Þumall

[2502614709]

Hver er bossinn í ferðinni? Er ekki of seint að leggja af stað á föstudagskveldi? Ég held það sé betra að fara fyrr og tjalda t.d. við lónið til að stytta laugardaginn eða hvað var annars planið?
4 + 1 skráður og ég veit um tvo í viðbót…. verður kannski frestað?

[1704704009]

Ekki nema von að spurt sé. Það hefur gengið æði stirðlega að fá umsjónarmann í ferðina en ég hef verið að vonast til að það myndi bjargast á síðustu dögunum.

Planið var að taka laugardaginn í allt verkefnið og gista í Skaftafelli að því loknu. Annars hefði umsjónarmaður haft yfirráð með nánari útfærslu. En því miður verður að segjast að þetta er farið að ganga aðeins á afturlöppunum, það viðurkennist fúslega.

Vona innilega að bossamál verði komin á hreint fyrir morgundag. Annars stefnir í frestun inn á 10. sept.

[1704704009]

Það er útséð um að ekki tókst að finna umsjónarmann fyrir Þumal og svo er veðurútlit orðið óhagstætt í þokkabót.

Ferðinni er frestað til 10. september. Vonandi hefur enginn orðið fyrir óþægindum af þessum sökum.

[Gummi St]

Vonast til að komast með þessa helgi (verður að koma í ljós), en er ekki einhver svona “búnaðarlisti” til, við þurfum t.d. að tjalda og svoleiðis er það ekki?
Verður svo farið á einkabílum eða allir saman í hópferðabíl?

(ég er nýr í Ísalp, þannig að ég veit ekki alveg hvernig þetta gengur fyrir sig)

mbkv. Guðm. F

[1410815199]

Það er víst bannað að tjalda inn við lón. Það voru allavega skilaboðin sem lágu til mín og ferðafélaga minna þegar við gerðum það síðast.

Skil samt ekki hvernig tjaldstæðið í skaftafelli eigi að anna öllum ferðamönnum sem um Vatnajökul fara ef tjaldstæðið er eini staðurinn sem má tjalda á!

[Ágúst Þór Gunnlaugsson]

Það væri best ef það væri afmarkaður blettur inni við Kjós sem fjallamenn fengu að nota sem svefnstað í samvinnu við Þjóðgarðsvörð. Legg til að stjórnin kíki á þetta mál og reyni að vera í sambandi við Skaftafellsþjóðgarð.

kv.Ági

[2502614709]

Þá fer maður bara á flugeldasýningu í staðinn – samkvæmt veðurspá í kvöld leit þetta nú ekki illa út…

[1709703309]

Enn einu sinni læt ég fylgja með frásögn af ferð klúbbsins á Þumal.
Hana er annars að finna undir –
Efni vefsins / Allar greinar / 2001

Þumall, júlí 2001

Höfundur: Stefán Páll Magnússon

Þú þarft ekki að vera ruglaður til að fara á Þumal en það hjálpar. Gangan frá Skaftafelli að Hnútudal er nægilega löng til að æra fólk í annars mjög stöðugu ástandi. En það stoppaði þó ekki 11 þátttakendur í ferð á vegum klúbbsins helgina 13.-15. júlí til að leggja í ferð á fyrirheitna tindinn.

Fylgt var fyrirfram ákveðinni ferðalýsingu sem fól í sér að leggja af stað frá tjaldstæðinu á Skaftafelli og ganga strax inn í Morsárdal og þaðan inn í Kjós, þar sem lagst var til hvílu um föstudagsnóttina. Hvílst var í fjórar stundir áður en lagt var af stað upp Hnútudal. Í stuttu máli sagt þá fóru 9 þátttakendur af 11 af stað um morguninn en tveir fóru í göngu inní Kjós sökum gamalla hnjámeiðsla. Þeir sem lögðu af stað fóru á topp drangans og áttu þar góða stund með glæsilegt útsýni til allra átta enda veður hlýtt og gott að öllu leyti. Að loknum uppáferðum þá var haldið í menninguna í Skaftafelli til Atla þjóðgarðsvarðar þar sem nokkrir tjölduðu sökum óstjórnandi svefnþurftar meðan aðrir héldu á Hnappavelli.

Rétt er að nefna að þó ekki sé um mjög langa leið að ræða getur reynst nauðsynlegt að klifra í nokkrum spönnum á toppinn. Sama gildir um sigið sökum þess að leiðin liggur í spíral upp drangann og mikið viðnám á línu eykur mjög á slit þeirra.

Að lokum fylgja hér upplýsingar um Þumal sem byggðar eru á riti Ísalp nr. 20 frá júní 1981, en þar koma fram ágætis upplýsingar um aðkomu og lýsingar á leið inn Kjósina og upp á Þumal.

Ferðum á Þumal (1279), sem er forn gígtappi úr blágrýti, hefur farið fjölgandi síðustu ár. Hann var fyrst klifinn svo vitað er um í ágúst árið 1975, af þremur Vestmannaeyingum. Það liðu tvö ár þangað til hann var klifinn næst, og aftur liðu tvö ár þar til þriðji hópurinn hafði stígið á topp Þumals. Frá því að dranginn var fyrst klifinn fyrir 26 árum hafa klifrarar beitt mismunandi aðferðum við að nálgast viðfangsefnið. Í fyrstu ferðunum var valið að gista við Kjósina en heyrst hafa sögur um 14 tíma ferð frá Skaftafelli á Þumal og til baka í Skaftafell. Skipta má leiðinni í fjóra hluta; Skaftafellsheiði (4,5 km), Morsárdal+Kjós (5,5 km), hækkunin upp Hnútudal (ekki Vestari Hnútudal) að Þumli (3,5 km) og síðast en ekki síst bröltið upp á drangann sjálfann um 120 m. Við þetta má bæta að um talsverða hækkun er að ræða sem tekur sinn tíma.

Viðbót frá pistlahöfundi. Ekki er þörf á miklum klifurbúnaði.
Eitt sett hnetur, 4-6 tvista á klifurgengi (hreinsað úr af síðasta manni á leið upp) og ekki er sérstök þörf á sérhæfðum klifurskóm. Lína að sjálfsögðu og hjálmur vegna grjóthruns.
Ef menn eiga fleyg þá er ekki verra að hafa hann með.

Með kveðju,

Stefán

[Author]

Posts