Re: Re: Íslkifur um helgina?

Home Umræður Umræður Ís- og alpaklifur Íslkifur um helgina? Re: Re: Íslkifur um helgina?

#56492
Freyr IngiFreyr Ingi
Participant

Góðan dag,

Styrmir og ég hittum fyrir Gumma og Arnar í Búahömrum í gær.
Veðrið var afar gott til útiveru svo ekki sé meira sagt. Piltarnir fóru upp í 55° austan við rifið og hurfu svo á braut á vit annarra ævintýra.

Við Stymmi höfðum fyrr í vetur verið í Búahömrum með borvél og smellt inn nokkrum boltum í línu sem er austast í sömu skál og 55°. Þar höfum við oft séð ísslef sem sjaldnast nær að mynda heillega ísleið þó að vissulega hafi það gerst og muni eflaust gerast aftur. Í það minnsta settum við bolta í illtryggjanlega hluta leiðarinnar og akkeri fyrir ofan. Reyndar var hugsunin sú að geta klifrað þetta í íslitlum mix aðstæðum en við áttum eftir að klára miðhlutann, mixhlutann sem sagt.
En eins og aðstæður voru í gær þurfti þess ekki við þar sem ískerti náði niður sem hægt var að príla á.
Þetta fórum við í gær í WI 4+, 5- aðstæðum, fundum krúsjal bolta undir ís- og snjóskán og höfðum gaman af.
Tvö akkeri eru í leiðinni. Efra akkerið er ofan í rennu sem er í ca. sömu hæð og maður myndi toppa úr 55°, þetta er í raun hið eiginlega og eðlilega toppakkeri í þessarri leið. Neðra akkerið er aftur á móti hugsað sem ofanvaðs akkeri og er beint fyrir ofan sjálfa leiðina og erfiðu múvin. Eins og er, er aðeins tímabundinn slingur í akkerunum en ekki varanleg keðja. Fólk er að sjálfsögðu hvatt til að setja upp eigin búnað í stað þess að treysta á gamlan og veðraðan búnað.

Eins og áður hefur komið fram er ekki um nýja leið að ræða en ekki veit ég hverjir fóru þarna upp fyrstir manna. Þó hef ég hef heyrt að leiðin nefnist „Óliver loðflís“. IMG_2033.jpg IMG_2062.jpg