æjæj…

Home Umræður Umræður Ís- og alpaklifur æjæj…

  • This topic is empty.
  • Höfundur
    Svör
  • #47416
    0808794749
    Meðlimur

    Á DV er sagt frá því að Björgunarsveitir sæki nú mann sem hafi fótbrotnað eftir ísklifur í Banagili.
    Vonandi gengur vel að ná í manninn og hann ekki illa brotinn…
    Frétt

    #55923
    0801667969
    Meðlimur

    Nafnið á gilinu er ekki beinlínis uppörvandi. Af hverju skyldi það draga nafn sitt? Vonandi eru meiðsl klifrarans eitthvað sem grær áður en viðkomandi giftir sig.

    Kv. Árni Alf.

    #55925
    Freyr IngiFreyr Ingi
    Participant

    Ísklifrarinn sem brotnaði inni í Banagili (Austurárdal) er væntanlega í sjúkrabíl núna rétt um það bil að komast á sjúkrahús.

    Ég heyrði í ferðafélögum hans rétt í þessu þar sem þeir voru á heimleið.

    Ég læt þeim eftir að útskýra nánari tildrög slyssins en ekki var um klifurfall að ræða.

    Góðan bata!

    #55928
    Páll SveinssonPáll Sveinsson
    Participant

    Af öllum mönnum þurfti það að vera hann.

    Nú skil ég pukrið.

    kv
    ps

    #55929
    1908803629
    Participant

    Slæmar fréttir. Vonandi stefnir í góðan bata.

    Hvernær ætla menn annars að deilda fréttum af herlegheitunum?

    #55930
    0304724629
    Meðlimur

    Hvaða pukur er þetta Palli? Ætlarðu að ná þér í 5000 kall hjá DV? Nú vill ég bara vita hver þetta er en ekki hvað gerðist…!

    #55931
    SkabbiSkabbi
    Participant

    Úr því sem komið er held ég að það sé engum til gagns að þegja um þennan leiðinda atburð. Ég vænti þess að þeir sem hlut áttu að máli get skýrt þetta betur út en ég þegar fram líða stundir.

    Slysið átti sér stað í stóru hvelfingunni í Austurárdal, sem kallast víst Banagil. Þar voru að klifra þeir Ágúst þór, Ívar Hardcore og Björgvin Hilmarsson. Þeir höfðu nýlokið við að klifra afbrigði af Bláu leiðinni. Björgvin var á e-m þvælingi innst í hvelfingunni þegar hann hrasaði, rann til á smá ísfláa og skall með sköflunginn á grjóti. Við þetta „meinleysislega“ slys fór sköflungurinn í sundur, frekar harkalega og þeir áttu engan kost annan en að kalla á hjálp til að koma honum undir læknishendur.

    Bjöggi fór í aðgerð í gærmorgun þar sem brotið var sett saman aftur. Hann ber sig eftir atvikum vel. Þetta er ákaflega leiðinlegt náttútulega og við vonum að sjálfsögðu að Bjöggi hljóti eins skjótan bata og hægt er.

    Skabbi

    #55932
    Páll SveinssonPáll Sveinsson
    Participant

    Það er þá svona sem slysin gerast.
    Búinn að leiða flotta leið með stæl og svo búinn að síga alla leið niður aftur.
    Tekur upp myndavélina til að taka mynd af félögunum á leið niður og flækja þá broddunum í skóreimunum og detta á hausinn.

    Þú át samúð mína alla Bjöggi.

    Það er ekkert grín að vera halltur á báðum en kannski jafnast það bara út.

    kv
    palli

    #55933
    0801667969
    Meðlimur

    Óska Bjögga bata sem fyrst. Hann getur vonandi huggað sig við að það er hláka í kortunum. A.m.k. vel fram yfir helgi.

    Kv. Árni Alf.

    #55935

    Jæja, þá er maður loksins kominn heim eftir samantjasl á spítalanum og sýklalyf í æð í nokkra daga.

    Palli lýsir þessu nú ágætlega, um það bil eins og þetta gerðist. Segir manni bara að þegar maður er kominn úr sínu elementi (lóðrétt) þá þýðir ekki slaka á. Var greinilega kominn í of lítinn bratta : /

    Sem sagt ekkert graceful við þetta slys, hreinlega hrasaði í fjallgöngu, rann til og lenti á oddhvössum stein með legginn þvert á hann. Sennilega hefur svo líkaminn komið af fullum þunga ofan á til að tryggja að leggurinn færi alveg í mask. Þríbrotinn takk fyrir og opið í þokkabót.

    Það er búið að negla þetta allt saman og skrúfa svo brotin ættu að haldast á sínum stað. En ég er ansi hræddur að annað sísonið í röð sé farið í ruslið. Ferðin var þó góð fram að þessu og ég er sáttur við leiðsluna og leiðin með þeim allra flottustu sem ég hef farið.

    Það er seint ofmetið að ferðast með góðu fólki og ég þakka Ívari og Áka fyrir aðhlynninguna og hina frábæru spelku sem vakti ómælda athygli þeirra sem sáu og er komin inn í a.m.k. tvö myndsjóv til sýningar. Björgunarsveitirnar þarna í Dölunum voru líka til fyrirmyndar og fljótar á staðinn, takk allir.

    Kv. Bjöggi Brotni
    PB250001_minni.jpg

    #55936
    0111823999
    Meðlimur

    Þetta eru alveg rosalegar fréttir..
    En mikið er ég glöð að þú ert samt annars heill á húfi :)
    Batnaðaróskir frá mér, og ég vona að þú verðir kominn sem fyrst á ról aftur!

    HelgaM

    #55938
    1108755689
    Meðlimur

    Þessi spelka er mögnuð. Giska á að það hafi verið „pínu“ óþægilegt að fjarlægja skóinn. Góðan bata.

12 umræða - 1 til 12 (af 12)
  • You must be logged in to reply to this topic.