Keyrt áleiðis inn í þórsmörk að fyrstu ánni/læknum (Sauðá) sem þarf að keyra yfir.
Þar er hægt að keyra slóða upp með ánni smá spöl austan megin við hana. Gengið er greinilegan göngustíg í ca.
10 mín yfir hrygg og svo áfram inn gilið ca. 20 mín.
Við blasir ísfoss beint að augum inn í gilinu. Þar er lænan lengst til vinstri kölluð Manía.
Ef farið er örlítið lengra upp kviltina til hægri (þegar horft er á fossinn) þá eru þar nokkrir möguleikar.
Við fórum næstu íslínu til hægri við Maníu og færðum okkur svolítið lengra til hægri eftir fyrstu spönnina.
Völdum okkur, það sem við héldum, auðveldustu leiðina sem var síðan mjög tæp í toppinn.

1. spönn: ca. 20m WI3+/WI4 foss sem fer á góðan stall fyrir tryggingu.

2. spönn: ca. 60m WI4 með mikið af sveppum og ,,kálhausum“ og aðeins klunnalegt klifur. Þegar komið er yfir brúnina efst
tók við brött snjóbrekka með lítið af ís og þurfum við að nota hugmyndflugið við gerð akkeris.
Notast var við t-slot í snjópakka og ísexi í frosinn mosa.

Leiðina kölluðum við Á tæpasta vaði.
Mig grunar að í góðum ísaðstæðum sé þetta hins vegar mjög góður ís og ætti ekki að vera neitt vandamál 🙂

FF: Bjarni Guðmundsson og Sigurður Bjarni Sveinsson, 28. janúar 2019

Rauðar leiðir á mynd

Rétt austan við Hamragarða (Gljúfrabúa) eða Seljalandsfoss er brattur klettaveggur.
Þar myndast stundum ís í lítill skál. Hægt er að labba uppfyrir og gera topprope.
Settir voru þrír járnstaurar í jörðu fyrir ofan leiðina sem hægt er að tryggja akkerið í.
Hentar bara fyrir leiðir merkar rauðum lit.

20m leiðir WI3-4

FF. Ólafur Þór Kristinsson og Bjarni Guðmundsson, febrúar 2018

Rétt áður en komið er að Sauðá eru nokkrar kviltar í fjallshlíð sem vísar í norður.
Þar eru leiðir sem heita Jólakötturinn og Giljagaur. Ágætis klifur með mörgum stöllum milli stuttra en skemmtilegra ísfossa.
Neðst í Þorskastríðinu er stórt fríhangandi kerti sem við höfum klifrað í toprope.
Gaman væri að reyna að tengja það með mix klifri einn daginn. En lítið um tryggingar uppað kertinu.

Farið er upp fyrstu spönn á Jólakettinum. Og þaðan þverað til vinstri inná leiðina.
Leiðin eru margir stuttir en brattir kaflar og á einum stað er stór steinn sem þarf að klöngrast yfir.
Mjög skemmtileg leið í góðum ísaðstæðum en stundum fyllast stallar af snjó eftir mikla snjókomu.

WI3 ca. 100m í heildina. Hægt er að labba niður af leiðinni. Hlíðin er brött.

Leiðin fékk nafnið Þorskastríðið þar sem hópinn skipuðu tvö frá Stóra-Bretlandi og tveir frá Íslandi.

FF: Bjarni Guðmundsson, Sigurður Bjarni Sveinsson, Ginny Amanda, Chris Haworth, 25. janúar 2018

Rétt áður en komið er að Sauðá eru nokkrar kviltar í fjallshlíð sem vísar í norður.
Þar eru leiðir sem heita Jólakötturinn og Giljagaur. Ágætis klifur með mörgum stöllum milli stuttra en skemmtilegra fossa.

Garnaflækja er í næstu kvilt við Þorskastríðið í austur. (eða vinstra megin þegar horft er á fjallshlíðina) Leiðin var klifruð í aðstæðum þegar var mikill snjór. Þetta er svipað klifur og Þorskastríðið en þó með lengri stalla milli sumra ísfossanna. Á einum stað er stutt brött súla sem mætti kalla krúx leiðarinnar. Annars mjög þæginleg og skemmtileg leið með frábæru útsýni yfir Markárfljótsaurana.

Nafnið kom út frá misheppnaðri tilraun til að síga niður leiðina og vegna langra stalla flæktist línan all svakalega. Frumfarar mæla með að labba niður af leiðinni.

WI3 ca. 100m í heildina.

FF: Bjarni Guðmundsson, Þórir Guðjónsson og Helgi Þorsteinsson, 29. janúar 2018

Leið í Stigárdal, hægra og austan megin við ána og andspænis Testofunni. Testofunni bregða fyrir í vídeóinu á 1:23

50-60m, WI 5

FF: Einar Rúnar Sigurðsson, Ólafur Þór Kristinsson og Rory Harrison, 14. febrúar 2019

Leið sem er beint fyrir ofan leiðina „To Be Continued… “ staðsett í Hlaupárgili í Stigárdal

Mjög brattur pillar, ca 35m af klifri þar af 25 alveg lóðréttir

FF: Ólafur Þór Kristinsson og Einar Rúnar Sigurðsson, 18. febrúar 2019

Undir Eyjafjöllunum er klettaspíra í gili, 500-1000 m vestan megin við lngimund. Leiðin, sem
hlaut nafnið Sumarsnjór, er tvær spannir og liggur framan á andlitinu, sú fyrri er 5.9 og sú seinni A2. Stefán Steinar Smárason og Leifur Örn Svavarsson fóru fyrst á spíruna í kringum 1990 eða jafnvel fyrr. Spýran gegnur undir nafninu Völsi.

