Svikinn um bjór WI 4

Leið nr. 4 á mynd, númer V í gamla Múlafjallstóbónum

Fyrsta ísleiðin hægra (vestan) megin við Fimm í fötu.

Hægt er að klifra upp úr leiðinni til vinstri eða hægri.

Leiðin fær nafnið „Svikinn um bjór“ til heiðurs allra þeirra sem hafa verið og verða sviknir af Palla Sveins um ókomna tíð um Fimm í fötu.

Þessi leið hefur eflaust verið margoft klifruð áður. Ef hún á sér nafn þá má endilega setja rétt nafn hér inn.

Klifursvæði Múlafjall
Svæði Kötlugróf
Tegund Ice Climbing
Merkingar

10 related routes

Þursabit WI 3

Leið númer 1 á mynd

Gilið vinstra megin við Fimm í fötu

WI 2-3, mjög mis erfið eftir því hversu mikill ís er í henni

ein spönn, FF. Óþekkt

Svikinn um bjór WI 4

Leið nr. 4 á mynd, númer V í gamla Múlafjallstóbónum

Fyrsta ísleiðin hægra (vestan) megin við Fimm í fötu.

Hægt er að klifra upp úr leiðinni til vinstri eða hægri.

Leiðin fær nafnið „Svikinn um bjór“ til heiðurs allra þeirra sem hafa verið og verða sviknir af Palla Sveins um ókomna tíð um Fimm í fötu.

Þessi leið hefur eflaust verið margoft klifruð áður. Ef hún á sér nafn þá má endilega setja rétt nafn hér inn.

Chinese hoax M 6+

Leið númer 3 á mynd

Tvær spannir, fyrri sennilega í kringum M 5 og sú seinni stífari, í kringum M 6/+.

Fyrri spönnin eltir augljósa sprungu utan á nefinu sem skagar út, rétt hægramegin við Fimm í fötu (2) og eru fyrstu tveir metrarnir stífastir. Eftir um 20m af klifri lendir maður á syllu þar sem þægilegt er að gera stans. Seinni spönnin byrjar á að fara upp aðeins hægramegin við stansinn og að augljósri súlu sem lýtur út fyrir að vera laus. Þessi drjóli er samt sem áður nokkuð fastur í bili, sennilega margt annað sem fer niður á undan. Eftir þann kafla er augljós hliðrun yfir slabb með augjóst þak aðeins fyrir ofan. Í lok hliðrunarinnar vippar maður sér í mjög víða sprungu sem er krúxið í allri leiðinni. Mjög snúið er að beita sér í sprungunni, bæði að koma öxum almennilega fyrir og að stíga inn í sprunguna eða reyna að ná hné aðeins inn. Best væri að vera með camalot af stærð 5 til að tryggja þann hluta, 4 gæti mögulega dugað líka. Eftir ca 3m af þessari víðu sprungu tekur við léttara klifur, augljósari grip fyrir axir og brodda en hornið sem maður er inni í er mjög „flared“ og er klifrið áfram snúið upp á topp þó svo að það sé léttara.

Leiðin var frumfarin í dótaklifurs onsight, en planið er að setja eitthvað af boltum í hana. Mikið var af lausu bergi í frumferðinni en stórum hluta var hent niður og ætti leiðin því að vera orðin þokkalega laus við mestu hætturnar.

Nafnið er tilvísun í umdeildan nýkjörinn forseta Bandaríkjana, sem fleygði fram þeirri staðreynd að loftslagsbreytingar væru bara svikamylla búin til af valdamiklium mönnum í Kína. Leiðin var frumfarin 30. nóvember 2016 í nýstandi 3 °C, nánast enginn ís í Múlafjalli og ekki arða af ís í Bryjnudal, nokkuð óvenjulegt miðað við árstíma. Þó svo að þessi mixklifurleið sé alveg þurr, þá er slatti af mosa í henni sem að hefur mjög gott af því að vera klifraður í frosti, það er því ráðlegast að miða á að klifra leiðina í frostaköflum.

FF: Matteo Meucci og Jónas G. Sigurðsson 30.11.2016

Tóti Afi WI 3

Austarlega í Kötlugróf liggur lítið þröngt gil með skemmtilegri ísleið. Leiðin er afar breytileg eftir því hve mikill ís er í henni og getur efri hluti hennar orðið mjög krefjandi. Í efri hluta hennar getur myndast myndarleg regnhlíf sem getur verið erfið viðureignar þar sem hún skoðarst af klettunum sem veita nær engar fótfestur. Það getur því þurft að hífa sig upp á öxunum einum á þessum kafla og þá hækkar gráða leiðarinnar.
Um miðbik leiðarinnar getur verið fínt að tryggja með einum vin í áberandi sprungu og einnig getur verið gott að hafa 1-2 stuttar skrúfur.
Heildarlengd leiðarinnar eru um 40m og ofan hennar er steinn sem má nýta sem tryggingu en þó er réttast að tryggja í sæti. Stóra gilið austan við Kötlugróf hentar vel til niðurgöngu .

Þessi leið hefur líklega verið klifin, en samkvæmt Múlafjalls-topo fær hún ekki nafn heldur númerið XV. Þar til annað kemur í ljós fær þessi leið nafnið Tóti Afi.

F.F. Óþekkt (Klifin 31.01.2016 í erfiðum aðstæðum af Arnari Halldórssyni og Magnúsi Blöndal ).

