Forum Replies Created
-
Posts
-
Smári, ef þú færð “cold feet” þá veistu allavega hvaða afsökun þú getur notað.
En djöfull er þetta rosalegt, það er gulltryggt að ég verð aldrei með hring á mér við klifur.
Ágúst
Ég er einn af meðlimum nýrrar stjórnar og tek ég því ábendingar Árna vel til greina. Ég held þó að við öll sem komum með hugmyndir að breyttum áherslum höfum fyrst og fremst verið að horfa fram á við og einblína á að gera gott betur.
Hafi mín orð verði mistúlkuð þannig að ég hafi verið að gagnrýna störf fyrri stjórnar þá biðst ég afsökunar á því. Ljóst er að heilmargt gott hefur verið unnið af þeim og munu okkar störf byggja á þeim góða grunni sem hefur verið lagður af fyrirverum okkar.
Annars þakka ég fyrir jákvætt viðhorf til nýju stjórnarinnar. Við ætlum að leggja línur fyrir áherslur ársins mjög fljótlega og verður það kynnt á vef Ísalp ásamt kynningu á meðlimum stjórnarinnar.
Sælir garpar,
Til upplýsinga er ég einn af nýjum frambjóðendum til stjórnar Ísalps en ég tilkynnti það formlega til formannsins í janúar.
Ég geri ráð fyrir því að fáir í Ísalp þekki mitt nafn þar sem ég er hálfgerður nýliði í félaginu, búinn að vera meðlimur í 2-3 ár og ekki farið mikið fyrir mér. Ég hef aðallega verið sýnilegur í Klifurhúsinu þar sem klifrið er mitt helsta áhugamál en því til viðbótar stunda ég hina ýmsu útivist af mismiklum krafti.
Ástæða fyrir því að ég býð mig fram er vegna mikils áhuga á starfi félagsins og því sem það stendur fyrir. Það að ég sé “nýliði” er að ég tel kostur þar sem ég tel mig geta gegnt óformlegu hlutverki sem fulltrúi nýliða og “afþreyingar útivistarmannsins” sem væri ágætis mótværi við hinn “harðkjarna” hóp sem situr (væntanlega) í stjórn. Ástæða fyrir því að ég nefni þessar áherslur er að mér hefur fundist vanta betra “aðgengi” fyrir þennan stóra hóp inn í félagið, a.m.k. hef ég upplifað það þannig.
Ég tel mig hafa reynslu, bæði úr atvinnulífinu og öðru félagsstarfi sem getur nýst þessu félagi.
Ég vona að þetta sé ekki túlkað sem áróður en mér finnst eðlilegt að gera stuttlega grein fyrir mér fyrir fundinn.
Ágúst Kristján Steinarrsson
Ég hljómaði kannski þröngsýnn í upphafspóstinum en það er ekki tilfellið.
Ég er auðvitað mjög hlynntur því að sem flestir geti haft kost á því að fara á fjöll og að þar sem – þörf – er á þá er hið besta mál að setja upp öryggiskeðju.
En það er spurning um þörfina og hversu langt þarf að ganga og finnst mér eins og tröppurnar séu fullmikið. Til viðbótar við það þá er ástæða til þess að velta vöngum yfir því af hverju þessi “örugga leið” sé á þessum hluta þegar það er þekkt staðreynd (er það ekki annars) að það er auðveldara og öruggara að fara vinstra megin upp klettana. Af hverju var þessi leið ekki sett þar?
Annars fannst mér þetta bara kjörið umræðuefni og fannst ég verða að skella þessu á spjallið og virðist það hafa skilað tilætluðum árangri
Getur þetta ekki orðið hitamál eins og boltarnir? Með tveimur fylkingum og læti:-P
P.S. þegar við vorum að fara niður þá var maður þarna sem þorði ekki að fara keðjuleiðina og fór frekar vinstri/norður hliðina þar sem hann taldi hana öruggari… áhugavert
Ég var reyndar að tala um viðbótarupplýsingar um stjórnarmeðlimi, t.d. mynd af meðlimunum ásamt upplýsingum um helstu áhugamál innan fjallamennskugeirans og annað áhugavert.
Væri ekki kjörið að taka upp málið aftur?
Það var einmitt það sem ég var að hugsa, að hafa þetta á lokuðu svæði. Svo mætti kannski hafa upplýsingar um stjórnarmeðlimi aðgengilegt fyrir öllum.
Þetta voru ekki beinlínis kröfur (enda ekki miklar) heldur gert til að láta vita að hverju menn væru að ganga að, þ.e. þetta er ca. það sem ég er að klifra. Vildi ekki gera einhverjum úberklifraranum það að hanga með einhverjum byrjenda eins og mér.
Hann hafði reyndar ekki klifrað lengi þannig að úthaldið var ekki upp á sitt besta en við smullum vel saman.
Hann fullnægði þeim kröfum að vera góður kilifurfélagi og áttum við gott klifur á þessum frábæra klifursvæði Eyjafirðinga.
Sæll Helgi,
Þakka þér kærlega fyrir þessa ábendingu, ég talaði Gerardo og fórum við að klifra saman á laugardaginn í Munkaþverárgili og tókst vel til.
kv. Ágúst
Ég er að stefna á að fara í ferðina á Þumal ásamt félaga mínum þannig að ég vona allavega að Þumallinn detti alfarið út af dagskrá.
Varðandi það að þátttaka sé slæm þá getur það hugsanlega verið út af því að þetta virðist ekki vera auglýst sérstaklega vel og upplýsingar um ferðina eru af mjög skornum skammti. Ég var t.a.m. að óska eftir upplýsingum og gat ekki fengið nægar upplýsingar þar sem að það var ekki enn búið að fá leiðbeinanda í ferðina – því ákvað ég að bíða aðeins með að panta. Sé eitthvað sem má bæta á þessum vef þá er það einmitt þetta – að gefa almennilegar upplýsingar um ferðir það myndi eflaust hafa áhrif á eftirspurn.
Dagskráin er ennþá óskrifðuð en það er stefnt á flakk um mestan hluta landsins. Bókað mál að ég stoppa í Trieste, Flórens og Róm en er að horfa á að kíkja á fleiri staði í leiðinni, jafnvel niður til Napolí, getur ráðist á því hvar skemmtilegasta klifrið er. Þó að ferðin sé ekki hugsuð sem klifurferð, enda frúin ekki mikið í klifrinu, þá væri gaman að heimsækja einhverja flotta staði í leiðinni.
Þakka svörin, vonandi lumið þið á fleirum.
