Aðstæður þessa dagana

Home Umræður Umræður Ís- og alpaklifur Aðstæður þessa dagana

  • This topic is empty.
  • Höfundur
    Svör
  • #46432
    Siggi TommiSiggi Tommi
    Participant

    Veit einhver hvort ís er byrjaður að myndast einhvers staðar á svæðum fjarri sjó (og vel ofan sjávarmáls)?
    Það er ekki búið að vera sérlega kalt í byggð svosem en þessir heitu dagar hafa hvorki verið sérlega margir né mjög hlýir.
    Jöklarnir, Villingadalur, Eilífsdalur, Skíðadalur… ??

    Helgin á að vera þokkalega köld en hlýindi fram í miðja viku.

    #51899
    0703784699
    Meðlimur

    …sá ekki betur en að hinar bestu aðstæður f. mix séu að myndast í klifurhúsinu….en því miður að þá missi ég af því….góða skemmtun….og tvo þumbla upp f. ísalp og klifurhúsinu.

    Spurning hvort að HSSR taki sig ekki til og haldi annað leiðslu-mix-mót?

    Gimp

    #51900
    3008774949
    Meðlimur

    Vorum nokkrir í Tindfjöllum í gær í blíðunni en þar er löngu kominn vetur. Mér sýndist Tindurinn vera í hörkuaðstæðum og nóg er af snjó frá og með ca 800 m hæð þó hann sé í harðari kantinum

    Leifur var reyndar á leið á Tindinn með kúnna svo hann ætti að geta svarað fyrir ísaðstæður þeim megin
    Siggi

    #51901
    0801667969
    Meðlimur

    Ja þú áttir við Einbúa Siggi minn. Það er hvergi klettur sem ber heitið tindur á þessu svæði en Einbúi er þarna. Ja líklega er bara Lödu færi víða til fjalla þessa dagana.

    Kv. Árni Alf.

    #51902
    Freyr IngiFreyr Ingi
    Participant

    Ís í þynnra lagi í Eilífsdal á sunnudag.
    Klifinn þó.
    Arnar og Berglind fóru Einfarann.
    Freyr og Ólíver hinn ódrepandi fóru eitthvað annað.

    Flottur dagur á f…

    #51903
    3008774949
    Meðlimur

    Nei ég átti við Tind Árni minn. Allaveganna samkvæmt kortinu sem ég var að skoða. En hvort þið heimamenn hafið önnur nöfn veit ég ekki :)

    http://atlas.lmi.is/kortaskjar/viewer.htm

    #51904
    0808794749
    Meðlimur

    finnst eins og þessi tinds/einbúa umræða hafi áður farið fram hér á spjallinu.

    þið viljið kannski skoða þennan gamla þráð…

    http://www.isalp.is/forum.php?op=p&t=468

    #51905
    0801667969
    Meðlimur

    Já rétt er að þetta er á kortinu en það er einfaldlega vitlaust. Kannksi það þyrfi að skrifa um þetta stutta laggóða grein í næsta ársrit ÍSALP.
    Mig rámar í það að ÍSALP hafi á sínum tíma samþykkt að réttara væri að nota nafnið Einbúi enda væri það eldra og réttara nafn en nýnefnið Tindur. Eitthvað er til um þessa samþykkt í eldri ritum ÍSALP. Hafa skal það er sannara reynist sagði Ari eða Árni fróði.

    Kv. Árni fróði

    #51906
    0111823999
    Meðlimur

    Á korti LMÍ 1:100000 eru bæði örnefnin Tindur og Einbúi en á sitthvorum staðnum.
    Tindur rétt norðan við Tindafjöll en Einbúi (749mys) nokkuð vestar.
    Gaman væri að vita um hvorn klettinn er verið að ræða hér.
    kv Helga María

    #51907
    0801667969
    Meðlimur

    Einbúi er settur á rangan stað á kortinu. Tindur er ekki til. Ég hef það frá fyrstu hendi frá fólki sem bjó að Fljótsdal, innsta bæ í Fljótshlíð, að sá mjög áberandi klettur sem blasir við frá bænum heiti Einbúi.
    Fjallamenn úr Reykjavík komu þarna austur á sínum tíma, uppnefndu þennan klett Tind (sjá árbók Fí 1960) og komu því inn á kort.
    Finnst mönnum líklegt að fólk sem hefur eitthvað kennileyti
    fyrir augunum á hverjum degi fari með rangt mál?

