Helgarspreijið

Home Umræður Umræður Ís- og alpaklifur Helgarspreijið

  • This topic is empty.
  • Höfundur
    Svör
  • #46845
    Skabbi
    Participant

    Fyrst Telemarkararnir þegja ennþá þunnu hljóði um það hversu æðisgengilegt Telemark festivalið um helgina var, ætla ég bara að ríða á vaðið og spreija um það hversu frábært ísklifrið á suðvesturhorninu var um helgina.

    Á laugardaginn kíktum við þrjú inn í Kórinn í Kjós, klifruðum Spora og Konudagsfossinn, sem báðir voru í príma aðstæðum. Konudagsfossinn sérstaklega var akfeitur, á eftir að standa af sér talsverða hláku. Veður var þó með versta móti.

    Við Retro rifum okkur snemma á lappir á sunnudaginn og settum stefnuna á Eilífsdal. Dalurinn var beinfrosinn þannig að akfært var alla leið inn í botn. Eftir að hafa horft upp í biksvart kófið sem faldi leiðirnar í 10 mínútur ákváðum við að lífi og limum væri líklega betur borgið annarsstaðar þann daginn.

    Við héldum förinni áfram inn Hvalfjörðinn og enduðum undir Ýringi í Brynjudal. Efsta haftið var heillegt að sjá neðan af vegi þó að neðri höftin væru ekki öll beisin. Þau reyndust öll klifranleg þó ekki væru þau að sama skapi tryggjanleg.

    Efsta haftið reyndist hin besta skemmtun. Kertaður ís á köflum og MIKIÐ rennsli neðantil í fossinum var bara til að auka gleðina. Að koma svona tandurhreinn upp úr spönninni eftir þessa hressandi sturtu var líka bara bónus!

    Í ljósi vísindalegrar samanburðarísfæði tek ég heilshugar undir orð A. Bjarnasonar að efsta haftið í Ýringi sé bona fide íslensk fimma. Verður trúlega hvorki mikið erfiðari né léttari í misjöfnu árferði.

    Ein spurning að lokum: Hafa menn prófað að halda áfram og klifra síðustu höftin upp á brún? Eitt þeirra er stæðilegt að sjá úr fjarska, þó að tröllaukin hengjan sem slútti yfir hafi dregið úr spenningnum í gær hjá okkur félögunum.

    Allez!

    Skabbi

    #53971
    2210803279
    Meðlimur

    Á laugardag fórum við fjórir uppá Kistufell eftir suðvestur snjólínunni og var það ágætis skemmtun en hvergi var nokkur þörf á broddum og tæplega öxum þar sem snjórinn var svona temmilega þéttur að þetta var bara eins og að labba upp stiga.
    Á sunnudag fórum við svo tveir í Spora en já hann er einmitt mjög góður þessa dagana, ísinn jafnvel betri en síðustu helgi.
    Fórum líka litla fossinn sem er þarna soldið fyrir neðan en ég veit ekki hvað hann heitir. Held að honum sé líst sem ágætis upphitun í ársritinu.

    kv. Stefán Þ.

    #53972
    AB
    Participant

    Skab,

    Ég minnist þess að Ívar hafi klifrað höftin fyrir ofan Ýring. Þau voru víst erfið.

    AB

    #53973
    AB
    Participant

    Flott helgi hjá ykkur, BTW!

    AB

    #53974

    Ekki mikið af myndum teknar þessa helgi. Maður er latur við það í skítviðri. En ég setti inn eitthvað smá úr kjósinni (http://retro.smugmug.com/gallery/7616559), aðallega af Hrönn að spóla upp spora.

    Svo er ég búinn að setja inn myndir frá ísklifur road-trippinu ógurlega (http://retro.smugmug.com/gallery/7608899_ecHZJ#491988276_CjDA8) en þar má meðal annars finna einhverjar myndir af nýjum leiðum sem voru farnar.

    #53975
    0808794749
    Meðlimur

    helgarspreijjj telemarkara má meðal annars finna í fréttum hér að ofan…

    #53976
    AB
    Participant

    Magnaðar myndir, Bjöggi, eins og alltaf.

    AB

    #53977
    Ólafur
    Participant

    Flottar myndir að norðan/austan og greinilega vel heppnað ródtripp. Þið eruð nú samt ekki þeir fyrstu sem lenda í slæmu veðri á þessum slóðum. Þarna var fyrir nokkrum árum á ferð heldur ólukkulegra tríó sem þurfti að bíða af sér storminn undir Búlandstindi. Reyndar var einn þeirra pakkaður inn í teppi en það er önnur saga….

8 umræða - 1 til 8 (af 8)
  • You must be logged in to reply to this topic.