Snjórinn breikkar brosið

[0704685149]

Fylgist með fram að helgi.
Þetta er tekið af Akureyri.is

Snjóað hefur í Hlíðarfjalli í allan dag á meðan það hefur verið rigning eða hálfgerð hundslappadrífa í bænum. Guðmundur Karl Jónsson, forstöðumaður í Hlíðarfjalli, er að eigin sögn farinn að brosa út í bæði. Útlitið fyrir skíðafólk var orðið heldur dapurlegt en nú rætist úr.

Veðurspáin næstu daga gerir ráð fyrir kólnandi veðri og Guðmundur segist handviss um að það muni snjóa í fjallinu fram yfir helgi. Hann segir tímabært að óska fólki gleðilegra páska!

Frá Veðurstofu Íslands:

Á fimmtudag: Norðaustan og austan 10-15 m/s, en hægari um austanvert landið. Slydda eða snjókoma, en él norðan- og norðvestanlands. Frost 0 til 5 stig, en hiti 0 til 6 stig sunnan- og vestanlands.
Á föstudag og laugardag: Norðaustan og norðan 10-15 m/s, en hægari suðaustan- og austanlands. Snjókoma eða él um norðanvert landið og léttskýjað með köflum sunnantil, en líkur á éljum suðaustanlands. Kólnandi og frost 0 til 5 stig á laugardag.
Á sunnudag og mánudag: Norðlæg átt og él, en skýjað með köflum og þurrt sunnantil. Kalt í veðri.

http://www.vedur.is

kv.
Bassi

[Author]

Posts