Möguleikar eru á fleiri nýjum leiðum þarna í mjög flottu umhverfi.

FF: Guðmundur Tómasson og Guðmundur Helgi Christensen, sumarið 2001.

Stök leið í vestanverðri Mýrarhyrnu.

Um það bil eins lóðrétt og hægt er, svo eru stuttar gardínur uppi sem ná ekki niður.

FF: Guðmundur Helgi Christensen og Jón Haukur Steingrímsson, ca 2001

Áberandi foss í hlíðum Miðfellstinds, austan við gilið sem gengið er upp til að komast á Þumal.

Aðkoman er frá Skaftafelli um Morsárdal og inn í Kjós. Þaðan þarf að byrja á að hækka sig upp Vestur Meingil norðan megin í Kjósinni og finna hentuga leið upp gilið. Aðkoman tekur ca 4,5 tíma hvora leið. Leiðin snýr í há vestur og efstu spannirnar byrja að fá á sig sól í byrjun febrúar.

Best er að hækka sig vestanmegin við gilið, sem skiptist í þrennt þegar komið er ofar. Hægt er að komast yfir fyrstu tvö gilin rétt ofan við staðinn þar sem þau skiptast up með því að ferðast eftir mosa og snjóbrekkum. Athugið að þessi skipting er áður en að komið er upp í Hnútudalinn (stóru skálina undir Miðfellstindi). Þaðan er hægt að hliðra inn í þriðja gilið og upphafið af leiðinni.

Frá toppnum á leiðinni er gengið í suður, sem kemur þér aftur austan megin við Vestra Meingil og niðurgangan er nokkuð einföld en það gæti verið sniðugt að taka myndir af fjallinu í aðkomunni til að átta sig betur á öllum klettabeltum og gilskorningum.

Enjoy the cold beers you left chilling in the stream and don’t think too much about that second bridge on the walk out of the valley.

Nafnið á leiðinni kemur frá leiðinni Christmas Tree í Kína en þessi leið mynnir óneitanlega á hana.

180m, WI 5

FF: Bjartur Týr Ólafsson og Rory Harrison, 19. febrúar 2019

Leið númer 3.

WI 5+/6-, 55m.

15m lóðrétt með 50cm yfirhangi til að komast í blómkálshausa.

40m WI 4/4+, talsvert þægilegri en fyrri spönnin

FF: Franco Laudanna og Matteo Meucci 15. febrúar 2019

Leið númer 2.

Leið sem er við Baugsmúla, rétt vestan við Baugsvatn og rétt fyrir utan Ólafsvík.

WI 3, 30m

FF: Ágúsr Þór Gunnlaugsson, Bergur Einarsson, Daniel Ben-Yehoshua og Sydney Gunnarsson, 16. febrúar 2019

Leið númer 1.

Leið sem rennur úr Baugsgili (fossin heitir þá hugsanlega Baugsfoss) í Baugsmúla, rétt vestan við Baugsvatn og rétt fyrir utan Ólafsvík.

WI 3+/4, tvær spannir.

Fyrri spönn er tvö höft, ágætlega brött en ekki svo löng 30m ca. Þegar komið er upp úr seinna haftinu kemur maður í stóra skál og þarf að ganga ca 20 m inn að næstu spönn.

Seinni spönnin er ca 15-20m WI 3, hins vegar var toppurinn eitthvað þunnur og með skrýtinni skel svo að það þurfti að beita alskonar kúnstum og kletta hreyfingum til að komast upp úr spönninni.

Hægt var að ganga niður í stóru skálina og svo síga eitt sig þaðan.

FF: Brynjar Tómasson og Jónas G. Sigurðsson, 16. febrúar 2019

Leið í sömu skál og Víkurfoss, beint fyrir ofan Látravík við Búlandshöfða.

Landeigandi á svæðinu er ekki hrifin af klifrurum eða fólki sem hefur hug á að fara í fjallið.

WI 3+, 30m

FF: Bergur Einarsson, Daniel Ben-Yehoshua og Sydney Gunnarsson, 16. febrúar 2019

Kerti sem er beint upp af leiðinni Guide to Heaven í Stigárdal, áður en komið er inn að Testofunni og Hlaupárgili.

Fyrst er klifrað upp ís pillar þar til komið upp undir klettaþak. Frá klettaþakinu er hliðrað á þunnu tjaldi út á aðal kertið.

Rory tók fall í frumferðinni frá hliðruninni en klifraði aftur upp og kláraði hvíldarlaust upp á topp.

FF: Rory Harrison og Einar Rúnar Sigurðsson 5. febrúar 2019

Leið í hlíðunum ofan við Fagurhólsmýri, rétt vestar en Irpugilið (og leiðin Irpugilskertið)

Tvær stuttar spannir, fyrsta WI 3 og seinni WI 4. Leiðin var mjög þunn og vatnsmikil þegar hún var fyrst klifruð.

FF: Einar Rúnar Sigurðsson og Matthías Einarsson, 3. febrúar 2019