Kurt Albert ist gestorben

Home Umræður Umræður Klettaklifur Kurt Albert ist gestorben

  • This topic is empty.
  • Höfundur
    Svör
  • #47203
    SkabbiSkabbi
    Participant

    Einn af frumkvöðlum nútíma klettaklifurs, Þjóðverjinn Kurt Albert, lést eftir að hafa fallið 18 metra úr via ferrata leið (þvílík kaldhæðni) í Frankenjura síðastliðna helgi.

    Albert setti á sínum yngri árum upp margar af erfiðustu leiðum Evrópu og var fyrstur til að nota hugtakið „að rauðpunkta“ (rotpunkt/redpoint). Þrátt fyrir að vera hálfsextugur var hann enn afkastamikill klifrari sem ferðaðist vítt og breitt um heiminn í leit að nýjum krefjandi klifurleiðum.

    Við Bjöggi urðum þess heiðurs aðnjótandi að hitta kappann í Siurana fyrir nokkrum árum. Vorum nýkomnir á svæðið og vorum að vandræðast eitthvað með leiðarvísinn á barnum og velta fyrir okkur hvar við skyldum byrja daginn eftir. Konan á barnum (mamma hans Tony) aumkaði sig yfir okkur og hóaði í úfinn þýskan tröllkall, Kurt, og bað hann að fara í gegnum leiðarvísinn með okkur. Við höfðum ekki hugmynd um hvaða snillingur þetta var en hann tók sér langan tíma í að fara í gegnum leiðarvísinn með okkur, benda okkur á góðar leiðir og hvenær væri best að vera á hverju svæði. Ég hitti hann nokkrum sinnum á tjaldstæðinu eftir þetta og hann var ekkert nema almennilegheitin. Mokkru síðar kynntumst við þýskum strákum. Þegar við bentum þeim á þennan Kurt sem hafði kynnt okkur svæðið misstu þeir andlitið; „Kurt Albert!? Hann er algert legend!!“ Þeir þorðu varla að horfa í áttina að honum…

    Mér er einna minnistæðast hvílíka hramma maðurinn var með, ég er viss um að hann hefði haft Stebba Smára undir í krumlu.

    Allez!

    Skabbi

    #55616

    Já það er sorglegt að heyra af Kurt kallinum… og via ferrata af öllu. Óhætt að segja að þarna hafi farið stórmerkilegur maður sem gleymist ekki í bráð. Það er heiður að hafa fengið að hitta hann. Alltaf finnst manni það virðingarvert þegar goðsagnir í lifanda lífi eru alþýðlegar og ekki að setja sig á háan hest. Hann virtist hið mesta ljúfmenni og á sama tíma alger tröllkarl með ógnvænlegar lúkur.

    #55617
    Ólafur
    Participant

    Af planetmountain.com

    „Update at 13:00 on 28/09/2010
    Contrary to the numerous news reports on the internet, including Der Spiegel, Kurt Albert is not dead. He is in life-threatening condition, but the German press agency DPA has just confirmed to us that Albert is still alive.

    Sjá:
    http://www.planetmountain.com/english/News/shownews1.lasso?keyid=37600

    #55618
    SkabbiSkabbi
    Participant

    Hvur grefillinn!

    Þá er ekkert að gera en að bíða og vona að kallinn hjarni við.

    Allez Kurt!

    Skabbi

    #55623
    2401754289
    Meðlimur

    Nýjustu fregnir herma að hann hafi látist á sjúkrahúsi í Bavari í gærkveldi.

    http://www.planetmountain.com/english/News/shownews1.lasso?l=2&keyid=37604

    Farið varlega

    #55624
    0503664729
    Participant

    Blessaður kallinn.
    Ég rakst á hann ásamt Stefan Glowacz í Ketilsfirði árið 1994 þar sem þeir voru að puða við að fara nýja leið á Ulamertorsuaq sem þeir nefndu Moby Dick.
    Vissi reyndar ekki þá að þetta væru merkilegir kallar enda ekki með neina stæla. Ánægjuleg stund í óbyggðum Grænlands.

6 umræða - 1 til 6 (af 6)
  • You must be logged in to reply to this topic.