Í kvöld, fimmtudaginn 22 október kl. 20 verður hinn árlegi Búnaðarbasar Ísalp haldinn í húsnæði Flugbjörgunarsveitarinnar við Reykjavík. Nú er tækifærið til að gera góð kaup – eða selja útivistarbúnaðinn sem þú hefur aldrei notað! Seljendum er bent á að mæta hálftíma fyrr og stilla upp tímanlega fyrir opnun. Allir velkomnir, ekki missa af þessu og muna að koma með reiðufé. Látið orðið ganga!
Háfjallaskíði – myndasýning Halla Kristins
Á miðvikudaginn í næstu viku, 21.október. Mun Hallgrímur Kristinsson halda myndasýningu fyrir Ísalpara og aðra gesti. Hallgrimur Kristinsson hélt í júní á fjallið Muztagh Ata í Kína (7.600 m) og dvaldi þar í mánuð. Það sem meira er: Hallgrímur (Halli) reyndi að toppa fjallið á fjallaskíðum. Í ferðinni skíðaði hann hærra en nokkur annar Íslendingur. Miðvikudaginn næsta mun hann bjóða félögum ÍSALP og öðrum upp á stórskemmtilega og fróðlega frásögn með flottum myndböndum af þessari frábæru ferð. Allir að mæta!
Uppfært: Myndasýningin tókst afar vel. Rúmlega 30 manns mættu og smituðust af ævintýraanda Hallgríms.
Álftin WI 3
Staðsetning: Leiðin er norðan í Bláfjalli suður af Álftavötnum.
FF: Rakel Ósk Snorradóttir og Eiríkur F. Sigursteinsson
Lýsing leiðar: Fossin er ca 45 m og teljum við hana vera þriggja gráðu. Eftir 30 m þægilegt klifur tekur á móti manni um 1,5 m hellisskúti sem var með opnum vatnshyld og hélt svo leiðin áfram um 15 m upp frá hellinum (sést ekki nægilega vel á myndinni).
Klifursvæði | Kirkjubæjarklaustur |
Svæði | Bláfjall við Álftavötn |
Tegund | Ice Climbing |
Single malt bætir, hressir og kætir WI 3
Leið nr 3 á mynd.
Staðsetning: Norðan við Bröttubrekku, fjallveginn milli Norðurárdals og Dalasýslu. Nokkurn veginn gengt Austurárdal, en þar eru nokkrar ísklifurleiðir. Leiðin er áberandi gil sem sker alla hlíðina í Hlíðartúnsfjalli og skiptist síðan upp í þrjár íslænur efst í klettabeltinu við toppinn.
Ekið er til vesturs inn slóða gengt afleggjaranum inn í Austurárdal, í gegnum hlið sem merkt er skógræktinni, og um 100 metra. Lagt hinumegin við lækinn. Aðeins fimm mínútna aðkoma að fyrstu höftunum.
FF (skráð með fyrirvara): Rakel Ósk Snorradóttir og Eiríkur Finnur Sigursteinsson 16. nóv 2012
Lýsing leiðar:
Hægt er að fara fyrstu spannirnar líkt og í single malt on the rocks og single malt & appelsín en svo þegar komið er að skálinni þarf að halda upp úr henni til suðurs en leiðin upp á topp eru nokkur þriggja gráðu höft og þegar við klifruðum hana voru nokkur stutt snjóhöft líka. Þetta voru fjórar spannir í minningunni – í heildina að skjóta 120 m alls.
Klifursvæði | Brattabrekka |
Svæði | Völsungagil |
Tegund | Ice Climbing |
Ný heimasíða komin í loftið!
