Penelópa

Leiðir

Leiðin liggur þétt upp við hinn gamla Ódysseif sem var boltuð í leiðslu með handbor.
Fyrstu 6 spannirnar voru boltaðar um aldamót og fengu þá nafnið Saurgat satans. Þegar
sú leið var boltuð var klifrað upp 7 spannir Ódysseifs með bensínborvél og bolta og
leiðin boltuð á einum degi.

2026 var boltum bætt í fyrstu spannirnar og spannir 7-13 boltaðar, með þeirri viðbót er
leiðin fullmótuð og hefur fengið nafnið Penelópa. Leiðin er löng og alvarleg, veður
getur oft verið snúið og í efri spönnum gjarnan þoka. Mikilvægt er að líða vel í 5.10
klifri þar sem klifra þarf nokkuð yfir næsta bolta. Mikið er af góðu klifri í góðu bergi en
í leiðinni eru líka kaflar af lausu bergi og brölti upp grasrennur í spönnum 7-9.
Mikilvægt er að vera í góðu sambandi við Ómar landeiganda og ef teymi hyggjast
keyra yfir sandinn að gera það í samráði við hann.

Útbúnaður:

Tvær 60m línur
12-15 tvistar (eftir því hvernig teymi tengir spannir) og slingar til að lengja í.
1 vinur fyrir fingrasprungu.

Leiðarlýsing

0 – Aðkomuspönn. 2 boltar
Gengið er upp eftir klettabeltinu vestan við nesta hluta fjallsins. Fljótlega birtist
grasbrekka/sylla á hægri hönd. Best er að græja sig þarna og brölta svo upp
brekkuna. 2 boltar eru í brekkunni sem er þó ekki mjög brött.

Spönn 1 – Dyravörðurinn. 35m, 5.9, 9 boltar
Klifrað upp undir lítið þak, yfir það og nokkurn veginn beint upp þar til komið er á
góða syllu. Þegar þangað er komið er horft beint upp í Ódysseif, þar sést í ryðgaðan
bolta. Ekki klifra hér upp heldur hliðra til hægri. Fixuð lína er yfir í rétt akkeri. Hægt er
að klifra alla leið þangað og tryggja þaðan ef lengt er vel í tvist úr fyrra akkeri.

Spönn 2 – Sportspönnin. 5.10a, 28m, 10 boltar
Klifrað upp vegg undir áberandi þaki og upp hægramegin við þakið. Þar tekur líklega
á móti þér múkki sem hefur það huggulegt þegar þú klárar síðasta krúxið.

Spönn 3 – Útsýnishornið. 5.9, 22m, 7 boltar.
Klifrað upp vegginn beint úr stansi, erfiðast neðst og njótið útsýnisins. Eftir það er
klifrið létt upp stalla.

Gráu slöbin spannir 4-6.
Hér er hægt að tengja spannir, fjórða spönn er stutt og
þægilegt að tengja t.d. 4-5. Allar spannir frábært jafnvægisklifur og ekki eitt einasta
góða tak í öllum spönnunum.

Spönn 4 – 5.10b, 19m, 6 boltar
Góður stans

Spönn 5 – 5.10b, 15m, 4 boltar
Hangandi stans

Spönn 6 – 5.9, 30m, 11 boltar
Frábær sylla

Spönn 7 – Göngutúrinn – 5.1, 53m, 7 boltar
Skellið ykkur í gönguskó. Passið að klifra ekki beint upp eftir spönn 6, þar eru boltar
frá spönn sem boltuð var í leiðslu en liggur út í tómið. Búið er að taka neðsta augað
úr þeirri spönn.

Hér er hliðrað beint til vesturs eftir lítilli syllu þar til komið er í grasbrekku sem gengið
er upp. Akkeri er fljótlega eftir að komið er í brekkuna en það er einungis hugsað til
að auðvelda sig úr leiðinni, haldið áfram eftir fyrsta akkerið.

Spönn 8 – Borvélatangó- 5.9, 54m 7 boltar
Spönn sem var að megninu til boltuð í leiðslu. Hliðrað er til vinstri eftir akkerið eftir
léttum slöbum. Gott að lengja í fyrsta bolta. Komið er upp að grasskoru og haldið upp
að áberandi vegg í horni. Skemmtilegt jafnvægisklifur síðustu 15m.

