Nýir gönguskór?

Home Umræður Umræður Almennt Nýir gönguskór?

  • This topic is empty.
  • Höfundur
    Svör
  • #47616
    1001813049
    Meðlimur

    Góðann daginn

    Ég er að fara af stað að leyta að nýjum gönguskóm og er að spá í reyna að virkja krafta ísalp.is og sjá TIL HVERS ísalp.is er meðal annars.

    Skóna á að nota við almennar fjallgöngur styttri og lengri léttar og erfiðari göngur, með og án bakpoka, í rjúpu, göngur með broddum, ekki ísklifur þó. Sem sagt eitthvað sem hægt er að nota í nánast allt.

    Ég veit að það fyrsta sem kemur upp í hugann hjá hjá hálfri þjóðinni eru Scarpa Ladakh og mun ég kíkja á þá en mig langar að óska eftir ábendingum frá ísölpurum, það hlítur að vera slatti af fólki sem hefur skoðun á þessu og tilbúið að deila henni.

    Endilega dritið ábendingum og meðmælum,

    fyrirfram takk Kristinn

    #56110
    SissiSissi
    Moderator

    Verð að valda þér vonbrigðum, ég er bara með Scarpa í þessum flokki. Held að ég sé á svona 3-4 pari frá 12 ára aldri, greinilega ekki búinn að ganga nóg. Maður heyrir líka ágætis hluti um Meindl, ætli verð og bara hvernig þú fílar þetta á löppinni á þér sé ekki aðal málið.

    Svo er ég með TNF trekking skó í flokknum fyrir neðan þetta, svona meðal háa stífa útgáfu af þeim reyndar, hægt að láta skósmið sauma þá upp með nylon til að láta endast betur.

    Og fyrir ofan koma Scarpa Freney XT (betra væri GTX) og loks Scarpa Omega double boots ef það er voða kalt.

    Þetta er ansi breitt spectrum hjá þér, þægilegra að fara á vetarskónum t.d. á rjúpuna ef maður á slíkt á annað borð.

    Sissi

    #56111

    Hjá mér er ganga á rjúpnaveiðið svolítið frábrugðin venjulegum fjallgöngum þar sem ég er að ganga utan í hlíðum og köntum allan liðlangan daginn. Þetta veldur því að það er mikið álag á leðrinu á hliðum skónna (þeas grjót og hraun að sarga í leðrið). Ég var með hefðbundna scarpa skó sem tættist fljótt upp. Ég keypti síðan í Meindl Perfect sem eru með mjög sterkt og þykkt leður :-) en aftur á móti blýþungir :-(. Þeir endast og endast en eru þungir í staðinn (búinn að endursóla 1x). Ef ég væri að kaupa mér nýja skó þá myndi ég passa að hafa gúmmí upp á hliðarnar.

    Kv.Gummi

    #56112
    1908803629
    Participant

    Væntanlega endurtekin vonbrigði í þessum pósti þar sem ég er gallharður Scarpa maður, á í raun 4 tegundir af scarpa skóm og allir til fyrirmyndar. Ladack klikkar ekki sem alhliða fjallgönguskór en svo er ég virkilega ánægður með Jorasses skóna, sem eru mýksta útgáfan af stífum skóm frá Scarpa (mýkri útgáfan af Freney) og eru góðir í lengri göngur (á jökli, bergi, ís, fjalli, etc.) og fínir í ísklifrið. Helsti gallinn við þá er að þeir eru hlýir og því ekkert voðalega gott að nota að sumri til.

    (aðrir scarpa skór sem ég á eru klifurskór og fjallaskíðaskór (þó hundgamlir))

    #56113
    1001813049
    Meðlimur

    Þakka góð svör. Líklegt að Scarpa sé eilítið ráðandi hér á landi og kannski líka annarsstaðar og sennilega ekki að ástæðulausu. Endilega haldið áfram að drita?

    #56117
    2908805139
    Meðlimur

    Tek í sama streng: Scarpa Ladakh. Er á öðru pari núna og dettur ekki í hug að breyta til næst þegar ég endurnýja. Að stinga fótunum oní þá er eins og að koma heim.

