Mary Poppins WI 3

Tæknileg, vinstra megin við Brennivídd. Leiðin fylgir hægri kverkinni á mynd.

Leiðin er inni í gilinu, sést varla frá bænum

FF: Freyr Ingi Björnsson, Sveinn Friðrik Sveinsson og Styrmir Steingrímsson, 2006

Klifursvæði Haukadalur
Tegund Ice Climbing
Merkingar

47 related routes

Brennivídd WI 4+

Mynd óskast.

Hægra megin við Mary Poppins

WI4+

FF: Freyr Ingi Björnsson, Sveinn Friðrik Sveinsson og Styrmir Steingrímsson, 2006

Mary Poppins WI 3

Tæknileg, vinstra megin við Brennivídd. Leiðin fylgir hægri kverkinni á mynd.

Leiðin er inni í gilinu, sést varla frá bænum

FF: Freyr Ingi Björnsson, Sveinn Friðrik Sveinsson og Styrmir Steingrímsson, 2006

Kófið WI 5

Leið vinstra megin við leið #2, byrjar vinstra megin við þakið.

Tvær spannir, 50m + 40m.

FF: Ágúst Kristján og Halldór Fannar, 29. des 2020

Tommi dávaldur WI 4

Leið númer 2

Akið framhjá bænum Giljalandi sem er síðasti bærinn í Haukadal. Þegar komið er framhjá túnunum þeirra er klettabelti fyrir ofan bæjnn með fullt af stuttum línum í. Sjá nánar á myndunum.

Stutt en brött leið. Athugið að yfir þessari leið er stór hengja. Gáfulegast er að síga niður.

FF: Ívar, 10. des. 2004, 20m

Vöðvaverkir WI 4

Leið númer 1

Akið framhjá bænum Giljalandi sem er síðasti bærinn í Haukadal. Þegar komið er framhjá túnunum þeirra er klettabelti fyrir ofan bæjnn með fullt af stuttum línum í. Sjá nánar á myndunum.

Stutt leið sem byrjar í bröttu kerti. Farið var upp hægra og stærra kertið.

FF: Owen, Matt og Dave, 10. des. 2004, 20m

Kremkex WI 5

Leið númer 1

Haukadalsheiði, Sunnan í Geldingafelli

Akið inn á Haukadalsheiði, innst inni í Haukadal. Yfir eina á og þá sjást leiðirnar í þessu fjalli. þegar þetta er skrifað er pláss fyrir nokkrar augljósar nýar línur þarna, en ekki bíða of lengi. Ég mun ekki gera það.

Í veggnum eru tvo stór ísþyl. Þessi leið er til vinstri í vinstra ísþylinu þar sem það nær samt alla leið upp.

FF: Owen Samuel, Matt Tyler, David Steele

Lukka Írans WI 5

Leiðin númer 2

Geldingafell S-hlið

Báður leiðirnar byrja nokkuð aflíðandi en verða svo nokkuð brattar. Bæði auðvelt að síga á V-þræðingu og að labba niður hægra megin (vestan við leiðirnar).

FF: Tom Gallagher og Ívar, 09. des. 2004, 90m

Mikki Refur WI 4+

Mynd óskast

Þetta er stórt þyl yst í Haukadalnum, töluvert hægramegin við Look man no hands og þær leiðir og efst í fjallinu. Risa ísþyl sem virðist ekki vera svo bratt af veginum

Skemmtileg 2 -3 spanna leið með smá fjallamennsku í aðkomunni. Snjósöfnun ofarlega í leiðinni gerir hana ill klifranlega þegar líður á veturinn.

FF: Ívar, Einar Ísfeld, Thorbjörn hinn Sænski, 20 febrúar 2004

Hardcore VS. Skeletor

Leið „0“ á mynd

Leiðin er hægra megin við „240 min.“ og er því núna fyrsta leiðin þegar gengið er inn í það gil. Mjótt kerti sem nær hálfa leið upp vegginn, eftir það eru bara klettar.

