Tryggingar fjallamanna – BMC

Home Umræður Umræður Almennt Tryggingar fjallamanna – BMC

  • This topic is empty.
  • Höfundur
    Svör
  • #45988
    0311783479
    Meðlimur

    Sælir félagar – Aðvörun: nú hefst langloka! :o)

    Ég hef lengi verið að velta fyrir mér tryggingar möguleikum fyrir íslenska fjallamenn. Margir eru tryggðir í gegnum björgunarsveitir aðrir ekki.

    Árið 2002 fór ég á stúfana í kjölfarið á að þáverandi vinnuveitandi minn líftryggði mig. Ég fór ofan í kjölinn á hinni hefðbundnu heimils/slysatryggingu og það kom á daginn að hún undanskyldi „fjallaklifur“; skyldi öngvan undra.

    Ég setti saman þær þarfir um trygginavernd sem ég taldi mig þurfa og fór á fundi með öllum tryggingafélögunum en það kom á daginn að enginn vildi selja mér mína klæðskerasniðnu tryggingu – of áhættusöm. Hins vegar buðu þau öll nánast sömu útvíkkun slysatryggingunni á óheyrilega háu verði. Mér fannst þetta ekki henta mínum hagsmunum, þar sem mikilvægir punktar voru undanskyldir.

    Eins og með margar góðar hugmyndir þá koðnar oft mómentið sem búið er að ná þegar lítið gengur. Afréð ég að veðja á þá tryggingu sem Hjálparsveit skáta í Reykjavík kaupir fyrir félaga sína.

    Eftir að ég fluttist til Skotlands og gekk í fjallklúbb og heyrði á tali manna að þar tryggir klúbburinn sína félagsmenn við fjallamennsku á Bretlandseyjum. Ennfremur benda þeir mönnum á að kaupa extra tryggingar þegar menn halda út fyrir Heimsveldið í reisur.
    Þetta fannst mér áhugavert og fór og kynnti mér málið. The British Mountaineering Council, svona heildarsamtök breskra fjallaklúbba, býður upp á skrambi góðar tryggingar sem menn geta keypt. Allt frá 3 dögum upp í ár.

    Fólk sem er ekki í BMC getur samt keypt tryggingar gegn því að borga félagsgjald, man ekki hvað það er. Ég hvet menn til að kynna sér þetta því það er álíka gáfulegt að fara að klifra/ skíða utanbrautar ótryggður eins og að eiga ekki brunatryggingu á húseign sinni.

    Meira um tryggingarnar þeirra hér:
    http://www.thebmc.co.uk/insurance/policies.htm

    Hins vegar þá datt mér í hug að ísalp gæti haft samband við BMC með að koma á samstarfi á um tryggingar fyrir félagsmenn – eða að félagar í ísalp geti keypt tryggingu, þá þessa „Winter Europe“, án þess að greiða félagsgjald til BMC.
    Þetta er held ég alveg tölvupóstsins virði frá stjórn ísalp.

    Klúbburinn hefur lengi velt fyrir sér tryggingamálum félagsmanna, ég man eftir miklum vangaveltum hjá Kalla Ingólfs þegar hann var formaður – sér í lagi eftir slys á ísklifurnámskeiði á vegum klúbbsins. Nú gæti verið lag.

    Að lokum hvet ég menn til að gera e-ð í sínum tryggingum, því það getur verið helv. hart að stórslasast í klifri/utan brauta skíðun svo illa að fólk geti ekki sinnt vinnu sinni, án þess að hafa neitt hálmstrá til að hjálpa sér ef illa færi. Dobbúl tjékkið á ykkar slysa/heimilistryggingu!

    Bestu kveðjur
    Halli

    ps. vinn hvorki í tryggingabransanum né er á prósentum ;o) hehehe.

    #50138
    Björk
    Participant

    Danski fjallaklúbburinn bíður einnig uppá tryggingar, hægt að hressa uppá dönskuna…. http://www.danskbjergklub.dk/dbk/forsikring.htm

    #50139
    0405614209
    Participant

    Ég var/er með mínar tryggingar hjá Sjóvá. Ég var með samning þess efnis að ég gæti verið í almennri fjallamennsku og svo myndi tryggingin líka gilda fyrir klifur (ís- og kletta-) ef það væri hluti af ferðalaginu/leiðinni sem ég var á.

    Ég borgaði eitthvað smotterí fyrir þetta aukalega en hætti svo að kaupa þetta því að þetta var á of gráu svæði eftir reynslu sem ég varð fyrir. Málið var að það var brotist inn í einn af jéppunum og stolið gps tæki og einhverju útivistardrasli líka. Af því að þjófurinn braut ekki rúðu eða skemmdi bílinn við að brjótast inn í hann þá ætluðu þeir ekki að gera neitt í þessu.

    Þessi tryggingarfélög eru helv. rummungar og menn ættu að taka sig saman og bjóða út allar sínar tryggingar og fara í leiðinni fram á að fá almennilegar fjallamennskutryggingar. Með því ættu að nást fram lægri iðgjöld og tryggingar sem hægt er að lifa við.

    Kveðja
    Kapteinn Kvaran

    #50140
    Páll Sveinsson
    Participant

    Bíll sem er læstur en ekki læstur.
    Hjól sem er læst eða ekki læst.
    Eldur þar sem engin eldur er eða bara reykur.
    Tognar á skíðum eða heima í stofu.

    Einfaldast er að skálda sögu fyrir því sem þú ert tryggður fyrir, frekar en leyfa dj. tryggingafélögunum að hanka þig á smá letrinu.

    kv.
    Palli

    Ég fékk alla reikninga borgaða vandræðalaust þegar ég rakst utan í „gamla girðingu“ í ölpunum forðum daga.

    #50141
    0405614209
    Participant

    Ég skil þetta núna:

    …var að taka til í bílskúrnum þegar það datt í gegnum löppina á mér gömul ísexi og ég sneri mig á ökkla þegar ég dró hana út!
    … það hrundi snjóhengja af þakskeggi nágrannans yfir mig!
    … rann á svelli fyrir utan dyrnar hjá Tryggingastofnun!

    Það þarf náttúrulega ekkert að vera að standa í að tryggja sig þegar sögurnar steinliggja. Ísalp ætti að koma sér upp góðum gagnagrunn með útskýringum fyrir fjallamenn.

    Kveðja
    Kapteinn Kvaran

    #50142
    2506663659
    Participant

    Gæti samt verið erfitt að kokka upp söguna ef viðkomandi er dauður á fjöllum….

    kveðja
    GSS

6 umræða - 1 til 6 (af 6)
  • You must be logged in to reply to this topic.