Útikapellan WI 3

Leiðir

Leið í gilinu sem er á milli Búahamra og Vesturbrúna, er í Búahamra hliðinni.

Hægri leiðin á myndinni. Í frumferð var svo farið til hægri í toppinn.

Gilið er oft fullt af snjó og er þekkt skíðaleið þar niður.

WI 3, 60m, best að síga niður

FF: Rory Harrison og Rögnvaldur Finnbogason, 5. febrúar 2021

Klifursvæði Esja
Svæði Búahamrar - Gljúfurdalur
Tegund Ice Climbing

Vör WI 3+

Leiðir

Leið C7

Leið í sömu hvelfingu og C6 – Kvistlingur. Leiðin liggur upp miðjan vegginn.

Í byrjun er lítill stallur sem þarf að taka 2-3 hreyfingar upp á. Frá stallinum er smá bratt í byrjun en fljótlega slaknar á brattanum.

FF: Óþekkt

Klifursvæði Brynjudalur
Svæði Ingunnarstaðir
Tegund Ice Climbing

Kófið WI 5

Leiðir

Leiðin byrjar í aflíðandi ís/snjóbrekku vinstra megin við hvelfinguna.  Gott er fyrir þann sem tryggir að halda sig sem lengst til vinstri þar sem mikill ís getur losnað úr leiðinni því í henni myndast mikið af kertum. Annar möguleiki væri að halda sig inni í hvelfingunni ef fossinn er alveg frosinn – annars er þar samfelldur úði af ísköldu vatni.

 

Fyrsta spönn er um 50 m og í seinni hluta hennar er ísinn orðinn nálægt lóðréttu og lítið um hvíldarstöður. Seinni spönn er um 40 m og getur verið yfirhangandi á köflum. Í frumferð þurfti að klifra yfir og framhjá mögnuðum grýlukertamyndunum – eins og regnhlífar með göddum á. Það voru mörg lög af þessum regnhlífum og þess vegna sást ekki í efri brún leiðarinnar fyrr en komið var langleiðina þangað.

Sígið niður úr v-þræðingu frá toppi á tveimur 60 m línum. Í frumferð reyndust grýlukertin undarleg sterk og fá þeirra brotnuðu – vonandi gildir það áfram.

Tvær spannir, 50m + 40m.

FF: Ágúst Kristján og Halldór Fannar, 29. des 2020

Klifursvæði Haukadalur
Svæði Bæjargil
Tegund Ice Climbing

Sámur WI 3

Leiðir

Leið númer 2

Austur hlið Rauðsgils tæplega 1 km ofan við bæinn Rauðsgil, í hvilft neðan við Laxfoss.

~40m 3. gráða.

Leiðin er nefnd í höfuðið á hundi af bænum Rauðsgili sem fylgdi okkur uppeftir þegar leiðin var fyrst klifruð. Við áttum von á að hann myndi snúa til baka að bænum þegar við sigum í gilið en hann beið samviskusamlega á brúninni eftir að við værum komnir upp aftur.

FF. Bergur Einarsson, Matteo Meucci, Guðmundur Ísak Markússon og Andri Rafn Helgason 07.12.2013

Klifursvæði Borgarfjörður
Svæði Rauðsgil
Tegund Ice Climbing