- This topic is empty.
-
Posts
-
Alvöru fjallamenn – nú erum við á síðustu metrunum. Vantar stæðilega fjallamenn til að taka þátt í aðgerðum. Það er verið að skipuleggja Ómarsgöngu á þriðjudagskveld og ýmislegt í tengslum við það. Fundur í kvöld upplýsingar hjá mér 895-7008.
Jæja, við erum nokkur sem höfum ákveðið að svara kalli Ómars. Við ætlum að mæta niður í Landsvirkjun á Háaleitisbrautinni í dag kl. 9:00 og setjast þar að, panta fund hjá Friðriki og biðja um frest. Okkur finnst að Alþingi Íslendinga, stundum kallað Háttvirt hafi verið lítisvirt í Kára-hnjúkaumræðunni. Við krefjumst þess að Alþingi fjalli um málið á nýjan leik. Þingmönnum sem stóðu að ákvörðuninni hlýtur að svíða sárt og ef þeir hafa samvisku ætti þá að kenna til.
Landsvirkjun er opin til 16:30 og vonandi verðum við þar eitthvað áfram, það verður heitt á könnunni og eru allir hvattir til að kíkja inn og bíða með okkur (eftir Friðriki). Einnig hyggjumst við hnoða saman bænarskrá til t.d. stjórnar Landsvirkjunar, og allt afskaplega
friðsamlegt.Gljúfrabúinn
áframsenda
Snilld! Svo er bara að mæta og ganga líka með Ómari, ekki klikka á því gott fólk.
Svo stend ég enn við það sem ég hef minnst á hér oft: Ísalp ætti að gefa frá sér einhverja yfirlýsingu þar sem vanvirðingu við náttúruna er mótmælt af okkur sem höfum yndi af að njóta hennar og vitum hvers mikils virði hún er. Ég segi það og skrifa, ef einhver heldur enn í dag að þetta Kárahnjúkadæmi og bara almennt þetta virkjana- og álbrjálæði sem er í gangi eigi eftir að vera þjóðinni (eða heiminum) til framdráttar, þá er sá hinn sami virkilega í tómu rugli svo ég orði það mjög pent.
útúr skápnum krakkar – ekki vil ég fara með það í gröfina að hafa ekki gert neitt. Núna eru nokkrir dagar til stefnu – engin kynslóð hefur upplifað neitt jafnstórt nema þeir sem muna 1949.
– höfum yndi af að njóta hennar… 1999 skrifuðu um 45.000 manns undir að bjarga Eyjabökkum ! Það var hætt við og vaðið í Kárahnjúka. Núna eru framkvæmdir á Eyjabökkum! Íslensk stjórnvöld fengu umhverfisverðlaun í síðustu viku! Omg
Blekkingar, svik, og bara léleg ákvörðun – líftími álversins bara 50 ár. Og Sandfok þarna verður til stærsta náma fokefna sem orðið hefur til á Íslandi. Hefur einhver verið í vestanátt og þurrki á Héraði – eða séð jökulleirinn á fjúki á söndunum fyrir sunnan. Enda var þessu hafnað ! Ekki satt Sif ?
Einbýlishúsalóð í Reykjavík 20.000.000,- Land undir virkjun fyrir 470.000,- tonna álver – fyrir norðan stærsta jökul í Evrópu á stærsta óbyggðasvæði Evrópu – þar sem við ætlum að stofna þjóðgarð og byggja stíflu sem kemst á 10 stærstu stíflulistann!
NÚLL!!!!!!!! Ef þetta hefðu verið betur þekktir staðir hefði þeim aldrei verið fórnað – þjóðgarð sveiatttann’ og étt’ann sjálfur.
kíkjum við……OK – eins og ég hef sagt áður, voða fínt að sýna opinberum aðilum smá aðhald og fínt að berjast á móti því sem maður er ekki sáttur við.
En af hverju fara allir resourcar í að berjast á móti þessari virkjun en sem er langt komin? Ég geri mér grein fyrir því að menn eru ekki sáttir við þetta, en heldur einhver í alvöru að þessi framkvæmd verði stöðvuð? Ætti þetta ekki að vera meira táknrænt til að sýna að menn séu ekki búnir að gleyma þessu?
Á meðan er verið að klippa útivistarsvæði Reykvíkinga á Hellisheiði í 1000 mola, raskið þar er margfalt það sem talað var um. Það er hræðilegt að horfa upp á þetta.
