Mun þessi ríkisstjórn stuðla að raunverulegri sátt í umhverfismálum?

Home Umræður Umræður Almennt Mun þessi ríkisstjórn stuðla að raunverulegri sátt í umhverfismálum?

  • This topic is empty.
  • Höfundur
    Svör
  • #44682
    0309673729
    Participant

    Eftirfarandi er tvímælalaust skref í rétta átt. Úr stjórnarsáttmála Sjálfstæðisflokks og Samfylkingarinnar …

    ======
    Nokkur svæði, sem talin eru mikilvæg út frá verndunarsjónarmiðum af stofnunum umhverfisráðuneytisins, verði undanskilin nýtingu og jarðrask þar óheimilt þar til framtíðarflokkun hefur farið fram í samræmi við staðfestar
    niðurstöður hinnar endurskoðuðu rammaáætlunar. Slík svæði eru Askja, Brennisteinsfjöll, Hveravellir, Kerlingafjöll, Kverkfjöll og Torfajökull. Vatnasviði Jökulsár á Fjöllum verði bætt við Vatnajökulsþjóðgarðinn og tryggt að ekki verði snert við Langasjó í virkjanaskyni. Stækkun friðlandsins í Þjórsárverum verði tryggð þannig að það nái yfir hið sérstaka votlendi veranna.
    ======

    kveðja
    Helgi Borg

    ps.
    Hver bjó eiginlega til þetta umræðukerfi. Af hverju er hér ekki sérstakur flokkur fyrir umhverfismál!

    #51504

    Svo er spurning hvernig þetta lið skilgreinir „óröskuð svæði.“ Hingað og þangað er búið að vera bora tilraunaholur og raska á annan hátt í til undirbúnings. Svo á maður alveg eftir að sjá hver niðurstaðan verður úr „endurskoðaðri rammaáætlun.“

    Held það sé alltof snemmt að hrósa happi. Sáttmálinn er svo diplómatískt orðaður eins og allt sem pólitíkusar láta út úr sér að þeir geta hæglega lagt annan skilning í orðin en við.

    Við höfum nú öll séð Ingibjörgu Sólrúnu segja eitt en gera allt annað…. sagðist sko ekki ætla á þing og myndi halda áfram sem borgarstjóri út tímann, en fór svo á þing auðvitað og hætti sem borgarstjóri. Bara svona eitt dæmi.

    Gott að losna við steingervinginn Framsóknarflokk. Eitthvað varð að breytast eftir þessar miklu sviptingar í fylgi flokkanna, annað hefði verið ólýðræðislegt. Sjáum hvernig þetta þróast, en höldum okkur á tánum.

2 umræða - 1 til 2 (af 2)
  • You must be logged in to reply to this topic.