Klifurbelti til sölu.

Home Umræður Umræður Keypt & selt Klifurbelti til sölu.

  • This topic is empty.
  • Höfundur
    Svör
  • #47565
    evabjarna
    Meðlimur

    Klifurbelti til sölu sem ég keypti f. ca. 8 árum síðan. Hef notað það 2x. Merkið á því er Lanex, sting type C (XL)

    Fæst fyrir 5000 kr.

    Áhugasamir hafið samband á netfangið evabjarna@hotmail.com

    #55685
    SmáriSmári
    Participant

    Vill bara minna á að líftími svona belta er ekki endalaus jafnvel þó þau séu lítið sem ekkert notuð.

    kv. Smári

    #55686
    SissiSissi
    Moderator

    8 ára gamalt belti ætti að fara í ruslið, sammála Smára.

    Sissi

    #55687
    SissiSissi
    Moderator

    Svona fyrst þessi umræða er komin upp þá var ég einmitt að rekast á grein um þetta efni nýlega:

    http://backcountrybeacon.com/2010/10/climbing-gear-inspection-ropes-harnesses-helmets/

    Þeir eru reyndar ekki með ártölu á þetta en ég held að ágæt þumalputtaregla með nylon og hjálma sé að nota ekki neitt slíkt lengur en 5 ár (línur, slinga, prússika – og náttúrulega hjálma) að því gefnu að meðferð sé góð, notkun hófleg, ekkert stórt fall etc komi uppá. Annars styttist þessi tími, jafnvel í 2-3 síson.

    Og það segir sig sjálft að um leið og það sést eitthvað á þessum búnaði (þ.e. eitthvað annað en að hann verði smá úfinn), misjafnt slit eða sjáanlegar skemmdir á að klippa þetta niður (svo enginn asni hirði þetta úr ruslinu) og henda því.

    Eða þið getið búið til mottu: http://www.summitpost.org/article/263578/so-you-want-to-make-a-rope-rug-eh.html

    Ég klippti niður eitt stk Petzl Guru í síðustu viku (sem hefði reyndar átt að fara þá leið fyrir svona 2-3 árum). Og henti sjittlód af slingum.

    Ég meina – sumir kaupa ný skíði nánast á hverju sísoni en nota einhverja forngripi í klifrið, eina sportið þar sem það er bókstaflega lífsspursmál að dótið sé í toppstandi.

    Hvet alla til að taka til í geymslunni, setja slatta í ruslið og koma með rest á útbúnaðaruppboðið.

    Svo er líka gaman að eiga nýtt og fínt dót.

    Sissi hættir að ranta í bili.

    #55688
    0703784699
    Meðlimur

    Svona víst við erum að tala um líftíma á klifurvörum að þá er hér ein mynd sem ég tók f. tæpu ári síðan þegar ég skipti um karabínu á einu fjölförnu klifursvæði sem ég átti heimangengt á hér um árið. Þar voru „fixed quickdraws“ í fjölförnustu leiðunum og þessi karabína var víst tæplega eins árs þegar við skiptum henni út f. aðra og nýrri. Ég hafði klippt í hana allt árið á undan, margoft á dag, án þess að velta þessu of mikið f. mér og var frekar sjokkeraður þegar ég sá hvernig hún var umleikis.

    http://picasaweb.google.com/himmi78/Desember2009#5455560111417117154

    #55690
    SissiSissi
    Moderator

    Part II fjallar einmitt m.a. um bínur: http://backcountrybeacon.com/2010/10/climbing-gear-inspection-hardgoods/

    1mm af sliti/rispu og þá í ruslið.

    Góð hugmynd líka að skjóta hjálminn! Maður á alltaf eitthvað af haglaskotum sem þarf að eyða líka, fuglar hafa einstakt lag á að forðast þá landshluta sem við Skarphéðinn erum staddir í.

    Siz

    #55691
    0808794749
    Meðlimur

    Takk fyrir linkana. Ég bætti þeim inn á Búnaðarbazars-eventinn á flettismettinu. Gott að minna fólk á ábyrga kaup-og sölumennsku.

    #55692
    Björk
    Participant

    aldrei að vita samt nema að þú finnir kaupanda Eva.

    Ég man t.d. eftir því að um daginn var einhver hér var að auglýsa eftir belti sem átti ekki að nota til klifurs heldur til að ganga með hundana ;)

    Sissi tekur þú að þér svona mottugerð?