Einnig er verið að byggja jarðgöng í Héðinsfirði sem eru harmleikur og algjörlega absúrd framkvæmd frá náttúruverndar- og peningasjónarmiðum. Sjálfsagt óarðbærasta framkvæmd allra tíma á Íslandi.
Meðan allt púðrið fer í Kárahnjúka sigla svona slys, sem enn er hægt að stöðva, undir radarinn.
Það finnst mér slæmt.
Kveðja,
SFÞað hugsa allt of margir með sér að framkvæmdirnar séu komnar það langt að nú sé ekki hægt að stöðva þær. Ef allir legðust á eitt og sýndu það í verki að þetta er ekki það sem þjóðin vill þá er ekki hægt annað en að taka tillit til þess og amk fresta fyllingunni um óákveðinn tíma.
Líka alveg sammála því að sofna ekki á verðinum gagnvart öðrum náttúruauðlindum og vera meira vakandi í framtíðinni gagnvart fyrirhuguðum framkvæmdum.
Annars finnst mér þetta bara frábært framtak og vona að sem flestir láti skoðun sína í ljós.
Kárahnjúka andófið snýst ekki nema að litlu leyti um Hálslón.
Það snýst um að brýna járnin fyrir slagin um Fjallabak, Kerlingarfjöll og önnur svæði sem komin eru á válista orkugeirans.Ég hef á tilfinningunni að það verði umtalsvert framboð á fólki til að hindra virkjanabrölt að Fjallabaki og e-h tilbúnir til að taka upp aðferðir Mývetninga ef þurfa þykir.
-Það hefur sýnt sig að mestur árangur hefur náðst í umhverfismálum á Íslandi með frjálslegri notkun á dýnamíti….
Við Útfall Mývatns tókst mönnum það vel upp á sýnum tíma að það voru ekki aðeins þeir sem beinan þátt áttu að sprengingunni sem lýstu verkinu á hendur sér heldur leikur grunur á að margskonar Þingeyskir “wannabees” þykist líka hafa sprengt þótt þeir hafi hvergi komið nærri og sannast þar hið fornkveðna að markir þóttust Lilju kveðið hafa.Auglýsing um gönguna: http://kjosa.is/gongum-lengra/
Svo er bara að láta orðið berast. Best væri að fá þúsundir til að þramma með okkur og Ómari.
Maður mætir allavega í gönguna – veit ekki með morgunverðar-fundinn við Landsvirkjun.
Flott framtak hjá (þeim sem kom þessu af stað) …
Mér ber skylda til að leiðrétta Karl. Þetta voru ekki eingöngu Mývetningar. Aðaldælingar komu líka við sögu. Ég hef öruggar heimildir fyrir því.
Þessar umræður hérna velta enn og aftur upp spurningunni hvort Ísalp eigi að taka formlega afstöðu til umhverfismála líkt og fjöldinn allur af alpaklúbbum um allan heim gera.
með kveðju
Helgi Borg
Ég er alveg sammála Sissa! Það eru mörg mál sem sigla undir radarinn. Maður nánast tárfellir við að hugsa til Héðinsfjarðar. Ótrúlegt að heimamenn séu nánast allir sammála því að gereyðileggja þessa náttúruperlu. Já og Hellisheiðin er farin fjandans til og mig minnir að ég hafi séð tillögur af þriðju virkjuninni þarna svona til að endanlega gereyðileggja þetta svæði fyrir útivist í fyrirsjáanlegri framtíð.
Ég tel að kúbbur eins og Alpaklúbburinn sé klúbbur sem stjórnast af meirihluta félaga og ef meirihluti félaga vill að klúbburinn taki formlega afstöðu til umhverfismála þá látum lýðræðið tala.Jæja, fyst ég byrjaði þá ræð ég og þá má ég draga umræðuna aftur að málefninu: Aftöku á náttúru mestu óbyggða á landinu. Allir náttúruunnendur sem skoða svæðið eru sammála um að þetta hefði aldrei gerst ef svæðið hefði verið þekktara og málið fengið eðlilega afgreiðslu. Ég fór fyrst í fyrra í 10 daga og aftur í sumar í 8 og var alltaf að sjá eitthvað nýtt. Það má ekki fórna þessu. Fólk hefur bara svo mimunandi mælikvarða, á meðan óspillt náttúra skorar hæst hjá mér, er annar sem fær hroll í sófanum af tilhugsunininni einni saman. Það er bara allt svo hverfult í þessum heimi, hver hefði trúað því á Austurvelli 1949 að 56 árum síðar myndi Ameríski herinn púff bara koma sér heim, eða fóru þeir kannski til Íraks. Nýlega heyrði ég í fyrsta skipti að líftími Álversins væri bara 50 ár. Í gær sagði talsmaður Landsvirkjunar að líftími virkjunarinnar væri 200 ár. Annar bætti við að með dælingu úr lóninu yrði unnt að lengja hann. Omg.