Spönn 9 – Söguslóðinn – 5.8 , 25m 7 nýjir boltar en hægt að klippa líka í 2 bolta úr
gamla Ódysseif
Leiðin liggur beint upp úr stans, fyrst brölt, svo upp áberandi klöpp ská til hægri í
hvarf frá tryggjara. Þar sést í gamlan bolta úr Ódysseif sem hægt er að klippa í ef
sjálfstraustið er lítið en hann myndar drag á línu. Laust berg gengur í gegnum allt
fjallið á þessum kafla og búið er að koma fyrir línubút yfir um 2m kafla, klifrið er þó
ekki erfitt yfir þann hluta. Gengið að lokum eftir syllu síðustu 5 m til hægri í akkeri.
Hér er gott að hugsa til frumfara Ódysseifs sem klifruðu þetta með handbor og
boltuðu í leiðslu.

Spönn 10 – Dodda slab – 5.8, 50m, 11 boltar.
Gæðaklifur upp endalausa veggi.

Spönn 11 – Grjótglíman – 5.10d eða 5.10a A0, 30m , 10 boltar
Upp létt slöb þar til komið er í bratt klifur. Óheppilega langt er á milli bolta þar og
dottið á syllu ef klúðrað. Þar er þó lítil fingrasprunga sem hægt er að tryggja með
náttúrulegum tryggingum. Þegar leiðin var frumfarin voru klifrarar ekki með
dótatryggingar og toguðu sig yfir þær hreyfingar A0 frá bolta í þann næsta til að
forðast fall á syllu. Það var gert af klifrara sem er 187cm og steig hátt í sling og
líklega erfitt fyrir styttri klifrara. Ef aidað er með sprungunni væri gráðan C1. Nú er
föst hneta í sprungunni en ráðlegt að hafa einn lítinn vin með í för til að tryggja eða
auðvelda aidið
Passa þarf að fylgja boltalínu í lok spannar sem leiðir mann í bratt klifur og krefjandi
lokahreyfingar því vinstramegin eru lausir stórir steinar.

Spönn 12 – Sólarsyllan – 5.10 A0 15m, 7 boltar

Hlykkjast upp haft, tekur langa hliðrun til vinstri, þar eru erfiðar hreyfingar upp bratt
yfirhang. Við frumför var togað í bolta þarna sem stutt er á milli í erfiðasta hluta. Með
þeim stíl er leiðin 5.10 A0. Haftið er þó alls ekki ókleift og bíður þess að fyrsta teymi
fríklifri. Munið að lengja í tvistum þar sem þar á við annars er mikið drag.

Spönn 13 – Útgangsspönn 5.3, 20m 3 boltar
Létt klifur og ánægjulegt. Beint upp úr stansi upp á hrygginn. Þegar þangað er komið
þá þarf að hækka sig örlítið og halda um 10m inn á fjallið til norðurs. Akkerið sést því
ekki við fyrstu sýn. Örvæntið ekki, það er þarna. 3 boltar, tveir nýjir með sighringjum
og einn gamall bolti frá Ódysseifstímum til að minna okkur öll á jaxlana sem komu
fyrst.

 

Niðurleið

  1. Síga niður af hryggnum og niður í mosaslöbin undir fjallinu. Ganga þaðan um 10m
    upp eftir klettaveggnum að hryggnum. Þar er einn bolti sem hægt er að klippa í .
  2. Haldið eftir hryggnum en haldið ykkur um 10m undir brúninni. Gengið er í um 40-50m
    og þar er bolti með 2m hvítri línu í til að reyna gera greinilegri.
  3. Haldið sömu stefnu til norðurs yfir smá hrygg/haft þaðan er bratt niður. Komið er
    ofarlega í skoru og efst í henni er bolti á lágum vegg sem vísar til suðurs og er í
    ökklahæð. Erfitt gæti verið að draga þetta sig. Við frumför þá kom síðasti maður
    gangandi í línu þennan kafla en þá er ekki mælt með því að detta.
  4. Bolti neðst í skáskorunni á hægri veggnum (norður) um 50 m sig
  5. Sigið úr skáskorunni. Og gengið eftir klettavegg. Horfið niður í brekkuna neðan við
    klettavegginn. Þar er sléttur steinn með einum bolta og gulum sling. 50m
  6. Bolti vinstamegin við skoru. 55m
  7. Fyrsta akkeri í leiðinni Eris. Sigið þaðan niður í brekku.
Klifursvæði Vestrahorn
Svæði Kambhorn
Tegund Alpine
Merkingar

10 related routes

Penelópa

Leiðin liggur þétt upp við hinn gamla Ódysseif sem var boltuð í leiðslu með handbor.
Fyrstu 6 spannirnar voru boltaðar um aldamót og fengu þá nafnið Saurgat satans. Þegar
sú leið var boltuð var klifrað upp 7 spannir Ódysseifs með bensínborvél og bolta og
leiðin boltuð á einum degi.

