AB

Svör sem þú hefur skrifað

25 umræða - 151 til 175 (af 189)
  • Höfundur
    Svör
  • in reply to: Botnsúlur og Glymsgil #49376
    ABAB
    Participant

    Brids heima hjá mér í kvöld.

    Ísklifur er úti, brids, snóker, og skák er inni.

    Svei.

    AB

    in reply to: Haukadalur ? #49269
    ABAB
    Participant

    Ég segi nú bara eins og Djonn.
    Til hvers að klifra þegar maður hefur enska boltann, bjór og pringles.

    Rop!

    Aaahhh, obbobobb, ég held ég sé búinn að bæta aðeins á mig…

    Kv,
    AB

    in reply to: Grafarfoss og kókostréð #49258
    ABAB
    Participant

    Jú það er rétt Ívar, stór kerti, sérstaklega fríhangandi hafa aldrei hrunið og munu aldrei gera það. Muna bara að þetta er allt traustara en það lítur út fyrir að vera.

    Not.

    :)

    Kv,
    AB

    in reply to: Hnjúkurinn 2:53:36 #48968
    ABAB
    Participant

    Til lukku, flottur tími. Veit ekki nákvæmlega tímann hans Helga. Fór hann líka Sandfellsleiðina?

    Massíft,
    Kv, AB

    in reply to: Ekki ný leið í Skessuhorni #48929
    ABAB
    Participant

    Jújú, Hampiðjukaðalinn var með í för, sem og forláta eldiviðaröxi eins og sjá má á myndunum.

    Þetta var svaka ævintýri, gömlu kallarnir voru greinilega með hausinn í lagi. Í den var þessi leið oft farin og þótti ansi góð, minnir að ég hafi líka lesið um að Snævarr hafi einfarið hana.
    Ánægjan úr klifrinu sjálfu var ekki gríðarleg, en það var gaman að komast upp þessa flottu línu á þessu fallega fési, alveg þess virði. Einna helst grjóthrun af okkar eigin völdum sem var okkur til ama. Sammála Steppo, mun hættulegri leið en t.d. Heljaregg.

    Gaman væri að vita hvenær hún var síðast farin að sumri til. Einhver sem veit það?
    Leiðin er víst mjög góð að vetri til eins og Ívan Hardcore minntist á síðasta vor, að hans mati besta vetrarleiðin í veggnum ef ég man rétt.

    Kv, AB

    in reply to: Er búið að bolta Indíánann ? #48891
    ABAB
    Participant

    Smá biturleiki í gangi, eða…?

    in reply to: Eftir fund #48880
    ABAB
    Participant

    Olli þú leggur öðrum orð í munn. Enginn á fundinum sagði að dótaklifur væri ,,eina og besta leiðin til að upplifa klifur…“. Þó einhver lýsi yfir ástríðu sinni og hrifningu á dótaklifri er ekki þar með sagt að sá hinn sami líti niður á aðra klifrara, auk þess sem flestir á fundinum, ég þar meðtalinn, klippa líka í bolta og hafa gaman af.
    Ef menn eru í vörn þá upplifa þeir oft eðlilegar röksemdafærslur sem hroka. Það er ekki hroki að hafa sannfæringu og fylgja henni.

    Kveðja,
    AB

    P.s. Ég skilgreini mig hvorki sem dóta- eða sportklifrara. Stunda bæði. Skilgreiningar eru leiðinlegar. Klifur er skemmtilegt.

    in reply to: Eftir fund #48877
    ABAB
    Participant

    Olli og Palli, vorum við ekki á sama fundinum? Olli talar um að þeir nýbyrjuðu vildu endilega bolta. Ég heyrði ekki betur en að þeir byrjendur sem mættu á fundinn væru fyrst og fremst áhugasamir um klifur, ekki endilega að bolta Stardalinn. Þeir sem eru nýbyrjaðir hafa yfirleitt ekki forsendur til að meta hvað á að bolta og ekki, eins og minnst var á á fundinum.

