Home › Umræður › Umræður › Almennt › Ársritið – on the cover of the Rolling Stone › Re: svar: Ársritið – on the cover of the Rolling Stone
![](http://www.isalp.is/wp-content/plugins/a3-lazy-load/assets/images/lazy_placeholder.gif)
Bíðum nú við!
Hvar endar þessi óendanlegi hroki í garð annarra skíða- og brettamanna, – sem eru jú meirihluti landsmanna. Nægir ekki að segja „skíðamynd“ þarf að gera Telemarkinu hærra undir höfði? Vissulega er telemark íþrótt sem sækir á og ef til vill stundar meirihluti félagsmanna Ísalp laushæla og lausbeislaða skíðamennskuna sem ættuð er frá frændum vorum Norðmönnum. En hinu má ekki gleyma að stór hluti fólks stundar skíða- og brettamennsku af ýmsu tagi og frá mínum bæjardyrum séð er munurinn á þessu fólki og TELEMÖRKURUM sáralítill.
Ég styð eindregið tillöguna um grjótglímumynd, stigaklifurmynd eða skíðamynd, og ég móðgast ekki ef það verður telemarkmynd en mér finnst allt í lagi að benda á að telemark er þegar öllu er á botninn hvolft skíðamennska. – Þó að margir telji íþróttina heyra undir annan flokk, – trúarbrögð. En þá er maður kominn út í aðra sálma. Hallelúja!