2026 var boltum bætt í fyrstu spannirnar og spannir 7-13 boltaðar, með þeirri viðbót er
leiðin fullmótuð og hefur fengið nafnið Penelópa. Leiðin er löng og alvarleg, veður
getur oft verið snúið og í efri spönnum gjarnan þoka. Mikilvægt er að líða vel í 5.10
klifri þar sem klifra þarf nokkuð yfir næsta bolta. Mikið er af góðu klifri í góðu bergi en
í leiðinni eru líka kaflar af lausu bergi og brölti upp grasrennur í spönnum 7-9.
Mikilvægt er að vera í góðu sambandi við Ómar landeiganda og ef teymi hyggjast
keyra yfir sandinn að gera það í samráði við hann.

Útbúnaður:

Tvær 60m línur
12-15 tvistar (eftir því hvernig teymi tengir spannir) og slingar til að lengja í.
1 vinur fyrir fingrasprungu.

Leiðarlýsing

0 – Aðkomuspönn. 2 boltar
Gengið er upp eftir klettabeltinu vestan við nesta hluta fjallsins. Fljótlega birtist
grasbrekka/sylla á hægri hönd. Best er að græja sig þarna og brölta svo upp
brekkuna. 2 boltar eru í brekkunni sem er þó ekki mjög brött. (meira…)

Eris, II 5.5 155m

Gula línan á myndinni.

Leiðin liggur upp gráu slöbbin sem Nemesis byrjar á. Þar sem leiðarlýsingin fyrir þennan hluta Nemesis er ónákvæm getur verið að Eris fari svipaða leið. Í grískri goðafræði er Eris, gyðja ófriðar, stundum talin systir hefndargyðjunnar Nemesis.

1. spönn: 5.3, 35m, 4 boltar
2. spönn: 5.4, 30m, 5 boltar
3. spönn: 5.5, 35m, 8 boltar
4. spönn: 5.2, 35m, 4 boltar
5. spönn: 5.3, 20m, 3 boltar

Aðkoma er sú sama og fyrir Bifröst. Frá byrjun Bifrastar er hliðrað til austurs yfir mjóa skriðu og hefst leiðin þar í lítilli klauf. Fyrsta spönn fer upp bungur og hrein slöbb upp og aðeins til hægri. Lítið eru um grip en viðnámið er gott og brattinn þægilegur. Komið er upp á góða syllu í tveggja bolta stans. Af syllunni er farið beint upp augljósan stromp að næstu syllu sem er stór og þægileg. Frá akkeri er klifrað til vinstri inn undir þak og áfram upp kverk undir þakinu. Þegar þakið fer að minnka er stigið út á slabbið til hægri og klifrað beint upp. Komið upp á litla syllu í tveggja bolta stans. Hér minnkar brattinn til muna og klifrað er beint af augum upp hreint slabb. Seinasta spönnin er heldur styttri og ögn brattari.

Leiðin endar rétt neðan við stóra grasbrekku sem skiptir veggnum í tvennt og það er lítið mál að koma sér upp á hana ef vill. Að ganga niður frá þeirri syllu er ekki jafn lítið mál og sterklega mælt með því að síga leiðina til að koma sér niður. Ef klifrað var á tveimur línum er hægt að síga 4. og 5. spönn saman en mælt með að síga hinar spannirnar eina í einu. Það er hægt að klifra og síga leiðina á einni 70m klifurlínu en tæpt að það sleppi á 60m.

Tveir boltar í öllum stönsum og þar af annar boltinn með sighring. Akkerið fyrir 4. spönn er ekki með sighring heldur galvaniseruðum keðjulás (maillon) sem hangir í línubút. Klifrarar eru beðnir um að færa hann ekki í boltann þar sem það mundi hraða tæringu hans og mögulega boltans. Ef línubúturinn er veðraður má endilega fjarlægja hann og setja nýjan.

FF.: Árni Stefán Haldorsen og Íris R Pedersen, 30. júní 2024

Yfirlitsmynd:

Íris kemur upp spönn 1:

Íris í skorsteininum í spönn 2:

Íris undir þakinu í spönn 3:

Íris í fjórða stansi:

 

 

 

Suðurkantur – afbrigði

Blá lína á mynd

Nánast sama lína og Suðurkantur (græn), nema að hún klýfur sig til vinstri í þriðju eða fjórðu spönn og sameinast svo aftur Suðurkanti eftir tvær-þrjár spannir.

Dótaklifur

FF: Snævarr Guðmundsson og Björn Vilhjálmsson, 1992

Suðurkantur

Græn lína á mynd

Dótaklifur

FF: Snævarr Guðmundsson og Jón Geirsson 1988

Vesturveggur

Gul lína á mynd. Á talsvert sameiginlegt með Bæði Boreal og Suðurkantinum.