Byrjið að klifra ísinn, sem var auðtryggður þegar leiðin var farinn. Ískaflin var einkar skemmtilegur og vel brattur. Ísinn endar upp á litlum stalli þar sem hægt er að setja upp góða megintryggingu utan um stein eða halda áfram upp lítið þak. Áður en farið er í þakið er hægt að setja inn einn til tvo fleyga og einn lítinn vin (t.d. gulan alien). Restin af leiðinni er klifur inn í víkandi strompi sem hægt er að tryggja með fleygum og meðal stórum vinum (rauður til blár Camelot). Athugið að klettaspönnin er fullur 30m og því ó vitlaust að skipta leiðinni upp í tvær spannir eins og við gerðum (þó það hafi ekki verið ætlunin hjá undirrituðum í upphafi). Erfiðasti hlutinn í leiðinni er að fara yfir þakið. Góða skemmtun í þessari fimm-stjörnu leið Kv. Hardcore

FF: Jökull Bergmann, Ívar F. Finnbogason, 8. feb 2003

WI 5+ /M 6

Hydro flex flower power WI 3+

Mynd óskast

Stóra feita ísleiðin vestan við Svellgjá

Byrjar á auðveldu brölti þar til að við hæfi er að binda sig í prílispotta. Þá taka við þrjár spannir af klifri, en sú seinasta er allauðveld

FF: Arnar og Rafn Emilssynir, 26. des. 2000, 120m

Heimtur úr helju WI 4+

Innst í Stekkjargili. Leiðin sért stundum frá veginum. Er efst í gilinu í gilinu og verður maður að klifra upp aðra leið til að komast að þessari. (Sennilega leiðin fyrir ofan leið 2 og 3)

Löng auðveld spönn og svo bratt haft í lokin ca. 60m. Byrjunin á síðasta haftinu var yfirhangandi að hluta en er líklega ekki alltaf svoleiðis.

FF: Örvar og Ívar, 21. des. 2000, 110m

 

Brennivín M 11

Leið nr. 14 á mynd.

Þetta er erfiðasta mixklifur leið Íslands og þegar hún var sett upp var hún erfiðasta mixklifurleið í heiminum með þá næst erfiðustu M8. Af þeim ástæðum gaf Will leiðinni gráðuna M9+ með þeim orðum að hún væri sennilega erfiðari, hann hefur núna staðfest að leiðin sé M11, töluvert erfiðari en M10-ur frá svipuðu tímabili. Leiðin er einnig ein af fyrstu sprey ísleiðum í heiminum

Í Ísalp ársriti frá 1998 skrifar Guðmundur Helgi:

Ég veit ekki hvað það tók margar tilraunir þessa fjóra daga, en þær voru margar áður en það hafðist að klifra þessa leið. Aldrei áður hafði hann þurft að eyða jafn löngum tíma eða orku í nokkra leið, marinn og skrámaður með brotið nef og bros aftur á hnakka. Hvað heitir svo maðurinn? Jú, Will Gadd, Kanadamaður búsettur i Bandaríkjunum sem kom hingað til lands ásamt ,,tilvonandi“ unnustu sinni, Kim Cizmagia, og kvikmyndagengi i þeim tilgangi að finna og klifra erfiðustu, mixuðu ísleið i heiminum. Hafði það tekist? Um það verða aðrir að dæma en leiðin sem um ræðir heitir Brennivín, nefnd eftir hinum banvæna íslenska snafs eins og Will orðaði það. Leiðin sem er um 50 metrar og því ein spönn, er innst í Skálagili í Haukadal í Dalasýslu. Fyrstu 15-20 metrarnir eru frístandandi kerti upp undir klettaþak sem er um 6 metrar i heildina en klifrið frá kertinu er um 4 metrar út að brún. Erfiðleikarnir eru þó ekki búnir þegar þakinu sleppir því lykilklifurleiðin er að hliðra eftir brúninni að bitastæðum ís til að geta klifrað áfram upp á brún. Á þessum seinni kafla er ísinn í heildina örlitið yfirhangandi og þunnur. Í eina skiptið sem þetta hefur verið klifið þurfti Will að klifra hálfa leiðina upp á brún áður en ísinn varð nægilega þykkur til að hægt væri að koma inn haldbærri tryggingu. Þakið og hliðrunin eru hinsvegar tryggð með fjórum boltum.

FF.: Will Gadd, Kim Csizmazia og Guðmundur Helgi Christensen, 28. mars 1998.

Vandræðagangur WI 4

Leiðin er í efra klettabeltinu ofan við Hamra, augljós lína vinstra megin. Leið nr. 3 á mynd, 40m.

Harry WI 3+

Leiðin er í efra klettabeltinu ofan við Hamra, augljós lína lengst til hægri. Leið nr. 2 á mynd, 40m.

FF.: Jón Heiðar Andrésson og Hilmar Ingimarsson

Morgunhaninn WI 3

Leiðin er í neðra klettabeltinu við bæinn Hamra. Leið nr. 1 á mynd, 25m.

FF.: Jón Heiðar Andrésson og Hilmar Ingimarsson, 13. feb 1998.