    #55693
    Karl
    Participant

    „Todd Skinner completed a new route up the face of Leaning Tower in Yosemite National Park on October 23, 2006. While rappelling down, he fell 500 feet and died. The cause of death was the failure of the belay loop of his climbing harness. [1] Jim Hewett, a friend of Skinner, had previously observed that the harness appeared worn…“

    Lestur þessa þráðar minnti mig á þennann Todd sem notaði næstum því jafn gamalt belti og Olli notaði …..
    8 ára? Olli mundi kalla það nýtt. Þeir af 100 tindunum sem hann heimsótti á skíðum, -voru farnir á gönguskíðunum sem hann keypti notuð af Himma árið 1990…. (skíðin voru sléttbotna og hann notaði aldrei áburð, ef frá er talið þegar ég laumaði undir þau klístri sem kallinn hélt að eyðilegði þau endanlega…)

    #55694
    2401754289
    Meðlimur

    Er engin/nn snillingur að „testa“ fallfaktora? Fínt að prófa hvað lítið notað 8 ára belti þolir!!!

    #55695
    0801667969
    Meðlimur

    Mér hlýnaði um hjartaræturnar þegar börn og fullorðnir tóku að streyma á skíði í kjölfar kreppunnar og það margir á 20 ára gömlum búnaði. Þetta er kannski ekki heppileg þróun en engu að síður raunveruleiki kreppunnar.

    Það er ekki langt síðan að Helgi Ben. benti á það í fjölmiðlum að sumt plast, t.d. skíðaskór, verði stökkt og hættulegt með árunum. Einu sinni hafa gamlir skór sprungið fyrir framan nefið á mér. Ég hélt fyrst að maðurinn hefði misst fótinn en átti erfitt með að skilja hvers vegna. Þetta er sem betur fer sjaldgæft.

    Ekki langt síðan ég hitti fyrrverandi Everestfara á Eyjafjallajökli. Ég var nú bara á sömu skíðum, skóm og fötum og þegar við löbbuðum þvert yfir landið tæpum 20 árum fyrr. Hann sagði mig vera til skammar fyrir fjallamenn. Átti vonandi við útlitslega. Þetta var á því herrans ári 2007 minnir mig.

    Nú er 2007 liðið og kemur vonandi aldrei til baka. Nú er um að gera að nýta hlutina en þó ekki á kostnað öryggis.

    Kv. Árni Alf.

    P.S.

    Er ekki búin að henda Fjólubláu Scarpa skónum(1989) með nýju (2007) grænu reimunum. Í snjó fer ég hins vegar æ meira um á sjö ára gömlum harðbotna frystihússtígvélum . Sennilega það sem koma skal.

    #55696
    SissiSissi
    Moderator

    Í dæminu sem Kalli nefnir var það belay lúppan sem fór. Black Diamond segja:

    http://web3.bdel.com/scene/beta/qc_kp_archive.php#102706

    Hlutir sem eru m.a. relevant í þessari umræðu:

    With normal use and proper care, the life expectancy of your harness is approximately three years, and can be longer or shorter depending on how frequently you use it and on the conditions of its use.

    Factors that reduce the lifespan:
    ♦ Falls
    ♦ Abrasion, cuts, wear
    ♦ Heat
    ♦ Sunlight
    ♦ Corrosives

    Ónotað belti geymt við bestu aðstæður á að fara í ruslið í síðasta lagi eftir 10 ár, en af hverju að taka sénsinn á því?

    Margt gott þarna fleira og fullt, fullt af testum.

    Sissi

    ps – gaman að sjá Kalla og Árna Alf hérna að tjá sig um það sem þeim er hjartnæmast (nei – þú ert ruglaður sissi / suðurjöklahringi á gúmmístígvélum) Nú vantar bara að Hardcore birtist hérna og segi okkur af hverju allir fjallamenn á Íslandi eru slefandi hálfvitar. Það myndi bjarga vikunni hjá mér :)

    #55697
    Karl
    Participant

    Skíðavertíðin hjá mér endaði 2. jan sl.
    Mætti á Telemarkfestival spelkaður á 130cm stubbum og gömlu fjallaskíðaskónum. -Braut annan skóinn þegar ég smellti.
    Fór á skíði um páskana, vopnaður mjúkum, nýjum 165cm kellingaskíðum og á 20 ára gömlu svigskíðaklossunum sem höfðu staðið smelltir út í skúr skíðan 1996. Braut báða skóna þegar ég var að troða mér í þá….
    -Eins gott að gamli hjálmurinn er týndur!

