Svör sem þú hefur skrifað
-
Svör
-
Mig vantar einnig þessar myndir til að birta hérna á vefnum í umfjöllun um skálana okkar.
kveðja
Helgi Borg
ritstjóri http://www.isalp.isÉg komst ekki á Telemarkhelgina til að taka myndir. Bassi er hinsvegar búinn að lofa mér myndum til að birta hérna á vefnum. Eins og örugglega flestir, þá hlakka ég til að sjá þær.
Eins og rækilega kemur fram á link-síðunni hérna þá á eftir að setja inn innlenda-linka. Þarna verða allir nytsamlegir og ekki nytsamlegir innlendir linkar sem viðkoma fjallamönnum, meðal annars telemarkklúbb-síðan.
Telemarkklúbburinn er mér vitanlega ekki formlegur klúbbur, þeas. ekki með kennitölu. Valli og félagar þurfa því ekki að halda neina stjórnarfundi frekar en þeir vilja.
Ef ég skildi hugmyndina með stofnun Telemarkklúbbsins rétt þá var hugmyndin hann yrði notaður til að koma Telemarkinu inn í Skíðasambandið, halda formleg mót, o.s.frv.Sé svo, þarf þá ekki að gera eitthvað meira úr klúbbnum?
Það væri gaman að fræðast meira um þetta frá þeim sem til þekkja.
kveðja
Helgi BorgJá, endilega segið okkur hvaða myndir ykkur fannst góðar, og hverjar hefðu mátt missa sín. Það er gagnlegt að vita hverskonar myndir fólk vill sjá svo við getum valið vel á næsta ári.
Persónulega fannst mér hjólamyndin seinna kvöldið full löng og Denali-myndin (zzz) alltöf löng.
Það má vera ljóst að íþrótt þessi er á uppleið. Á stærsta fréttavef landsins, http://www.mbl.is er í dag fjallað um þennan merka viðburð — mörgum dögum eftir að fréttin var fyrst birt á http://www.isalp.is.
Menn geta ekki bæði sleppt og haldið. — Ber að skilja orð þín þannig að þú mælist til að ég leggi niður vefsíðuna til að geta átt meiri tíma á fjöllum?
Orð eru til alls fyrst. En að sjálfsögðu þarf að einnig að láta verkin tala. Á þeim 5 árum sem ég hef setið í stjórn ÍSALP hefur mikið verið skrafað — sumir meira en aðrir. Ekki hefur verið eins mikið um efndirnar, enda væri klúbburinn þá fjölmennari en Framsókn.
Að þessu sinni setti stjórn saman raunhæf markmið í formi verkefnalista á fyrsta fundi. Eitt af markmiðunum er að gera átak í aukinni kynningu og umfjöllun um ÍSALP út á við.
Ein af aðferðunum sem ég ætla að beita til kynningar er að fá ýmsa þekkta og minna þekkta til að skrifa pistla á vefinn um flest sem viðkemur fjallamennsku. Ég hef minnst á þetta við ýmsa og beðið um pistla — þá gjarnan um ákveðin málefni sem mér þykja forvitnileg. Menn þykjast ætla að hugsa málið. Ég vona að einhverjir pistlar nái á síðuna.
Hvað varðar pistilinn frá Umhverfisráðherra, þá sótti ég skriflega um styrk til uppbyggingu á síðunni og einnig um pistil ráðherra um samspil umhverfis og fjallamennsku. Ég fékk hvoru tveggja. Styrkurinn hljómaði upp á 150.000 kr.
Víst eru hugleiðingar um að halda fjallamennskunni sem grasrótarsporti rómantískar — en raunhæfar, nja. Menn geta ekki bæði sleppt og haldið. Það væri gaman ef sportklifrið fengi hlutfallslega miðað við ástundun jafn mikla styrki og fótboltinn. Þá væri alveg örugglega hægt að byggja löglegan keppnisvegg, og það fleiri en einn. Það væri líka gaman að setja saman digran leiðangursjóð, en ef við látum ekkert vita af okkur þá er það bísna erfitt. Og víst þætti mér vænt um ef að ég fengi styrk frá Ferðamálaráði til að gera meira úr ensku síðunum, í stað þess að þeir sömu láti nægja að vísa fyrirspurnum erlendra fjallamanna á editor@isalp.is.
