Svör sem þú hefur skrifað
-
Svör
-
Ég, Egill Örn og Atli Már tókum smá aðstæðurúnt í dag inn í Hvalfjörð, þar sem við enduðum að vanda í Múlanum. Ef einhverjir viljla komast í helgarklifur núna, þá er ísinn er allur að koma til, en vantar þó enn herslumuninn sumstaðar og mæli með stuttu skrúfunum.
Grafarfoss
Sáum hann bara úr fjarlægð í myrkri, en varla furða að ísinn virtist hvorki mikill né upp á marga fiska.
Eilífsdalur
Flestar ísleiðir heillegar úr fjarlægð, eitthvað farið að bæta í snjó í skriðunum undir, en samt enn heldur berangurslegur dalurinn.
Brynjudalur
Margar auðveldari leiðirnar komnar inn, en vantar ennþá töluvert uppá í skógræktinni (kannski að undanskildu nálarauganu, gæti dottið inn fljótlega.
Ýringur í flottum aðstæðum, en þó frekar mikill snjór í gilinu og efst í aðalspönn.
Þokkalegur ís farinn að myndast utan í Óríon, en fossinn enn galopinn. Kertasníkir virðist spennandi úr fjarlægð.
Múlafjall
Rísandix2, Stígandi og leikfangaland líta vel út. Flestar léttari leiðirnar í testofunni og vestur úr komnar með fínan ís, en erfiðari leiðirnar flestar nokkuð þunnar eða þurrar í toppinn (sum staðar komnar smá hengjur).Ég og Guðmundur Ísak Markússon kíktum á aðstæður í Múlafjallinu í dag, frekar slappur ís í það heila. Þó eru einhverjar leiðir í þokkalegu ástandi, t.d. Stígandi sem annað teymi fór í og einhverjar leiðir vestan við Testofuna. Við fórum í óskráða leið mun vestar í fjallinu, skemmtileg 2-3 spanna leið sem m.a. liggur bak við flottan steinboga. Í góðum aðstæðum er leiðin eflaust ekki sérlega erfið (~WI3?), en í augnablikinu er hún líklega eitthvað stífari og á kafla skraufaþurr (M gráða). Einhver sem kannast við að hafa klifrað þessa gersemi áður? (Seinasta myndin)
Í Brynjudal er frekar lítið að ske, en léttari leiðirnar einhverjar inni, og aðalhaftið í Ýring allt að koma til.
Spennó. Er þá ekki bara að skrá þessa leið? Svo verður líka áhugavert að fylgjast með þessu nýja bolta-ævintýri Jonna og Rob í veggnum.
En Rob, getur verið að þetta sé kannski toppakkeri í einhverri ísleið (t.d. Nálaraugað)? Ég man ekki eftir neinu akkeri en ég hef samt aldrei leitað.
Við fórum þrír í Búahamra eftir vinnu í gær til að njóta þessarar gulu. Við byrjuðum á að kíkja í fílabeinsturninn og munda okkur við Vítisbjöllur (Á enn langt í land), ótrúlega flott leið, en almáttugur, ég hef ekki séð annað eins víra-karabínu-línu lestarslys síðan í Cham (bæði aðkoman og í leiðunum). Er þetta eitthvað sem má uppfæra/hreinsa, eða á þetta að vera hluti af upplifuninni?
Annars langar mig að forvitnast, þarna eru leiðirnar Helgríma og Vítisbjöllur, en þrjár aðrar leiðir (er virðist), og að því er ég best veit eru hinar þrjár ófarnar. Er þetta eitthvað sem stendur enn, eða hafa menn mundað sig betur við þær leiðir seinni ár, og hafa einhverjar frekari upplýsingar um þær?Svo var mér líka litið yfir á Mefisto, menn vilja meina að þetta sé tveggja spanna leið, er þá verið að taka hangandi stans í veggnum ofan við múkkasylluna (virðist ekki lengra en 30 metrar)?
Síðan kíktum við í Gandreið og Garún, frábærar leiðir báðar. Í Garúnu tókst mér hins vegar að brjóta fótfestu í seinna krúxinu í heiðarlegri flasstilraun (fínt að geta kennt öðru en sjálfum mér um að hafa klúðrað þeirri tilraun), svo hún bíður betri tíma.
En á leiðinni niður gilið vestan við Svarta spottuðum við einn einmana bolta í sirka 15 metra hæð (í háa veggnum vinstra megin sem snýr að Svarta), og síðan innbarinn álhaus í um þriggja metra hæð. Er einhver sem þekkir betur pælinguna bak við þessar tvær einmana tryggingar (stigaklifur, dóta/bolta frí-skrípi, eða ókláruð leið)? Virðist nokkuð flott lína.
