Þar sem menn eru búnir að útskrifa Palla á guð og gaddinn með elliglöp er þá ekki alveg eins gott að lofa honum að bolta nokkur „face“ þarna í Stardalshömrum, það sér það hvort sem er enginn þar sem þessir „ungu“ og efnilegu fara alltaf austur. Köllum bara Stardalinn „Ellihælið“ og Hnappavellir fá þá viðurnefnið „Leikskólinn“. Allir lifa ánægðir við sitt eftir þennan dag. Eina sem ég sé að sé kostur við að bolta er að þá eykst framboð á leiðum og möguleikar fyrir þá sem þarna koma. Ég er ekki haldinn einhverjum fjólubláum sykursætum draumórahugmyndum um að pakka Stardalnum „heilaga“ inn í bómull og geyma hann svo að segja ónotaðan um ókominn ár.