Ísklifuraðstæður 2021-22

Home Umræður Umræður Ís- og alpaklifur Ísklifuraðstæður 2021-22

  • Höfundur
    Svör
  • #77251
    Gunnar Már
    Participant

    Alveg að koma desember og tímabært að starta þessum þræði.
    Fórum nokkur úr HSSR í Miðgil í Vesturbrúnum síðustu helgi í frekar þunnum aðstæðum en samt skemmtileg ævintýraleið.
    Vopnin kvödd og Welcome to Iceland voru byrjaðar að myndast en virtust nokkuð þunnar.

    • This topic was modified 8 months, 2 weeks síðan by Gunnar Már.
    #77270
    Gunnar Már
    Participant

    Fór Weird Girls í Skálafelli í dag. Frekar mjúkur og aðeins opinn í efsta haftinu. Auð klifranlegur en ekki alveg optimal trygginga möguleikar.

    • This reply was modified 8 months, 2 weeks síðan by Gunnar Már.
    #77272
    Gunnar Már
    Participant

    Mynd fyrir áhugasama

    #77273
    Gunnar Már
    Participant

    Myndin – Get ekki eytt innleggi eða breytt

    Attachments:
    #77393
    Bjarki
    Participant

    Tíbrá í Brynjudal var klifin 4.12.2021 ágætum aðstæðum þó að eitt haft hafi verið klífanlegt en varla tryggjanlegt. Sólstafir sem er hliðin á leit einnig út fyrir að vera vel klífanleg.

    Síðan keyrðum við að skoða Múlafellið og litu margar línur út fyrir að vera komnar í aðstæður og skilst mér að einhverjir hafi verið að klifra þar 4.12.2021.

    #77405
    Öddi
    Participant

    Dauðsmannsfoss var klifin í frekar döprum aðstæðum í dag. Á mörkum þess að vera klifranlegur, mjög opinn. Sást lítið í annan ís í kjósinni en eitthvað í Hrynjanda en erfitt að segja með þessa snjóföl yfir ísnum.
    Er einhver búin að fara í fleiri ístúra undanfarið?

    #77469
    Sissi
    Moderator

    Við Freysi fórum í bíltúr á föstudaginn 10, desember. Fórum í Skálafell, vorum komnir í 4 psi rétt fyrir planið. Kíktum upp að KR svæði og skoðuðum Skálafellsfoss í dróna. Leit ekki sérstaklega spennandi út.

    Kíktum í Kjósina og skoðuðum Áslák. Hann var opinn í miðjunni og ekki í aðstæðum. Leiðirnar fyrir utan Flugugil í Brynjudal voru þunnar. Múlafjall leit alveg þokkalega út.

    En nú er búið að hlýna mikið og spurning hvað verður um þetta allt saman.

    #77707
    Otto Ingi
    Participant

    Ég, Baldur, Palli og Siggi Tommi fórum Þilið í Eilífsdal 27.12.2021.
    Ágætt færi til að jeppast inn dalinn ef menn treysta sér í það, að minnsta kosti rúmlega hálfan dalinn þar sem við týndum slóðanum. Smá viðvörun, það er búið að ýta upp grjóthrúgu á veginum mjög snemma, það er ástæða fyrir því, áin hefur greinilega farið þarna yfir og þarna er frosið 30-50 cm djúpt vatn, vel hægt að festa sig þar (tala af reynslu). Maður þarf að læðast meðfram girðingunni aðeins fjær ánni, eiginlega ekki slóði samt.
    Labbið inn eftir var fínt, enginn snjór í dalnum og snjórinn í aðkomubrekkunni var grjótharður og engin snjóflóðahætta akkúrat núna.
    Klifrið var alveg upp á tíu og Þilið gaf allt það besta. Flottur ís og hengjan í toppinn var vel hörð.
    Einfarinn, allar tjaldsúlurnar (ekki tjaldið) og Þilið allt í flottum aðstæðum

    Myndir í opnu facebook albúmi hér

    #78127
    Bjarki
    Participant

    Fór í Grenihlíðina í kjósini 15.1.22 og þar var nánast allt komið í flottar aðstæður. Fór síðan í glymsgil 16.1.22 í neðstufossna þar, þeir voru alls ekkert í aðstæðum. Keyrðum einnig í brynjudal, þar ásamt í múlafellinu var eitthvað að leiðum komin í aðstæður.

