Ég fór ásamt Viðari, Freon og Freysa í Grafarfoss á fimmtudag. Ísinn var nú ekkert sérlega skemmtilegur – ég þræddi línuna upp við klettana en hefði betur farið út á miðjuna þar sem ísinn var aðeins þykkari. Hitti Freon og Freysa á miðri leið – þeir fóru upp vinstra megin- það var ágætt að sjá þá ég var búinn með skrúfurnar og annar broddinn losnaði tvisvar! Hugmynd kom upp að bolta inn megintryggingu í Orginalnum hvað finnst mönnum um það. Tryggði í V-þræðingu í miðjum fossi svo e-h hafa verið á ferðinni.
Á laugardaginn skruppum við Viðar og Guðmundur Helgi í Glymsgil þar var nægur ís en áin opin fórum leiðina á horninu, og leiðina uppá gilbrúninni – líklega fyrir ofan hval 1 eða 2??? Við Viðar erum báðir eitthvað hvekktir en sumir gleyma engu þótt þeir klifri bara annað hvert ár. Ég er með fallegt glóðar-auga og smá skurð lúkkar frekar kúl en fær nýja merkingu á morgun mánudag. Fáar leiðir í Múlafjalli í aðstæðum en Brynjudalurinn leit betur út. 2 bílar á bílastæðinu í Múlanum sem er nú bara fjölmenni. Það eru fleiri sem dreymir um Oríon í vetur. Eyjafjöllin voru í fínum aðstæðum í morgun eða kannski frekar í gær því það rigndi í allan dag. Ótrúlega fljótt að koma og fara því á föstudaginn leit það ekkert of vel út. Það væri gaman að hafa smá hópferð þangað ef það gefur um hátíðarnar…