Skessuhorn

Home Umræður Umræður Ís- og alpaklifur Skessuhorn

  • This topic is empty.
  • Höfundur
    Svör
  • #45029
    Stefán Örn
    Participant

    Létt skýrsla um ferð laugardagsins.

    Ég og Helgi Maximus ákváðum að láta ekki leiðinlega veðurspá skemma fyrir áætlunum okkar um að bauka eitthvað á laugardaginn.

    Eldsnemma á laugardaginn brunuðum við áleiðis í Borgarfjörðinn. Ekki byrjaði þetta vænlega þegar Helgi fattaði 5mín áður en við lögðum bílnum að hann hafði gleymt skónum sínum heima. Af e-i rælni hafði ég tekið með mér tvö pör þannig að þetta slapp fyrir horn. Helgi, nr 41, fékk því að njóta þess að ganga í mínum bombsum, nr 44-45…möglunarlaust.

    Fyrsti farartálmi var svo áin góða. Bíllinn hafði ekki drifið alla leið þannig að við þurfum að fara yfir ánna neðarlega. Mikið í henni og allir steinar ísaðir þannig að ekki vær hægt að stikla. Neyddumst til að vaða ánna velyfir hné. Það var kalt.

    Veðrið var ekkert sérstakt til að byrja með..él. Við ákváðum því að ganga bara að þessum steini og sjá svo til…þessari hlíð og sjá svo til. Það endað með því að rúmlega tveimur tímum frá bíl stóðum við undir N-A hryggnum/hlíðina eftir að hafa plampað á skelfilega leiðinlegum snjó megnið að leiðinni. Færið var 2cm skari, ofan á mýkri snjó, sem gafi sig í hverju skrefi.

    Rúmlega klukkutíma síðar vorum við svo komnir upp á topp. Klifruðum leiðina á hlaupandi. Fínasta skyggni til norðurs en skýjakúfurinn lá yfir Skarðsheiðinni. Skessuhornið stóð svo út úr honum. Leiðin niður var nokk varasöm. Hjarn ogís yfir öllu og því vissara að halda einbeitingunni.

    Eftir að niður var komið gengum við undir N-V vegginn og virtum hann fyrir okkur. Það er mun meira af ís í honum heldur en ég átti von á. Leiðirnar austan og vestan við Rifið líta út fyrir að vera færar en varla í léttum aðstæðum. Þær sem eru vestan við Rifið sennilega þægilegri. Lítill snjór á syllunum.

    Nú er bara um að gera að fara þangað sem fyrst og sampl’etta!

    Hils,
    Steppo

    #50153
    1704704009
    Meðlimur

    Leiðin á NA-hrygginn er komin á sextugsaldur og er enn að fá heimsóknir ár eftir ár, og það margar þegar best lætur. Þetta kallar maður klassík. Gaman að þessu.

    #50154
    Freyr IngiFreyr Ingi
    Participant

    Tókstu myndir Steppo?

    F.

    #50155
    Stefán Örn
    Participant

    Þær urðu fáar sökum batterísleysis myndavélar. Náði engum myndum af fésinu í nærmynd.

4 umræða - 1 til 4 (af 4)
  • You must be logged in to reply to this topic.