Drengir og stúlkur, hvað finnst ykkur? Látið nú gamminn geysa. Endilega komið með málefnalegar spurningar til að demba á pólitíkusana!
Umræðusíða Íslenska Alpaklúbbsins hefur að gera með fjallamennsku. Meðal annars geta menn skrifað undir nafni skoðanir sínar á málefnum sem beint viðkoma fjallamennsku. Menn nota þau orðfæri sem þeir kjósa.
Skrif sem ekkert hafa með fjallamennsku að gera og ganga langt út yfir öll mörk velsæmis verða fjarlægð af umræðusíðunni, jafnframt kann að vera lokað á aðgang viðkomandi. Dæmi um slík skrif var þegar Guðmundur Tómasson níddi kærustu annars félaga í ÍSALP með kynferðislegum undirtóni í desember ’02.
Helgi Borg
ritstjóri isalp.isÉg er á því að forsíðumyndin eigi að vera af sporti sem ÍSALParar stunda. Þegar brettagarpar fara að sýna sig innan raða ÍSALP í auknum mæli, og þegar þeir fara í auknum mæli á fjöll, en ekki bara á skíðasvæðin — þá fyrst eiga þeir erindi á forsíðu ársritsins.
Svo var það hetjan okkar hann Haraldur Örn — hefur hann unnið sér inn heiður að forsíðumynd?
Að auki finndist mér kostur ef að forsíðumyndin væri í fókus að þessu sinni.
Ég styð eitthvað af þessu þrennu — skilyrðislaust mynd frá Íslandi!
Grjótglímumynd
Stigaklifurmynd
TelemarkmyndÉg er á því að við ættum að halda okkur við þessa dagsetningu áfram, þeas. síðustu helgina í febrúar. Þetta er jú í fyrsta skipti síðan við byrjuðum sem ekki er hægt að halda festivalið nokkurnstaðar á landinu vegna ísleysis og veðurs. Við ættum hinsvegar kannski að hafa marga staði í sigtinu í einu og ekki taka ákvörðun stað fyrr en með nokkurra daga fyrirvara.
Að sjálfsögðu eigum við einnig að reyna að hafa fjölmennar ísklifurferðir á öðrum tímum þangað sem fólk vill fara.
Auðvitað Rafn, hvað heldur þú! Að sjálfsögðu er leiðunum haldið til haga. Seinna þegar tími og ráð gefst til að bæta við vefkerfið mun verða hægt að kalla fram allar leiðir á ákveðnu svæði, leita eftir ákveðnum leiðum, o.s.frv.
Er klifur merkilegra sport en hjólreiðar? Eru klifrarar merkilegri en hjólreiðamenn? Hvað með þá sem stunda kajak og skíði, eru þeir líka síðri en þeir sem stunda klifur?
Við í stjórn ÍSALP lítum ekki svo á að eitthvert eitt sport sé öðru merkilegra. Þess vegna ákváðum við að höfða til breiðs hóps með val á myndum. Við vonum að allir fái eitthvað við sitt hæfi. Hvað varðar þessa mynd, þá vitum við að stór hópur hefur gaman af að hjóla á fjöllum — líka innan ÍSALP — og því létum við hana fljóta með.
Það er vissulega rétt að myndavalið er ekki auðvelt. Maður fær einungis að horfa á stutt sýnishorn úr hverri mynd og það er ómögulegt að vita hvort það gefur rétta mynd. Við þykjust samt vera vissir um að við höfum valið afbragðs myndir að þessu sinni.
Þessu tengt þá er tilvalið að nefna að við í ÍSALP ætlum á næstu vikum að kaupa mikið magn af nýlegum fjallamennskumynd-spólum/diskum og síðan mun vídeókvöld vikulega verða á dagskrá klúbbsins. Þarna mun Guðmundur (Gummi Spánverji) örugglega líka finna eitthvað við sitt hæfi.
Ha, hvaða fáni?
