Skull Árbær

[Jón Haukur]

Í ljósi umræðu um eignarhald á fjölmiðlum og meinta ritstýringu hina ýmsustu jóna í þágu sinna fjölmiðla þá þykir mér Árbræðurnir ansi lúmskir í að ýta undir sína laumulegu áróðursvél á forsíðumyndinni.

Ókei gott og blessað það er að koma telemarkmót, þ.e.a.s ef baðvörðurinn í fjallinu hleypir inn á svæðið. En af öllum þeim myndum sem til eru af mótinu frá því í fyrra þá er dregin upp þessi sorglega Ár-bæjaramynd… Var nú virkilega ekki neitt betra til í sarpinum.

Já já ég veit alveg það á ekki að gagnrýna menn og mýs fyrir góða vinnu í þágu flokksins við það að halda úti síðunni, það er allt hið besta mál en nú þykir mér hin fámenna valdaklíka Ísalp.is vera farinn að misnota vald sitt með því að setja áróðursmaskínu sem þessa í gang.

Væri réttast að hér myndum við setjum sömu lög og Frakkar settu nýverið þar sem öllum trúartákn eru bönnuð á almannafæri, hvort sem það eru slæður, kollhúfur, þorskhausar eða Fylkisbúningar…

góðar stundir

jh

[0405614209]

Það er nú hægt að hafa þessi lög þannig að þeir sem ganga um í Fylkisbúningi þurfi að hafa kollhúfu á þorskhausnum!!!

[Ólafur]

Það gat nú verið að gamli hrepparígurinn tæki sig upp í utanbæjarmanninum þar sem hann stendur í sinni Hamraborg og spensýgur þrútin júgur höfuðborgarinnar.

Maður spyr sig hvort hann sé að fylgja kalli foringja síns og heimti ritstýringu á þá miðla sem honum ekki þóknast. Eða er hann kannski bara ennþá sorrý, sár og svekktur eftir heldur snautlega útkomu á síðasta telemarkfestivali?

Hver veit nema ég beiti mínum ítökum í alpaklúbbnum svo að myndin af hinum íðilfögru árbæingum birtist aftur hér á forsíðunni. Þá geta lesendur og litli drekinn áfram dáðst að hinum limafögru úthverfakonungum úr árbæ.

Kveðjur bestar,
-órh

[Stefán Örn]

Líklegt er að fleiri myndir af Team Árbæ munu birtast á síðunni á næstu dögum, ýmist í hópi eða stakir. Ja, hví ekki bara myndasyrpu??

[Author]

Posts