Nóg um það ef menn hafa einhverja trú á áframhaldandi lífi á jörðinni er miklu betra að markaðssetja þetta fyrir túrista. Takið t.d. kínverja 1,4 milljarður og nýbyrjaðir að ferðast. Þorsteinn Hilmarsson talsmaður Landsvirkjunar hefur bent á að fjölsóttasti ferðamannastaður á Íslandi sé tilbúinn nebblega Bláa Lónið. Þetta yrði áttunda undur veraldar “we almost did it”. Nú koma hingað 300 þús. túristar og fer fjölgandi og margir staðir farnir að láta á sjá. Það væri frábært að fá svona viðbót einhvers konar high tech ferð sem endar í næstum óspilltri náttúru.
Strax á næsta ári myndi þetta slá hvalaskoðun út og þetta væri einstakt í heiminum.Jæja hættum að láta okkur dreyma mikilvægast er tjá skoðun sína og mæta í kvöld – allir sem vettlingi geta valdið. Munið þetta er fjölskyldumál börn barnabörn allir með afi og amma og allir sem þið þekkið. Látið orðið berast ef einhver er leiðitamur þá má segja að þetta sé ókeypis skemmtun með Ómari Ragnarssyni og gott ef Bubbi verður ekki líka. Hann hefur nú oft trekkt kallinn.
Ég er sammála síðasta ræðumanni … það er ekki hægt að láta svona lagað gerast án þess að – í það minnsta – láta í ljós skoðun sína á þessu “framkvæmdar-ógeði” Framsóknarflokksins. Var ekki nóg að Halldór lækkaði Hvannadalshnúk um 9 metra, hahahahha
… en grínlaust, auðvitað á Ísalpaklúbburinn að tala sínu máli í sambandi við svona náttúruspjöll. Ef ekki væri fyrir náttúruna, hvað væri þá Ísalp ..?
Semsagt Ingvar – algjörlega sammála þér … by the way, takk fyrir síðast
… en gleymum ekki að Sjálfstæðisflokkurinn er alveg jafn sekur. Þetta eru landráðamenn allt saman og af ýmsum ástæðum sem ekki verður farið út í hér.
Þetta er allt hið versta mál. Ég fór þarna uppeftir í sumar og það fór ótrúlega mikið í taugarnar á mér að það voru skilti við alla afleggjara frá því að komið var upp á heiði sem bönnuðu aðgang. Eina skiltið sem ég man eftir þar sem mátti fara var inn að Snæfelli.
Hitt er svo annað að ég sakna þess mikið að hafa ekkert heyrt frá Samút (Samtök útivistarfélaga). Þessi samtök eru hatturinn yfir flest öll útivistarfélög á Íslandi og eru virðist vera óvirkt/óvirkjað aðhaldsafl.
Sjálfum finnst mér sjálfsagt að Ísalp taki afstöðu og það hefur ekkert með pólitík að gera – þetta er spurningin um að taka afstöðu með eða á móti umhverfisnauðgun.
Frábær ganga og útifundur í gær. Vonandi til marks um aukna meðvitund þjóðarinnar í náttúruverndarmálum.
Tek það fram að ég óska þess að Alpaklúbburinn taki afstöðu í þessum málum en láti ekki nægja að vera bara hluti af ákvörðun Samút …hvenær sem hún kemur eða hvort af henni verður yfir höfuð. Ef félagsmenn Alpaklúbbsins geta fylgt sér um stefnu Samút því þá ekki í eigin nafni? Er þetta ekki borðleggjandi samhengi hlutana… náttúra og útivist? Hvort öðru háð og þótt vissulega verði að vega og meta hvert tilvik fyrir sig þá ætla ég að Kárahnúkavirkjun, Þjórsárver, Fjallabak og fleira séu borðleggjandi dæmi í hugum félagsmanna Alpaklúbbsins… eller hur?
