Charlet moser Pulsar Klifur axir

Home Umræður Umræður Keypt & selt Charlet moser Pulsar Klifur axir

  • This topic is empty.
  • Höfundur
    Svör
  • #47566
    Bjartmar
    Meðlimur

    Selt…

    #55967
    0311783479
    Meðlimur

    Þætti mér þú magnaður sölumaður ef einhver borgaði þér 20k fyrir þessar axir. Annað verðlag sem ég furðaði mig á er að Dóri í Fjallakofanum vill fá 20k fyrir BD Deploy 7 skófluna – hljómar vel crazy samanborið við verðlag í UK 60pund(með VSK!). Menn eiga ekki að láta bjóða sér þetta. „Hækkun í hafi“ eða danska einokunnarverslunin endurholguð.

    H

    #55966
    Bjartmar
    Meðlimur

    Ís verkfæri.

    Það er alltaf erfitt að verðleggja dýrmætt dót úr geymslunni. Þessar vörur voru búnar að liggja ónotaðar um nokkurn tíma. Fínustu verkfæri sem dugað hafa vel og eiga mikið eftir.

    Ekki vinn ég við verslun og ekki er ég góður í reikningi. En á uppboðsverslun í Bretaveldi voru sambærileg tæki seld 11. des. hæstbjóðanda á 166 Sterling x 180 = 29. þús. íslenskir peningar.

    Nú eru verkfærin komin í nýjar hendur og eiga framhaldslíf á fjöllum.

    Ég held að viðskiptin hafi verið sanngjörn og báðir geti vel við unað.

    http://cgi.ebay.co.uk/pair-Charlet-Moser-Pulsar-ice-axes-spare-picks-/120655957897?pt=UK_Sporting_Goods_Climbing_Mountaineering&hash=item1c17a7cf89

    #55969
    1811843029
    Meðlimur

    Þetta var nú óþarfa komment. Seljandi náttúrulega bara setur upp það verð sem honum sýnist og svo kaupa þeir sem geta sætt sig við það verð.

    Annars var það ég og félagi minn sem keyptum græjurrnar, tvær ísaxir og ónotaðir rambo broddar á 40kall samanlagt og gps tæki í kaupbæti. Ég kalla það sanngjarna verðlagningu og þakka góð viðskipti.

    #55977
    0311783479
    Meðlimur

    Það er klárlega rétt hjá þér Atli að þetta var óþarft komment, eins og það var orðað hjá mér líklega kom það hrokafullt fram þó það hafi ekki verið tilætlunin. Hins vegar átti inntakið efni við þá sem veltu fyrir sér að kaupa axirnar.

    Þú bendir réttilega á að grunnhugmyndafræði frjáls markaðar byggist á því að þar finnist óbundnir og frjálsir kaupendur og seljendur sem síðan ákvarða það verð sem fæst fyrir vöruna. Það verð ákvarðast síðan af mörgum utanað komandi þáttum og ekki síst þekkingu beggja aðila á vörunni og markaðinum. Mér fannst persónulega full mikið að biðja um 20þúsund fyrir par af pulsar og vildi hafa áhrif á verðmyndunina til hagsbóta fyrir kaupanda, sem mjög líklega væri að stíga sín fyrstu spor inni í snæviþakkta fjallasalina. Svo virðist af skeytinu hjá þér að pulsaranir hafi farið fyrir talsvert minna en 20þúsund sölutilboðið, þannig að þá má álykta að markmiði skeytis míns hafi verið náð að hafa áhrif á verðið í átt að því þar sem fullkomlega upplýstir kaupendur/seljendur (þeir sem hafa allar upplýsingar um vöru og markaðinn) hefðu mæst og átt viðskipti.

    Það sem er mikilvægast er að báðir aðilar hafi gengið sáttir frá viðskiptunum, sem af skeyti þínu má dæma að hafi náðst.

    kveðja
    Halli

    #55979
    SissiSissi
    Moderator

    Halli þú ert alltof kurteis. Án þess að tala um þetta mál sérstaklega þá er það bara staðreynd að þetta haustið er verið að bjóða endalaust af einhverju rusli og forngripum á uppsprengdu verði. Dót sem byrjendur í klifri hafa ekkert að gera með.

    1) Nylon dót sem er 5-15 ára hef ég séð mikið af. Það á bara að fara í ruslið eins og áður hefur komið fram (belti, línur, slingar etc)

    2) Axir og broddar sem ættu kannski heima í nýliðakössum björgunarsveitanna, eða í eitthvað smá fjallabrölt að vetri, en alls ekki í ísklifri. Sumt af þessu er í lagi (Rambo og axir síðan á þessari öld sem má kannski modda eitthvað) margt ekki.

    Máli mínu til stuðnings er ég með tösku hérna af dóti sem félagi minn bað mig að leggja mat á, þar er m.a. 20 ára lína, ísfleygar og títaníum skrúfa. Need I say more?

    Verið endilega á varðbergi og fáið reyndari aðila til að kíkja á hvort þetta er málið fyrir ykkur ef þið eruð að stíga fyrstu sporin og langar að sleppa ódýrt í startinu. Ísklifurdót síðan 19xx er bara ekki sama og ísklifurdót 20xx.

    Og ef maður vill endilega kaupa forngripi á verðið að endurspegla það (hræódýrt) og þær upplýsingar þurfa að vera til staðar.

    Og hananú.

    #55983

    Ekki vera svona reiðir strákar.

    Mér finnst 20 þúsund fyrir nánast ónotaðar ísaxir ekki vera mikið þó svo að hönnunin sé úrelt. Þið fáið ekki tvær ísskrúfur úti í búð fyrir sama pening.

    Pulsar eru vel nothæfar fyrir byrjendur en fólk myndi samt líklegast vilja uppfæra í eitthvað nýrra eftir 1 til 2 vetur af klifri. Hafið þið ekki lesið Ice World og séð Jeff Lowe klifrar Octopussy (M8), berhentur með Pulsar?

    Er annars sammála Sissa með nælonið

    Kv
    Glaði maðurinn

7 umræða - 1 til 7 (af 7)
  • You must be logged in to reply to this topic.