- This topic is empty.
-
Svör
-
Kæru félagar
Stjórn klúbbsins óskar eftir áhugasömum aðilum til að vera fulltrúar Isalp í SAMUT, samtökum útivistarfélaga sem Isalp er aðili að.
Samut hafa þau meginmarkmið að standa vörð um rétt almennings til að umgangast náttúruna og vera málsvari þeirra félaga sem að þeim standa gagnvart stjórnvöldum og í öðrum sameiginlegum hagsmunamálum
Þarna er tækifæri fyrir þá sem láta þessi mál sig varða að hafa áhrif.
Ahugasamir vinsamlegast hafið samband við stjornina á stjornisalp@googlegroups.com
Ég tel að annar Ísalparinn í Samút eigi að vera stjórnarmaður, -helst formaður. Hinn aðilinn ætti að vera e-h sem er til í að sinna þessu e-h ár.
Markmiðið með 2 mönnum frá hverju félagi er að annar sé beintengdur stjórn á hverjum tíma en hinn sé e-h sem er tilbúinn að sinna þessu um nokkurn tíma og ná e-h samhengi í hlutina.Almennt.
Samtök útivistarfélaga eru stofnuð vegna fyrirhugaðra nátúruverndarlaga árið 1999 sem settu verulegar skorður við umferð gangandi manna um eignarlönd (þetta var á einkavæðingartrippi Dabba). Þetta frumvarp var gróf aðför að almannarétti og hefði getað lokað aðgengi að mörgum klifursvæðum ef landeigendum hefði dottið slíkt í hug.
Það náðist að berja þetta til baka og almannaréttur er enn með líku sniði og við landnám.
Framundan er töluverð vinna við skipulags og vegamál á miðhálendinu.Undanfarið hefur mikið púður farið í deilur við yfirvöld um aðgengi um Vatnajökulsþjóðgarð. Þeir sem nenna geta lesið e-h hér (bannað að tjalda á Vatnajökli etc)http://www.google.is/search?rlz=1C1GGGE_enIS358&gcx=w&sourceid=chrome&ie=UTF-8&q=isalp.is+sam%C3%BAt
Þessi leiðindi skapast af óvönduðum undirbúningi þjóðgarðsins, ónógri þekkingu þeirra skem skrifa reglur og skort á samráði við útivistargeirann. Hinumegin eru svo ýktar kröfur háværra einstaklinga innan skotvís og 4×4. Þessi mál fóru í bövaðan hnút, Maggi Hall, okkar maður (fráfarndi) í aðalstjórn VJÞ hefur þurft að sitja undir bölvúðu skítkasti ákv hóps jeppa og byssukalla og formaður FÍ hefur einnig að ósekju fengið álíka skammt úr sömu átt.
Að endingu sagði FÍ sig úr Samút vegna illmælgi ofandgreindra aðila en vert er að minna á að FÍ, FFA og FFF er tvíeggjað batterí, annars vegar „menningarsamtök“ á borð við Ísalp en á hinn bóginn eru þeir á kafi í túrisma með x hundruða milljóna veltu á ári sem að töluverðu leyti er innan VJÞ.
Það er missir að FÍ úr Samút og allt í lagi að minna á að núverandi formaður FÍ (og Ísalpari) átti stærsta þáttinn í þeim úrbótum sem gerðar voru á núverandi náttúruverndarlögum og náði að smeygja Samút mönnum inn í stjórn VJÞ með skóhorni á síðustu metrunum.Ég veit ekki hver framtíð Samút verður eftir brotthvar FÍ, við það þyngist róður okkar gagnvart yfirgangsömum og háværum hópi jeppa og byssumanna sem að mínu mati hafa farið offari.
Mín tilfinning er sú að vegna viðskiptahagsmuna innan VJÞ hafi FÍ ekki viljað láta spyrða sig við háværa arm Samút og því ákveðið að sigla lygnan sjó gagnvart þjóðgarðinum.
Mér er í sjálfu sér hlýtt til FÍ en finnst þeir vera eins og homminn í skápnum sem þorir ekki að koma út og viðurkenna opinberlega að hann sé á kafi í túrismanum og eigi í raun meiri samleið með Samtökum Ferðaþjónustunnar en Samtökum Útivistarfélaga og ætti að sækja um ferðaskrifstofuleyfi eins og aðrir í þeim geira. Minna má á að FÍ hefur nýlega keypt öll hús og rekstur í Húsadal í þórsmörk fyrir stórfé.Í þessu samhengi er vert að minna á tvennt: Systursamtök Ísalp og FÍ, DAV og Frönsku Alpaklúbbarnir, hafa fyrir löngu stofnað sérstök félög um rekstur fjallaskálanna til að skilja á milli reksturs og félagsstarfsemi.
