Kaldakinn expedition 2009

Home Forums Umræður Ís- og alpaklifur Kaldakinn expedition 2009

  • This topic is empty.
  • Author
    Posts
  • #45180
    Siggi TommiSiggi Tommi
    Participant

    Frést hefur af harðsoðnum harðkjörnum úr höfuðstaðnuum og meira að segja einu eitilhörðu gúmjárni úr Saxaveldi að sperra sig í Kaldakinn fyrir norðan.
    Hafa þeir gert bækistöð til nokkurra nátta í Kinn og hyggjast mylja þann ís sem ekki er í sjálfsmorðfæri frá helstu snjóflóðalænum þar á bæ.
    Umtalsvert er s.s. af foksnævi á svæðinu og færðin frá Björgum ekki upp á sitt besta. Var helsta afrek dagsins að ökutækið, sem kennt er við landfarir og landkönnun varð fyrir því óláni að affelga á þremur hjólum. Geri aðrir betur.
    Höfðinginn, bóndinn á Björgum hljóp undir bagga með meisturunum og lánaði þeim bíl til að komast heim í hús.
    Krúx morgundagsins verður e.t.v. að koma lofti í blöðrurnar en vonandi gefst líka tími í eitthvað af því fínasta sem Kinnin býður upp á í bunuklifri.

    #53853

    Fyrsti dagurinn byrjaði með bílaveseni en við létum það ekki koma í veg fyrir klifur. Kíktu á leiðirnar í sjávarhömrunum. Gærdagurinn fór að mestu í að redda bílnum en náðum þó að klifra eitthvað í klettunum nálægt bænum. Allt annað var frekar skuggalegt enda gekk á með norðvestanátt seinnihluta dags með tilheyrandi snjófoki niður hlíðarnar ofna við leiðirnar sem gjörsamlega hurfu í kófið. Annað eins höfum við ekki séð.

    Það er enginn lygi að Hlöðver á Björgum er alger snillingur og hún Konný kona hans ekki síðri. Í morgun kíktum við til þeirra í kaffi (ekki í fyrsta skipti), ræddum heima og geima og ekki síst var skeggrætt um hina gríðarlegu snjóflóðahættu sem nú er í Kinninni eftir gærdaginn.

    Augljóslega varð ekkert úr klifri í Kinninni í dag og við héldum áfram austur og erum núna staddir á Seyðisfirði. Tókum nett útkíkk en okkur virðist sem fátt sé um fína drætti. Skygnið er reyndar mjög lítið.

    En við sársvangir enduðum inná Bistro Skaftfelli þar sem fæst massagóður matur. Líklega krössum við hér í nótt og svo áfram suður á við í fyrrmálið. Stöðvarfjröður er málið höldum við. Sjáum hvað morgundagurinn ber í skauti sér.

    The world is a ghetto: http://www.flickr.com/photos/scweppes/3322622898/

    Písát….

Viewing 2 posts - 1 through 2 (of 2 total)
  • You must be logged in to reply to this topic.