    En þar sem þessi þráður virðist vera að rústa sölumöguleikum á þessu líka fína belti, er rétt að minna á að öryggisbelti í bílum og flugvélum eru úr samskonar vefnaði og klifurbelti og slingar. Aldrei hef ég heyrt minnst á að skipta eigi út öryggisbeltum í bílum og flugvélum með reglulegu millibili.
    Minnir að í testi sem gert var hér fyrir margt löngu hafi gamlar línur haft sambærilegan brotstyrk og nýjar en mikið minna þanþol og teygjanleika.
    Styrkur undir stöðugu átaki var sá sami, en gömlu línurnar gátu ekki dempað högg með sama hætti og nýjar línur.
    -ég á 27 ára gamlan bíl… -ætti ég að setja screamer á öryggisbeltin…

    Eða eins og fjallað er um línur í afgamalli bók um fjallamennsku:

    This is the tale of Sammy Shand
    who bought his ropes all second hand
    not knowing that inside they frayed.
    And so poor Sammy was dismayed
    when on an ice-ledge he was trapped
    just at the time his lead rope snapped.
    He fell far, -flying round and round
    Until he plunged into a deep bergschrund.
    Andi in that crevasse is Sammy´s grave.
    -The cost of burial was all he saved…

    #55698
    SissiSissi
    Moderator

    30 kN webbing sýnist mér og örugglega erfitt að ná fallfaktor 2 undir stýri ;)

    Vísan er massagóð!

    Síðan eru svona menn eins og Steppo sem þurfa sjálfsagt að skipta um helsta búnað árlega (og klifra með aukaöxi)…

    #55699
    0801667969
    Meðlimur

    Svona Sissa til fróðleiks þá var ég í gúmmígalla allan tímann í síðasta Suðurjöklahring 2004. Stígvélin hefðu komið sér vel í aurbleytunni og krapanum milli jökla þessa páska.

    Annars var ég að smala um daginn og hef aldrei verið jafn vel búinn. Föðurland, lopapeysa og ekkert minna en sjógalli (þykkasta útgáfa gúmmígalla) utan yfir. Ekki veitti af enda Eyfellskt slagveður eins og það gerist best. Á floti í Fljótinu á eftir óþægum vatnarollum sýndi þessi búnaður yfirburði sína. Rollurnar voru eins klæddar, reyndar án sjógallans og engum varð kalt.

    Án gríns þá er gúmmígalli og ull eini vitræni búnaðurinn á þessum slóðum hvort sem er upp á Jökli eða út í Fljóti, vetur sumar vor og haust. (Kalli getur kannski staðfest þetta :)

    Kv. Árni Alf.

    PS Var í gönguskóm í smalamennskunni. Auk þess má geta að alla þessa helgi var hið algenga SA slagveður (oftast kallað austan slagviðri) sem ku vera sjaldgæft á sandrifinu niðrá Bakka.

    #55700
    2806763069
    Meðlimur

    Já, já, já, bla, bla, bla! Þar sem Sissi saknar þess svo mikið að láta rassskella sig og biður svo fallega þá getur Hardcore bara ekki neitað honum lengur. Aldrei þessu vant verður Hardcore að segja að hann er sammála Kalla Klingon. Það er rosalega lífseigt í þessum bransa að klifurbúnaður sé búinn til úr einhverjum spes geymaldar efnum sem hafa órtúlega hæfni til að gjöreyðileggjast við litla eða enga notkunn. Halló, þetta er úr sama efni og skoppara-jakkafötin þin Sissi! Og þau eru í fínu lagi, þó að bleik jakkaföt virki reyndar ekki oft (nema maður sé Jón Gnarr).
    Notið draslið, þvoið það með smá sápu í köldu vatni, gerið hvað eina sem ykkur sýnist. Ekki hellda yfir það olíum og geymasýru. Og þegar liturinn er kominn úr tísku eða það eru sjáanlegar skemmdir er kominn tími til að skipta þessu út (10 ára gamalt drasl ætti að vera ónýtt fyrir löngu ef það fær einhverja notkunn. Slingin ættu að hafa verið skilinn eftir í einhverri epískri alpa leið, línan ætti að vera orðin svo loðin að hún sígur í sig vatn eins og Alway Ultra og beltið er fyrir löngu orðið tæknilega og tískulega úrelt).
    Klifurbelti eru hönnuð til að þola þau átök sem verða í klifri, ekki einusinni eða tvisvar, heldur aftur og aftur og aftur. Ef það væri ekki þannig væri annar hver sportklettaklifrari dauður!