Ég biðst velvirðingar á þessari hnýsni, ég veit að menn halda því fram að allt sé stimplað hægri vinstri í Ísalp ritum og eru margir ekki hrifnir af að deila þessum hræðilega persónulegu upplýsingum á netinu. En nú er ég seinustu mánuði búinn að torga þessum ársritum eins og hafragraut, skanna alla annála og greinar í tvígang minnst, og lítið bólar á þessum ítarlegu lýsingum. Og þær leiðalýsingar sem finnast eru oft álíka ítarlegar Evrópukort í A4.
Hey Rob
I hope you‘ll find someone to climb with, I´m at the moment writing this in Denmark, so I unfortunately won‘t be able to join.
I also don‘t know how the conditions are at home (I guess someone else can give you a good update), but the forecast is looking good.But regarding the easier WI1/2 climbs, I would recommend checking out these areas:
– http://www.isalp.is/crag/esja
These are the closest to Reykjavík, but most of them are longer alpine routes. But you can check out areas E, F and J, there are shorter routes with short approaches, but they aren‘t always in condition.– http://www.isalp.is/crag/mulafjall-2
Múlafjall is most often in conditions, with a lot of ice facing north. Although there aren‘t many routes logged below WI3, it‘s easy to find small sections and gullies with easy ice (The approach is pretty short, but annoying)– http://www.isalp.is/crag/brynjudalur
If you are lucky with conditions, I would definitely recommend this valley. Although since it‘s pretty low and it‘s already March, I wouldn‘t count on it being in conditions, but if it is, then it‘s littered with nice easy ice routes with short approaches.– http://www.isalp.is/crag/kjos
If none of these work, then you can give this area a try, the routes are a bit scattered and can be hard to spot from the road, but some of them are classics.I hope that helps if you don‘t find a climbing partner.
And the guidebook is still in the brainstorming process 😉
Ég vona að allir séu að verða klárir í slaginn fyrir helgina.
Ég vil minna alla á að ef plön hafa eitthvað breyst, ef þið hafið skráð ykkur en sjáið ekki fram á að geta komið, að vinsamlegast láta okkur vita þar sem staðarhaldarar þurfa að vita hvað sé gert ráð fyrir mörgum
Annars mæli ég líka með að fólk kippi með sér einhverjum mat til að snæða yfir daginn, þar sem þarna eru ekki verslanir á hverju strái. En auðvitað er morgunmatur og kvöldmatur í boði á hótelinu (og kjötsúpan klassíska á laugardagskvöldið).
—————–
I hope everyone is getting ready for the weekend.
I just want to remind everyone, if you are signed up for the festival but your plans have changed and you don’t expect that you´ll be able to attend, to let us know, so the hotel staff knows how many people they are expecting.
Other than that, I just recommend that people take some food with them to eat during the day, since there aren’t grocery stores on every corner. But there is of course breakfast and dinner at the hotel (and the classic meatsoup on saturday).
Við Maggi Óli og Bergur Einars heilsuðum upp á landsbyggðina í dag og rúlluðum vestur á Grundarfjörð, í Mýrarhyrnu. Hugmyndin var að klifra Abdominal, og þegar við komum undir gilið og sáum að kertið leit út eins og mynd á póstkorti, létum við reyna á það. Við gerðum okkur greinilega ekki grein fyrir hvað bleyta er illgreinileg úr fjarlægð…
Bergur leiddi upp í helli, sem var fínasta klifur. Undirritaður tók næstu spönn, og strax og hliðrað var út á kertið hófst trommusláttur lækjarniðarins á hjálminum, og þessum trommuslætti linnti ekki fyrr en í stans, 30 metrum ofar. Sjaldan hefur mér tekist að blotna jafn mikið í umhverfi sem ekki var ætlað til böðunar, en ætli ég geti þó ekki þakkað bleytunni fyrir að halda athyglinni að einhverju leiti frá því að það var fyrst fjórða skrúfa sem gubbaði út tiltölulega heildstæðum ísmassa við ísetningu, enda var fyrri hluti spannarinnar sundurkertaður.
Að þessu undanskildu var klifrið stórskemmtilegt, frábær leið, og Maggi og Bergur komu hinir kátustu upp úr læknum á eftir mér. Þegar í stansinn var komið virtum við fyrir okkur seinustu spönnina, sem í þessum aðstæðum gaf fyrri spönninni lítið eftir. Spönnin virtist bjóða upp á sömu tjölduðu kertasúpuna, þó með eitthvað fleiri hvíldarmöguleika á leiðinni, en þarna var ekki hjá því komist að klifra upp sama vatnsflaum og við höfðum synt upp í fyrri spönn. Í frostinu voru línurnar núna farnar að hegða sér meir eins og lyftuvírar frekar en klifurlínur, og var lítið af búnaði sem ekki var myndarlega kápuklæddur. Að vel ígrunduðu máli létum við bara gott heita og sigum niður í kaffi.Við litum eitthvað yfir svæðið í kring, það er nóg af ís að hafa í Mýrarhyrnunni, en flest virðist úr fjarlægð hafa svipaða áferð og Abdominal, blautt og kertað.
