- This topic is empty.
-
Posts
-
Þó að umræður hafi verið öllu málefnalegri í húsakynnum ÍSALP en hér á vefnum (þurfti nú ekki mikið til) er mikill samhugur um að vera ósammála.
Ég legg til að menn skoði aðra kosti sem nefndir voru, s.s. Búhamra og Grindavík, og athugi hvort byggja megi upp eitthvað sniðugt þar til að létta pressunni þar til Palli tekur málið upp að nýju
Boðað verði til vinnuferðar ef menn telja þetta vænlega kosti, ég lofa sjálfum mér, Freysandi, Hemma, Skabba og Bjögga. Get ekki talað fyrir fleiri. Held að menn verði að gefa props fyrir þá miklu vinnu sem menn eru búnir að leggja í að bolta það sem fyrir er og drullast til að hjálpa til við hreinsun, andlegan stuðning, axlanudd og annað sem hægt er að treysta sokkum á borð við mig fyrir.
Það er einfalt að segja að það eigi að bolta þetta eða hitt en það eru nú ekki margir sem hafa færni í þetta svo vel sé. Því þurfa menn að taka til hendinni og aðstoða þegar að því kemur, ekki bara pikka þangað til þeir fá sinaskeiðabólgu.
Svo held ég að Palli ætti að fara og skella upp 2 sigankerum í skjóli nætur og gá hvort Íbbi eða Gummi hella sýru á þau – hehe.
Einnig væri fróðlegt að sjá hvað menn eru að tala um með boltun í Stardal, á blaði, ef menn hafa hug á að taka slíkt saman. Þó ekki væri nema fyrir fræðilegar pælingar.
Hver veit hvað framtíðin ber í skauti sér. Kannski verður Stardalur boltaður til helvítis, kannski verða teikningarnar til sýnis við hliðina á teikningum af virkjun Gullfoss. En hei – hérar voru friðaðir þangað til fyrir 2 árum á Íslandi. Tímarnir breytast og allt það…
Friður,
Sissi
Já þetta var alveg mjög góður fundur fannst mér og ég bjóst við að við Palli yrðum grillaðir lifandi þarna og yrðum einir á móti ÖLLUM hinum sem væru algerlega á móti boltun. Það kom hins vegar skemmtilega á óvart að flestir af þeim yngri sem eru tiltölulega nýbyrjaðir fannst alveg sjálfsagt að bolta þarna og fannst það alveg sjálfsagt að geta notað þetta klifursvæði sem er þetta nálægt Reykjavík. Þeir kvörtuðu yfir miklum þrengslum í Valshamri og voru mjög áhugasamir yfir öllum þeim möguleikum sem gæfust í grennd við Reykjavík. Það var eins og mig grunaði að flestir ef ekki allir sem talað höfðu hæst á móti þessu héldu að við Palli værum að tala um að bolta allt til fjandans en það er alls EKKI það sem við vorum að tala um. Við vorum að tala um að setja upp sigankeri á þeim stöðum sem mest eru klifraðir eru og prufa bolta nokkrar leiðir fyrir vestan Scotts leið. Menn snúa þessu alltaf upp í hræðsluáróður og fara að tala um að það sé hræðilegt að bolta Stúkuna , Lúsifer eða aðrar eðal dótaleiðir þarna. Ég er alveg sammála þeim þar. Það er ekki það sem við erum að tala um hér. Við erum einfaldlega að tala um að geta notað þetta frábæra klifursvæði meira en gert er. Sérstaklega þegar fjöldi klifrara á höfuðborgarsvæðinu er að aukast jafn hratt og hann hefur gert á síðustu árum og kemur sennilega til með að fjölga enn meira á næstu árum. Öll önnur svæði sem koma til greina er vert að skoða með opnum huga sérstaklega ef þau eru jafn nálægt Reykjavík og Búhamrarnir eru.
Með friðarkveðjur
OlliÞið eruð svo miklir ruglu dallar. Einn daginn er talað um boltun og hinn daginn eru það bara nokkur sig akeri. Sjálfur hef ég mælt með uppsetningu sigakera á svæðinu en sú hugmynd var skotin í kaf hér á netinu á sínum tíma. Mér finnst samt alfarið fráleitt að bolta svo mikið sem eina leið á svæðinu þó að ungir strákar sem eiga ekki dót líti á það sem góða hugmynd. Í þessu máli eiga þeir að hafa álíka mikinn atkvæðarétt og í venjulegum kosningum þjóðarinnar. Ástæðan: þeir hafa ekki vit og aldur til að mynda sér skoðanir. Talið við sömu menn eftir nokkur ár og sjáið hvort þeim finnst sjálfsagt að bolta þá.
Annars stend ég við mitt. Ef einhver boltar leiðir á svæðinu mun ég taka þátt í að fjarlægja þá bolta við fyrsta tækifæri, sama hvað hver segir! Stundum verður minnihlutinn að ráða þar sem meirihlutinn er of…..
kv. Hardcore
Tilgangur skrifa minna hefur alltaf verð að skoða möguleika á betri nýtingu á dalnum. Þó að mín skoðun að bolta í dalnum sé klárlega leið til þess er það kannski ekki endilega rétta leiðin.
Á fundinum á miðvikudag komu margar og misjafnar skoðanir í ljós.
Ef ég reyni að draga það sem mér fannst augljóst.
Það er búið að byggja upp góða klifuræfingaaðstöðu í Reykjavík. Það er búið að fjölga verulega þeim sem æfa þetta sport og margir af þeim hafa skriðið út úr holuni og reynt fyrir sér í klettum. Eini staðurinn í nágreni Rvk. sem hefur getað tekið við þessu liði er Valsahamar. Þar endist enginn til lengdar.
