- This topic has 6 replies, 1 voice, and was last updated 1 week, 1 day ago by
.
-
Posts
-
Eitthvað gengur erfiðlega að koma þessari umræðu af stað. Sennilega er það vegna þess að veturinn fer rólega af stað.
Við Ágúst fórum í Villingadal sl laugardag. Þar var var gott að klifra og rákumst við á tvö önnur teymi þegar leið á daginn. Við vorum mættir við sólarupprás enda sólgnir í góðan ís. Klifruðum Hades í góðum aðstæðum og tókum efstu spannirnar líka sem voru frábærar. Þetta urðu 240 metrar af ánægulegu ísklifri, reyndar bætti Ágúst 50 metrum við hjá sér þar sem línan fraus í v-þræðingunni á þriðja síginu og Ágúst fór upp á prússik til að greiða úr því. Það var lærdómsríkt.
Fór með Ignacio og Jonathan að klifra Hvarfsgilsfoss í dag. Hann var heldur þunnur þannig að við fórum í Villingadal í staðinn. En við fórum ekki inn dalinn heldur klifruðum fossinn í Hestadalsánni sem var vel frosinn. Þetta var draumur sem loksins rættist. Mun skrá leiðina hér fljótlega. Frábær dagur.
Ég, Baldur, Palli og Jón Haukur fórum Grafarfoss 9. janúar, þar er allt í glimrandi fínum aðstæðum.
Fórum svo Skoruna í Paradísarheimt 11. janúar (Jón Haukur, Stefán Karl og Einar fóru orginalinn), þetta var gerlegt en mæli ekki með, allavega ekki á sólríkum degi eins og var hjá okkur. Vikuna fyrir klifrið þá var hiti við Markarfljót búin að vera á bilinu -6 til 1 gráða með veghita -10 til -2 gráður og hiti við Steina var búin að vera á bilinu -1 – 6 gráður og veghiti -5 til 0 gráður. Myndi telja að það þurfi heldur meira frost eða að minnsta kosti skýjað til að þetta komi almennilega í aðstæður.Fór í leiðangur um Vesturland dagana 6. til 12. janúar með Jonathan Lander og Ignacio Livianos. Það var klifrað alla daga og aðstæður mjög góðar. Vissulega hafði frosið snögglega og enginn snjór þannig að leiðir sem myndast þar sem berg er blautt, flæði er lítið eða snjóbráð voru alls ekki inni. En leiðir þar sem kröftug fallvötn flæða voru þvílíkt inni. Við fórum því töluvert af fyrstu ferðum. Ég mun skrá það allt saman inn á næstu dögum.
6. janúar: Ætluðum í Hvarfsgilsfoss en hann var þunnur og efri spannir litu ekki vel út. Við höfðum hugsað okkur skemmtilegt klifur upp á topp og þetta var ekki þannig, við héldum því áfram í Villingadal. Fossarnir þar litu ekkert sérlega vel út (ennþá að bunkast upp) og ég stakk því upp á við skoðuðum fossinn fallega, Kerlingarfoss, neðar í Hestadalsánni, sem ég hef aldrei séð frosinn. Hann var í frábærum aðstæðum og skemmtum við okkur vel (22 m, WI3). Fossinn er við veginn en sést ekki frá vegi. Vonandi verður hann vinsæll staður fyrir fólk sem kýs crag-stemmningu og roadside approach.
7. janúar: Klifruðum nýja leið í Svínadal, sem við skírðum Svínarí (65 m, WI3). Fórum svo helminginn af Drífanda í Svínadal, en efri spönnin var of blaut, og hluti hennar hrundi, þannig að við ákváðum að koma aftur eftir nokkra daga og þá um morgun þegar það væri kaldara.
8. janúar: Klifruðum nýja fallega leið í gili á Skarðsströnd, sem við skírðum Jólabónus (40 m, WI4). Fórum svo í skoðunarferð á Jeppanum með drónana. Fundum stóran flottan foss innst í fallegu gili og fundum svo út úr því eftir ýmsar tilraunir hvernig við gætum komist að gilinu. Ákváðum að fara í hann um helgina, þar sem það hafði hitnað eilítið og best að leyfa þessu ferlíki að kæla sig.
9. janúar: Klifruðum Single Malt on the Rocks (WI4+) í bestu aðstæðum sem ég hef séð í Völsungagili. Allar spannir voru inni, og allt vel frosið. Smá bleyta í nokkrum höftum en allt vel klifranlegt og tryggjanlegt. Einfórum fjórar fyrstu spannirnar en klifruðum svo hinar fjórar á tryggingum. Algjörlega stórkostlegur dagur. Veðrið lék við okkur og óskiljanlegt að fleiri klifrara hafi ekki látið sjá sig.
