Forum Replies Created
-
Posts
-
Við Valdi klifurrotta fórum í Eilífsdal á sunnudaginn í bjartsýnisleiðangur í von um ís með dýfu.
Tjaldsúlurnar og Einfarinn voru með góðan slatta af ís og allar klifurhæfar sýndist mér. Þilið var nokkuð voldugt en skeggið niður slúttið (“þilið” sjálft) var búið að skreppa verulega saman frá því fyrir mánuði og tengdi ekki niður að mér sýndist.
Hiti var um 5°C og frussandi vatnselgur niður allar leiðir svo við létum okkur nægja labbið inn dalinn og aðkomuna upp að leiðunum, sem var hressandi brölt.
Það er afar lítið af snjó þarna og aðkomugilin eru bara skautasvell af stærri gerðinni.En s.s. ef kólnar einhvern tímann fljótlega þá er slurkur af ís þarna enn við flestra hæfi en aðkoman er varasöm eins og flestir vita .
Ég efast um að nokkur plani eitthvað sérstaklega að detta í þessar ólar (frekar en almennt í ísklifri) en skítur getur alltaf skeð…
Þessar græjur eru fyrst og fremst hugsaðar í alpaklifur eða langar íleiðir þar sem líkur á falli eru litlar og sennilega er vissara að skilja þær eftir í pokanum eða heima í leiðum þar sem líkur eru á falli.Palli, er ekki búið að banna þér að skrifa á spjallið þegar þú kemur heim til þín blindfullur um miðja nótt?
Voða verður hann annars líbó eitthvað svona í glasi, kallinn.
Farðu að sofa, gamli fetill!!
Var ekki Sófcore þekktur fyrir að skrifa harðorðar sleggjur um miðja nótt hérna í denn? Láta allt flakka í ölæðinu…
Ég fjárfesti í svona í vor og bara notað þá einu sinni, í Þilinu um daginn. Ég er með BD spinner leash.
Sá þetta fyrst og fremst sem afar aukið öryggi í aðkomu að leiðum, því maður er frekar berskjaldaður í snjóbrekkum ef maður hrasar og t.d. rekur olnbogann í (þarf ekki einu sinni það) og missir einu öxina sem maður er oftast með í slíku labbi/brölti. Með naflastreng á maður alla vega einhvern séns á að endurheimta tólið í lúkuna ef það dettur áður en ljóshraða er náð á skriðinu.
Svo er þetta alveg borðleggjandi í alpaklifri og löngum ísleiðum, þar sem já tólmissir væri ávísun á leiðinlegan dag framundan (fáir með þriðja tólið síðustu 10 árin).Reynslan frá því um daginn var allt í lagi. Var ekki að trufla mig sérstaklega í klifrinu sjálfu, fannst núningur í fullri teygju vera lítill og eiginlega meira pirrandi hvað glamrar í karabínunum (fannst eins og blaðið í öxinni væri að hringla af).
Lenti í því einu sinni eða tvisvar að strengurinn kræktist undir kerti og það var pínu pirrandi og svo var þetta eitthvað að þvælast kringum línuna þegar ég var að elta og þvælast með öxina kringum spottann og skipta höndum (minna fyrir í leiðslunni með línurnar fyrir neðan sig).
Einu sinni klipptist bínan úr annarri öxinni, tók ekki eftir því hvað gerðist. BD dótið er með ólæstar bínur en Grivel með læstar svo þetta gerist ekki á þeim.
Snúningsjúnitið á BD er sniðugt og kom í veg fyrir að þetta flæktist eitthvað að ráði.
En svo er þetta út um allt og fyrir þegar maður er að síga og svona.Þetta er því svona upp og ofan. Ekki séns að maður nenni að vera með þetta í stuttum leiðum þar sem lítið mál er að síga niður ef tól dettur en á svæðum eins og t.d. í Ólafsfjarðarmúla myndi ég hiklaust vera með þetta því tól sem dettur þar fer í brimið að eilífu (Guðjón missti skrúfu í faðm Ægis í fyrravetur).
Reikna með að taka þetta með samt í flesta túra, þó aðallega með aðkomuna sem öryggistól.
Veit ekki hvernig menn fá það út að þetta dúndrist í hausinn á manni og drepur mann ef það kemur slinkur á þetta í falli. Þetta á að þola 2kN svo það ætti ekki að þurfa mikið sunk til það slitni (það er alla vega hannað þannig).
