Mígandi WI 4

70m. Tilkomumikill og fallegur foss bæði að sumri sem vetri og án nokkurs vafa eitt mesta ísklifurafrek þess tíma þegar hann var frumfarinn veturinn 1983 af ungum og vöskum Dalvíkingum með nánast enga klifurreynslu að baki. Ef Mígandi er frosinn má ætla að flestar leiðir í Múlanum séu í aðstæðum, því hann er þeirra vatnsmestur. Gott er að skipta honum í tvær spannir og gæta ber að því að síðustu 15m eru jafnan upp brattann og þunnnan íshólk með miklu rennsli innaní.

FF. 1983: Gunnlaugur Sigurðsson, Vilhelm Hallgrímsson

Leið merkt sem B1.

Klifursvæði Ólafsfjarðarmúli
Svæði Plankinn
Tegund Ice Climbing

Hart í bak WI 4

60m. Upp breiðan slabbandi foss um 20m þar til hann þrengist í skoru og verður brattari nokkra metra. Þaðan tekur við léttara klifur um 15m (fínt að gera stans undir íshafti þar) og eru þaðan svo 20-30m af ekki svo erfiðu en þó vandasömu ís- og drulluklifri upp á brún.

ff Des 2008: Sigurður T, Jökull B

Leið merkt sem A3

 

Klifursvæði Ólafsfjarðarmúli
Svæði Flæðarmálið
Tegund Ice Climbing

Sægreifinn WI 4+

Leið merkt sem A1

Beint upp slétta vegginn vinstra megin við Lambaskersfoss (A2) upp á stóra snjósyllu – nokkur afbrigði möguleg. Um 10m haft er enn ófarið ofan við slabbsylluna og býður upp á nokkrar útfærslur af ýmsum erfiðleikastigum. Þannig endar leiðin uppi á brún.

ff. Des ’09: Sigurður T, Jökull B, Freyr I, Gregory F

Klifursvæði Ólafsfjarðarmúli
Svæði Flæðarmálið
Tegund Ice Climbing

Ólafsfjarðarmúli

Allar upplýsingar eru fengnar út leiðavísinum „Ólafsfjarðarmúli“ eftir Sigurð Tómas Þórisson og Jökul Bergmann.

Almennt:

Milli Dalvíkur og Ólafsfjarðar liggur hinn frægi Ólafsfjarðarmúli. Alræmdur forðum fyrir hinn ófrýnilega og varasama veg fyrir Múlann en eftir að jarðgöngin gegnum voru opnuð árið 1991 hefur orðspor hans heldur batnað. Afar víðsýnt er til flestra átta og m.a. er vinsælt meðal norðanmanna að gjóa á miðnætursólina af gamla veginum á sólstöðum en einnig er fríð sín til austurs á Látraströndina. Fyrstu heimildir um ísklifur í Múlanum eru frá byrjun árs 1983 þegar Gunnlaugur Sigurðsson og Vilhelm Hallgrímsson klifur fossinn Míganda og Lambaskersfoss. Mígandi hefur líklega verið með mestu afrekum síns tíma í ísklifurbransanum og því óhætt að segja að þeir félagar hafi verið miklir brautryðjendur. Fóru þeir einnig tvær klettaklifurleiðir á svæðinu að sumri og eru nokkrir glæsilegir veggir í Múlanum sem prýða mætti með klettaklifurleiðum til að bæta flóruna af slíku í Eyjafirðinum. Í þessum leiðarvísi eru tíundaðar 12 ísleiðir en efni er eflaust í ca. 20-30 leiðir í viðbót af öllum erfiðleikastigum.

Svæðið er margskipt og gerir sjógangur og brattar skriður aðkomu að stórum hluta svæðisins erfiða eða ómögulega. Hefur því enn sem komið er aðeins verið brölt á tveimur megin svæðum, þar sem aðkoma er sæmilega greið. Eina leiðin sem sést vel frá veginum þegar ekið er frá Dalvík er Mígandi sem fellur vatnsmikill fram af 70m háu klettanefi sem aðskilur Flæðarmálið og Vogana en það eru þau svæði sem mest hefur verið prílað í. Er leitun að hrikalegra og tilkomumeira ísklifursvæði. Langar leiðir af öllum kalíber með urrandi brimið í baksýnisspeglinum geta ekki annað en heillað alla sem hingað koma. Tilvalið er að slá saman ferð í Múlann og Kaldakinn og/eða skíðaferð í Eyjafjörðinn enda glæsileg skíðasvæði á Tröllaskaganum og yfirleitt nóg af snjó allan veturinn, svo ekki sé minnst á alla möguleikana til fjallaskíðaiðkunar og alpaklifurs. Opnun Héðinsfjarðarganga hefur verið bylting fyrir ísklifrara og fjallaskíðafólk, því nú er aðeins um 20 mín akstur milli Dalvíkur og Siglufjarðar svo dæmi sé tekið.