Það er ekkert svar að segja við gerðum þetta og hitt. Kaupið hentur eða farið á Hnappavelli.
Við þurfum að finna lausn á þessi máli.
Hugmyndir sem komu fram á fundinum voru t.d.
1.Græa fleiri leiðir í nágreni borgarinnar.
2.Kenna nýgræðingum að nota og treysta hefðbundnu dóti.
3.Setja upp sigakkeri í dalnum
4.Setja upp topptryggingar í dalnum
5.Setja upp sigakkeri í dalnum sem líka mætti nota sem topptryggingu.
6.Bolta nokkrar leiðir vestan við skottsleið í dalnum
7.Gera ekki neitt.Eins og allir sem voru á fundinum vita þá var ekki ein af þessu hugmyndum sem náði hljómgrunn.
Palli
Þið eruð greinilega ekki búnir að fara að klifra það lengi að þið munið ekki hvað þetta snýst allt um. Klifur er ekki golf. Maður labbara bara ekki upp að næsta kletti og byrjar að klifra. Það þarf vissar manngerðir til. Þannig manngerðir eru búnar til á stöðum eins og Stardal þar sem þær klifra flestar leiðirnar með tveimur gömlum hnetusettum og binda bara sling beint í hneturnar því þær eiga ekki fyrir tvistum. Eða eins og Doug Scott sem klifraði fyrstur umrædda Scottsleið, með þvottasnúru frá mömmu sinni.
Klifur á ekki og getur aldrei verið gert of auðvelt þá er það ekki lengur spennandi, og ef maður tekur út allan áhættuþáttinn er það orðið að loftfimleikum. Eigum við ekki bara að hætta öllu þessu leiðslukjaftæði líka (það var jú einhver sem tókst að slasa sig í Valshamri við að reyna slíkt í fyrra).
Þó meirihlutinn sé soft þýðir það ekki að hann hafi rétt fyrir sér.
Ein af leiðunum sem þið hyggist bolta er project sem viðkomandi frumkvöðull hafði aldrei í hyggju að bolta. Er hann geðveikur eða eru þið búnir að missa það?
HVernig væri að þið færuð líka og reynduð að skoða þetta í ofanvað áður en þið æsið upp æskuna. Og ekki gleyma að láréttar sprungur eru líka sprungur og að vini og hnetur má setja inn í vasa og lokaðar sprungur. Ég legg til að þið fáið einhvern til að sýna ykkur hvernig Gegnumbrotið er tryggt áður en þið byrjið að burðast með borvélina þarna upp.
Ekkert persónulegt, en klifur er bara enn klifur fyrir mér!
Olli og Palli, vorum við ekki á sama fundinum? Olli talar um að þeir nýbyrjuðu vildu endilega bolta. Ég heyrði ekki betur en að þeir byrjendur sem mættu á fundinn væru fyrst og fremst áhugasamir um klifur, ekki endilega að bolta Stardalinn. Þeir sem eru nýbyrjaðir hafa yfirleitt ekki forsendur til að meta hvað á að bolta og ekki, eins og minnst var á á fundinum.
Það er ekki rétt að engin af þeim hugmyndum sem Palli nefnir hafi fengið hljómgrunn. Flestir ef ekki allir voru sammála um fyrstu tvær hugmyndirnar. Óþarfi að mála skrattann á vegginn þó þið hafið ekki fundið fyrir stuðningi við ykkar hugmyndir…
Kv, AB
Jú Andri minn þú mátt snúa þessu á hvern veg sem er. Það sem mér fannst annars athyglisvert á þessum fundi var hroki dótaklifrara sem settu sig á svo ótrúlega háan hest. Dótaklifur var eina og besta leiðin til að upplifa klifur og allir klifrarar VERÐA að læra dótaklifur, bara verða að læra það til að upplifa eitthvað í klifrinu. Þetta er algengt meðal manna þegar þeir telja sig vera að gera það rétta. Þegar ég æfði hlaup í eld-gamla daga var hrokinn í okkur nákvæmlega eins. Við litum niður á fótboltamenn því þeirra í þrótt var svo lágkúruleg og þeir nenntu aldrei að æfa sögðum við . Við vildum helst taka alla þessa boltavittleysingja og neiða þá til að fara að æfa eitthvað að viti svo sem hlaup og stökk. Ég hef sem sagt verið í þessari aðstöðu sjálfur svo ég þekki þetta.
Kv OlliHefur e-r kíkt á klettana sem Akurnes-fólk hefur verið að kítla síðustu árin? Eða er kannski bannað að fara þanngað líka nema að maður fari í götótum loppasokkum, með garnið hennar ömmu og Ingjaldsfíflshúfu til að klifra það???
Það er alltílagi berg og þegar búi’ að skella nokkrum boltum þar
FreonOlli þú leggur öðrum orð í munn. Enginn á fundinum sagði að dótaklifur væri ,,eina og besta leiðin til að upplifa klifur…”. Þó einhver lýsi yfir ástríðu sinni og hrifningu á dótaklifri er ekki þar með sagt að sá hinn sami líti niður á aðra klifrara, auk þess sem flestir á fundinum, ég þar meðtalinn, klippa líka í bolta og hafa gaman af.
Ef menn eru í vörn þá upplifa þeir oft eðlilegar röksemdafærslur sem hroka. Það er ekki hroki að hafa sannfæringu og fylgja henni.Kveðja,
ABP.s. Ég skilgreini mig hvorki sem dóta- eða sportklifrara. Stunda bæði. Skilgreiningar eru leiðinlegar. Klifur er skemmtilegt.
- You must be logged in to reply to this topic.