    #78139
    Gunnar Már
    Participant

    Klifraði Grafarfoss 15.1 í fínum aðstæðum. Góður mjúkur ís en en mjög blautur og örlítið opinn efst. Fínar tryggingar. Hefði verið best að vera í pollagalla á tímabili.

    #78313
    Bjarki
    Participant

    Svona leit múlafjall út 24.1.2022

    #78314
    Bjarki
    Participant

    Myndin var of stór til að uploda en hérna er linkur á myndina:
    https://www.dropbox.com/s/4ac0agz0x07s0dv/2022-01-24%2014.53.15.jpg?dl=0

    #78425
    Otto Ingi
    Participant

    Fórum Ýring í gær í flottum aðstæðum. Gátum byrjað alveg í neðsta hafti og klifruðum upp á topp. Það var minna af ís norðanmegin í dalnum heldur en ég hafði búist við, mögulega einhver vatnsskortur, mýrin frosin eða eitthvað, verður kanski orðið flott næstu helgi.
    Myndir hér

    #78493
    Gunnar Már
    Participant

    55 gráður var hálfgert snjógil í dag fyrir utan kertið efst sem var í fínum aðstæðum. Snjórinn fyllti alveg í skoruna bakvið kertið. Tvíburagil leit mjög vel út. Kertin í mixleiðunm milli efri og neðri Tvíburagilsfossa ná ansi langt niður

    #78565
    Gunnar Már
    Participant

    Fórum Ýring í gær. Mjög mikill snjór í gilinu, alveg upp að mitti á köflum. Ísinn mjög köflóttur. Sumsstaðar þunn himna og frauð undir, annarsstaðar góður en stökkur ís og blautur ís þar á milli. Semsagt frábær dagur á fjöllum.

    #78607
    Bergur Einarsson
    Participant

    Dálítið síðbúinn aðstæðupóstur. Létum Grafarfossinn, fjarskafallegan úr Mosfellsbænum, glepja okkur seinasta föstudag (11.2.). Tókum sneiðinginn upp til vinstri þvert yfir hann. Neðri spönnin var eins og við er að búast talsverð vinna við að moka smá og berja skel en alltaf hægt að koma skrúfum í góða bunnka. Efri spönin var svo mjög fín og þá a.m.k. ekki orðin sólbökuð til neinna vandræða. Sigum svo úr boltunum og niður orginalinn en hann er ekkert nema skel, snjór og hengja á miðri leið.

    #78679
    Þórður
    Participant

    Ég og Jón Haukur Tókum styttingu vinnuvikunnar snemma í dag og skelltum okkur í Nálaraugað í Búhömrum. fullt af ís og skemmtilegt klifur. Náðum Kópavogur – Nálaraugað upp og niður – Kópavogur á 3,5 klst.
    Snilldar skottúr eftir vinnu.
    Ef einhver er á leið þarna á næstunni þá má alveg splæsa í nýja lása í boltaða stansinum. En leiðin er skemmtileg og meira krefjandi en hún lítur út fyrir að vera.
    nokkrar myndir hér

    #78691
    Gunnar Már
    Participant

    Fórum Nálaraugað í dag, 19.2. Sömu fínu aðstæður og þið lýsið í gær. Töluverður vindur (25m/s í hviðum) en ágætt skjól fyrir austanátt þarna í skorunni. Frábær leið og gott að skreppa i þetta.

18 umræða - 1 til 18 (af 18)
  • You must be logged in to reply to this topic.