Greitt árgjald = gilt atkvæði

Home Forums Umræður Almennt Greitt árgjald = gilt atkvæði

  • This topic is empty.
  • Author
    Posts
  • #46318
    1709703309
    Member

    Vill benda á að aðeins þeir sem hafa greitt árgjald 2006 geta greitt atkvæði á aðalfundinum.

    Greiðsluseðill fyrir 2007 hefur ekki verið sendur út.

    Fyrir aðalfundinn gildir að hafa greitt fyrir árið 2006. Ef fjallamenn eiga eftir að greiða þá geta þeir komið með ískr. 3.400;- í beinhörðum peningum og gert upp á fundinum.

    Einnig er hægt að greiða í heimabanka á reikning, munið að koma með kvittun;
    5806750509
    0111-26-001371

    Kv.,

    Stefán Páll
    gjaldkeri

    #51093
    gulli
    Participant

    Hvað með þá sem voru ekki í klúbbnum árið 2006 en hafa skráð sig á nýju ári?

    mk,
    Gulli

    #51094
    0902703629
    Member

    Það á að vera réttur hvers og eins félaga að fá tækifæri til að kjósa um stjórn óháð búsetu, þar sem “klúbburinn” er starfræktur á landsvísu og er “félag áhugamanna um fjallamennsku” en ER ekki lokaður “borgarklúbbur”.

    Allir þeir félagar sem greitt hafa ársgjald hafa atkvæðisrétt og því á að gera þeim sem ekki búa á höfuðborgarsvæðinu kleift að koma sínu atkvæði á framfæri. Það ætti að vera einfalt í allri nútímavæðingunni!

    Ég skora á karla og konur á stjórnarfundi ÍSALP að ræða utankjörfundaratkvæðagreiðslu, með hvaða hætti standa skuli að slíkri framkvæmd og tryggja það að á næsta ári, 2008, verði ÖLLUM gert kleift að kjósa.

    Með kveðju frá LANDSBYGGÐARPAKKINU

    #51095
    Freyr IngiFreyr Ingi
    Participant

    Skal gert!

    F.

    #51096
    1704704009
    Member

    Hvers vegna að bíða til 2008? Það þyrfti helst að ganga þannig frá málum að utankjörfundaatkvæði yrðu tekin með í reikninginn strax á þessum aðalfundi, þar sem nær öll stjórnin verður kosinn til tveggja ára og því ekki nema kosið um þrjú stjórnarsæti 2008.

    Það er síðan spurning með framkvæmdina:
    -Að einhver mæti með skriflegt umboð utankjörfundarkjósanda og leggi fram atkvæðið.

    -Að kjósandi er sendi tölvupóst á info@isalp.is með atkvæði sínu sem lögð verði til samþykkis aðalfundar.

    Ef einhverjum þykir þetta frjálslega með farið, eða glannalegt, þá bendi ég á að félagar í Ísalp eru ekki sá þjóðflokkur sem stundar eitthvað svindl sér til skemmtunar.

    Ég er mjög fylgjandi því að hleypa utankjörinu að strax. En þessu ræður Aðalfundurinn. Gagnlegt væri að heyra sjónarmið fleiri félaga á umræðusíðunum.

    #51097
    SmáriSmári
    Participant

    Ég tek undir með núverandi formanni klúbbsins og hvet alla sem ekki sjá sér fært til að senda atkvæði sitt á umrætt netfang. Það verður svo aðalfundarins að ákveða hvort þau verða tekin gild eður ei.

    Kv. Smári

    #51098
    0808794749
    Member

    Ég sé ekki margt því til fyrirstöðu að þeir sem kjósa vilja utankjörstaðar sendi sitt atkvæði á umrætt netfang.

    Eina sem mér dettur í hug er að skýri einhver frá framboði sínu á fundinum á hann ekki kost á því að fá utankjörfundaratkvæði.

    Annars treysti ég núverandi stjórnarmeðlimum fullkomlega til þess að meðhöndla þessi atkvæði.

    +kveðjan+

    #51099
    0311783479
    Member

    Sælir félagar,

    Mér líkt og öðrum félögum utan höfuðborgarsvæðisins líst vel á sjá til hvort ekki sé hægt að útfæra utankjörfundaratkvæðagreiðslu. Líklegast væri tölvupóstur best til þess fallinn sem útfærsla á þessu. Þá væri hægt að gefa upp tímasetningu er atkvæðagr. rynni út.

    Tek undir með formanni vorum “að félagar í Ísalp eru ekki sá þjóðflokkur sem stundar eitthvað svindl sér til skemmtunar” og þar sem við erum fæst Frjálslynd eða til mikillar Framsóknar þá ætti þetta að ganga snuðrulaust fyrir sig.

    Bestu kveðjur
    Halli

    ps. aldrei að vita nema ég reki inn nefið á ísfestivalinu.

    #51100
    1709703309
    Member

    Svo hljóðar hið heilaga orð.

    Tekið úr lögum ÍSALP.

    2. grein
    Félagar geta þeir orðið sem náð hafa 16 ára aldri. Atkvæðisbærir og kjörgengir eru þeir einir sem greitt hafa árgjald síðastliðins árs en aðalfundur ákveður upphæð þess.

    Kv.,
    Stefán Páll

Viewing 9 posts - 1 through 9 (of 9 total)
  • You must be logged in to reply to this topic.