Borgin hefur talsvert með málefni fjallamanna að gera. Vert er að minnast þess þegar Vektor-menn sóttu sem harðast að fá styrki til uppbygginar á innanhúsklifuraðstöðu í Reykjavík fyrir fólk á stór-Reykjavíkursvæðinu. Þeir fengu ekki krónu, en á sama tíma fengu 3 einstaklingar myndarlegan styrk frá RVK til að ganga spölkorn á skíðum all-fjarri Reykjavík.
Borgin sá síðar að sér og veitt styrk í Klifurhúsið, þeas til uppbygginar á innanhúsklifuraðstöðu í Reykjavík.
Aðalatriðið er að þessi vefur er um fjallamennsku. Mönnum er að sjálfsögðu frjálst að fjalla um hvað eina sem viðkemur fjallamennsku — á hvern þann hátt sem menn kjósa.
Erindi sem viðkoma fjallamennsku verða seint ritskoðuð.
Ég eyddi nú í þessu tveimur spjallþráðum. Þessir þræðir höfðu ekkert með fjallamennsku að gera heldur einkenndust af persónulegu skítkasti.
Drengir, farið með ykkar persónulegan ágreining eitthvað annað. Ég eyddi ekki öllum mínum frítíma þetta árið í þennan vef svo þið gætuð notað hann í ágreining ykkar sem kemur fjallamennsku ekkert við.
Næst mun ég einnig loka fyrir aðgang viðkomandi. Það er einkum einn sem ég beini orðum mínum að.
Helgi Borg
ritstjóri isalp.isUmræðuflokkurinn „keypt/selt“ var einmitt hugsaður til þess að fólk gæti auglýst búnað til sölu, eða óskað eftir til kaups. Það er engin ástæða til að flækja þetta eitthvað með sérstökum vefbasar. Þú velur bara „keypt/selt“ flokkinn og manst að láta símanúmerið þitt fylgja með erindinu. Traffíkin á síðuna fer vaxandi og því ekki ólíklegt að erindið beri árangur.
a)
Kemur í næstu útgáfu af enskri forsíðu í jan/feb.
Verður þannig að einungis enskar umræður birtast á ensku forsíðunni, en eftir sem áður allar á íslensku forsíðunni.b)
Það er mikilvægt fyrir mig að sem flestir erlendir fjallamenn taki þátt í könnunni. Þá verður auðveldara að sannfæra ferðamálayfirvöld um mikilvægi þess að frekari upplýsingar séu til staðar um þetta á ensku hér á þessum síðum. Þegar allt kemur til alls er þetta spurning um kostnað.Fyrirgefðu Kalli minn að ég skildi ekki vera búinn að láta þig hafa aðgang. Maður hefur bara séð svo lítið af þér í stjórnarstörfunum þetta misserið að ég hélt þú vildir ekkert með þessar síður hafa.
Hilsen
Helgi BorgLykilorðin detta ekki út. Málið í þínu tilfelli var að þú fékkst aðgang að síðunni á meðan verið var að prófan hana. Áður en hún fór í loftið var öllum prófunar-gögnum hent, þar með talið þínu lykilorði. Síðan var raun-gögnum hlaðið inn á hana aftur.
Fyrir þá sem þekkingu hafa á, þá get ég frætt ykkur á því að lykilorð eru geymt md5-brengluð í gagnagrunni á vefþjóninum. Þannig getur enginn notað þau, þótt hann sjái þau. En að sjálfsögðu er þó engin leið að sjá þau nema að hafa beinan aðgang í grunninn.
„Skráning á síðuna einungis“ og „Skráning í ÍSALP og síðuna“ eru eins að öðru leiti en því að í fyrra tilfellinu er ekki merkt við þar sem stendur „Viltu verða félagi í ÍSALP“.
Líklega ætti ég að bæta við einum glugga í viðbót í ÍSALP-skráningar-prósessinn, þar sem fram kæmi að viðkomandi væri nú á hraðri leið inn í klúbbinn og að gíróseðill væri á næstu grösum.
Úr því sem komið er vona ég að þú verðir ekki fyrir vonbrigðum með klúbbinn. Framundan eru fjölmörg námskeið og ferðir.
venlig hilsen
Helgi Borg