    Það er ekki rétt að engin af þeim hugmyndum sem Palli nefnir hafi fengið hljómgrunn. Flestir ef ekki allir voru sammála um fyrstu tvær hugmyndirnar. Óþarfi að mála skrattann á vegginn þó þið hafið ekki fundið fyrir stuðningi við ykkar hugmyndir…

    Kv, AB

    in reply to: Stardalur. Minningin ein. #48848
    ABAB
    Participant

    Búið að hóa í stjórn og fundur verður auglýstur bráðlega.

    Rétt Freysi, ég sit í stjórn félagsins. Markmið þess er að efla áhuga manna á fjallamennsku en þó ekki með hvaða ráðum sem er. Félagið stendur t.d. ekki fyrir vélsleðaferðum á fjöll til að auðvelda þeim sem ekki nenna, geta eða vilja labba, að komast á hæstu tinda, jafnvel þó það myndi e.t.v. skila sér í þátttökuaukningu í ferðum. Þú skilur samlíkinguna.

    Góð hugmynd að halda fund, ég hlakka til skarprar og kröftugrar umræðu.

    Kveðja,

    Andri

    in reply to: Stardalur. Minningin ein. #48845
    ABAB
    Participant

    Sanngjarnt? Slæm röksemd. Mér finnst heldur ekki sanngjarnt að bara Bjössi, Hjalti og Valdi geti klifrað Sláturhúsið 5.13b á Hnappavöllum, en ekki ég. Ég er að hugsa um að mæta með meitil og hamar og stækka gripin svo ég geti þetta líka, annað er ekki sanngjarnt. Þetta myndi líka auka traffík í þessa flottu leið.
    Af hverju þarf allt að vera aðgengilegt fyrir alla? Þó að margir ráði ekki við að klifra dótaleiðir, nenni því ekki eða þori er ekki þar með sagt að við eigum að breyta náttúrunni til að auðvelda þeim að njóta líka. Þaðan kemur þessi röksemd Sissi. Það er eðlilegt að fólk sem vill stunda klifur leggi það á sig sem þarf til að geta klifrað á tilteknum svæðum. Klifur er ekki fyrir alla, frekar en fótbolti, fallhlífastökk, boccia og snóker. Enginn kemst í landsliðið í fótbolta án þess að æfa sig og leggja eitthvað á sig, er það?

    Ég er hlynntur því að setja boltuð sigankeri á nokkrum stöðum í Stardal, slíkt auðveldar niðurferðir og stríðir ekki gegn eðlilegu klifursiðferði.

    Kv, Andri

    in reply to: Valshamar – ný leið #48823
    ABAB
    Participant

    Ja svei, er að sjá þessa umræðu fyrst núna.
    Sú hugmynd að bolta í Stardal fær einkunina 0.0 í mínum huga. Ef ekki er hægt að tryggja með dóti í klettunum í vestari hnjúknum mætti skoða að bolta þar. En það væri fáránlegt að bolta í klettunum sem nú þegar er klifrað í. Síðast þegar ég klifraði í Stardal þá var það bara helvíti fínt. Why fix it if it ain´t broken?

    Stardalurinn er eitt besta klifursvæði landsins. Stór hluti af ánægjunni sem fæst úr klifri þar er að leiðirnar eru tryggðar með dóti. Ég fer ekki í Stardalinn til að testa gripstyrkinn eftir vetur í Klifurhúsinu, ekki heldur til að keppast um að komast upp leiðir með sem hæsta gráðu. Ég fer í Stardalinn og nýt þess að fiska inn hnetu hér og setja inn vin þar og passa mig að detta ekki, klifra rólega og yfirvegað. Ég og flestir klifrarar sem ég þekki fara í Stardalinn vegna þess að klifrið er frábrugðið sportklifri.

    Fjöldi þeirra sem mæta á Hnappavelli til að komast í gott sportklifur bendir ekki til að eftirspurn eftir góðu sportklifri sé orðin meiri en framboðið.

