Sæll Himmi,
Já klifur í Hafnarfirði, af mörgu er að taka. Ég hef verið að glíma við grjót síðustu tvö sumur hér og þar um Hafnarfjörð og fundið ýmislegt mjög gott, en þó eru það helst tveir staðir sem standa þar upp úr, annars vegar eru það klettarnir við Strandgötuna og hins vegar klettar fyrir ofan Þórsberg/Stuðlaberg í Setbergshverfinu.
Í Setbergsklettunum hefur verið klifrað töluvert af probbum og allar augljósar línur klifraðar. Probbarnir sem klifraðir hafa verið hafa allir fengið nafn og gráðu og hef ég haldið utan um það. Probbarnir á þessu svæði eru á bilinu 5 til 6C í frönsku gráðunum sem svarar til V1 til V5.
Það sama má í raun segja um Strandgötuna. Klifrað hefur verið mikið þar af nýjum probbum í sumar og hefur flest það augljósa verið leyst. Probbarnir þar liggja á bilinu 4 til 7A (V0-V6).
Varðandi ,,hellirinn“ fyrir aftan gamla Lækjarskólann er það eitthvað sem leit mjög vel út en reyndist frekar laust og brothætt hraun. Svipaða sögu er að segja um klettana þar við hliðina.
Ég hef hugsað mér að taka þetta saman í lítinn leiðarvísi við tækifæri. Einhverjar gamlar myndir úr Setberginu eru http://www.klifurhusid.is en annars á ég myndir en hafa þær ekki enn ratað á netið.
Ég mæli bara með að þú, sem og aðrir áhugasamir, farir og prófir glímurnar, það dugar lítið að láta sig bara dreyma.
Kveðja, Jósef