    Ég hef reyndar einu við að bæta. Ég lenti í því að á núverandi scarpa-skóm þá er ekki nógu vel gengið frá saumunum þar sem þeir mætast við hásinina. Þeir nuddast soldið inn í hásinina öðru megin. Getur valdið eymslum á öðrum-þriðja degi í löngum göngum. Hef þá bara bólstrað á mér fótinn með hælsærisplástri. Að öðru leyti hefur hvorugt parið valdið mér neinum óþægindum.
    Þetta er ekki frágangssök, bara frágangurinn á þessu einstaka pari. Gættu þess bara vel áður en þú kaupir að þetta sé í lagi á þeim skóm sem þú ætlar að kaupa.

    #56118
    Freyr IngiFreyr Ingi
    Participant

    Hmmm… sko!

    Menn finna sér oft eitthvað sem virkar vel (eins og skó) og halda sig svo við það alla ævi. Ekki breyta því sem virkar…ekki satt?!

    En að halda því fram að þó að eitthvað virki vel fyrir þig að það virki vel fyrir aðra er ekki alveg rétt nálgun. Að ég tali nú ekki um þegar fólk nennir að skipta sér í lið eftir framleiðundum.

    Er ekki málið með skó og bakpoka að máta vel og finna hvað hentar þínum vexti best. Að sjálfsögðu þarf varan að vera þokkalega framleidd og í þessu haldast gæði og verð oft í hendur.

    Að þessu sögðu verð ég að taka fram að Scarpa skór virka mjög vel á mínar lappir enda gæða framleiðsla.

    Meindl skór virðast henta fólki með breiðari fót en Scarpafólkinu.

    #56119
    0909862369
    Meðlimur

    Scarpa Ladakh, en það er nú kannski bara ég (eða kannski líka flestir sem hafa nú þegar kommentað :), en eins og Freysi segir, þá er þetta einstaklingsbundið og eina vitið að máta þessar týpur sem fólk er að mæla með og velja það sem hentar þér best.

    #56120
    2006753399
    Meðlimur

    Hef átt 13 pör af Scarpa telst mér til sl. 20 árin, af mörgum tegundum og gerðum. Ég er með frekar breiðan fót og virðist ekki passa í neitt annað, hef reynt aðrar tegundir og það endar yfirleitt með fótsárum.

    Ladakh / Hekla eru mjög þægilegir skór með ágætis endingu, hef þverað landið norður/suður í þeim tvisvar án þess að fá svo mikið sem fótsár. Þetta eru mjúkir skór og endast mér ca. 6-700km per sóla, leðrið endist auðvitað lengur.

    Það er auðvitað hægt að fá stífari og endingarbetri tegundir með harðari sólum, en þá aukast líkur á fótsárum til muna.

    #56121
    1001813049
    Meðlimur

    greinilega er scarpa algengast og sennilega ekki að ástæðulausu. en er enginn þarna úti sem notar eitthvað annað og er þvílíkt ánægður með það???

    #56123
    1001813049
    Meðlimur

    og meðan ég man: flott svör hérna

    #55945
    0111823999
    Meðlimur

    Scarpa Hekla hér eins og flestir..
    En annars er ég að hugsa um að kaupa mér næst La Sportiva skó..
    Keypti mér létta gönguskó frá þeim í sumar og er mega ánægð með þá :) veit samt ekki hvaða skóm ég ætti að mæla með í svona fjölbreyttar ferðir, kannski Makalu?
    Svo til að fá smá fjölbreyttni í þetta myndi ég líka skoða Asolo, margir flottir skór frá þeim!

    kv,
    HelgaM

    #56125
    2808714359
    Meðlimur

    Blessaður kallinn, gönguskór eru eilífðar spurning, það er svo misjafnt hvað hentar mönnum. Scarpa skórnir sem flestir eru með eru frábærir skór og á ég 2pör af svoleiðis skóm. Málið er að það eru skórnir sem fást allstaðar og mjög margir hafa ekki prófa neitt annað.