    Palli talar um nýja tíma. Nýir tímar þýða ekki að grundvallarsiðferði í klifri eigi að breytast. Eigum við ekki líka að hætta að leiða í klifri, gamaldags hvort eð er?

    Ívar og Stebbi, pant eitt pláss í bílnum fyrir mig og kúbeinið ef illa fer.

    Kv, AB

    in reply to: Ísaxir og broddar #48497
    ABAB
    Participant

    Einar hvað sagði ég þér, skíði eru ofmetin og þar að auki stórhættuleg!

    Ég býð þér skipti á Naja öxum og Súkkunni. Segjum að ég borgi 500 kr. á milli og málið er dautt?!?

    Kveðja, AB

    in reply to: Ísklifurfestivali lokið #48469
    ABAB
    Participant

    Gott að heyra frá ykkur! Ég held að allir hafi dregið einhverjar ályktanir af þessum degi og lært af mistökunum. Ég er sammála Herði um að dómgreindin hafi sljóvgast við það að vera kominn langt að til að klifra, löngunin varð kannski skynseminni yfirsterkari. Þegar margir eru á ferð getur maður einnig upplifað falska öryggiskennd, líkt og maður sé meira ,,safe“ með fullt af fólki í kringum sig.
    Held að það sé rétt hjá Rúnari að þegar svona breiður hópur fer saman til fjalla þurfi einhver að vera við stjórnvölinn. Það er einnig rétt að svona vesen getur verið slæmt fyrir klúbbinn, ég heyrði frá Reykvíkingi sem var veislustjóri á þorrablóti á Súðavík og tjáði hann mér að fólk hefði beinlínis orðið bálreitt þegar það frétti af einhverjum ,,vitleysingum að sunnan“ sem voru í Naustahvilft að leika sér eftir snjókomu undanfarna daga og töldu einhverjir víst að þetta myndi enda illa. Veit nú ekki hvort nafn klúbbsins hafi borið á góma en svona getur verið slæmt fyrir orðspor hans.

    Ég vil að lokum þakka fyrir mig, þetta var góð helgi. Ekki spurning að maður kemur aftur innan skamms því ekki vantar klifurmöguleikana fyrir vestan!

    Kveðja, Andri

    in reply to: T-sveiflur #48439
    ABAB
    Participant

    Hvað með festivalið boys! Go west!

    (Skíði hafa löngum verið ofmetin…)

    Kv, AB

    in reply to: Hvar voru allir um helgina??? #48416
    ABAB
    Participant

    Lá í sálfræðibókum um helgina. Ekkert klifur en þeim mun meira um skilyrta hegðun og sístyrkingu, blablabla.

    Ingvar og Halli fóru greinilega Rísanda.

    Og nú er stutt í Los Festivalos!!

    Kv, Andri

    in reply to: Aðstæður í Hvalfirði #48284
    ABAB
    Participant

    Já, þessi Þórisjökulsferð um árið var sú allra ömurlegasta. Ég lá veikur niðri í bíl meðan hinir klifruðu, broddinn hans Einars tók sér flugferð með ofangreindum afleiðingum, Gummi skarst á hné, stórt snjóflóð féll…. Crap!

    Kv, Andri

    in reply to: Þilið #48252
    ABAB
    Participant

    Vil þakka þeim sem komu á móti okkur.

    Eins og fram hefur komið mátti litlu muna að farið hefði verr. En eins og við Ívar höfðum rætt fyrr um daginn, virðast hlutirnir hafa tilhneigingu til að fara vel. Þó fátt sé skemmtilegt við að skerast á læri verður það að teljast vel sloppið miðað við allt og allt.

    Það er eflaust hægt að læra margt af þessu. A.m.k. tek ég fleiri slinga með næst, blóðugt að þurfa skera línuna hans Ívars til að komast niður, en enginn haldbær ís var uppi á brún. Það var hrikaleg sjón að sjá spönnina svona gerbreytta og ég hefði aldrei getað trúað því að allt þetta myndi hrynja, ég hafði sérstaklega gætt mín á að skrúfa ekki í kertið en skrúfan sem ég setti inn þar fyrir ofan hefði hrunið með og togað okkur niður ef Ívar hefði ekki verið búinn að fjarlægja hana.