French direct

Leiðin liggur beint upp klettahaft með ís milli Litla fingurs og Look ma, no hands. Leið nr. 5 á mynd, klifin í tveimur spönnum.

FF.: Christophe Molin og Ívar Finnbogason, 26. feb 1998.

Gold rush WI 4

Leiðin er lengst til vinstri í Svellagjá. Stölluð leið með lóðréttum höftum á milli. Leið nr. 4 á mynd, 40m.

FF.: Guy Lacelle, Helgi Borg Jóhannsson, Styrmir Steingrímsson og Ingólfur Ólafsson, 12. feb 1998.

Look ma, no hands

Mixuð leið í miðri gjánni aðeins vinstra megin. Leiðin byrjar á íslausu 5m yfirhangandi hafti þar sem dry toolað er upp í ís. Síðan er klifrað bak við mörg fríhangandi kerti sem mynda eins konar þil, hliðrað er til hægri nokkra metra og farið upp fyrir annað þak sem endar í 20m lóðréttum ís. Ofan við leiðina er ein spönn af 3. gráðu. Leið nr. 3 á mynd, 40m.

FF.: Jeff Lowe og Guðmundur Helgi Christensen, 12. feb 1998.

Litli fingur WI 4+

Lóðrétt kerti hægra megin við miðju í gjánni en vinstra megin við Skjálfandann. Möguleiki er á að hvíla sig á syllu þegar lokið er við þrjá fjórðu af leiðinni. Ef syllunni er sleppt er leiðin stífari. Leið nr. 2 á mynd, 40m.

FF.: Páll Sveinsson og Þorvaldur Þórsson, 12. feb 1998.

Skjálfandinn WI 4

Þetta er leiðin sem er lengst til hægri þegar maður lítur upp í Svellagjá. Fyrri helmingur leiðarinnar er 3. gráðu brölt og leiðin endar í fallegu lóðréttu frístandandi kerti sem hægt er að ganga bak við. Leið nr. 1 á mynd, 35m.

FF.: Jón Heiðar Andrésson, Einar Sigurðsson og Hilmar Ingimarsson.

Helgi’s thumb, Bæjarfossinn allur M 8+

Leiðin byrjar þar sem Bæjarfosstraversan endar og klifrað er undir þakið út á kerti Bæjarfoss. Tveimur boltum hefur verið komið fyrir í þakinu. Leið nr. 4 á mynd, 60m ef klifin í einni spönn (þ.e. með Bæjarfosstraversunni).

FF.: Will Gadd, 17. mars 1998.

Bæjarfosstraversan WI 5

Leiðin byrjar í 10m hárri súlu vinstra megin við Bæjarfoss. Klifrað er upp með súlunni undir hvelfinguna sem fossinn fellur fram af, síðan er hliðrað milli ískerta sem renna undan þakinu. Leiðin endar innst í hvelfingunni hægra megin við Bæjarfoss. Leið nr. 3 á mynd, 50m.

FF.: Guðmundur Helgi Christensen og Jeff Lowe, 13. feb 1998.

Þar sem grasið grær WI 3+

Frístandandi kerti uppi á brúninni ofan við bæjarfoss. Kertið er í sama læk og fossinn sjálfur. Leið nr. 2 á mynd, 12m.

FF.: Helgi Borg, Styrmir Steingrímsson og Ingólfur Ólafsson, 13. feb. 1998.

Kitty kitty bang bang WI 4

Áberandi og falleg leið hægra megin við bæjargil. Leiðin er klifruð í tveimur spönnum og nær alla leið upp á brún. Leið nr. 1 á mynd.

FF.: Sigursteinn Baldursson og Guðmundur Eyjólfsson, 12. feb 1998.

Hádegisleiðin WI 4

Tveggja spanna leið upp klettabeltið milli bæjargils og Stekkjagils upp á Hádegisbrún Besta aðkoman er frá bænum Hömrum. Fyrri spönnin byrjar á 20m lóðréttu hafti og endar á hallandi stalli. Seinni spönnin er 40m nærri lóðréttur ís sem getur endað í hengju.

Mynd óskast.

FF.: Helgi Borg Jóhannsson, Styrmir Steingrímsson og Ingólfur Ólafsson, 13. feb 1998.

 

Frárein WI 3

Ís og snjóleið á vinstri hönd innan við klettana í gilinu.

FF.: Jórunn Harðardóttir, 3. jan 1999.

Þjóðvegur 66 WI 5

Leiðin er mest áberandi lóðrétta súlan á vinstri hönd ofan við fossinn. Leið nr. 2 á mynd, 75m.