Ég myndi glaður borga félagsgjöld þessa árs ef ég vissi að klúbburinn stæði vörð um hagsmuni mína sem félagsmans í þessu tilliti.
kv,
Jón GautiÍsalp þarf að verða með fyrstu útivstarklúbbunum til að gefa út yfirlýsingu gegn þessari andskotans vitleysu fyrir austan. Ég minni líka á að það eru fleiri mánuðir síðan ég skrifaði grein í Morgunblaðið (sem formaður Ísalp í aðsendar greinar) þar sem afstaða mín í nafni klúbbsins kom fram í þessu máli.
En ég legg til nú í þessu framhaldi að efnt verði til skjótt til félagsfundar Ísalp og samin ályktun sem lögð verði fyrir fundinn. Tel það vera lýðræðisleg vinnubrögð í okkar ágæta klúbbi.
Algjörlega sammála Örlygi.
Kalla saman fund og semja yfirlýsingu fyrir hönd Ísalp, og sýna þar með gott fordæmi sem unendur og félagsskapur útivistar – í öllu sínu formi …
… já Sjálfstæðisflokkurinn á sinn part af þessu sukki öllu saman, og því miður eru þeir ásamt Framsókn, ríkisstjórn þessa frábæra útivistar-lands – grátlegt, vægast sagt …
Gott mál.
Látum félagsfund semja ályktun og sendum síðan til fjölmiðla og stjórnvalda ef hún verður samþykkt.
Alltof mörg félagssamtök hafa verið geld eða þvinguð til að láta hvorki hóst né stunu frá sér. Í þessu lýðræðisþjóðfélagi hefur samtökum verið hótað fjársvelti eða stimplun sem öfgasamtök ef þau leyfa sér að mótmæla Kárahnjúkavirkjun.
Sýnum ábyrgð gagnvart náttúrunni og framtíð þjóðar og mótmælum þessum öfgum.
Hvað er annars að frétta af nýjum félagsskírteinum? Þau síðustu runnu út í júlí…
Sælir félagar!
Mér sýnist allt stefna í félagsfund og vonandi verður hann málefnalegur og fjörugur. Það sem mér finnst í þessu máli vera mikið atriði til að læra af er: Þegar þetta ævintýri fór af stað var eins og þessu væri laumað í gegnum þingið og framhjá þjóðinni. Mér fannst þjóðin alls ekki vita hverju hún var að fórna þegar ákvörðunin var tekin. Hverju(m) er um að kenna? Kannki stóðu Samút og félög undir því sig ekki nægjanlega vel í stykkinu við að kynna þetta mál rækilega fyrir þjóðinni.
Mér finnst vera hægt að læra það af þessu að þegar upp koma næstu plön um stórvirkjun að samtök útivistafélaga stökkvi á málið og geri sér og þjóðinni nægjanlega vel fyrir málinu þannig að allir reki ekki upp ramakvein þegar virkjunin er svo að segja að fara af stað.
OlliÞetta þarf eiginlega að gerast sem allra fyrst. Svo þarf að sjá til þess að þetta verði ekki enn ein yfirlýsingin sem enga athygli fær.
Þungaviktarklúbbur eins og Ísalp (hann er það náttlega) á það skilið að því sem frá honum kemur séu gerð góð skil og að skoðanir félagsmanna og kvenna í klúbbnum fái að heyrast.
Við höfum innan okkar raða þvílík tengsl inn í fjölmiðlaheiminn að annað eins þekkist varla, innabúðarmenn á ýmsum stigum. Á sjónvarpsstöðvum, dagblöðum og tímaritum. Þið vitið hver þið eruð. Við treystum á ykkur að eftir þessu verði tekið. Allt spurning um PR og sambönd.
Baráttukveðjur…
Gott að sjá að menn hafi skoðanir á málinu. Ég er alveg sammála Kalla Ingólfs að árangri hefur verið náð í náttúruvernd með dýnamíti. Spurning hvort það verði þörf fyrir að nota það meira á næstunni. Ég held að það væri upphefð fyrir klúbbinn og honum til sóma að taka formlega afstöðu í þessu máli og kannski fleiri málum.
Kv. Árni Alf.
- You must be logged in to reply to this topic.