En ég er svo sem enginn burðarþolsmeistari og veit ekki hvernigs solid (eða ekki) öxi bregst við þegar dýnamískur slingur rykkir í hana frá dinglandi baunasekk. Gæti eflaust hrokkið úr við einhverjar aðstæður.
Það var varað við þessu “öxi í hausinn” scenario í einhverju klifurforuminu, veit ekki hvort það er byggt á reynslu eða hvað.
Hef bara mínar efasemdir en ef reynsla manna segir annað, þá beygi ég mig undir það…Glæsilegt hjá gömlu sekkjunum…
Þetta er einstaklega glæsileg leið. Synd að þið voruð bara tveir á ferð – væntanlega engar verðlaunamyndir úr túrnum en við hlökkum til að sjá eitthvað samt.
Við fórum uppeftir um miðjan desember um árið og þá var komið smá snjófjúk og ekki fært nema fyrir stærstu blöðrubíla því litla lægðir kaffylltust af púðursnjó.
Það er því lag að drífa sig sem fyrst. Tekur um 2 tíma að rúlla þarna úr borginni. Erfitt að komast þarna síðar um veturinn nema á blöðrum og/eða snjósleða…Annars fórum við Strákúst (Ágúst s.s.) í Gufunesturninn í gær til að ná síðasta túr fyrir hlákuna miklu. Vorum frá hálftíu og fram yfir miðnætti í afar hressandi aðstæðum. Kertað og pípandi var mottóið.
Smá skrekkur í okkur fyrst en svo var þetta bara hreinn unaður og mjög skemmtilegt klifur (3 megin línur hægra megin, ekkert vinstra megin). Algjör snilld að geta komist í æfingaaðstöðu þarna uppfrá. Vonum að hlákan skilji eitthvað eftir…Já, þetta var frekar töff.
Fannst þeir ansi frakkir að skrúfa í sum af þessum tjöldum…
Ekki spennandi að hanga fastur í svoleiðis ef það poppar.Þetta er nokkuð nærri lagi.
Ekki viss hversu langt til hægri brotnaði af þessu – kannski ekki alveg svona langt ??
Palli klifraði s.s. á bakvið kertið sem er stakt v. megin við regnhlífina inn á sæmilega burðugt kerti bakvið regnhlífina (snerti inn í bunkana bakvið hlífina). Jóðlaði sér á tvistinum í skrúfunni til að koma annarri löppinni yfir á hlífina – vel glennt 1m+ splitt á 5-10cm þykkan ísinn neðst og innst á regnhlífinni.Annars tók Viðar myndir af P úr stansinum. Hann verður að senda þær inn, því þetta sést svo ill á þessum myndum að neðan.
http://picasaweb.google.com/hraundrangi/Ili14Nov2010#
Nokkrar myndir af greppitrýninu.
Þessir skurðir hlutust í leiðslu á 2. spönn, sem var frekar kertuð og iffy. Brotnaði mikið frá öxum og ég fékk ss hnulla bæði í nefið og svo í augabrúnina með tilheyrandi blóðsúthellingum.Annars kom svo sem ekkert fyrir mig þegar þessi regnhlífarskömm gaf sig. Var í góðu lensi með vinstri fót og öxi í kerti undir þakinu. Var búinn að glenna stjörnuna og stíga með hægri löpp yfir og var reyna að húkka hægri öxi handan við tjaldið sem renhlífin hékk út úr og í öðru höggi fauk þetta bara og ég stóð þarna með veröldina gapandi fyrir neðan mig en enn í minni stöðu á vinstri. Eftir stóð 1-2m lárétt þak sem enginn nema WI7 íshetjur hefðu átt séns í…
Það er því ekki alveg svo dramatískt að ég hafi dinglað þarna eins og baunasekkur þegar þetta brotnaði heldur niðurklifraði ég nokkra metra niður til að koma mér úr því að þurfa að taka pendúl dauðans á strekkta línu út í þakið. Var þar aðeins undir þakinu á slabbi og settist þar í línuna þegar ég var kominn með nothæft júmmunarkerfi, sem virkaði fínt fyrstu metrana en þegar ég var kominn alveg í þakið var þetta orðið rennanndi blautt og hætti alveg að grípa í.