FF.: Guðmundur Helgi Christensen og Þorvaldur V. Þórsson, 3. jan 1999.

Aðrein WI 5

Lóðrétt leið næst fossinum og upp á stallinn. Fyrri spönn er 25-30m af 3. gráðu og við tekur lóðréttur ís. Leiðin er varhugaverð þar sem ísinn þynnist þegar ofar dregur og erfitt um tryggingar ofan við leiðina. Leið nr. 1 á mynd, 60m.

FF.: Guðmundur Helgi Christensen, Þorvaldur V. Þórsson og Jórunn Harðardóttir, 3. jan 1999.

Ákavíti WI 5+

Innst í Skálagili í Haukadal. Leiðin eltir vinstri jaðar bogans, sem hin heimsfræga leið Brennivín (M11+) liggur beint upp. Byrjar rétt hægra megin við Trommarann (megin foss gilsins), hliðrar skáhallt upp meðfram jaðri bogans í vandasömum, tortryggðum þunnum ís. Þar var áð og gerður stans á nokkuð solid ísbunkum eftir 50m+ klifur (með 30m exposure beint fyrir neðan). Eftir stansinn tók við nokkuð vandasöm hliðrun undir/bakvið megin kertið í efsta ísþilinu. Þar bakvið var læðst upp undir létt yfirhangandi tjald með kröftugum tæknilegum hreyfingum. Ofan tjaldsins tók við feitur 20m WI5 ís upp á brún í góðan stans. Sigið í einu 60m+ sigi beint niður bogann.
Ekki eins brutally erfitt og útlit var fyrir að neðan en afar vandasamt og risky á löngum köflum (þunnur ís og tæpar/fáar tryggingar), einkum í lok fyrri spannar (á þunna slabbinu í löngu hliðruninni) og á fyrstu 10m seinni spannarinnar (hliðrun undir kertið og upp bratta tjaldið).

Frábær leið með óviðjafnanlegum exposure faktor.

FF: Róbert Halldórsson og Sigurður Tómas Þórisson, feb 14

 

Brúsinn WI 3

Leiðin er stöllótt tveggja spanna leið á vinstri hönd þegar gengið er inn gilið. Leiðin er mest áberandi línan áður en gilið verður alveg lóðrétt. Mynd óskast, 120m.

FF.: Valgeir Ægir Ingólfsson, Óttar Kjartansson og Ólafur,  20. feb 1999.

Í fótspor fræðimanns WI 4

Fjölbreytt ísleið. Klifrað er upp fyrstu 40-45 metrana upp stalla að klettahafti. Þaðan er hægt að klára leiðina beint af augum eða hliðra örlítið og sameinast leiðinni Traktor. Leið nr. 18 á mynd, 50m.

FF.: Hallgrímur Magnússon og Páll Sveinsson, feb. 1999.

Traktor WI 5

Skemmtileg leið með léttu mixuðu ívafi. Leið nr. 17 á mynd, 50m.

FF.: Guðmundur Helgi og Jórunn Harðardóttir, feb. 1999.

Kári í Jötunmóð WI 5

Leiðin fylgir lækjargili sem opnast skammt fyrir ofan Jöfra og endar uppi á fjallsbrún. Fyrst haftið er uþb 30m 4. gráðu spönn. Síðan tekur við langt brölt af 2. gráðu klifri og nokkrum stuttum 3. gráðu höftum upp að meginfossinum. Efst í gilinu er myndarleg hvelfing með tveimur áberandi línum, þessi leið er sú vinstra megin. Hér er hægt að klifra upp úr gilinu (3+) eða fylgja leiðinni upp á brún. Meginnfossinn hefst á 40 metrum af bröttu klifri (5) sem endar á þokkalegri syllu. Þaðan eru svo 60 metrar af stuttum en bröttum höftum (3+) upp á brún. Á brúninni er hægt að ganga til austurs út fyrir hvelfinguna og niður hlíðina. Heildar lengd um 450m.

Staðsetning: Haukadal, beint ofan við bæinn Jöfra.

FF.: Skabbi og Sissi (neðsta spönn Jeremy Park)

Kári í Jötunmóð - Fyrsta spönn

Sharpening your teeth WI 5

Áberandi strompur í höfuðveggnum vinstra megin í gilinu. Tryggt með bergtryggingum. Leið nr. 16 á mynd, 60m.

FF.: Guðmundur Helgi Christensen og Kim Ciszmaiza 26.mars 1998.