(Leiðbeiningar neðst)
Um nokkurt skeið hafa heimasíðumál klúbbsins verið í lamasessi og var það fyrsta verkefni nýrrar stjórnar, þegar hún tók við í febrúar 2015, að ráða bót á þeim. Við lögðum upp með nokkur markmið:
Í fyrsta lagi langaði okkur að koma upp rafrænum gagnagrunni um ís- og alpaklifurleiðir á Íslandi, enda er það eitt af hlutverkum Alpaklúbbsins að halda utan um og varðveita sögu fjallamennsku á Íslandi. Í stað þess að finna upp hjólið var valin sú farsæla lausn að byggja síðu í samstarfi við Klifur.is, en þar má nú þegar finna leiðarvísi um klettaklifur á Íslandi. Nú þegar hafa tæplega 400 leiðir verið skráðar í gagnagrunn ÍSALP og ljóst að aðgengi að leiðaupplýsingum er orðið betra en nokkru sinni fyrr. Nú er einnig komið haldreipi fyrir ráðvillta erlenda klifrara sem eiga í vandræðum með að hafa upp á ársriti Alpaklúbbsins frá 1988 til að skoða leiðaúrvalið í Skarðsheiði o.s.frv.
Í öðru lagi bundum við vonir við að bjarga spjallþráðum af fyrri heimasíðum klúbbsins, enda mikilvæg heimild um starf klúbbsins og afrek klúbbfélaga í gegnum árin. Þetta tókst og á síðunni er nú hægt að fletta í gegnum umræður Ísalpara allt frá árinu 2002. Að vísu vantar enn umræðuna tvö síðastliðin ár, en með svolítilli handavinnu mætti bjarga henni fyrir horn. Með því að smella á stækkunarglerið á forsíðunni er hægt að leita í spjallinu.
Ný innlegg birtast á forsíðu síðunnar og á það bæði við um fréttir/tilkynningar og þegar ný leið eða klifursvæði eru skráð í gagnagrunninn. Hugmyndin á bak við það er að halda forsíðunni lifandi og að fljótlegt sé að sjá hvort eitthvað nýtt sé að „frétta“.
Frábær nýjung er dálkurinn „Nýjustu aðstæður“, en þar er komin góð og fljótleg leið til að miðla fréttum af ísklifuraðstæðum innan klúbbsins. Fréttir af aðstæðum eru skráðar sem athugasemd við tiltekna leið og birtist hún þá í aðstæðudálknum á forsíðunni. Við settum inn nokkur dæmi til glöggvunar. Dálkurinn er dálítið furðulegur eins og er, en það verður lagað!
Heimasíðuna er bæði hægt að hafa á íslensku og ensku. Skipt er á milli tungumála neðst á síðunni (í footernum). Til stendur að setja ársrit ÍSALP frá upphafi inn á síðuna á .pdf formi. Sennilega verða þau höfð ókeypis og opin almenningi.
Síðuhönnuður er Jafet Bjarkar og kunnum við honum bestu þakkir fyrir gott samstarf.
Að endingu óskum við klúbbfélögum til hamingju með síðuna!
f.h. stjórnar, Helgi Egilsson, formaður ÍSALP.
Leiðbeiningar:
- Ef þú áttir aðgang að gömlu síðunni er hann vonandi til ennþá (einhverjir notendur týndust í spamhaug). Til að endurvekja aðganginn ferðu í Skrá inn og síðan Týnt lykilorð? og skráir inn netfangið þitt. Þá verður nýtt aðgangsorð sent á það netfang. Ef þú manst ekki hvaða netfang þú notaðir er hægt að finna út úr því með því að hafa samband við einhvern með admin aðgang, eða senda póst á stjorn hja isalp.is
- Nýir notendur fara í Skrá inn og Nýskráning.
- Til að skrifa inn á spjallið er farið í „+Nýtt“ efst á skjánum vinstra megin.
Miðmundarfoss WI 4
Leið númer 5. á mynd
Skemmtilegur foss rétt norðan við Kirkjubæjarklaustur. Litur úr berginu smitar út í ísinn og gerir hann áberandi brúnann.
FF. Ágúst Þór Gunnlaugsson, James McEwan og Róbert Halldórsson, desember 2011.
Klifursvæði | Kirkjubæjarklaustur |
Svæði | Kirkjubæjarklaustur |
Tegund | Ice Climbing |
Öskubakkinn WI 4
Flott tveggja spanna leið með töluverðum karakter. Er ofan við veginn sem liggur inn að bænum Dalshöfða í Fljótshverfi.