Svo var þarna afar súrrealískt tímabil í nokkrar mínútur þegar ég dinglaði þarna eins og dordlingull að húkka öxunum upp í brúnina á tjaldinu að reyna að stíga í þær til skiptis. Var svo sem að virka – frekar erfitt að lemja öxum sem eru festar í fótfetla og maður dinglandi eins og fífl á hinni löppinni í hinni öxinni – en það gekk ekkert að hækka júmmkittið á línunni því teygjan í línunni gerði það að verkum að þetta hækkaði bara allt líka og gekk ekki að taka inn slakann sem ég var að reyna að búa til.
Ef ég hefði planað þetta axarmambó niðri á syllunni og sett upp kerfi fyrir það, þá hefði þetta kannski gengið (þó ekki víst).
Var því orðinn verulega þreyttur á að brasa við þetta í hálftíma í sturtunni og ekkert að ganga ákvað ég að það borgaði sig að láta strákan slaka mér aftur niður og þeir sigu niður til mín.
Ef líf hefði legið við hefði ég sennilega hvílt mig betur þarna undir skegginu og eflaust fundið eitthvað út úr þessu. Nú ef ekki, þá hefðu þeir gefist upp á biðinni og skorið á línuna – nei, það var í bíó – eða þeir sigið niður til mín og dorgað mig upp eða niður.Vona að menn séu einhverju nær um aðstæður þarna, þó erfitt sé að lýsa þessu í orðum. Palli og Viðar þurfa bara að skaffa myndir af regnhlífinni og því dóti.
Það varð öxunum til lífs að það er snjólítið þarna svo þær fundust báðar í siginu niður (ein á syllunni e. 1. spönn og ein í brekkunni 20m undir 1.).
PS missti líka eina skrúfu í leiðinni en hún lenti á stalli við lappirnar á honum og lifði af.
Afföllin í ferðinni eru því eingöngu líkamleg og andleg.
Græja mynd á eftir fyrst áhuginn er brennandi…
Já, þetta var afar athyglisvert og staðfestist það hér með að PS er snaróður.
Hann þurfti s.s. að setja inn skrúfu, vippa sér svo út á þessa hjúfokkíngmongös regnhlíf, skagaði ca. 5m út og 10-15m niður yfir aðal hvelfinguna í Þilinu. Þar sem ekki mátti tryggja í þetta, þá þurfti hann svo að tipla á tánum eina 10-15m áður en hægt var að tryggja en klifrið eftir að komið var út á regnhlífina var sennilega ekkert sérlega erfitt (ég s.s. komst ekki svo langt…).
Ég reyndi að vera nettur á öxinni en eftir skæðadrífuna og fyrri högg frá Viðari og PS var þetta orðið eitthvað veikburða.Svo var eitthvað mega mambó efst víst í síðasta haftinu þar sem guttarnir dingluði fótalausir á annarri hendi við að vippa sér út fyrir regnhlíf af meðalstærð.
Ég afrekaði að kötta mig illa á nefinu og augabrúninni og kom eins og Vietnam hetja niður í bíl. Reyndust vera skrámur eftir sturtuna en blæddi þessi ósköp úr þessu fyrst á eftir. Hendi kannski mynd af smettinu á mér við tækifæri.NB prússíkar virka ekki jack á blauta línu og illa á ísaða línu.
Það sökkar að reyna að júmma sig upp 8m dinglandi í lausu lofti í pípandi ískaldri sturtu.
Það sökkar að finna ekki Tibloc júmmarann sem hefði verið málið þarna (búinn að hafa hann í pokanum í 3-4 ár en loksins þegar ég þurfti hann, þá nei…)Það er gott að vera með basic taktik á hreinu fyrir svona aðstæður. Þetta var einhver survival kokkteill sem við hristum út úr erminni á staðnum og varð umtalsvert mikið vesen því fyrsta taktík brást (ég júmma upp s.s.).
Maður er orðinn allt of kærulaus eftir margra ára tiltölulega vandræðalítinn klifurferil. Löngu hættur að spá í þessum málum af einhverju viti. En maður endurskoðar eitthvað neyðarkittið í pokanum eftir þetta.Góður dagur á fjöllum…
Þurfum við ekki að styðja vöggu vísindanna með þessu léttvæga framlagi einstaklingsins? Gæti komið öllum til góða síðar.