Trommarinn WI 4

Leiðiin liggur upp aðalfoss Skálagils og blasir við þegar gengið er inn gilið. Byrjað er hægra megin í fossinum og klifrað upp á stall þar sem fossinn og hamraveggurinn mætast. Þaðan er klifrað ca. 10m hægra megin í fossinum en síðan farið inn að miðju. Miðjulínunni er síðan fylgt að mestu upp á topp. Leið nr. 15 á mynd, 60m.

FF.: Guðjón Snær Steindórsson og Haraldur Örn Ólafsson, 20. feb 1999.

Frusetta M 6

Klifrað er upp augljósa sprungu lengst til hægri i hvelfingu innst i gljúfrinu. Klifrað er 15m upp sprunguna og þaðan er hliðrað undir yfirhangandi ís út á ísþilið. Leið nr. 13 á mynd, 60m.

Gráða: M6, WI5+

FF.: Kim Ciszmazia og Will Gadd,24. mars 1998.

Vatnsveitan WI 4

Stöllótt leið. Klifrað lengst til hægri í miklu ísþili innst í gilinu. Leið nr. 12 á mynd, 60m

FF: Þorvaldur V. Þórsson, Jórunn Harðardóttir og Guðmundur Helgi Christensen, 2. jan, 1999.

Vatnsveitan - Freyr klifrar

10 þumlar og 4 handabök (All thumbs) WI 4

Ef leiðin er í þunnum aðstæðum er sprunga hægra megin sem hægt er að tryggja í með nettum klettatryggingum. Leið nr. 11 á mynd, 60m.

FF.: Guðmundur Helgi Christensen og Kim Ciszmazia, 26. mars 1998.

Leið lata mannsins WI 6

Leið nr. 10 á mynd.

WI 6, 60m.

Mjög þunnur ís eða klettar fyrstu 30-35 metra leiðarinnar upp undir fríhangandi ískerti. Klifrað er út á kertið og upp lóðréttan ís upp á brún. Efri hluti leiðarinnar hangir yfir sig um 3-4m.

FF: Will Gadd, Kim Ciszmazia og Guðmundur Helgi, 25. mars 1998.

Fyrsta barn ársins WI 4

Leiðin liggur í brattri mjórri skoru fyrstu 30 metrana og breiðir síðan úr sér í bratt ísþil. Leið nr. 9 á mynd, 60m.

FF.: Guðmundur Helgi Christensen, Jórunn Harðardóttir og Þorvaldur V. Þórsson, 2. jan 1999.

Aumur fingur WI 3+

Leiðin liggur hægra megin við áberandi klettanef innarlega í gilinu. Leið nr. 7 á mynd, 60m.

FF.: Guðmundur Helgi Christensen, 25. mars 1998.

Brasilian Gully WI 5

Leið nr. 6 á mynd, 60m.

Þessi leið liggur upp mjög áberandi skoru með mjög þunnum ís. Strompklifrað á köflum í byrjun leiðar.

FF.: Kim Ciszmazia og Will Gadd, 28. mars 1998.

Arctic Storm WI 5

Næsta augljósa leið innan við Sporjárnið. Leið nr. 5 á mynd, 50m.

FF.: Jay Smith og Kitty Calhoun, 13. feb 1998.

Sporjárnið WI 4+

Klifrað er í þunnum ís undir kerti og þar er hliðrað til vinstri út á 6-8m lóðréttan ísvegg, við af honum tekur ísflái upp á brún. Leið nr. 4 á mynd, 60m.

FF.: Guðmundur Helgi Christensen og Jim Surett.

Skrúfjárnið WI 4+

Næsta augljósa ísleið innan við áberandi fríhangandi kerti (240 mín). Leiðin byrjar á auðveldu brölti með einu mjög stuttu lóðréttu hafti. Síðan tekur við um 15-20m hátt lóðrétt íshaft og við af því tekur létt klifur á toppinn. Leið nr. 3 á mynd, 60m.

FF.: Þorvaldur V. Þórsson og Karl Ingólfsson, 20. feb 1999.

Tiplað á tánum M 6

Leiðin er upp 40m svo til íslaust slabb en við tekur brattur ís upp á brún. Leið nr. 2 á mynd, 60m.

FF.: Páll Sveinsson og Hallgrímur Magnússon, 20. feb 1999

240 mínútur M 6+

Leið nr. 1 á mynd.

60m. M 6+

Leiðin er upp kletta 25m undir þak þar sem áberandi þunnt kerti hangir fram yfir. Klifrað er upp þakið bak við kertið og þaðan út í lóðréttan ís. Leiðin er tortryggð í þakinu.

FF.: Kim Ciszmazia og Will Gadd, 25. mars 1998

Skildu eftir svar