Karl

Svör sem þú hefur skrifað

12 umræða - 251 til 262 (af 262)
  • Höfundur
    Svör
  • in reply to: dabbi einræðisherra #47890
    Karl
    Participant

    í framhaldi af Búlandstindi er vert að vekja athygli að norðurhliðin er enn óklifin en þar er líklega 10 spanna leið af krefjandi ís og mixi… og þetta hefur ekkert með daginn í dag að gera.

    in reply to: dabbi einræðisherra #47889
    Karl
    Participant

    Spurningin með Dabba er sú hvort aksjón mynd af honum sé einfaldlega það absúrd að að það flokkist undir níð að birta slíkt
    (líkt og það er níð að birta mynd af Sif þegar fjallað er um umhverfismál).
    Eins er þetta áhugaverð pæling að hann sé að tosa Seingrím Stigfússon upp hlíðina því Seingrímur er líklega eini fjallvani maðurinn á þingi.
    Finns þetta samt hálf klénn húmor og lýsi enn og aftur eftir texta frá Dúllaranum..

    in reply to: Hvaðan er myndin? #47883
    Karl
    Participant

    Múnkaþverá

    in reply to: Banff #47829
    Karl
    Participant

    Tek undir með Stebba að besta mynd sem undirritaður hefur seð a Banf er Russnesk-Slovenska polplampið. Það var einfaldlega vegna hreinnar snilldar i kvikmyndagerð. Hraar „aksjonmyndir“ eru til lengdar leiðigjarnar.
    I framtidinni er æskilegt að velja myndir sem fengið hafa hæstu einkunn ahorfanda a kvikmyndahatidinni og þa sem domnend velur besta af öllum flokkum.
    Annars er hleid alltaf mikilvægast… -til að hittast og spjalla…

    in reply to: Klifur/sig #47796
    Karl
    Participant

    Ágætur félagi minn og hjálparsveitarnörður (í þá daga) fór eitt sinn flatt á því að sýna SIG.
    Á 200 ára afmæli Akureyrarbæjar var hann ásamt öðrum slysavarnarköppum að síga af þakbrún niður á Radhuspladset á Akureyri að viðstöddum 2000 afmælisgestum. Gamla klifurlínan sem hann notaði til þess arna skrikaði til hliðar á þakkantinum og vinurinn tók 9,8m/s2 hröðun um stund þar til hann snarstopaði, mölbrotinn á hellulagðri gangstéttinni (stéttin slapp).
    Kappin var það hraustur að hann náði sér að fullu líkamlega en ég er ekki viss um andlegu hliðina því nokkrum árum seinna tók hann upp á því að hlaupa maraþon og víðavangshlaup af miklu kappi.

    Gamalgrónum Ísalpara, Jóni Viðar SIG. varð þá að orði eftirfarandi ambaga:

    Það sýndi sig
    þegar Íbbi sýndi sig
    að til að sýna sig
    þá þarf að æfa sig

    in reply to: Flokkapólítík – kemur hún okkur við? #47783
    Karl
    Participant

    Ég er langeygður eftir e-h öðru en hefðbundnu framsóknarkj…..

    in reply to: Hálendisgangan kl: 17.00 #47778
    Karl
    Participant

    Takk fyrir skrifin félagar, greinilegt að ístólin ryðga í suddanum en“penninn“ látinn bíta (hér er Sig Kára (sem af skarpskyggni benti á að Hlemmur og Austurvöllur eru ekki á hálendinu) bent á að hugtakið „penni“ er hér notað yfir hvers kyns skriffæri).

    Ég er einn þeirra sem nýtur ekki skattaívilnana sem virkjanir og afoxunarfabrikkur njóta.
    Á meðan ríkisstjórnin er að berja raforku og málmbræðslusamningunum leið í gegnum samkeppnisstofnun Evrópusambandsins þar sem meðlag ríkissjóðs er metið í milljörðum er ég í þeirri stöðu að selja íslenskar skattaálögur til útlanda.

