Munkinn um helgina

Home Umræður Umræður Klettaklifur Munkinn um helgina

  • This topic is empty.
  • Höfundur
    Svör
  • #47317
    Skabbi
    Participant

    Erum nokkur á leiðinni norður í land um helgina, reiknum með að vera í Munkanum laugardag og sunnudag, ef e-r vilja líta við.

    Allez!

    Skabbi

    #54310
    2808714359
    Meðlimur

    og við félagarnir sem erum venjulega í Munkanum ætlum í labbitúr á morgun.

    Kannski einhverjir hérna á Akureyri verði klárir á sunnudag.

    Ég sjálfur ætla að stökkva á bak, eftir Kerlingu – Súlur röltið á morgun, og brenna í Húnaver á landsmót Snigla.

    #54311
    0801852789
    Meðlimur

    Stefni á labbið á morgun og múnkaþvæling á sunnudag.

    #54317
    Skabbi
    Participant

    Það fór svo að við byrjuðum helgina á því að keyra inn í Vatnsdal og kíkja á leiðirnar í Skinnhúfuklettum. Stórskemmtilegt svæði þó lítið sé og trúlega vannýtt.

    Við fórum:

    „Hilti-Brand“ (5.8) – snúin í byrjun og skítlétt að ofan, pínu ójöfn en sæmileg leið.

    „Erfiðasta 5.5 í heimi“ (5.9) – Stórskemmtileg slab leið, vel boltuð og löðrandi góð í alla staði.

    „Pálsleið“ (5.10a) – Önnur perla, létt yfirhangandi á kafla á góðum tökum. Gamlir boltar í bland við nýja sem er pínu spes, væri líklega ráð að fjarlægja þá elstu.

    Daginn eftir keyrðum við í Munkann. Ofan í gilinu var rjómablíða eins og svo oft áður. Í hitunum undanfarna daga hafði reyndar áin vaxið verulega, var kolmórauð, ófrýnileg og hávær eftir því.

    Eitt af því sem gerir Munkann að skemmtilegu svæði er ágætis safn af hágæða leiðum í léttari kantinum. Talía (5.6), UV (5.7), Sófus (5.8), Stuð fyrir stutta (5.9), Bláa Ullin (5.9), Stóru mistökin (5.9) og Undir Brúnni (5.9). Sú síðastnefnda er reyndar albesta 5.nía á landinu að mínu mati. Hinar reyndar allar stórfínar.

    Við klifruðum í Munkaþverárgili seinnipart laugardags og frá hádegi fram að kaffi á sunnudag í glaðasólskini og steikjandi hita. Urðum ekki vör við mannaferðir í gilinu. Ég hirti tvist úr leiðinni „Bláa Ullin“, ef e-r saknar hans má sá hinn sami hafa samband.

    Allez!

    Skabbi

    #54318
    Siggi Tommi
    Participant

    Já, Hlunkaþverá klikkar ekki.
    Afar hressar leiðir, fáar lélegar leiðir og fjölmargir gullmolar.

5 umræða - 1 til 5 (af 5)
  • You must be logged in to reply to this topic.