    Ég á núna þessi 2 pör af Scarpa Ladak, eitt par af frekar stífum Meindl Matterhorn og svo mjög stífa LaSportiva Spantic. Ég er með breiða fætur og þurfti að ganga Scarpa skóna mikið til en mun minna bæði með Meindl og La Sportiva skóna.
    Ég nota La Sportiva skóna ís og alpaklifur en keypti Meindl skóna fyrir sumarferðir á jökla en hef svo farið í að nota þá í allt sumarstúss í staðinn fyrir Scarpa skóna þar sem mér finnast þeir þægilegri.

    Mátaðu sem flesta skó og kauptu það sem passar þér best, Scarpa, La Sportiva, Meindl eða eitthvað annað.

    kv
    Jón H

    #56129
    3110755439
    Meðlimur

    Sæll kallinn.

    Best að draugast hér smá :)

    Er sammála Jóni hér að ofan. Ég er sjálfur með breiðfót og Meindl hefur dugað mér mjög vel, hef farið í 4 daga ferð í nýjum skóm án þess að finna fyrir fótsári. Hef heyrt af veseni með Scarpa vegna þess og af þeim sem ég hef prófað, hef ekki gengið nenn til, þá fannst mér þeir þröngir. Það var þó fyrir nokkrum árum.

    kv,
    Dóri

    #56130
    vikgud
    Meðlimur

    Ég hef verið að nota Meindl Island og verið mjög sáttur við hann. Smell passar á mig og hef ég hvorki fengið nuddsár né blöðrur af þeim. Þeir eru líklega í sama verð og stífleikaflokki og Scarpa Ladakh þannig þá er það bara hvor ‘fittar’ betur á hvern og einn. Vatnsheldnin er mjög góð.

    Eini gallinn sem mér hefur þótt við mitt par af Meindl Island er að það vantar gúmmí til að hlífa tánum á skónum eins og er á Ladakh, þannig leðrið á tánni er orðið frekar sjúskað. Þetta er hinsvegar búið að laga á nýjustu Island.

    #56131

    Halló

    Ég er ekki Scarpa maður í gönguskóm.

    Átti í mörg ár Meindl Island sem voru alveg hreint æðislegir,en svo gáfu þeir upp öndina.

    Prófaði Scarpa skónna sem allir eiga, Ladakh, því að ég hafði heyrt vel af þeim látið.
    Vonbrigðin voru mikil því þeir pössuðu engan veginn á mínar lappir
    og svo hef ég heyrt að gæðin í framleiðslunni hafi dalað seinni ár.
    Að endingu seldi ég þá fyrir 3 árum og hef ekki átt hálf stífa gönguskó síðan.

    Það sem ég nota núna er La Sportiva Makalu í allt nema ísklifur og vetrarfjalla/jöklaferðir.
    Þeir eru á milli þess að vera alstífir og hálf stífir sem hentar mér vel því ég fór síðast í bakpokaferð haustið 2008.
    Það er hægt að nota smellubrodda með þeim en sólinn er ekki eins stífur og t.d. Scarpa Freney eða á öðrum alstífum.
    Þetta er sú týpa af La sportiva sem mér sýnist endast best. Endast betur en Nepal Evo og svipað og Nepal Exrteme.

    Svo er geta sérsniðin innlegg gert gæfumun, sérstaklega fyrir þá sem vinna við það að labba.

    Svo á ég strigaskó frá þessum. Þeir eru einnig með vandaða gönguskó á 2007 verði.

    Ági

    ps. Hvar hafa menn verið að láta endursóla gönguskó og alstífa? Er með gamla góða Salomon sem mættu alveg fá nýja sóla bráðum.

    #56132
    1506774169
    Meðlimur

    Ég er enn að slíta út áratugs gömlu pari af Scarpa sem eru orðnir hræðilegir útlits. En virka þó! Vinur minn og ferðafélagi er að nota einhverja La sportiva hálf stífa skó sem eru rauðir og virðast vera frábærir. Held að þú ættir bara að máta þig áfram eins og kemur fram hér að ofan.

    Svo er þetta með innleggin. Skósmiður hér í bæ sem ég talaði við benti mér á að það þarf að skipta um innlegg í mikið notuðum gönguskóm amk 1 skipti á ári. Maður heyrir oft af fólki sem er með 5 ára+ gömul innlegg og þau eru orðin að engu og valda því að menn fá verki undir fæturna eftir langa daga. Generic innleggg hjá skósmið kosta ekki nema svona 1000-1500 krónur og gera gæfumun!

