Aðstæður

Home Umræður Umræður Ís- og alpaklifur Aðstæður

  • This topic is empty.
  • Höfundur
    Svör
  • #46298
    SissiSissi
    Moderator

    Hefur einhver farið í bíltúr? Hvað halda menn með aðstæður um helgina hérna á SV horninu?

    Siz

    #50350
    1610573719
    Meðlimur

    Veit hreinlega ekki en það ætti nú að vera kominn svolítill ís í Múlafjallið og Flugugilið.
    Endilega ef einhver fer eitthvað þá um að gera að láta vita.
    Olli

    #50351
    ABAB
    Participant

    Við Helgi Hall vorum að koma úr Kistufellinu þar sem við fórum upp Kistufellshornið. Leiðin er í kjöraðstæðum, harðpakkaður snjór og góður ís. Öll gil í Esjunni þar sem á annað borð er snjór, eru því góður kostur. Það fraus nánast undan okkur á toppnum enda gríðarleg vindkæling, en þetta fór betur en á horfðist, þökk sé forláta Windstopper nærbuxum.

    Það var sjónarmunur á ísnum í Búahömrum frá því fyrr í morgun, þar er allt að vaxa.
    En þó má gera ráð fyrir, þar sem það hefur verið úrkomulaust í marga daga, að ísinn sé á mörgum stöðum frekar lítill þrátt fyrir kuldann.

    Kveðja,
    AB

    #50352
    2806763069
    Meðlimur

    Hvað er annars að frétta af viðsnúnu landnámi íslenskra víkinga í Noreigi?

    #50353
    SissiSissi
    Moderator

    Þeir voru í góðu geimi í gær, búnir að klifra helling. 9 leiðir var einhver kominn með en Freyzandi ferskur og Robertino, barnastarnan góðkunna, með meira – enda komu þeir fyrr út.

    Menn voru í magnþrungnum rökræðum um tilurð drykkjarins bjórs í gær, og sáu ástæðu til að hafa samband við undirritaðan, til að taka af öll tvímæli. (Hægt er að finna heimildir um tilvist bjórs í Mesópótamíu og Egyptalandi 5.000 ár f.kr.)

    Lucky sons of …

    Siz

    #50354

    Já það ku víst vera gaman þarna í Rjukan. En það er örugglega bara bull…

    En úr því að minnst er á bjór þá vil ég benda á Bjórbokina hans Freysa snillings (ekki Freyzandi þó). Hann veit allt um bjór.

    Tékkið á http://www.bjorbok.net

    #50355
    SissiSissi
    Moderator

    Við Eiríkur Gísla fórum í Stíganda, fjölmennt þar því Viðar og Gísli voru spottakorn á undan okkur, og varð úr hið besta sósíal klifur. Skabbi og Bjöggi fóru í Rísanda. Báðar leiðir fínar, frekar þunnt efst í Rísanda reyndar og blautt.

    Eitthvað meira er nú hægt að gera þarna í Múlafjalli, Ýringur leit ágætlega út í Brynjudal, Óríón er ekki í aðstæðum. Eilífsdalur er feitari sýndist okkur en fyrir 2 vikum, Himmi og Bjarni ætluðu þangað.

    Nóg af ís til að eiga góðan dag, og ekki skemmdi veðrið fyrir.

    „Góður dagur á fjöllum“ = jamm.

    Siz

    #50356
    SissiSissi
    Moderator

    Fórum aftur af stað í bjartsýniskasti, nú í leit að road-side klifri. Grafarfoss var á hraðri niðurleið, hrundi stanslaust, og auk þess ekki frosinn saman.

    Renndum inn í Kjós með litlar væntingar en rákum svo augun í fína línu nálægt Efri-Hálsi. Þetta var mikið stuð, tvö 10-15 metra höft, brölt upp gil sem opnast í flotta skál með nokkrum klifurleiðum. Skálin heitir Kór samkvæmt bóndanum.

    Þar uppi völdum við okkur skemmtilega 3° 70 metra línu, í algjörum eðal plasma-ís, sem gaf ávallt bomber festu í fyrsta höggi. Eðal klifur. Samkvæmt grein eftir Ara Hrausta úr ársritinu ’85 hét leiðin Lekandi (ömurlegt nafn) en í leiðarvísi fyrir Hvalfjörð og Kjós frá ’90 var búið að breyta því, í hvað man ég ekki.

    Bóndinn sagði að enginn hefði komið þarna í vetur, og yfirleitt bara kanar síðustu árin. Þetta er stutt frá bænum, lítið labb og gott klifur.

    Siz

    #50357
    1306795609
    Meðlimur

    Skíðafæri og veður á Heklu á sunnudag var eins og gerist best.

    #50358

    Ég og Daði nokkur mættum með gírinn í skólann og spóluðum af stað um leið og bjalla hringdi út. Þar sem Sissi hafði lofað Kjósina svo mikið var stefnan tekin þangað. Fórum sama foss uppúr Kór og Sissi og félagar. Fossinn var í góðum aðstæðum nema eitt haftið var skelfilega blautt og morkinn ís svo axirnar héldust ekki inni. En með smá drullustrompun og ævintýramennsku redduðum við okkur framhjá haftinu og þá tók við frábær ís uppá brún. Tóm hamingja.

    ági

    #50359
    SkabbiSkabbi
    Participant

    Hér gefur að líta myndir frá Múlafjalli á laugardaginn síðastliðin og Kjós síðastliðin sunnudag:

    http://www.vonlausa.org/gallery/view_album.php?set_albumName=album24

    Þetta er náttúrulega ekkert nema hálfkák í samanburði við öldungadeildina…

    Skabbi

11 umræða - 1 til 11 (af 11)
  • You must be logged in to reply to this topic.