Glerárdalshringurinn

Home Umræður Umræður Almennt Glerárdalshringurinn

  • This topic is empty.
  • Höfundur
    Svör
  • #44851
    SmáriSmári
    Participant

    Hvernig kemst madur i samband vid Ragnar Sverrisson til ad skra sig i hringinn? Væri kanski hægt ad taka vid skraningum a isalp vefnum eda er tad bannad tar sem tetta er ekki a vegum isalp?

    Kvedja fra rugludum nordmanni

    #49827
    1610573719
    Meðlimur

    Þú getur skráð þig í jmr@simnet.is
    Ragnar Sverrisson er einnig með JMJ búðina á Akureyri svo það ætti að vera auðvelt að leita af henni í Símaskránni og hringja
    Kveðja Olli

    #49828
    0309673729
    Participant

    Hvað segja Ísalparar um að taka Þumal út af dagskránni og setja Glerárdalshringinn í boði norðanmanna, inn i staðinn þann 9. júlí? Þátttakan á Þumal er takmörkuð enn sem komið er og Glerárdalshringurinn er krefjandi verkefni sem ætti að vera við hæfi Ísalpara.

    Á þennan hátt gæti Ísalp með veikum mætti stutt við bakið á þessu fína framtaki norðanmanna.

    kveðja
    Helgi Borg

    #49829
    1704704009
    Meðlimur

    Já sona sona. „Veikum mætti..“ Þetta var nú óþarfa lítillæti. En á hinn bóginn finnst mér ekki skaðvænlegt að skipta um dagskrárlið eins og Helgi stingur upp á. Það er síðan stjórnar að taka sameiginlega ákvörðun um hvort réttlætanlegt væri að ýta ferðinni á Þumal e.t.v. aftar á árið.

    Að sjálfsögðu verður fróðlegt að sjá hvernig umræðan spinnst um Glerárdalshringinn næstu dagana. Það er einboðið að dagskráin ætti hæglega að geta sveigst að þörfum og kæti félagsmanna hvað þetta áhrærir.

    #49830
    0301793239
    Meðlimur

    Ekkert er að því að færa Þumalinn til og bæta við Glerárdalshringnum. Spurning hvort það verði bara ekki hópferð úr bænum og norður yfir heiðar?

    #49831
    1908803629
    Participant

    Ég er að stefna á að fara í ferðina á Þumal ásamt félaga mínum þannig að ég vona allavega að Þumallinn detti alfarið út af dagskrá.

    Varðandi það að þátttaka sé slæm þá getur það hugsanlega verið út af því að þetta virðist ekki vera auglýst sérstaklega vel og upplýsingar um ferðina eru af mjög skornum skammti. Ég var t.a.m. að óska eftir upplýsingum og gat ekki fengið nægar upplýsingar þar sem að það var ekki enn búið að fá leiðbeinanda í ferðina – því ákvað ég að bíða aðeins með að panta. Sé eitthvað sem má bæta á þessum vef þá er það einmitt þetta – að gefa almennilegar upplýsingar um ferðir það myndi eflaust hafa áhrif á eftirspurn.

    #49832
    1709703309
    Meðlimur

    Þennan texta og myndir getur þú fundið undir ÍSALP – Allar greinar – Þumall

    Ferð á Þumal er mögnuð, drífið ykkur.

    Kv.
    Stefán Páll


    Þú þarft ekki að vera ruglaður til að fara á Þumal en það hjálpar. Gangan frá Skaftafelli að Hnútudal er nægilega löng til að æra fólk í annars mjög stöðugu ástandi. En það stoppaði þó ekki 11 þátttakendur í ferð á vegum klúbbsins helgina 13.-15. júlí til að leggja í ferð á fyrirheitna tindinn.

    Fylgt var fyrirfram ákveðinni ferðalýsingu sem fól í sér að leggja af stað frá tjaldstæðinu á Skaftafelli og ganga strax inn í Morsárdal og þaðan inn í Kjós, þar sem lagst var til hvílu um föstudagsnóttina. Hvílst var í fjórar stundir áður en lagt var af stað upp Hnútudal. Í stuttu máli sagt þá fóru 9 þátttakendur af 11 af stað um morguninn en tveir fóru í göngu inní Kjós sökum gamalla hnjámeiðsla. Þeir sem lögðu af stað fóru á topp drangans og áttu þar góða stund með glæsilegt útsýni til allra átta enda veður hlýtt og gott að öllu leyti.Að loknum uppáferðum þá var haldið í menninguna í Skaftafelli til Atla þjóðgarðsvarðar þar sem nokkrir tjölduðu sökum óstjórnandi svefnþurftar meðan aðrir héldu á Hnappavelli.

    Rétt er að nefna að þó ekki sé um mjög langa leið að ræða getur reynst nauðsynlegt að klifra í nokkrum spönnum á toppinn. Sama gildir um sigið sökum þess að leiðin liggur í spíral upp drangann og mikið viðnám á línu eykur mjög á slit þeirra.

    Að lokum fylgja hér upplýsingar um Þumal sem byggðar eru á rit i Ísalp nr. 20 frá júní 1981, en þar koma fram ágætis upplýsingar um aðkomu og lýsingar á leið inn Kjósina og upp á Þumal.

    Ferðum á Þumal (1279), sem er forn gígtappi úr blágrýti, hefur farið fjölgandi síðustu ár. Hann var fyrst klifinn svo vitað er um í ágúst árið 1975, af þremur Vestmannaeyingum. Það liðu tvö ár þangað til hann var klifinn næst, og aftur liðu tvö ár þar til þriðji hópurinn hafði stígið á topp Þumals. Frá því að dranginn var fyrst klifinn fyrir 26 árum hafa klifrarar beitt mismunandi aðferðum við að nálgast viðfangsefnið. Í fyrstu ferðunum var valið að gista við Kjósina en heyrst hafa sögur um 14 tíma ferð frá Skaftafelli á Þumal og til baka í Skaftafell. Skipta má leiðinni í fjóra hluta; Skaftafellsheiði (4,5 km), Morsárdal+Kjós (5,5 km), hækkunin upp Hnútudal (ekki Vestari Hnútudal) að Þumli (3,5 km) og síðast en ekki síst bröltið upp á drangann sjálfann um 120 m.

7 umræða - 1 til 7 (af 7)
  • You must be logged in to reply to this topic.