Forum Replies Created
-
Posts
-
Hann er svakalegur kappi. Ekki skemmir fyrir að hann og Herra T. eru vinir og klifruðu a.m.k. tvær stórar leiðir saman. Önnur þeirra var Czech Direct á suðurhlið Denali, 3000 m leið sem House, Twight og Backes klifruðu á 60 tímum- án þess að sofa!! Það eru 2 og 1/2 sólarhringur í leið sem inniheldur WI6 ísklifur og sitthvað fleira létt og löðurmannlegt.
Þetta Nanga Parbat ævintýri House er eitt flottasta klifur sem ég hef lesið um. Stærsta fés í heimi klifrað á nokkrum dögum í fullkomnum alpastíl og leiðin endar á toppnum í rúmlega 8000 m hæð. Kannski að maður skelli sér bara í Múlafjallið…
Geturðu fengið manninn til landsins? Eða hvað ertu að pæla?
Kveðja,
ABVið Sissi klifum Kleifarfoss sem er austast í Þyrli. Við erum bjartsýnir menn að upplagi og fannst okkur því tilvalið að vera sólarmegin í lífinu þennan dag og velja okkur foss sem snýr í suður.
AB
Það er bara tvennt sem maður þarf að muna fyrir ísklifur:
1. Maður dettur ekki þegar maður er að leiða.
2. Stór, fríhangandi kerti eru mun traustari en þau sýnast. Þau geta ekki hrunið.
Ef þið trúið mér ekki, spyrjið þá bara Ívar.
Enda fer ég alveg óhræddur að klifra á morgun.
AB
P.s. Sorry Steppo, ég veit að þetta er jinx af verstu gerð en ég bara ræð ekki við þetta.
Af myndunum að dæma gerist þetta í vestari hnjúknum. Þar hafa nýlega verið boltaðar nokkrar leiðir en þar eru engar skráðar dótaleiðir og bergið ekki mjög hentugt til slíks klifurs, sérlega ekki í samanburði við Stardalshnjúkinn sjálfann.
En það virðist vera svo gaman hjá Fjalla-Teaminu að þeir geta meira að segja hlegið dátt, sekúndum eftir að þeir sleppa naumlega við stórslys eða dauða, sbr. frásögn á téðri síðu.
Sumir tapa bara aldrei gleðinni! Það er samt vissara að tapa ekki lífinu. Leiðarvísar geta komið þar að gagni.Annars held ég að það sé furðulega algengt að byrjendur haldi að vestari klettaborgin sé aðal klettasvæðið. Man að ég fór þangað í fyrstu ferð í Stardal og hef heyrt af fleirum gera sömu skyssu.
AB
Nú, jæja. Mér barst símtal frá einum sem er gamall í hettunni í sportinu. Hann var aldeilis ekki ánægður með að ég væri að vísa mönnum í þurrtólun í Leirvogsgil. Ástæðurnar eru þær að þar eru leiðir sem hafa sögulegt gildi og ísaxir geta skemmt bergið í þeim…
Þannig að kannski er betra að fara eitthvað annað (sá gamli sem hringdi er frekar stór og alveg pottþétt sterkur, borgar sig ekki að gera hann illan:)
AB
Þú ættir að prófa Leirvogsgil. Það er fínt að æfa sig þar, traust berg en nokkuð erfiðar leiðir. Einhverjir boltar eru í berginu en þær gætu reynst varasamir enda nokkuð komnir til ára sinna. Hægt er að koma upp ofanvað á þægilegan hátt. Þarna fer enginn lengur til að klettaklifra svo líklega er þetta besti kosturinn í grennd við borgina.
Góða skemmtun!
AB
P.s.
Ef ske kynni að þú vitir ekki hvernig finna á svæðið þá er það í stuttu máli svona. Keyra Vesturlandsveg, beygja til hægri og keyra eftir malarvegi í austurátt meðfram suðurhlið Kistufells, Leirvogsgil er þá á hægri hönd. Eftir um 2 mínútna og 13 sekúnda akstur skal bifreið stöðvuð. Ganga niður gilið og leita að 7 m háu heillegu klettabelti.
Ekki er mögulegt að gefa nákvæmari leiðbeiningar, þessi lýsing er algjörlega fullkomin. Óje.
Það eru greinilega fleiri en Örlygur sem stelast til að skrifa undir nafni spúsu sinnar. Sorrý Unnur, þetta gerist ekki aftur, ég lofa.
Kveðja,
AB
Haha, þú ert magnaður Siggi ! Það er miður apríl og þú verður fyrir sárum vonbrigðum með ,,lata” klettaklifrara.
Gott hjá ykkur að skella ykkur:)
Kv,
ABÞetta er snilld Halli. Falleg leið og flott tópó! Bíð spenntur eftir myndum.
Vei tú gó bojs!
Kveðja, AB
Já, endilega skellið ykkur.
Við fórum upp þröngt gil, hægra megin við klettinn þar sem brattinn byrjar, í stað vinstra megin eins og í leiðarvísinum. Einnig er hægt að fara lengra til hægri upp breitt gil og sleppa þannig við mesta brattann.
Þó við höfum ekki notað línu þá mæli ég með að þið takið hana með, gilið er bratt sem og höftin, og það efsta er líka nokkuð langt (ca. 10 m). Það er líka nauðsynlegt að hafa kost á því að geta komið sér niður með sigi ef þörf er á.