Hitt er að einn fyrirferðarmesti þátturinn í starfi aðildarsamtaka UIAA er báráttan fyrir aðgangi að náttúrinni og í því ljósi þarf Ísalp að standa sig eins og aðrir og stjórn þarf að sinna þeirri vinnu.Góðar stundir
Saelir felagar
Thetta er liklega eitt mikilvaegasta hagsmunamal isalpara og thvi aetti ad skipta alla miklu ad manna vel okkar saeti a thessum vettvangi.
Kvedja
HalliTakk Kalli fyrir gott yfirlit yfir sögu Samút. Og takk fyrir að hafa sinnt þessu krefjandi hlutverki öll þessi ár. Nú er voanandi að einhver áhugasamur bjóði sig fram.
p.s. hressandi samlíkingin sem FÍ fær. hvað er FÍ annað en ferðaskrifstofa?
Sammála Kalla um fulltrúana. Hef áhuga á að verða annar þeirra, enda um mjög þarft mál að ræða.
Með bestu kveðju,
Sighvatur Blöndahl
Frábært að það sé áhugi fyrir þessu. Ég mætti á aðalfund samtakana nú í vor fh ísalp og var strax spurður hvar Kalli sé eða hvort ég væri nýr Kalli. En þetta var aðeins aðalfundur og ekki talað mikið um hitamálin sem rædd voru í vetur.
Það kom mér einnig á óvart að FÍ sagði sig úr samtökunum, þó allir séu ekki sammála um einstaka málefni og vissulega sé mismunandi hagsmunamál milli aðila að þá held ég að sem flestir aðilar útivistarsamtaka eigi heima þarna.
Einhverjir nýjir sóttu um aðild að Samút og talað var um að aðilar geti verið „virk“ og „óvirk“ hverju sinni án þess þó að ganga hreinlega úr samtökunum. En ég hef ekki fengið fundargerðina og get því ekki vitnað beint í hana.
Flott að þú sért spenntur fyrir þessu Sighvatur, sjáum hvort einhver vilji taka þetta með þér.
Hvernig er annars fyrir norðan Kalli? Ég ætlaði að heimsækja þig nú um miðjan mánuð en þú varst ekki við.
bestu kveðjur,
-GummiKíkti aðeins á félagalista SAMÚT. Sérkennileg samsetning. Sýnist þetta hálfgerð ormagryfja fljótt á litið.
Hver er munurinn á FÍ og Útivist? Er Útivist með ferðaskrifstofuleyfi? A.m.k. eru þeir ekki í Samtökum ferðaþjónustunnar?
Jeppavinir er hagsmunasmatök superjeppaeigenda í ferðaþjónustu. Hvað eru þeir að gera í SAMÚT?
Almennt aðgengi ferðamanna er ekki vandamál í dag svo ég sjái. Frelsi til ferðalaga er nánast ótakmarkað.
Vandamálið í mínum huga hvað snertir íslenska náttúru eru óhóflegar kröfur ferðaþjónustuaðila um sífellt betra aðgengi. Menn heimta uppbyggða vegi, varnargarða og húsbyggingar um allar koppagrundir. Slíkt eru stórfelld náttúruspjöll að mínu mati.
Nýjasta nýtt er svokölluð lenging jeppaslóða fyrir jeppa í ferðaþjónustu. Þetta kallast reyndar á mæltu máli utanvegaakstur (þangað til bíll nr. 2 fer það skv. skilgreiningu sumra).
Karl Ingólfsson hefur einn fárra ef ekki sá eini opinberlega lýst skoðunum sínum á vegamálum á Þórsmerkursvæðinu.( Að mér undanskildum). Uppbyggðan veg upp á Fimmvörðuháls, uppbyggðan veg inn Fljótshlíð inn að Markarfljótsglúfri (með brú yfir Fljótið) og uppbyggðan veg a.m.k. að hluta inn á Þórsmörk nefnir Karl í viðtali við Útiveru ca. 2004-5. Hann á a.m.k heiður fyrir að þora að nefna eitthvað sem verið var og er enn verið að vinna að á bak við tjöldin.
Ég vildi gjarnan heyra hvaða skoðanir þeir sem ætla sér að taka nefndarsæti fyrir hönd ÍSALP hafa almennt á þessum málum. Eru þeir fylgjandi óheftum innflutningi ferðamanna til landsins? Er massatúrismi með tilheyrandi eyðingu öræfanna eitthvað sem er á stefnuskrá þeirra? Á að leggja uppbyggða vegi inn í Jökulheima, Kverkfjöll o.s.fr. Hvar á að stoppa?