    #56157
    1001813049
    Meðlimur

    Hef nú farið og mátað aðeins hérna á Akureyri, meðal annars Scarpa og sambærilega HanWag http://www.hanwag.de/schuh-detail.php?shoe_id=20
    Pössuðu báðir nokkuð vel fannst Scarpa aðeins stífari en betra reimasystem á HanWag þeir þrýstu líka meira framan á ökklaliðinn þegar maður pressar fram í skóinn sem var ekki gott.
    Hefur einhver einhverja reynslu af þessum HanWag skóm?
    Hallast aðeins meira að Scarpa eftir þetta mátunarsession eins og allir hinir; )

    #56160
    0808794749
    Meðlimur

    Ég hef átt bæði Meindl Island og svo nokkur pör af Scarpa Ladakh. Scarpa passar mér betur og því hef ég líklega tekið ástfóstri við þá. Svo eru þeir líka með svo skemmtilega rúllandi sóla.

    Annars gerði ég eins og einhver hér á undan, keypti mér Meindl Perfekt skó. Þetta eru þessir týpísku gamaldags massífu skór, eiga helst að vera með rauðu reimum… Ég keypti þá til að vera í við vinnu mína á grænlenskri grund en Scarpa Ladakh voru fljótir að tætast upp þar.

    Fyrir mig eru Ladakh og sambærilegir skór fullkomnir í klassískar sumargönguferðir með þunga poka. Hæfilega stífir en léttir.

    Kiddi, ég hef aldrei heyrt um þessa WigWag eða hvað þeir heita. Á myndum líta þeir mjög svipað út og Ladakhinn… ég er bara alltaf skeptísk á ný merki, ending og slíkt sem maður er að spá í.

    Gangi þér vel að finna hinn fullkomna skó!

    #56162
    1908803629
    Participant

    Voðalega hljómar þetta HanWag furðulega… og svo er lógóið eins og á hamborgarabúllu… Skórnir lúkka samt ósköp eðlilega út

    #56163
    0412805069
    Meðlimur

    Nú verð ég að laumast til að svara.

    Hanwag hefur framleitt skó 20 árum lengur en Scarpa. Stofnandi fyrritækisins hét Hans Wagner og skýrir það nafn vörumerkisins.

    HanWag er vörumerki innan samsteypunnar „fenix outdoor“ ásamt fjällräven, Primus og öðrum gæðamerkjum.

    Vörumerkjaheimurinn er aðeins stærri en það sem finnst í búllum á Íslandi.

    Meira hér:
    http://www.hanwag.de/page.php?page_id=7

    P.s gerði smá google markaðskönnun. Scarpa Ladakh er með 16.000 síður, en Hanwag alaska 93.000 síður.

    #56214
    1001813049
    Meðlimur

    Svona til að að ljúka spennusögunni: Já eftir miklar vangaveltur og mátanir endaðið ég í Scarpa Ladakh þeir passa vel á minn fót sem reyndar er ekki með nein afbrigðileg og útstæða aukahluti þannig að passform er yfirleitt ekki vandamál. Þakka öllum sem kommentuðu, spjallið á Ísalp er ekki dautt allavega þegar kemur að græjukaupum. Enda er hér örugglega gott samassafn af græjusjúkum einstæklingum þar sem aðeins það besta er nógu gott.

    Kv. Kristinn

    P.S. Uppgvötaði (er þetta rétt skrifað???) nýja búð á Akureyri, Veiðihornið (á móti Subway) fékk fína þjónustu þar og eru þeir með allskonar dót úr Fjallakofanum auk eins og nafnið gefur til kynna veiðidót.

    #56219
    3110755439
    Meðlimur

    Úfff hvað maður er feginn að það skuli nást niðurstaða í þetta mál.

    Ákvörðun af þessu tagi er aldrei einföld, svonefndir sérfræðingar segja misjafna hluti, og endar oft í ákvörðunarfælni sem veldur því að menn halda áfram að nýta gamla og úrelda hluti.

    Til hamingju með þetta stóra skref!

    kv. Dóri

23 umræða - 1 til 23 (af 23)
  • You must be logged in to reply to this topic.