Fysta klifurleiðin upp á Vestrahornið. Það tók þá félaga um tvær og hálfa klukkustund að klífa leiðina sem er 450m löng. Að þeirra sögn er bergið með því besta sem þeir hafa kynnst og stórkostlegt til klifurs. Að þeirra mati var leiðin af IV. gráðu en erfiðast (crux) 5.6 (V/V+). Fyrstu 80-100 metrarnir voru erfiðastir.

FF: Snævarr Guðmundsson og Jón Geirsson, 21. ágúst 1981

Dirty Rainbow

Fyrsta spönn er boltuð af Árna Stefáni Halldorsen, Eyþóri Konráðssyni og Jónasi G. Sigurðssyni.

Flottur veggur rétt austan megin (hægri) við Saurgat Satans, gæti orðið frábær sportklifursector. Draumurinn er að láta Dirty Rainbow verða að fjölspanna leið, eins langt og mögulegt er að komast þarna upp, svo að hún er leið í vinnslu en fyrsta spönnin er tilbúin og er frábær sportklifur spönn.

(meira…)

Ódyseifur

Hæð: 200m
Lengd leiðar: 400m
Tími: 6-8 tímar í klifri + tveir tímar niður
Aðkoma: 15 mín frá bíl

Útbúnaður: Léttur klettarakkur, hnetusett + 1/2 vinasett. Aðkoma er sunnan við Kambhorn, ekki hræðast blauta sanda, þeir eru harðari en sýnist…

Leiðin var unnin á árunum 1995-1998 af Guðjóni Snæ Steindórssyni og Snævarri Guðmundssyni. Einnig komu við sögu Björn Vilhjálmsson og Einar Steingrímsson auk Jóns Geirssonar en þeir tveir síðastnefndu tóku þátt þegar leiðin var klifin í heild, um verslunarmannahelgina 1998. Als voru farnar sex ferðir austur og í hverri ferð bættust ein til þrjár spannir við leiðina. Þegar upp var staðið var leiðin alls þrettán spannir. Höfðum við ekið alls um 7000km til að ljúka henni.

(meira…)

Nemesis

Fyrst farin í júlí 1982 af Birni Vilhjálmssyni og Einari Steingrímssyni.

Í frumferð leiðarinnar sóló klifraði teymið upp “Gráu slöbbin”, merkt inn II, III og III. Slöbbin leiða upp á hrygg, þar sem að aðal klifurhluti Nemisis fer fram. Klifrað er austan megin við hrygginn.

Frá hryggnum er farið í skorstein og stefnt að öðru gráu slabbi við “Eyrað”. Gráa slabbið rétti lygilega úr sér þegar að því er komið og er lúmskt erfitt, líkist helst skíðastökkbretti. Er farið upp vinstra megin, inn í stóra horninu og stefnt á stóran stein, sem húkir undir stóru þaki, sem krýnir Gráa slabbið. Þaðan er haldið skáhalt út til vinstri upp á brúnina. Upp á topp er farið eftir gróf (ca 80-100m).

(meira…)

Boreal

Rauð lína á mynd

Fundin boltuð og frumfarin af Guðjóni Snæ Steindórssyni og Snævarri Guðmundssyni.

Fyrst klifruð í maí 2013

Aðkoman tekur um það bil 90 mín og er það brött ganga upp grýtta fjallshlíð. Grjótið er allt laust en er það stórt að gangan er ekki eins og að ganga í skriðu. Einhver teymi hafa átt í erfiðleikum með að finna leiðina, vonandi kemur myndin af góðum notum. Það á að vera blátt prússik í fyrsta bolta, það er til að gera leiðina sýnilegri ef verið er að leita af henni, það táknar ekki að leiðin sé project.

(meira…)

Bifröst, III 5.9 235m

Leiðin liggur upp klettahrygg undir höfuðvegg Kambhorns.

  1. spönn: 5.6, 25m, 5 boltar
  2. spönn: 5.5, 30m, 5 boltar
  3. spönn: 5.7, 30m, 8 boltar
  4. spönn: 5.9, 50m, 10 boltar
  5. spönn: 50m óboltuð tengispönn
  6. spönn: 5.7, 50m, 8 boltar

Við frumferð var leiðin að stórum hluta blaut og rök og eru því góðar líkur á að gráðurnar séu ekki alveg réttar og ætti að taka þeim með fyrirvara.

Leiðarlýsing: Leiðin býður upp á alvöru fjallaklifurfíling og reynir oft meira á útsjónarsemi og vandvirka fótavinnu heldur en að toga fast. Leiðin einkennist af blönduðu klifri þar sem brattari (meira…)

Skildu eftir svar