aðstæður

Home Umræður Umræður Ís- og alpaklifur aðstæður

  • This topic is empty.
  • Höfundur
    Svör
  • #46665
    2806763069
    Meðlimur

    Eyddi helginni inn í Villingadal. Fínn ís þar, miðfossinn ætti einnig að vera vel gerlegur sem er nú nokkuð sjaldgæft.

    Ekki er verra að við fórum með 30 manns inn dalinn báða dagana og því er vel troðin slóð inneftir sem flýtir verulega fyrir.

    Ók svo undir Búhömrunum í dag og sá ekki betur enn það væri eitthvað af ís í hinu stórvinsæla Tvíburagili.

    Eilífsdalurinn leit svo út fyrir að vera í príma aðstæðum. Feit Þyl og Tjaldið mögulega gerlegt.

    Góða skemmtun

    kv.
    Softcore

    #53854
    Siggi TommiSiggi Tommi
    Participant

    Hey, hvað með myndir af herlegheitunum góurinn?
    Ómögulegt að hafa ísrapport bara í munnlegri geymd…

    #53855
    Páll SveinssonPáll Sveinsson
    Participant

    Halló.

    Ef einhver fer í Kertasníki þá væri ég til í að sníkja mér far.

    http://www.isalp.is/gallery.php?id=2322_863_1

    kv.
    Palli

    #53856
    2806763069
    Meðlimur

    Þú ert í vitlausum dal Palli. Hinn hálf-farna leið kertasníkir er í Austurárdal (og nokkuð viss um að hún nær ekki niður eftir þeim sögum sem ég hef heyrt (og ég er ekki bara að segja það svo enginn fari að stela henni frá mér!)).

    Annars var ég of upptekinn við að kenna fjallamennsku til að muna að taka myndir. Enda er þetta bara allt í góðu lagi og ekkert sérstakt að mynda að þessu sinni.

    Samt alltaf flott mynd af mér, enda fátt eins gulltryggt til að tryggja gæði mynda eins og að beina linsunni að sjálfum Hardcore (jafnvel á svona stundum eins og þessari þegar Softcore tók yfir, helvítis asninn sá! )

    Sumir þurfa bara ekki nýjan rauðan jakka til lúkka ;)

    Kv.
    Hardcore

    #53857
    Siggi TommiSiggi Tommi
    Participant

    Mér hefur alltaf þótt þetta „Kertasníkis“ concept frekar hjákátlegt.

    Man ekki betur en leiðir ætti ekki nefna fyrr en þær hafa verið frumfarnar.
    Auk þess er nafnið Kertasníkir ef ég man rétt á WI5+ leiðinni sem er beint á móti Óríon í Flugugili (hinu megin í gilinu).
    Eitthvað skiptar skoðanir á hver fór þá leið fyrstur en það er önnur Ella.

    #53858
    Páll SveinssonPáll Sveinsson
    Participant

    Þetta nafn er háfgert grín í sögulegu samhengi. Að sjálfsögðu má sá sem fer leiðina nefna hana. Við getum kallað þetta vinnuheiti þangað til hún verður farin.

    En skemtilegt að þú skulir nefna Óríon í þessu samhengi þar sem hún var nefnd löngu áður en hún var frumfarin af allt öðrum en þeim sem fóru hana fyrst.

    En þess utan þá er kertið hægra megin við Bláuleiðina og vinstrameign við Túristaleiðina í Austurárdal mjög ofarlega á óskalistanum hjá mér. Er samt ekki viss um að þora að leiða hana svo ef það bíðst að sníkja far væri það brill.

    kv.
    Palli

    #53859
    Siggi TommiSiggi Tommi
    Participant

    Áhugavert nýmæli hjá P-manninum.
    Þetta hlýtur að skrifast í annálinn.

    „Meðal helstu tíðinda ársins var að þann 5. mars 2009 óskaði Hr. Sveinsson eftir línu að ofan til að láta dorga sig upp erfiðari leið en hann hafði hjarta til…“ :)

    Sennilega rétt hjá Ívari samt, að þetta er ólíklega í aðstæðum en það hlýtur að styttast ef hún ætlar að myndast á annað borð í vetur.

7 umræða - 1 til 7 (af 7)
  • You must be logged in to reply to this topic.