    Á umræddu korti (og fleirum) er örnefnið Einbúi einnig settur fyrir ofan Stóru-Mörk. Það er, hefur aldrei verið, né verður neinn Einbúi á þeim slóðum. Og enn síður tindur.

    Kv. Árni ættaður frá Stóru-Mörk

    #51908
    0808794749
    Meðlimur

    Árni nú skora ég á þig sem kunnugan mann að skrifa um þetta í næsta ársrit. Ef ekki þú hver þá?

    #51909
    Siggi TommiSiggi Tommi
    Participant

    Við heimtum 20 bls grein með þrívíddarkortum og viðtölum við helstu örnefnaspekinga landsins ásamt ítarlegum töflum og t.d. tölfræði yfir hversu hátt hlutfall fólks er haldið þessar skynvillu að kalla þetta „Tindinn“.

    Annars er ritnefndin að plana fund og mun fara í innheimtuaðgerðir á efni í ársrit á næstunni.

    Setjið ykkur því rit- og myndvinnslugírinn ef þið viljið koma ykkar stöffi á framfæri í 2007 ritinu…

    #51910
    Siggi TommiSiggi Tommi
    Participant

    Varðandi þurrtólunarmót á Malarhöfðanum, þá er það vel athugandi.

    Gallarnir eru helst þessir:
    – það tekur leiðinlega mikinn tíma að undirbúa þetta (yfirstíganlegur þröskuldur reyndar)
    – það er að koma desember og þá má ekki hreyfa sinn digra bossa þarna inni fyrir flugeldastæðum og -vinnu

    Þetta þyrfti því að gerast annað hvort fyrir 1. des eða svo eða þá eftir miðjan janúar.
    Þarf að heyra í mínum lagsmönnum varðandi áhuga á að setja þetta upp.

    Hverjir hefðu áhuga á að mæta annars og hvenær vikunnar?

    Þetta var gríðarstuð síðast…

    #51911
    2806763069
    Meðlimur

    Held að ísalp ætti að setja þetta þurrtóls mót inn sem árlegan viðburð í samvinnu við HSSR.
    Best að hafa þetta að hausti áður en vertíðin byrjar.

    Kannski væri líka hægt að fá KH til að koma upp aðstöðu til æfinga fyrir þetta í takmarkaðan tíma fyrir svona mót. Gæti verið leið til að ná til nýs markhóps fyrir þá (ef hægt er að finna útfærslu á því að hvernig sameina má fólk með ísaxir og fólk með kalkpoka án þess að úr verði mikill sóðaskapur).

    Það væri í öllu falli ómetanlegt fyrir þessa fáu ísklifrara að geta æft sig nokkrar vikur á haustin. Og það eru alltaf einhverjir sem myndu mæta á æfingar með axir en ekki með kalkpoka.

    Bara svona pæling…

    kv. Sófacore

    #51912
    1410693309
    Meðlimur

    Mér heyrist að Örnefnanefnd eigi fullt erindi í málið. Annars grunar mig sterklega að Árni Alfreðs hafi á réttu að standa með Tindsnafnið. Hitt er svo annað mál að „Tindafjöll“ er líklega gamalt örnefni svo að mönnum var vorkunn…

    Já, það væri gaman ef einhver skrifaði um örnefnasöguna þarna og kæmi ákv hlutum á hreint.

    #51913
    Siggi TommiSiggi Tommi
    Participant

    Árni var nú með ágætis grein um steinana í Eyjafjallajökli í riti hér um árið.
    Færi vel á að hann væri með svona örnefnapistil á nokkurra ára fresti.

    #51914
    2005774349
    Meðlimur

    Jó Ibbi gogg!

    Ísklifrarararar með plastblöð hafa átt athvarf í KH á hádegisopnunartíma undanfarið haustið þó ekki hafi farið hátt um það.
    Minni hætta á að axarsköft lendi á hausnum á fólki utan álagstíma þegar 40 til 50 manns eru að klifra í einu í KH.

    Minni svo á axarsköftin sem verða viðhöfð í KH á laugardagssíðdegi næstkomandi.

    KH er líka með hugmynd á kreiki aftan í hnakkanum fyrir klifrara sem vilja sköft frekar en plastgrjót.

    F.h. KH,
    HRG (sófawannabeísklifrari).

    #51915
    2806763069
    Meðlimur

    Gott mál

    Guð veit að ekki veitir af. Síðasta ársrit kom ekki mjög vel út fyrir íslenskt ísklifur á meðan klakstöðin KH er að skila mögnuðum árangri!

    kv.
    Softarinn

18 umræða - 1 til 18 (af 18)
  • You must be logged in to reply to this topic.