Skora á alla sem ætla að brölta í ís í vetur að pósta á dömuna og leggja sitt af mörkum með þátttöku í könnuninni.Glæsilegt.
Er þetta ekki slabbleið galore?
Man ekki betur en vinstra megin við Stöngulinn sé mega pólerað ofurslabb. Eins gott að vera með fótavinnuna á hreinu…
Verður spennandi að prófa djásnið í vor.Alltaf verið að brjóta blað í sögu þessarar leiðar.
Nú fyrsta al-kvenna-klifrið. Gaman að því.
Glæsilegt dömur!Vantar bara að geta snúið henni upp í ísþilin innar í dalnum þegar vetrar…
Hvernig er afstaðan frá þessum merka bæ upp á það að gera?Vorum að gæla við þessa vefmyndarpælingu um árið fyrir Eilífsdals ísaðstæður en ekkert varð meira úr því en góð pæling.
Þetta er gríðarlega spennandi.
Menn tala hérna um stórkostlegar yfirgráðanir og svo fá sæmilega öflugir menn hressilega flengingu…
Vissulega er fyrri parturinn léttur en leiðin gráðast jú skv. erfiðasta múvi eða heildarerfiðleika ef um mjög sustained leiðir er að ræða.
Bara virkilega gaman að fá debatt um gráður á leiðum enda sýnist jú sitt hverjum.
Held ég geti vottað að ég fann ekkert “falið undragrip” í lokin heldur er þetta lockoff upp í stóra vasann á vinstri veggnum erfitt og svo löng hreyfing þaðan upp á slópí brúnina (Eiki datt t.d. alltaf þar).
Held að Skabbi hljóti að hafa óvart dottið niður á hrossasterakaffi uppi í háskóla…
En við Skabz þetta á leiðinni á Hnappó um helgina og ég féllst með semingi á að þetta væri 5.8 en upphaflega ágiskun mín upp á 5.9 er enn inni í myndinni. Held þessu opnu út sumarið og við neglum einhverja dipló tölu á þetta í haust…Það vantar að setja upp svona gráðugjafakerfi eins og var á einhverjum af erlendu klifursíðunum. Þá gætu menn séð “official” gráðuna og svo einhverja dreifingu á því sem fólki fannst að hún “ætti að vera gráðuð” (ekki alltaf samræmi í því náttúrulega).
Skora á isalp.is og/eða klifur.is vefsmiðina að hendi inn svoleiðis plugin.T.d. gráðaði Palli Sveins Undir brúnni upphaflega 5.8 en miðað við gengi fjölmargra í henni gegnum árin henti ég 5.9 á hana í tópónum. Svo eru leiðir eins og Bláa ullin merktar 5.9 en hún er líklega frekar 5.8 ef eitthvað er. Stuð fyrir stutta er sett 5.7-5.9 (sennilega aldrei 5.7 sama hvað maður er tröllvaxinn) en hún er með smá tvisti og án þess verður hún mjög erfið fyrir 5.9. Mörgum finnst Sófus létt fyrir 5.8 en það er upp og ofan. Stóru mistökin var upphaflega gráðuð 5.10a minnir mig sem dótaleið en nýja gráðan upp á 5.9 finnst mér persónulega alveg sanngjörn (snúin en ekki svo hræðileg þegar menn vita hvað á að gera).
Atkvæðin standa þá svona:
Siggi Tommi: 5.8-5.9 (aldrei 5.7)
Skabbi: 5.8, aldrei meira!!!
Eiki: ekki búinn en búinn með flestar ef ekki allar 5.9ur á svæðinu
Ágúst: ekki búinn en hallast að 5.9
Jón Heiðar: sama og Ágúst
fleiri?Gúbbígúbb já.
Lokakrúxið er nú nokkuð hresst og náði minn ágæti boltunarfélagi ekki að negla hana þrátt fyrir ítrekaðar tilraunir.
Hvort hún er 5.8 eða 5.9 skal fjöldinn dæma um en 5.7 finnst mér full lágt, því þetta er kröftugt múv á meðan t.d. krúxið í UV er bara balance act, ekkert páer sem þarf.
Ja, nema Skabz hafi fundið eitthvað töfraafbrigði af þessu sem ég sá ekki í þessum nokkru góum sem ég var að smakka á henni (fyrir og eftir boltun).Ég á gamlan svona kauða sem ég hætti að nota þegar ég keypti mér Dragonfly um árið.