    Annars er spurning hvort fólk eigi yfirleitt að klifra með mér. Þetta er í annað sinn á hálfu ári sem eitthvað stórt og mikið hrynur þegar ég er að tryggja félagann upp til mín, fyrst í Kerlingareldinum þar sem Óli Raggi slapp naumlega og svo þetta í gær. Ja, svei.

    Svo þetta með símana, í gær var gott að vera með GSM. Ég heyrði ekkert þegar allt matrixið hrundi sökum hvassviðris upp á brún, fann bara að Ívar datt og gerði ráð fyrir því að hann héldi svo áfram. Án símanna hefði tekið talsvert lengri tíma fyrir okkur að komast niður, auk þess sem við hefðum þurft að skakklappast út blessaðan dalinn. Mér hefur oft fundist það hálfgert svindl að hafa samskipti í gegnum síma í klifri en í svona aðstæðum er slík hugsun fjarri.

    Og eitt lærði ég í viðbót: Mikið helv… er Þilið flott leið.

    P.s. Ég spái því að Ívar verði farinn að berja sig upp ís innan margra daga. Hann er nú harður af sér kallinn, þrátt fyrir hans eigin yfirlýsingar um skort á jaxlamennsku:)

    Kv, Andri

    in reply to: Opnun í Hlíðarfjalli #48239
    ABAB
    Participant

    :-) góður Kalli.

    in reply to: Búlandstindur #48155
    ABAB
    Participant

    Rétt er það Ívar. Þá er bara að bíða eftir vetrinum sem vonandi kemur á undan næsta sumri.

    Hilsen, AB

    in reply to: Búlandstindur #48153
    ABAB
    Participant

    Kalli, ertu ekki að meina hliðina sem snýr að veginum, þá stærstu og myndarlegustu. Það er austurhliðin. Við hljótum að vera tala um sömu hlið fjallsins.

    Kv, Andri

    in reply to: ** hamingjuóskir ** #48139
    ABAB
    Participant

    Snillingur. Til lukku. Svo er það bara Ópus 8b. Ójá bara massa þetta vinurinn.

    Kv, Androvich

    in reply to: Útlönd #48104
    ABAB
    Participant

    Massa fjall. En er ekki málið að skella sér upp suður- fésið? Það er enn óklifið að ég held… Segi nú bara svona.

    Gangi ykkur vel!

    Kv, AB

    in reply to: Kerlingareldur #48088
    ABAB
    Participant

    Ja, ég er nú eiginlega að búa til mitt eigið búlderprobbakerfi, svokallaðar AB gráður. Þær myndu henta leiðunum í Klifurhúsinu vel því kerfið tekur mið af alvarleika leiðanna en eins og flestir vita eru margar leiðanna í KH alveg stórhættulegar og ekki á færi nema huguðustu klifrara.

    Kv, AB

    in reply to: Kerlingareldur #48084
    ABAB
    Participant

    Ég held að þú sért ekki alveg að ná þessu Halli. Málið snýst um það að þú veist ekki alltaf fyrirfram hvað leiðin er hættuleg. Það sést ekki á tölunni 5.8 . Af hverju heldur þú að þetta alpagráðukerfi sé notað í Ölpunum, vöggu klifursins? Það er til þess að fólk geti séð það fyrirfram hvað leiðin geti hugsanlega verið alvarleg. Samt er bergið þar mun traustara en hérlendis.
    Hefðum við félagarnir komist í Kerlingareldinn fyrir tveimur árum hefði það líklega endað með slysi. Leiðin er gráðuð 5.8 og við sem lítt reyndir klifrarar einblíndum um of á það. Alpagráða hefði sagt okkur ýmislegt.

    Þessi ,,varlega“ röksemdafærsla hjá Halla er nú bara hlægileg. Öll gráðun hlýtur að miðast við að fólk fari varlega eða hefur einhver séð leið gráðaða: ,,5.6 ef þú ert varkár, annars 5.7 .“ Alvarleiki leiða breytist því ekki þótt maður passi sig voða voða vel.