Góða skemmtun!
AB
Við Helgi Hall vorum að koma úr Kistufellinu þar sem við fórum upp Kistufellshornið. Leiðin er í kjöraðstæðum, harðpakkaður snjór og góður ís. Öll gil í Esjunni þar sem á annað borð er snjór, eru því góður kostur. Það fraus nánast undan okkur á toppnum enda gríðarleg vindkæling, en þetta fór betur en á horfðist, þökk sé forláta Windstopper nærbuxum.
Það var sjónarmunur á ísnum í Búahömrum frá því fyrr í morgun, þar er allt að vaxa.
En þó má gera ráð fyrir, þar sem það hefur verið úrkomulaust í marga daga, að ísinn sé á mörgum stöðum frekar lítill þrátt fyrir kuldann.Kveðja,
AB,,Ég gæti sem best trúað því að þessi Helgi Borg væri illa tengdur við þá veröld sem við búum í.” -JF
Segir maðurinn sem staðhæfði að Ívar nokkur Hardcore Finnbogason væri formaður okkar ástsæla klúbbs.
Check your head Djonn.
Kv,
ABNú bíð ég eftir innskoti frá Hardcore, sem er vanalega ekki lengi að taka við sér þegar menn tala um að fara stunda sig að óþörfu:)!!!
Kv,
ABHelvíti flott hjá ykkur, mögnuð ferð og kalla ykkur góða að dröslast líka á Þuríðartind eftir svona massífann dag. Töffarar.
Neyðist samt því miður til að myrða ykkur alla fjóra sökum heiftarlegrar öfundsýki enda var ég klárlega ekki að skemmta mér við próftöku um helgina.
Þið eruð svo gott sem dauðir!
Kv,
ABFyrir ekki svo löngu var tekist hressilega á um þessi mál og boðað var til opins fundar þar sem þetta var rætt fram og aftur. Niðurstaðan varð sú að mikill meirihluti þeirra sem mættu voru á móti því að bolta í Stardal. Held að ekkert hafi breyst síðan þá, jafnvel þótt klifurhúsið standi sig vel í fjölgun klifrara.
Allt í lagi að henda svona könnun af stað þó niðurstöður viðhorfskönnunar geti ekki haft nein úrslitaáhrif á ákvaranatöku um þessi mál.
Muna bara að hlutleysi er líka skoðun jafnvel þótt Siggi T. hafi tekið þátt í fullt af vinnustaðagreiningum og Hrappur hafi engan áhuga á ,,hvorki né.”Kv,
AB1. Rétt Hrappur, menn hljóta að vera að leita að svörum við þeim spurningum sem settar eru fram, viturlega áætlað hjá þér. Hins vegar er ekki verið að leita að þvinguðum niðurstöðum, þær endurspegla ekki raunverulegar skoðanir. Þá geta menn alveg eins farið að leita að mömmu sinni.
2. ,,Hvorki né/ hlutlaus” er svarmöguleiki og jafngild skoðun og hver önnur. Að sleppa spurningu í viðhorfskönnun táknar annað, t.d. að svarandi skilji ekki spurninguna, finnist hún óviðeigandi, móðgandi, of persónuleg o.s.frv. Ef það að sleppa spurningu á að standa fyrir hvorki né/ hlutlaus verður a.m.k. að taka það skýrt fram.
Þannig er nú það og ekki öðruvísi nema þá síður sé.Jesús Pétur, við erum að deila um viðhorfskönnun á isalp.is….
Best að fá sér annan bjór.Kv,
AB–Þetta svar var í boði http://www.hverjumerekkisama.is–
Hrappur, menn leita ekki að neinni sérstakri niðurstöðu, niðurstaðan er bara það sem fólkinu finnst. Ég hafði skoðanir á sumu í könnuninni og öðru ekki. Valmöguleikinn ,,hlutlaus” er skoðun og segir alveg jafn mikið og jafnvel meira en hinir valmöguleikarnir. Ef allir eru hlutlausir gagnvart einhverju atriði, þá hefur það atriði væntanlega ekki mikla þýðingu fyrir klúbbinn, ekki satt?
Snjall Siggi, endilega fá niðurstöður sem endurspegla ekki skoðanir manna, ,,þvinga út afstöðu…”
Alveg fyrirtak.Kv,
ABRétt hjá Steppo, sá valmöguleiki verður að vera fyrir hendi svo spurningalistar sem þessir skili niðurstöðum af einhverju viti.
Mæli með að þetta verði lagað og könnunin svo keyrð aftur frá byrjun.Kv,
ABÞú finnur það líklega ekki í alfræðiorðabók en þetta er að sjálfsögðu vel þekkt og kirfilega skilgreint hugtak sem allir fjallamenn verða að þekkja. Þannig er nú það og ekki öðruvísi.
Annars átti ég nú við að sófinn er ágætur en til lengri tíma er þó betra að vera í Lazy-Boy.
Kv,
ABSvona svona Sigurður, þó sófinn sé góður af og til er hann enginn staður til að dvelja á til frambúðar.
Það mætti kannski koma Íslandi á kortið með því að lenda í einhverju hressilegu óhappi með Símoni. Sé fyrir mér nýja metsölubók og svo seinna kvikmynd:
,,Avoiding the Touch: A Tragedy with Djonní Bob in the Land of Ice and Snow”Annars ætla ég ekki að taka þetta verkefni að mér.
Kv,
AB