Um ísklifrið:

Á svæðinu eru nú 12 skráðar ísleiðir en enn eru margar línur ófarnar á svæðinu af flestum erfiðleikastigum. Hugsanlega eru einhverjar leiðir sem farnar voru fyrir margt löngu eignaðar öðrum í seinni tíð en það er lítið við því að gera enda lítið til af heimildum um klifur á svæðinu. Lengd leiða á svæðinu er frá 10-20m nýgræðingsleiðum allt upp í ófarnar massívar 100m+ mixleiðir og að sjálfssögðu öll flóran þar á milli. Erfiðleikar skráðra leiða enn sem komið er er allt frá WI3 upp í WI6+ R. Léttari leiðirnar eru flestar í Flæðarmálinu og í Svartskeggi (svæði A og D) og þær erfiðari í Sjóræningjavogi og Plankanum (svæði C og B). Mælt er sérstaklega með leiðunum Míganda (WI4+ klassík), Gale Force (WI5) og Surfs Up (WI5+). Svæðið Ytri-Vík um 4km sunnan við Flæðarmálið býður upp á nokkurn fjölda ófarinna 20-30m leiða beint ofan við fjöruna. Aðkoma er sunnan við víkina og er hún sæmilega greiðfær en betra er að fara inn á fjöru. Best er að sjá svæðið á leiðinni til baka til Dalvíkur til að átta sig á hvar best er að stoppa.

 

Gisting:

Annar höfunda og fjölskylda rekur ferðaþjónustu á bænum Klægshóli í Skíðadal og getur hann hýst 12 manns. Fyrirtækið heldur úti heimasíðu á slóðinni www.bergmenn.com. Um 30 mín akstur er frá Klængshóli út í Múlann auk þess sem fjölda ísklifurleiða er að finna í fjallinu Stólnum í Skíðadal og Búrfellshyrna í Svarfaðardal með sitt alpatvist er í skotfjarlægð sem og hin margrómaða leið Kerlingareldur (enn ófarin um vetur…) Gistingu er einnig að fá á nokkrum gististöðum á Dalvík. Upplýsingar er hægt að nálgast á www.dalvik.is Einnig er hægt að gista á fjölda gististaða á Akureyri, upplýsingar á www.akureyri.is

 

Arnarfjörður

Vestfjörðunum er skipt niður í: Barðaströnd, ArnarfjörðurDýrafjörður, Ísafjarðardjúp og  Hornstrandir

Gerður hefur verið mjög aðgengilegur af svæðinu og eru allar upplýsingar fengnar þaðan. Leiðarvísirinn var prentaður í ársriti ÍSALP 2015.

© Sigurður Tómas Þórisson

Arnarfjörður er orðinn eitt af stærstu ísklifursvæðum landsins. Þar hafa verið haldin tvö ísklifurfestivöl, 2009 og 2015 og auk þess bætti hópur galvarskra bandaríska klifrara við leiðum í Arnarfirðinum árið 2014.

Hentugast er að gista á Bíldudal því þaðan er örstutt á helstu klifursvæðin.

Stiklur (Steppin´Stones – www.stiklur.is) er gistihús sem er opið árið um kring með fjölda gistirýma. Hægt er að fá þar morgunmat og stærri máltíðir auk þess sem þau aðstoða við að græja allt milli himins og jarðar.

Þar er einnig farfuglaheimili á Bíldudal með 38 gistirýmum. Það er hins vegar lokað yfir vetrartímann en fyrir stærri hópa gæti verið möguleiki að opna það sérstaklega – www.hostel.is/Hostels/Bildudalur/

Einnig er fjöldi gistimöguleika á Tálknafirði (15km akstur) og á Patreksfirði (30km akstur).

Ísklifurleiðirnar í Arnarfirði eru af öllum stærðum og gerðum, frá WI2 upp í WI6 og frá 20m upp í 400m. Fjallstopparnir eru í 500-600m hæð þannig að möguleiki er á enn lengri leiðum.

Bróðurpartur skráðra leiða var farinn á Ísklifurfestivali Ísalp árið 2009 og 2015 en þess á milli er aðeins vitað um einn hóp erlendra klifrara á svæðinu (Kitty Calhoun/Jay Smith og co 2014).

Flestar augljósu línurnar á svæðum B (Svarthamrar), C (Hvestudalur) og D (Innrihvilft) hafa þegar verið klifnar. Svæði A (Bíldudalsfjall) og E-G (Ytrihvilft til Selárdals) eru tiltölulega lítið snert, þó stakar leiðir hafi þegar verið farnar.

Það er því enn möguleikar fyrir töluverðan fjölda nýrra leiða af öllum stærðum og gerðum í Arnarfirði og nágrenni (t.d. í botni Patreksfjarðar).

NB Ketildalavegur er skilgreindur sem lágforgangsvegur hjá Vegagerðinni og er bara mokaður stöku sinnum. Síðasta byggða ból er um hálfa leið út í Selárdal (í Hringsdal?) og er ekki mokað lengra en þangað.

NB Vestfirðir eru alræmt snjóflóðasvæði. Í vissum vindáttum getur orðið mikil snjósöfnun ofan og neðan ísklifurleiðanna. Hafið því varann á varðandi snjóflóðahættu en einnig varðandi grjót- og íshrun.