    Það er alveg rétt að maður á að fara varlega og „leita sér upplýsinga um göngu- og klifurleiðir sem maður ætlar útí.“
    Til að þessar upplýsingar veiti sem besta innsýn í fyrirætlaða leið þurfa hlutir eins og hugsanlegur alvarleiki að koma fram. Heilbrigð skynsemi mun auðvitað alltaf vera mikilvægust en upplýsingar eru líka mikilvægar og þær þurfa að taka til sem flestra þátta í klifri. Það gera alpagráður. Og ég spyr aftur : Hvernig er hægt að vera á móti þessu? ( Ekki allavega með ,,flóknu“, ,,nenni ekki“ , eða ,,lítið klifursamfélag“ -rökunum aftur).

    Það er rétt að taka það fram að ekki má misskilja þessa umræðu svo að Kerlingareldurinn sé stórhættuleg leið þótt hún sé að vissu leyti dálítið alvarleg. Leiðin er frábær og ég mæli með henni.

    Ef einhver vill spjalla um þetta meira þá er síminn :694-7083. Ef maður skrifar áfram svona langlokur verður enginn tími afgangs fyrir klifur. Hafið endilega samband.

    Kveðja,
    Andri gráðukall og alpawannabe

    in reply to: Kerlingareldur #48082
    ABAB
    Participant

    Gott að sjá að menn hafa skoðanir á hlutunum.
    Ég er ekki sammála því að lífið verði eitthvað óviðráðanlega flókið og erfitt þótt við notum líka alpagráðukerfið á leiðir í fjalllendi. Munum að við erum ekki að tala um einhverjar 500 klassískar gæðaleiðir sem þannig ætti að gráða. Alpagráðukerfið hefur verið notað hérlendis, t.d. talsvert í Öræfasveitinni og gott ef Ívar og co. settu ekki alpagráðu á sína stórglæsilegu Postulínsleið fyrir þremur árum. Það er því enginn að tala um að finna upp hjólið á ný.
    Þau rök að menn nenni ekki eða finnist of flókið að nota alpagráður finnast mér heldur vesældarleg og halda varla gegn þeim rökum að það geti verið hættulegt að hafa einungis tæknilegar gráður á lengri leiðum í fjalllendi. Það er rökrétt að taka með í reikninginn alvarleika leiða. Alpakerfið er vel til þess fallið að gera það.
    Sá sem er byrjandi í klettaklifri hérlendis þarf ekki læra mörg kerfi eins og Halli A skrifaði hér að ofan. Yosemite kerfið er allsráðandi í klettaklifri hér, búldergráður eru varla notaðar hérlendis svo þetta er í raun eitt skitið kerfi sem byrjandinn þarf að læra. Það er nákvæmlega ekkert erfitt við að setja sig inn í þetta.

    Ég get ekki séð hvernig hægt er að vera á móti því að heildarerfiðleiki og alvarleiki alpaleiða komi fram með einum eða tveimur bókstöfum. Auðvitað skiptir þetta litlu máli fyrir þá sem eru eingöngu sportklifrarar, þeir geta bara sleppt því að læra inn á þetta. Þótt ævintýramennskan hafi eitthvað dvínað í klifrinu hérlendis, er og verður vonandi alltaf til fólk sem vill líka gera eitthvað annað en að fara á vellina ( þótt það sé náttúrulega frábært að klifra þar líka ).

    Mergur málsins er einfaldur. Heildarerfiðleiki og alvarleiki alpaleiða á að koma fram auk tæknilegrar gráðu. Er hægt að mótmæla því?

    Og Hjalti, það er best að nota kort til að finna bestu leiðina út úr bænum, leiðirnar eru gráðaðar eftir dæmigerðum umferðarþunga á föstudagseftirmiðdegi. Ekki ætla þér um of í leiðarvali:)

    Kv, Andri gráðukall

25 umræða - 151 til 175 (af 189)