    Við kostnaðargreiningu á rekstri Thúle kemur í ljós að 1/10 hluti af rekstrarkostnaði ferða sem seldar eru erlendis er hreinn virðisaukaskattur sem fer beint í ríkiskassann.
    Ferðaþjónustan er þannig eina útflutningsgreinin sem gert er að selja þennan skatt inn á alþjóðlegan samkeppnismarkað á meðan allur fisk og málm útflutningurinn og þ.a.l. veiðarnar og raforkuvinnslan sem að baki liggur skilar ekki krónu í vsk. Að auki leggjast umferðarskattar harðar á ferðaþjónustuna en aðrar útflutningsgreinar en umferðarskattar eru mun hærri en framlög til umferðarmála. Öll önnur skattheimta er einnig mun hærri á ferðaþjónustu en raforkuframl og stóriðju. T.a.m. borgar LV ekki tekjuskatt og fasteignagjöld eru einungis greidd af litlu hluta mannvirkja LV. Það er í raun sama hvernig litið er á þessa virkjunarstefnu, -þetta er undirmáls kommúnismi sem keyrður er fram af patentlausnapólitíkusum sem skilja ekki hlutverk sitt.

    Oft slengja stóriðjusinnar fram frasanum „hvað á þá að gera ef ríkisvaldið á ekki að virkja og hvaða atvinnu eigum við þá að stunda? -og hvað á þá að koma í staðin?“
    Ég er sjálfur það hægri sinnaður að mér finnst að það eigi ekki að benda á einhverja ferkanntaða patentlausn í staðin. -það ætti þá helst að benda mönnum á að tína hundasúrur!!!!
    Málið er að ríkisvaldið á einfaldlega að setja almennar reglur og búa í haginn fyrir þá einstaklinga og fyrirtæki sem hyggja á rekstur. slíkar aðgerðir eigaq að vera almennar og nýtast öllum.
    Þannig mætti fyrirtæki sem hefði hug á raforkuframleiðslu gera slíkt ef það greiddi hæfilegt auðlindagjald en væri að öðru leyti látið fylgja sömu markaðsforsendum og annar rekstur.
    Ríkisframkvæmdin við Kárahnjúka sem skilar nær engu í ríkiskassan getur að hámarki skilað 1-2% hagnaði umfram vaxtagjöld skv uppgefnum tölu LV.
    Slíkt er ekki alvöru bisness og er eingöngu stundaður af þeim sem hösla með annara fé.

    Sá mynd af Jökla í fréttablaðinu í dag …..Synd að þeir á Borgarspítalanum notuðu ekki tækifærið og skelltu á hann öðrum haus (það hefti tildæmis mátt setja á hann lítið notaðan haus af e-h framsóknarmanninum) efftir að hann labbað með hausinn undir hendinni til byggða í fyrra…..

    in reply to: Hálendisgangan kl: 17.00 #47773
    Karl
    Participant

    Það er greinilegt að menn trúa enn á alræði öreiganna.
    Ég er bara þannig innrættur að mér finnst nauðsynlegt að hægt sé að græða á þessu… – en slíkt hefur aldrei staðið í kommunum…

    in reply to: Hálendisgangan kl: 17.00 #47771
    Karl
    Participant

    Það er nú málið siggi, -það þurfa allir vinnu.
    Þetta hugsuðu líka kommarnir í sovétinu forna og fóru á alsherjar þungaiðnaðartripp því fólk þurfti jú vinnu.
    Þeir sem eru kommnir upp úr þessu kommahjólfari eru flestir hinsvegar búnir að átta sig á því að samfélög þurfa verðmætasköpun. Vinna án verðmætasköpunnar er til lengdar gagnslaus til framfærslu.
    Slagurinn um Kárahnúkavirkjun snýst einmitt um verðmætasköpun Kárahnjúkavirkjunar. Arðseminn af þeirri framkvæmd er með þeim eindæmum að jafnvel fjármálastjóru LV meðgekk að ekkert einkafyrirtæki myndi leggja pening í virkjunina ef það ætti að hafa sitt lifibrauð af raforkusölunni. Slík er nú verðmætasköpunin.
    Og þegar einnig er verið að fórna gríðarlegum náttúruverðmætum sem nýst geta á komandi tíð til verðmætasköpunnar án mikilla fjárfestinga þá er mér ófært að sjá ljós verðmætasköpunarinnar kvikna á stöðvarhúsi Kárahnjúkavirkjunar.
    Ef þú hinsvegar sérð framtíðina í þeim svarthvíta tón að vinna í kerskála eða ella tína hundasúrur þá átt þú eindregið að fylgja þinni sannfæringu og taka þann kostinn er þér þykir vænlegri.
    Við sem sjáum lífið í lit og ætlum hvorki í kerskála eða hundasúrur veðjum samt á fegurð og arðsemi þegar það fer saman, -án þess að gera okkur nokkrar vonir um listamannalaun. Slíkt hét í mínu umdæmi að vera hefðbundinn kapítalist sem mér finnst alltaf vera hrósyrði.