Hann var eitthvað farinn að slappast en með smá þrifum og endurnýjun á pakkningum gæti hann orðið fínn.
Myndi láta þig fá hann á eitthvað lítið.
Þarft bara að kíkja á mig kútur og skoða djásnið.
Júnóvertúfændme…Öllum til mikillar lukku (vonandi) þá er þessi jafna hjá Himma ekki allskostar rétt.
Mér sýnist fjárfestingafyrirtækið Clarus vera að kaupa þessar tvær samsteypur upp (eða alla vega stóran hlut) og mun brandið “Black Diamond” halda sér á sameinuðu fyrirtæki.
Þannig að við þurfum ekki að fara að kaupa Clarus camalotta eða ísaxir í framtíðinni… sem er gott enda fá “brönd” jafn sterk og BD í þessum bransa.Þetta er endalaust sniðugt. Snillingur sem lét sér detta þetta í hug…
Þarf að íhuga vandlega hvort vert sé að fjárfesta í svona júniti.Aldrei komið þarna til klifurs en sé á http://www.coronn.com/TOPOS/climbing_areas.html að það eru nokkur svæði þarna í nágrenninu.
Lagðist ekki ítarlega í kortaskoðun en þú hlýtur að finna eitthvað út úr því á googlemaps og coronn.
Helst sýnist mér það vera Lago di Como/Lecco vera næst Mílano en svo er Arco eitthvað fjær og enn fjær Finale Ligure (sem er alla vegar risasvæði veit ég). Sennilega ekki nema 2-4 tímar á öll þessi svæði (ágiskun út í bláinn).
Það hlýtur að vera hægt að finna eitthvað um þetta á stóru klettaklifursíðunum, s.s. rockclimbing.com, planetfear.com, 8a.nu og fleirum.Á 8a.nu er m.a. http://www.8a.nu/crags/List.aspx?AscentType=0&CountryCode=ITA&City=Lecco þar sem fjögur stór svæði eru nefnd. Veit ekki hvort þetta er tæmandi listi yfir Lecco svæðin.
Glæsilegt drengir. Gaman aðessu.
Annars var ég að brávsa á 8a.nu og sá þá að Valdi og Kjartan eru búnir að vera að gera góða hluti á Spáni undanfarið. Hafa verið að brölta í Siurana, Santa Linya og Margalef (og e.t.v. víðar).
Valdi er búinn með eina 8b (5.13d) og fimm 8a+ (5.13c) og 8a flass (sennilega eitt hæsta flass íslensks klifrara).
Kjartan fór alla vega 8a sá ég og tvær 7c+ (5.13a) en er ekki jafn duglegur að skrá inn svo ég vænti þess að eitthvað gæti vantað í upplýsingarnar þarna.Eruð þið annars komnir heim, bræður?
Var Marianne alveg frá út af handleggsbrotinu?Hvar er mottan Robbi?
Þú veist að það er mottu-mars og þá er bannað að vera með alskegg og kleinuhring.Annars var smá innskot um ísklifur í Kaldakinn í fréttunum í gær. Einhvers staðar seinni partinn í fréttatímanum. Sjá ruv.is.
Þú ert væntanlega að gleyma hvað ég er ótrúlega harður nagli.
Jú, þessi klipping er megasteikt, sérstaklega þar sem húkkarnir á klöppinni hægra megin eru ekki sérlega solid og maður er í alveg fáránlegri stellingu við þessar æfingar. Alveg að skíta á mig við þetta.
Reyni að kippa með mér vél uppeftir næst og laga þetta.Þarf líka helst að bæta við boltum ofan og neðan við núverandi boltun – neðst í Síams svo þurfi ekki að klippa í neðsta Ólympíska boltann og svo mætti alveg bæta við bolta efst í Síams og HFF til að hægt sé að toppa þær án stófelldrar andlátshættu í þunnum aðstæðum.
Spurning hvað Ívar og þú Andri segið við slíkum hugrenningum…Annars er gaman að geta þess að ég er vörsluaðili mixboltasjóðsins góða og tek glaður við úthlutunarumsóknum frá boltagröðum aðilum. hraundrangi(hjá)gmail og 860-7467.