Dúna Amma WI 3

Vestast í Kötlugróf liggur mjög fín ísleið með þægilegri aðkomu miðað við Múlafjall. Einfaldast er að stefna upp í stóra gilið sem skilur að Kötlugróf og Hlaðhamra (sjá mynd).

Leiðin er erfiðust fyrstu 20 metrana og þar eftir er nokkuð einfalt að skrölta upp á brún. Lítið er af tryggingum uppi á brún og því má búast við að tryggja þurfi í sæti. Heildarlengd leiðarinnar er um 45 m.

Stóra gilið austan við leiðina hentar vel til niðurgöngu.

Þessi leið hefur sennilega verið klifin áður en Múlafjalls-topo nær þó ekki að þessu svæði. Þar til annað kemur í ljós fær þessi leið nafnið Dúna Amma.

F.F. Óþekkt (Klifin 31.01.2016 af Arnari Halldórssyni og Magnúsi Blöndal).

Sótanautur WI 3+

Frá bílastæðinu við Kötlugróf er gengið upp snjólínu sem liggur upp undir leiðina en það þarf að brölta smá í lokin til að komast að henni. Leiðin byrjar á nokkuð stífu klifri fyrst (um 15 m) en svo tekur við brött ísbrekka upp til vinstri að loka kaflanum sem  er brattur og skemmtilegur. Heildarlengd leiðar er um 45 m.

Hægt er að nota stakan stein uppi á brún til að tryggja í en mælt er með að nota einhverja aðra tryggingu til vara.

Þessi leið hefur örugglega oft verið klifin og amkvæmt Múlafjalls-topo fær þetta svæði nafnið Gryfjan (XII). Þar til annað kemur í ljós fær þessi leið í Gryfjunni nafnið Sótanautur og heitir þá eftir hring einum sem lýst er í Harðar sögu og talinn er vera falinn niðri við Kötlugróf sem stendur beint neðan við þetta svæði.

F.F. Óþekkt (Klifin 17.01.2016 af Arnari Halldórssyni og Magnúsi Blöndal).

Drjúpandi WI 3

Frá bílastæðinu við Kötlugróf er gengið upp snjólínu sem sem  liggur beint upp undir leiðina. Drjúpandi hefst með 10 m ísfossi upp í snjóbrekku sem liggur upp að megin hlutanum. Klifrað er allla leið upp undir klettaveggin þar sem oftast hanga ofan hans myndarlegar regnhlífar og stór grílukerti (sjá mynd). Heildarlengdin er um 50 m.

Frábær leið fyrir byrjendur þar sem hægt er að hliðra til vinstri þar sem leiðin er léttari. En síga þarf á ís niður úr þessari leið.

Þessi leið hefur örugglega oft verið klifin og samkvæmt Múlafjalls-topo fær þetta svæði nafnið Gryfjan (XII). En þar til annað kemur í ljós fær þessi leið í Gryfjunni nafnið Drjúpandi þar sem mikið drýpur úr kertunum fyrir ofan stansinn.

F.F. Óþekkt (Klifin 17.01.2016 af Arnari Halldórssyni og Magnúsi Blöndal.

Ljótur piltur WI 3+

Leiðin liggur upp kverk, um 200 metra austan við Íste.

Byrjunin er 5m lóðréttur ís, sem leiðir upp í stöllóttan ís og mosa upp í kvilft. Þaðan eru nokkrir möguleikar um áframhald, en leiðin fylgir mjórri ræmu eftir vinstri veggnum, sem liggur upp í gegnum þrönga skoru (um meters breið), og þaðan upp á topp.

Líkamlega ekki krefjandi leið, en býður upp á nokkrar skemmtilegar hreyfingar (og mögulega einhver mix tök, ef viljinn er fyrir hendi)

40m

F.F. Óþekkt

Þar sem leiðin er í Múlafjalli, gerum við fastlega ráð fyrir að hún hafi verið farin áður, en tókum okkur það bessaleyfi að nefna hana þar til annað kemur í ljós.

Leiðin er merkt VIII á myndinni, sama númer og í harðsoðna Múlafjalls-leiðarvísinum.

 

 

Járntjaldið WI 4

Frá bílastæðinu við Kötlugróf er gengið á snjólínu næstum beint upp í fjallið þar til komið er að bröttum 10 m ísfossi ( hægt er sleppa þeim hluta með því að fara upp til vinstri). Eftir það tekur við snjóbrekka upp að erfiðasta kaflanum. Möguleiki er að komast upp á lítinn stall til að hvíla sig áður en klárað er upp á snjósyllu sem til að gera stans. Þaðan liggur svo leiðin upp til vinstri upp á brún.

Heildarlengdin eru um 65 m en hana mætti stytta í eina spönn með því að príla vinstra megin fram hjá neðsta hlutanum.  Uppi á toppi er ekkert til að tryggja í nema snjór og/eða  mosi.

F.F. Óþekkt (Klifin 10.01.2016 af Arnari Halldórssyni og Magnúsi Blöndal)

Þessi leið hefur örugglega oft verið klifin og samkvæmt drögum að Múlafjalls-topo  hefur hún nafnið Járntjaldið (leið XI).

Fimm í fötu M 5+

Leið númer 2 á mynd

Hægra megin í öðru gili vinstra megin við Íste. Greinilegur strompur í efri partinum.
Þétt boltað og þrír boltar í akkerinu (2 á stalli og einn ofar til að auðveldar brölt niður ef menn ætla að TR).
Þessi leið var farin á miðöldum af GHC og PS án aðstoðar borvélar.

Ca. 35m löng

Skildu eftir svar