    in reply to: Grípum til vopna!!! #47768
    Karl
    Participant

    Það eru umræður um raunveruleg ágreiningsefni sem halda lífi í spjallrásum eins og þessari. Þetta er raunar ágætt umræðuefni hjá Jöklinum og vert að minnast þess að ísl virkjunarsaga innifelur dínamítsprengingar og formlegan terrorisma til andófs stíflugerðar. Voru þar á ferð Mývetningar vopnaðir dráttarvélum, sóknarprestinum, sveitarstjórnarmönnum og slatta af dínamíti sem stolið var af virkjunaraðilanum. Sprengdu þeir við mikin fögnuð undirstöður lokubúnaðar við útfall Mývatns. Héldu síðan til höfuðstöðva Laxárvirkjunar og lýstu ódæðinu á hendur sér,-og komust upp með þetta og eru farnir að segja barnabörnunum frægðarsögur af því þegar þeir voru terroristar í gamla daga…

    Ég er þeirrar skoðunar að umræðuefni og orðaval á síðunni eigi ekki að raska hugarró þeirra sem leggja sig eftir því að lesa spjallsíður ÍSALP. Ef einhver telur sig eiga um sárt að binda vegna stóryrða e-h er vert að minna á að stóryrði hitta fyrst og fremst þá sem þau skrifa -NB UNDIR NAFNI eins og málum er nú háttað.

    Innlegg Jökla á þessa síðu vekja að sjálfsögðu mesta athygli vegna þess hvað Jökla er tíðrætt um BÖRNIN SÍN! -Koma e-h frekari skýringar á þessum barneignum þínum Jökull? Vonandi er þetta ekki afleiðing af því að „stjórnvöld eru að ríða okkur útvistarmönnum feitt í rassinn.“ -Eins og þú skrifaðir sjálfur.

    Hvað Dúllarann viðkemurfinnst mér að hann eigi frekar að halda uppi skriftum hér á síðuna frekar en leggja til ritskoðun og að menn haldi kjafti. Þú verður bara að feisa það að des greinin var einfaldlega ekki nógu góðar bókmenntir…haha.

    Vill benda Ísölpurum á að undirritaður situr f.h. Samtaka Útivistarfélaga í sk Rammaáætlun um nýtingu vatnsafls og jarðvarma. Þar hefur ágætur hópur m.a. metið útivistargildi 45 virkjunarkosta og er vonandi að sú röðun verði til þess að við útivistarmenn getum unað þokkalega sáttir við virkjanir framtíðarinnar þegar þessu fáránlega virkjanatrippi Dóra & Dabba lýkur. Get frætt menn á að bráðabirgðaniðurstaða Ramm. metur mestan skaða af virkjunum að Fjallabaki en telur virkjanir á vestanv. Reykjanesskaga, Núpsvirkjun og Búðarhálsvirkjun mjög æskilegar. Kárahnjúkavirkjun lendir í háum skaðsemisflokki skv þessari flokkun en D&D er víst nokk sama.

    in reply to: Hva vantar ykkur ís???? Hér er nóg #47733
    Karl
    Participant

    Veit Messner af þessu?…….

    Kalli

    in reply to: Fjallaskíðakeppni #47714
    Karl
    Participant

    Sæll vertu ROK
    Ég sem var að vona að þú kæmir.
    Var það vegna frækilegrar frammistöðu í þessari keppni að Messner tók þér svona vel?

    kv,
    Kalli

    Annars væri gaman að fá viðbrögð við því hvort þeir sem fara norður um páska geti hugsað sér að slást með í för á Strýtu

12 umræða - 251 til 262 (af 262)