Páskar 2006

Home Umræður Umræður Almennt Páskar 2006

  • This topic is empty.
  • Höfundur
    Svör
  • #45620
    SkabbiSkabbi
    Participant

    Langaði að deila með ykkur örstuttri ferðasögu og nokkrum myndum úr ferðalagi okkar Björgvins um Snæfellsnesið um páskana. Við kíktum á Ýring á leiðinni út úr bænum með Robba þó að sú för hlyti frekar snautlegan endi.

    http://www.vonlausa.org/gallery/view_album.php?set_albumName=album52

    Keyrðum svo sem leið lá til Grundarfjarðar. Daginn eftir gengum við á Kirkjufellið í blíðskaparveðri. Útsýnið yfir á Mýrarhyrnuna var svo magnað að við ákváðum að spóla í stæsta gilið þar eftir að við komum niður. Ísaðstæður reyndust talsvert lakari þegar nær var komið en úr fjarlægð þannig að minna varð úr klifri en til stóð.

    http://www.vonlausa.org/gallery/view_album.php?set_albumName=album53

    Seinasta daginn á Grundarfirði kíktum við á Grundarfoss. Grundarfoss og Morsárfoss eru báðir vel sýnilegir frá veginum rétt áður en maður kemur inn í þorpið. Þeir létu svosem ekki mikið yfir sér úr fjarlægð en reyndust býsna magnaðir þegar að var komið. Við klifruðum Grundarfossinn upp að efsta klettahaftinu. 50 metra spönn, vel brött. Fossinn er reyndar svo breiður að hægt er að velja margar mismunandi leiðir upp hann, með eða án mixmauva. Morsárfossinn er ekki eins mikill um sig en brattari ef e-ð er. Hann fær að bíða betri tíma.

    Kannast fleiri við að hafa farið þessa fossa? Ef menn eru á ferðinni um norðanvert Snæfellsnesið eru þessir tveir vel þess virði að kíkja.

    http://www.vonlausa.org/gallery/view_album.php?set_albumName=album54

    Takiði svo áðí um helgina!

    Skabbi

    #50489
    0311783479
    Meðlimur

    Glæsilegt Skabbi – ávallt skemmtilegir myndatextar hjá þér !

    -kv.
    Halli

    #50490
    Siggi TommiSiggi Tommi
    Participant

    Hvað ertu eiginlega að gera, Skabbi, að ljóstra upp um slíkar gersemar? Ertu að rjúfa þagnarmúr Kaldlynda klifurfélagsins?
    :)

    Frábært að fá svona upplýsingar og þessa glæsilegu ferðasögu. Greinilegt að það er nóg að gera á Snæfellsnesi..

3 umræða - 1 til 3 (af 3)
  • You must be logged in to reply to this topic.