Nú langar mig reyndar að beina spurningu að reynsluhoknu aldursmeisturunum hérna, er einhver árstími sem er betri fyrir Mýrarhyrnu en annar?
Attachments:
Þar sem vegagerðin hélt því fram að Eyjafjöllin hefðu sveiflast um einhverjar 12°C á innan við fimm tímum í nótt, létum við Paradísarheimtina bara vera í morgun og kíktum heldur í Bolaklett.
Ég veit ekki hvort ég eigi að lofa eða lasta aðstæður þar, þar sem við höfum ekki komið þangað áður, en af myndum að dæma virðast innri leiðirnar vera eitthvað í þynnri kanntinum miðað við venjulega, og mixleiðirnar gætu alveg þegið nokkra metra af ís í viðbót (gott top-out samt).
Hins vegar er „bara ef mamma vissi“ í frábærum aðstæðum, stórskemmtilegt klifur sem er max WI4 í þessu árferði.Attachments:
Það spurðist víst út í fyrradag að klifurvænt væri í flugugili, svo við Maggi létum loks verða af því í gær að klifra Óríon, og fylgdum hlandslóð fyrra teymis upp fossinn. Frábært klifur, bratt í skemmtilegum ís, en heldur stökkt í kuldanum í gær.
Á niðurleiðinni litum við á Ýring, meginhaftið er spikað, en neðstu aðkomuhöftin eru eitthvað þynnri, væri ekki vitlaust að kippa með hnetusetti eða tvem.
Skógræktin er alveg úti, einfaldlega of kalt, nálaraugað er eina leiðin sem nær niður (myndi samt segja leiðina vera í hetjuaðstæðum).
Flestar leiðir undir WI4 í kring virðast hins vegar hafa það töluvert betra.Attachments:
PS. sem minnir mig á, vinurinn sem hefur lengi setið fastur í augljósu sprungunni í Háabjalla á Reykjanesi, í einhverju tádjamminu þar í vor tókst mér óvart að losa hann. Ég gerði mitt besta á leiðinni niður til að koma honum fyrir aftur, en hann var hálf druslulegur í sprungunni eftir það, svo ég kippti honum bara með, og hann fær nóg útsýni sem spegilskraut í bílnum. Ef einhver kannast við að hafa komið honum fyrir þarna og vill endurheimta hann, má endilega hafa samband við mig (mynd af vininum:
https://www.instagram.com/p/BUdDWfJFRox/).Ég og Maggi fórum upp Skessuþrep í Skessuhorni í gær. Allar leiðirnar í NV-veggnum eru í góðum holdum, mæli með að menn taki með hunda(spektrur) fyrir efstu spönnina, þar sem allt er þakið hrími/ís, en heldur þunnt fyrir skrúfur. Góður snjór og snís fyrir klifur og tryggingar, svo NA-hryggurinn ætti líka að vera flottur. Lítil snjóflóðahætta í niðurgagnum vestan megin (eins og er). Við reyndum að átta okkur á Skarðshorninu ofan af Skessuhorni, leiðirnar í Sóleiarveggnum virtust hálf íslitlar úr fjarlægð, en leiðirnar vestar virtust bjóða upp á meira.
Attachments:
Við Maggi fórum inn í Botnsdal í dag, og byrjuðum á að kíkja inn í Glymsgil, en þar var sólin löngu byrjuð að rífa niður leiðirnar. Flestar leiðirnar virtust vera í henglum, og áin opin alla leið, svo við mixuðum okkur upp Kelduna uppúr gilinu.
Við kíktum svo yfir í Múlafjall og fórum upp Stíganda, frekar kertaðar aðstæður og snís bunkar (Mér sýnist glitta í okkur í grjótinu fyrir ofan Stíganda á myndunum frá Ágústi). Skemmtilegt klifur, en heldur vandasamt að finna góðan skrúfuís á köflum.The Festival will be held on the 10th to 12th of february, but people can of course also stay there on the 9th if someone wants to arrive earlier, you just need to specify it when you sign up.
Leiðrétting á seinustu færslu, lokaskráning er að sjálfsögðu á föstudaginn 27. janúar (ekki febrúar)
Correction on the last post, the registration is of course on the 27th of January (not February)Ísklifurfestival 2017 update
Gistingin austur á fjörðum hefur verið ákveðin. Hótel Staðarborg á Breiðdal ætlar að taka á móti okkur og bjóða okkur upp á gistingu á uppábúnum herbergjum með morgunmat.
