{"id":86316,"date":"2025-01-04T16:12:13","date_gmt":"2025-01-04T16:12:13","guid":{"rendered":"https:\/\/www.isalp.is\/?p=86316"},"modified":"2025-01-04T16:26:17","modified_gmt":"2025-01-04T16:26:17","slug":"vallargil","status":"publish","type":"post","link":"https:\/\/www.isalp.is\/en\/problem\/vallargil","title":{"rendered":"(Icelandic) Vall\u00e1rgil"},"content":{"rendered":"

Sorry, this entry is only available in Icelandic<\/a>. For the sake of viewer convenience, the content is shown below in the alternative language. You may click the link to switch the active language.<\/p>

Fyrir ofan b\u00e6inn Gil \u00e1 Kjalarnesi er Vall\u00e1rgil. \u00cd gilinu rennur l\u00e6kur sem myndar oft g\u00f3\u00f0 \u00edsh\u00f6ft sem hafa m\u00e1 meira gaman af en \u00e6tla m\u00e6tti \u00ed fyrstu. H\u00f6f\u00f0u \u00cdsalparar einmitt komist a\u00f0 s\u00f6mu ni\u00f0urst\u00f6\u00f0u \u00e1ri\u00f0 2008<\/a>. En aldrei var lei\u00f0in skr\u00e1\u00f0 og engar myndir voru til.\u00a0 Halld\u00f3r og \u00c1g\u00fast voru b\u00fanir a\u00f0 keyra framhj\u00e1 \u00feessum \u00eds \u00ed a\u00f0st\u00e6\u00f0um nokkrum sinnum en voru alltaf \u00e1 lei\u00f0 \u00ed \u00f6nnur verkefni. Svo kom \u00fe\u00f3 a\u00f0 t\u00edma\u00fer\u00f6ng ger\u00f0i \u00feennan kost v\u00e6nlegan og er \u00fev\u00ed lei\u00f0in loksins skr\u00e1\u00f0 h\u00e9r.<\/p>\n

A\u00f0koma<\/h3>\n

Beygt af \u00dej\u00f3\u00f0vegi 1 vi\u00f0 skilti sem v\u00edsar \u00e1 b\u00e6inn Gil. \u00deessi vegur er keyr\u00f0ur framhj\u00e1 b\u00e6num og svo beygt til h\u00e6gri vi\u00f0 fyrsta t\u00e6kif\u00e6ri (\u00feetta er s\u00fdnt me\u00f0 seinni bl\u00e1u \u00f6rinni \u00e1 kortinu). S\u00e1 sl\u00f3\u00f0i er keyr\u00f0ur a\u00f0 gilinu og s\u00ed\u00f0asti hlutinn genginn (brotal\u00edna \u00e1 korti).\u00a0 Gangan tekur r\u00famlega 30 m\u00edn\u00fatur. \u00cd fyrstu g\u00e6ti virst a\u00f0 h\u00fan t\u00e6ki skemmri t\u00edma en eins og alltaf \u00fe\u00e1 er \u00edsinn fj\u00e6rri en hugurinn vill halda.<\/p>\n

Klifri\u00f0<\/h3>\n

\u00derj\u00fa \u00edsh\u00f6ft eru \u00ed gilinu a\u00f0 jafna\u00f0i. \u00deau tv\u00f6 fyrri eru n\u00e1l\u00e6gt hvort \u00f6\u00f0ru og \u00fev\u00ed hentugt a\u00f0 klifra \u00feau \u00ed einni sp\u00f6nn. Dugir a\u00f0 hafa 60m l\u00ednu til \u00feess. S\u00ed\u00f0asta hafti\u00f0 er nokku\u00f0 ofar og \u00fearf \u00fev\u00ed a\u00f0 ganga \u00ed gilinu til a\u00f0 komast a\u00f0 \u00fev\u00ed.<\/p>\n

Var\u00f0andi erfi\u00f0leika \u00fe\u00e1 geta klifrar vali\u00f0 s\u00e9r lei\u00f0ir eftur hentugleik. Fyrsta hafti\u00f0 hef\u00f0i veri\u00f0 h\u00e6gt a\u00f0 klifra sem WI3+ en vi\u00f0 kusum meiri \u00e1skorun, upp brattasta hlutann \u00fear sem st\u00edgi\u00f0 var \u00fat \u00e1 hangandi gr\u00fdlukerti \u00ed lok lei\u00f0ar. S\u00fa lei\u00f0 mundi flokkast sem WI4 og kannski r\u00famlega \u00fea\u00f0. Haft n\u00famer tv\u00f6 var einnig fari\u00f0 \u00fear sem \u00edsinn var brattastur og mundi \u00fea\u00f0 flokkast sem WI4+. S\u00ed\u00f0asta hafti\u00f0 var \u00ed krefjandi a\u00f0st\u00e6\u00f0um \u00fear sem st\u00e6r\u00f0arinnar regnhl\u00edf haf\u00f0i myndast efst og engin lei\u00f0 upp nema undir og yfir regnhl\u00edfina. \u00dea\u00f0 var miki\u00f0 gaman, s\u00e9rstaklega \u00fear sem \u00edsinn var sterkur og h\u00e9lt \u00feegar h\u00e6lkr\u00f3kur var tekinn til a\u00f0 komast upp. \u00deetta s\u00ed\u00f0asta haft sem var okkar seinni sp\u00f6nn flokkast \u00fev\u00ed sem WI5 einfaldlega \u00fataf s\u00ed\u00f0ustu hreyfingunum. A\u00f0 \u00f6\u00f0ru leyti var s\u00e1 hluti \u00fe\u00e6gileg WI4 lei\u00f0.<\/p>\n

Heilt yfir er fer\u00f0 \u00ed gili\u00f0 g\u00f3\u00f0 skemmtun og ekki skemmir alpaf\u00edlingurinn fyrir. Flestir \u00e6ttu a\u00f0 geta fundi\u00f0 s\u00e9r eitthva\u00f0 vi\u00f0 h\u00e6fi. Hugsanlega dregur \u00far skemmtun og erfi\u00f0leikum eftir \u00fev\u00ed sem snj\u00f3r hle\u00f0st \u00ed gili\u00f0. Kannski er heldur ekki skynsamlegt a\u00f0 klifra \u00fearna \u00ed miklum snj\u00f3 vegna h\u00e6ttu \u00e1 fl\u00f3\u00f0i, en um \u00fea\u00f0 ver\u00f0ur au\u00f0vita\u00f0 hver a\u00f0 d\u00e6ma fyrir sig.<\/p>\n

Ni\u00f0urfer\u00f0<\/h3>\n

L\u00edklega er h\u00e6gt a\u00f0 finna ni\u00f0urg\u00f6ngulei\u00f0 \u00ed hl\u00ed\u00f0inni sunnan vi\u00f0 gili\u00f0 en vi\u00f0 kusum a\u00f0 s\u00edga ni\u00f0ur, enda h\u00f6f\u00f0um vi\u00f0 l\u00edka skili\u00f0 eftir bakpoka okkar \u00ed gilinu. \u00dear sem vi\u00f0 vorum bara me\u00f0 eina 60m l\u00ednu \u00fe\u00e1 \u00feurftum vi\u00f0 \u00ferj\u00e1r V-\u00fer\u00e6\u00f0ingar til \u00feess. Me\u00f0 tveimur 60m l\u00ednum \u00fe\u00e1 myndi f\u00e6kka um eina \u00fer\u00e6\u00f0ingu.<\/p>\n