Bjarni Guðmundsson, Sigurður Bjarni Sveinsson, Ginny Amanda, Chris Haworth, 25. janúar 2018

Klifursvæði Þórsmörk
Svæði Grettisskarð
Tegund Ice Climbing

Garnaflækja WI 3

Leiðir

Rétt áður en komið er að Sauðá eru nokkrar kviltar í fjallshlíð sem vísar í norður.
Þar eru leiðir sem heita Jólakötturinn og Giljagaur. Ágætis klifur með mörgum stöllum milli stuttra en skemmtilegra fossa.

Garnaflækja er í næstu kvilt við Þorskastríðið í austur. (eða vinstra megin þegar horft er á fjallshlíðina) Leiðin var klifruð í aðstæðum þegar var mikill snjór. Þetta er svipað klifur og Þorskastríðið en þó með lengri stalla milli sumra ísfossanna. Á einum stað er stutt brött súla sem mætti kalla krúx leiðarinnar. Annars mjög þæginleg og skemmtileg leið með frábæru útsýni yfir Markárfljótsaurana.

Nafnið kom út frá misheppnaðri tilraun til að síga niður leiðina og vegna langra stalla flæktist línan all svakalega. Frumfarar mæla með að labba niður af leiðinni.

WI3 ca. 100m í heildina.

FF: Bjarni Guðmundsson, Þórir Guðjónsson og Helgi Þorsteinsson, 29. janúar 2018

Klifursvæði Þórsmörk
Svæði Grettisskarð
Tegund Ice Climbing

Útgáfupartý Ársrits Ísalp 2018

Fréttir

Útgáfu ársrits Ísalp 2018 verður fagnað á Bar Ananas á Klapparstíg 38 föstudaginn 8. mars klukkan 22:00. Útgáfupartýið hefst strax á eftir sýningunni „No Man’s Land“ sem verður í Háskólabíói sama kvöld.

Í partýinu verður sú nýjung að Ísalp mun veita viðurkenningu fyrir bestu „Fyrst farið“ ísleið ársins 2018.

Bjór í boði! Hlökkum til að sjá sem flesta!

Suffering Builds Character WI 5+

Leiðir

Leið sem er beint fyrir ofan leiðina „To Be Continued… “ staðsett í Hlaupárgili í Stigárdal

Mjög brattur pillar, ca 35m af klifri þar af 25 alveg lóðréttir

FF: Ólafur Þór Kristinsson og Einar Rúnar Sigurðsson, 18. febrúar 2019

Klifursvæði Öræfi, Austur og Suðursveit
Svæði Stigárdalur
Tegund Ice Climbing

Myndbönd

The Ice Route Suffering Builds Character WI 5+ in Iceland from Einar Rúnar Sigurðsson on Vimeo.

No Man’s Land Film Festival

Fréttir

No man’s Land Film Festival er kvikmyndahátíð um konur í útivist og allar myndir af hátíðinni hafa konur í aðalhlutverki og flestar þeirra eru framleiddar af konum líka.

Ísalp bíður upp á sérstakt klifurúrval af myndum á hátíðinni og heldur hana á alþjóðlegum baráttudegi kvenna 8. mars næstkomandi

Á meðal mynda sem verða sýndar eru til dæmis…

Superior Ice. Ísklifrarinn Angela VanWiemeersch fer til Superior vatnsins á landamærum Kanada og Bandaríkjana og hittir klettaklifurstórstjörnuna Sashia DiGiulian og þær klifra brattan ís saman.

Slaydies. Haustið 2017 fóru Margo Hayes, Emily Harrington og Paige Claassen til Mallorca. Þar fléttuðu þær hárið á hvor annari, deildu vínflöskum og stunduðu Deep water solo alla daga. Þær byrjuðu ferðina sem þrjár gjörólíkar konur en enduðu ferðina sem Slaydies.

Dawa Yangzum Sherpa. Sherpakonur eru ekki kvattar áfram til að klífa fjöll. En það var ekki að fara að stoppa Dawa Yangzum Sherpa, sem ólst upp í þorpi í Himalaya, án rafmagns og rennandi vatns en vissi samt að hún myndi einn daginn standa á toppi Everest. Tuttugu og eins árs stóð hún á topp heimsins og hóf nýja áskorun, að verða fyrsta nepalska konan til að klára hæðsta stig fjallaleiðsagnar, IFMGA. IFMGA réttindi taka meira en fimm ár að klára og kosta meira en 3.500.000isk. Af 6.937 IFMGA leiðsögumönnum um allan heim eru aðeins 1,5% kvennmenn.

… og svo margar fleiri. Ekki láta þig vanta á þessa frábæru sýningu!