    Og það er líka satt sem K.Klingon segir. Prófanir sína að gamalt nælon er enn nógu sterkt. Hinsvegar verður þróun í hönn. Línur í dag er t.d. mun flottari græjur en línur fyrir xx árum og xx ára gömul lína hefur mist þá teygju eiginleika sem hún þó hafði ný. Sling veikjast í sól og hita og við það að vera úti. Ekki síga á upplituðmum slingum.

    Ef þetta væri þannig að þetta drasl væri ónýtt eftir 2 – 3 ár (á við um mikið notaðar línur (sprotklifur)) þá væri ekki mikið eftir af klifrurum, amk hefði Hardcore ekki efni á þessu sporti.

    Hitt er svo annað mál að maður ætti að vera mjög passífur á hvað maður er að kaupa gamalt. Allt nælon, hjálmar oþh ætti maður almennt ekki að kaupa notað, einfaldlega vegna þess að maður veit ekki hvað hefur verið gert við það.

    Í þessu eins og öðru verða menn að nota heilbrigða skynnsemi (sem reyndar er ekki allra). Auðvitað setja þeir sem framleiða búnað upp mjög strangar reglur og auðvitað reyna þeir sem hafa atvinnu af því að nota þennan búnað að fylgja þeim. Og auðvitað á maður að vera með nýtt og flott dót. En einhverstaðar verður að vera millivegur – geymum bókastafstrúnna fyrir presta og þessháttar pakk og förum frekar að nota þetta dót.

    Og hvað Tod Skinner varðar þá voru félagar hans ítrekað búnir að segja honum að fá sér nýtt belti, ég geri ekki ráð fyrir að það hafi verið vegna þess að þeim fannst beltið hans ljót. Líklega frekar vegna þess að það hafi verið farið að sjá verulega á því. En Tod Skinner klifraði líklega álíka mikið á einu ári og allir félagar Ísalp til samans. Þannig að þetta dæmi er svona frekar hæpið til viðmiðunar þó að það sé vissulega þörf áminning (frekar dýru verði keypt þó).

    Og svo skilur Hardcore bara alls ekki hvernig PVC gallinn hans Árna komst inn í þessa umræðu.

    P.s. Hardcore fékk að nota innskráninguna hans Ívars Sófacore, því hann er bölvuð kelling og notar hana ekki sjálfur og Hardcore hefur verið sviptur ríkisborgarararétt og þar með kennitölu. Takk fyrir það Softarinn þinn!

    #55701
    0801667969
    Meðlimur

    Eftir innlegg Ívars þá gæti beltið nú selst þrátt fyrir allt, kannski hækkað í verði. Þetta fer að líkjast gömlu góðu loftbóluárunum þegar hlutabréf voru töluð upp og niður, þó aðallega upp. Án gríns mjög gagnleg umræða.

    Það er staðreynd að margir hafa aldrei komist á fjöll vegna þess að þeir áttu ekki nýjasta eða „rétta“ búnaðinn. Þessum hugsunarhætti þarf að eyða.

    Nú ef í hart fer mætti eflaust spinna línur úr ull. Ætti að vera góð teygja í þeim. Reipi úr hrosshárum liggja nú víða. Vegna eðlis háranna þá er þetta ofursterkt en lítil teygja. Kæmi þá meir í stað static lína.

    Kv. Árni Alf.

    PS. Gúmmígallar hafa mismunandi teygju og mislangan líftíma.

    #55702
    SissiSissi
    Moderator

    Jesss, af hverju er svona gaman að lesa Kalla, Árna og Hardcore (ekki kjéllinguna hans hann Ívar samt).

    Þetta er allt satt og rétt hjá Hardcore en feilar á 2 hlutum (svolítið eins og þjóðveldið): Fólk er ekki að upplagi nógu skynsamt og það klifrar ekki nógu mikið (ég klifra svo sannarlega ekki næstum nógu mikið).

    Þar af leiðir að draslið verður of gamalt og/eða skynsemin til að henda því þegar það er orðið loðið eins og bakið á gömlum kalli í sundi er ekki til staðar.

    En gríðarskemmtileg lesning annars. Og ég sver það Árni, ég var að pæla í að kaupa mér PVC galla um daginn, held að hann yrði eflaust meira notaður en ýmislegt í dótaskúrnum.

    Hils,
    Sissi

    ps – ef það birtast ekki fleiri risaeðlur með uppsafnaða ritpressu getið þið alltaf farið og lesið þetta: http://gravsports.blogspot.com/2010/10/exercise-balls-are-stupid-core-strength.html

18 umræða - 1 til 18 (af 18)
  • You must be logged in to reply to this topic.