Kv. Árni Alf.
Ég hætti í stjórn Samút fyrir aðalfund 2011 en er fulltrúi Samút í suðursvæði VJÞ. Í það fór ég nestaður þeirri stefnu Samút að standa gegn hugmyndum um tilkynningaskyldu og aðrar íþyngjandi steypu sem rædd hefur verið þar eystra.
Jeppavinir voru ekki í Samút síðast þegar ég vissi.Mig minnir að Samút hafi e-h tíma sent frá sér ályktun um göngubrú á Markarfljót. Ég hef lengi haft þann áhuga og sýnist að slíkur áhugi hafi verið til staðar hjá forvera ÍSALP:
http://timarit.is/view_page_init.jsp?issId=79697&lang=gl
-Grunar að FÍ sjái viðskiptatækifæri í því að vera við syðri brúarsporðinn…Aðkoma, umgengnisréttur og vernd eftirsóttra útivistarsvæða kemur að miklu leyti til með að ráðast af skipulagi sveitarfélaga og þjóðgarða.
Þar gildir að þeir sem ekki hafa skoðun og/eða taka ekki til máls eru ekki með. Ég tel eðlilegt að Ísalp vinni þá heimavinnu sem þarf.Það þarf augljóslega að bæta aðgengi í Þríhnjúkagíginn (ehf.) ef marka má fréttaflutning þessa dagana. Ég velti því aðeins fyrir mér í því samhengi hvort ferðaþjónustunni sé ekkert heilagt.
Veit vel að aðgengi er ekki fyrir alla en er það landsmönnum virkilega lífsnauðsynlegt að ráðast í hálfgerða Hörpu þarna á þessum tímapunkti?
Hver gefur ákveðnum mönnum rétt til að bora þetta út og malbika? Það er viss hrunverjalykt af þessu.
Gaman væri að heyra álit SAMÚT á þessu máli. Hvað segja fulltrúar ÍSALP?
Gott að heyra að fjármál Reykjavíkurborgar og Kópavogs séu þannig að þessum sveitarfélögum muni ekkert um að fleygja tugum milljóna í þetta þessa dagana. Á tímum niðurskurðar þar sem t.d. rekstur eina skíðasvæðis SV hornsins er í tvísýnu. Hef á tilfinningunni að Ísland sé fyrst og fremst fyrir útlendinga og ferðaþjónustuna þessa dagana en ekki okkur landsmenn.
Hef alltaf borið þá von í brjósti að komandi kynslóðir fengju að upplifa eitthvað af því sem ég hef upplifað hér úti í íslenskri náttúru. Þeim ævintýramöguleikum fer hins vegar ört fækkandi fái fégráðug ferðaþjónusta að leggja landið undir sig.
Það eru ótal tækifæri í ferðaþjónustu án þess að rústa tiltölulega ósnortinni náttúru með stórvirkum vinnuvélum.
Kv. Árni Alf.
Þarna er ég hjartanlega sammála þér Árni, sumt er bara ekki ætlað öllum að upplifa. Hvað segðu menn ef lagður yrði rúllustigi upp á Everest, maður gæti fengið leigðan súrefniskút og hlý föt og fengið að standa á hæsta tindi veraldar án þess að gera annað en að standa kyrr í rúllustiganum.
kv. Smári
Mikið er gaman að sjá að fólk hefur skoðanir á þessum málum, enda mjög mikilvægt svo við getum stundað sportið okkar. Ástæðan fyrir því að stjórnin ákvað að auglýsa eftir fulltrúum fyrir hönd Ísalp var einmitt að fá einstaklinga sem virkilega hafa áhuga til að koma fram hagsmuna málum Ísalp, eins og fyrri fulltrúar okkar í Samút hafa gert svo vasklega.
Ég sé ekki að það hafi úrslitaáhrif þó fulltrúar okkar í Samút séu ekki í stjórn svo lengi sem samskipti til stjórnar á hverjum tíma er góð.Best væri að þessir tveir fulltrúar myndu endurspegla „eldri“ kynslóðir fjallamanna og svo þá sem nýrri eru í sportinu.
Kveðja,
Atli Páls.
Sighvatur, ertu til í að hafa samband við mig á gummistori@internet.is
ég held að þessi mál, sem og önnur mikilvæg málefni okkar Íslendinga, eru í góðum höndum
Þau verða ekki í vandræðum með að ákveða með eitt stykki ferðamannahelli
- You must be logged in to reply to this topic.