Verðin sem þau bjóða okkur:
– Uppábúin rúm (morgunverður innifalinn): 5.000kr á mann/per nótt
– Kvöldverðarhlaðborð: 2.000 kr kvöldiðSvo er heitur pottur og sána á staðnum, við fáum aðgang að eldhúsi, og þau eru tilbúin til að setja upp þurrkaðstöðu fyrir okkur til að þurrka búnaðinn í lok dags.
Þar sem búið er að slá gistingu verður skráningarfrest einnig frestað, þannig að skráningu lýkur á miðnætti næsta föstudag (27. febrúar)
For english speaking members (sorry I forgot about you last time)
The iceclimbing festival 2017 is going to be in Breiðdalsvík in the east (and the fjords around), where there are loads of unclimbed routes all around,
as well as a few climbed ones including a small bolted mix-section (with up to M10 routes).Hótel Staðarborg in Breiðdalur will be hosting us, with prepared beds and breakfast.
The prices they are offering are:
– Prepared bed (breakfast included): 5.000kr per person/per night
– Dinner buffet: 2.000 kr per eveningThey also have a hot tub and a sauna, we get acces to a kitchen and they are ready to put up a drying room for us to dry the equipment at the end of the day.
If you are interested in joining, you need to sign up on this thread here, and specify when you are staying and whether you want dinner as well.
Example: Jón Jónsson +2 from friday to sunday, dinner for everyone on saturdayThe deadline for registration is on midnight next friday (27th of february)
Bestu kveðjur
FestivalnefndinVið Maggi fórum heldur fullir bjartsýni inn í Flugugil í dag, og ætluðum allavega að athuga í hvaða aðstæðum óríon&co voru. Óríon var í aðstæðum fyrir hörkutól og hetjur, Hvítá virtist hafi fundið sér þennan nýja farveg niður gilið, og eini ísinn voru hangandi hrím þil hægra megin.
Við létum því vaða í Kertasníki á móti, eina fossinn á svæðinu sem var í tiltölulega heillegu ástandi. Höfum að vísu sjaldan lent í blautara klifri, en ísinn tók ágætlega við, og megin kertið var á að giska WI5. Hins vegar brekkan ofan við (~70°), og færslan yfir toppinn á kertinu og upp voru all-tæp, mjög blautur mosi og laust grjót. Við hundskuðumst nú samt upp með herkjum, en ég get ekki mælt með að toppa leiðina.Aðrar leiðir í gilinu voru með einhvern ís, ekki mjög klifur vænar, en gæti ræst eitthvað úr þeim ef spár út vikuna standast og fer að frysta almennilega.
Ýringur var svo gott sem horfinn, bara örfáir frosnir kúkakleprar eftir í skorunum.
Nálaraugað og skógræktin virtust úr fjarlægð bjóða upp á mjög fátæklega ísfilmur, spurning hvort mixleiðirnar græði ekki frekar á þessu ástandi.
Fjölmenntum í Brynjudal í fyrsta klifur ársins í dag, flestir fóru á skógræktarsvæðið, en við Maggi skelltum okkur fyrst upp Ýring áður en við fórum yfir til hinna.
Aðkomuhöftun voru öll frekar morkin, og þau virtust bjóða upp á frekar lítið af tryggingum. Ýringur sjálfur var kertaður og þunnur á köflum, og mikið vatsnrennsli fyrir miðju, en hentaði annars ágætlega til klifurs. Efst er nákvæmlega ekkert um snjó eða ís tryggingar, ég mæli með að vera með hunda og hnetusett í akkeri.Í Flugugili var eini fossinn sem við sáum Kertasnýkir, en hann virtist vera heilbrigðasti fossinn á svæðinu, góður ís sem náði allur niður.
Lítið að frétta úr skógræktinni, léttustu leiðirnar (WI 2-3) voru í ágætis standi, en af brattari leiðunum var eina leiðin sem var í tiltölulega heilu lagi B2 í leiðavísinum.
Annars geri ég ráð fyrir að þetta geti allt breyst töluvert með hlýjindunum næstu daga.
Við skutumst fjórir inn í Kjós núna á þriðjudaginn, nær allar leiðir í neðri hlutum Hvalfjarðar voru komnar á byrjunarreit eftir rigningarnar. Það var ekki nema innst í Kjósinni, í Spora og í leiðunum í hlíðinni á móti þar sem eitthvað hafði lifað af. Við enduðum á að rölta upp í Spora gilið, þar sem eina leiðin sem var í tiltöluluga heilu lagi var stutta leiðin innst í gilinu sem er ekki í leiðarvísinum. Leiðin var að vísu frosin og meiglak, en leiðirnar þarna gætu verið orðnar fínar eftir frostið núna næstu daga.
Annars virtust leiðir ofar í fínum málum, eins og Eilífsdalnum.