10. janúar: Fórum núna í fossinn stóra á Skarðsströnd. Hann reyndist í raun fallegri og tilkomumeiri en drónamyndirnar höfðu sýnt. Þetta var ógleymanlegur dagur. Einfórum minni höft eftir því sem við þræddum okkur inn mikilfenglegt gilið, innarlega í Búðardal (já, hinn eiginlegi Búðardalur er á Skarðsströnd). Í lok leiðarinnar er fyrst 30m WI3 haft (síðustu hreyfingar eru kannski nær WI4, en við getum sett WI3+ á þetta). Síðan er beygt fyrir horn og þá blasir við aðalspönninn, fossinn breiði sem er yfir 50 metrar og má klifra sem WI3+. Þessi leið fékk nafnið Fáfnir. Enda var þetta eins og að finna dreka á gulli, í botni gilsins.
11. janúar: Fórum snemma af stað úr bækistöðvum okkar í Búðardal (kaupstaðnum, ekki hinum eiginlega dal sem við höfðum klifrað i daginn áður) til að nýta okkur frostið, sem var þá -8c. Nú var verkefnið að klifra Drífanda alla leið upp á topp. Aðkoman að fyrsta haftinu er undir 10 mínútum. Það er frábært flennistórt bílastæði við fossinn, enda vinsælt að skoða hann. Við komum að fyrsta haftinu þegar það var ennþá myrkur. Það var farið í miklu snarhasti og næsta haft líka, enda hafði ég klifrað þetta nokkrum dögum áður. Þetta er þægileg WI3 og ef maður er ekki að tryggja mikið þá kostar þetta ekki nema 50 eða 55m af línu. Þá var komið að aðalhaftinu og klifruðum við það bæði sem WI3 og sem WI4. Við komumst að því að 60m lína passaði ákkúrat. Þessi leið fékk nafnið “Perlur fyrir svín” (WI3) enda í Svínadal. Sennilega ólíklegasta WI3 sem ég hef nokkurn tímann barið augum. Við vorum einmitt alltaf að vona að það væri hægt að klifra hana sem WI3. Ég held því fram að hver sá WI3 klifrari sem fer þessa leið mun taka miklu ástfostri við ísklifur, ef viðkomandi hefur ekki gert það nú þegar.
12. janúar: Nú var mál að klifra Pilsner (WI4+). Leiðin hafði kallað á okkur allan daginn sem við vorum að klifra Single Malt. Þetta er svakalega flott leið en janframt lítið skjöluð á vefnum hérna. Ég mun bæta úr því.
Eftir að hafa teygað Pilsnerinn þá keyrðum við aftur í bæinn. Þetta voru sjö daga af sælu. Frábært ísklifur í því besta vetrarveðri sem ég hef nokkurn tímann upplifað á þessu skeri okkar.
16. janúar fór ég, Palli og Stefán Karl inn Glymsgil og klfruðum Hlyn/Þrym, byrjuðum fyrstu spönnina í Hlyn og hliðruðum svo yfir í Þrym. Við áttum alls ekki von á því að það væri fært inn gilið þannig að það kom skemmtilega á óvart, ætli það hafi ekki verið frost á þessum slóðum í ca. 2 vikur fyrir þennan dag. Aðstæður voru svolítið spes, mikill ís í Hlyn og Þrym en Glymur sjálfur ekki klifranlegur. Eins voru Hvalur 1-3 þunnir. En þetta er væntanlega allt dottið úr aðstæðum núna.
Myndir: https://www.facebook.com/media/set/?vanity=ottoingith&set=a.10163363117557264Recent climbs
21 january went to Laugarvatn and climb Prentari but we bailed on Ástralia because was too wet
23 january went to Leikfangaland and climbed a new mixed route “Bóndadagur” M6+ on the left of “Fear is 90” on gear. 2 bolts anchor on the top (same of Fear)
2 February went to Sigöldagljufur but was too warm and not much ice left. Detour to Háifoss: some ice but not in great condition. Þráin in not connected on the top pitch
4 february went to Leikfangaland and climbed a new mixed route on the left of Bondadagur, “Don’t be afraid to be brave” M6+ on gear, 2 bolts on top (same of Fear)
- You must be logged in to reply to this topic.