FF. Ágúst Þór Gunnlaugsson, James McEwan og Róbert Halldórsson, desember 2011.
Klifursvæði | Kirkjubæjarklaustur |
Svæði | Fljótshverfi |
Tegund | Ice Climbing |
Hrói Höttur WI 4
Flottur breiður foss, klifin í tveimur spönnum. Þrjú áberandi höft. Beint fyrir ofan þjóðveg 1, mitt á milli Hörgslandskots og Foss á Síðu.
FF. Ágúst Þór Gunnlaugsson, James McEwan og Róbert Halldórsson, desember 2011.
Klifursvæði | Kirkjubæjarklaustur |
Svæði | Síða |
Tegund | Ice Climbing |
Réttarballið WI 4
Fönkí leið hægra megin við Hróa Hött. Ein spönn. Beint fyrir ofan þjóðveg 1, mitt á milli Hörgslandskots og Foss á Síðu.
FF. Ágúst Þór Gunnlaugsson, James McEwan og Róbert Halldórsson, desember 2011.
Klifursvæði | Kirkjubæjarklaustur |
Svæði | Síða |
Tegund | Ice Climbing |
Jameson WI 4
Góð ca 50 metra leið fyrir miðju gljúfri. Klifin í tveimur spönnum.
FF. Ágúst Þór Gunnlaugsson, James McEwan og Róbert Halldórsson, desember 2011.
Klifursvæði | Kirkjubæjarklaustur |
Svæði | Hörgsárgljúfur |
Tegund | Ice Climbing |
Launhálka WI 4
Skemmtileg 30 metra leið fyrir miðju gljúfrinu. Ein spönn með smávegis brölti í aðkomu. Þunnur ís á ánni gerir gönguna inn gljúfrið spennandi!
FF. Ágúst Þór Gunnlaugsson, James McEwan og Róbert Halldórsson, desember 2011.
Klifursvæði | Kirkjubæjarklaustur |
Svæði | Hörgsárgljúfur |
Tegund | Ice Climbing |
Birkitréð WI 4
Leið A á mynd er upprunalega Birkitréð en sú leið hefur sjaldan komist í aðstæður á síðustu árum.
Leið B á mynd er Birkitréð sem er yfirleitt klifrað.
Ein af fyrstu leiðunum til þess að komast í klifranlegar aðstæður þar sem leiðin liggur hátt yfir sjávarmáli. Klifin í tveimur spönnum, sú fyrri brattari en sú seinni léttari en getur verið erfiðari að tryggja.
Ef hægt er að útbúa sigakkeri er lítið mál að síga úr leiðinni en annars má fara upp á brún og ganga niður skriðjökul sem liggur örlítið norðar.
FF.: Guðmundur Helgi Christensen og Páll Sveinsson, 1990.
Klifursvæði | Kaldidalur |
Svæði | Þórisjökull |
Tegund | Ice Climbing |
Kaldidalur
Nokkrar leiðir hafa verið klifraðar í Kaldadal og er Birkitréð í Þórisjökli þektust þeirra.
Leiðirnar liggja hátt og eru því oft komnar í aðstæður snemma vetrar.
Keyrt er inn Kaldadalinn og lagt við áberandi vörðu, ca 2,5 metra há og er meira í laginu eins og grjóthrúga heldur en hefðbundin varða. Frá vörðunni er um klukkutíma ganga inneftir.
A. Birkitréð orginal – WI 4
B. Birkitréð classic – WI 4
C. Matteo + Mike – WI 4
D. Grasker – WI 4
E. Októberfest – WI 4
Skarðsheiði
Upplýsingar og myndir eru fengnar úr Leiðarvísi ÍSALP nr. 22 eftir Snævarr Guðmundsson og Kristin Rúnarsson. Frekari upplýsingar eru að finna í ársriti ÍSALP 1987.
Skarðsheiðin hefur lengi verið eitt vinsælasta fjallamennsku svæði Íslendinga og má sjá það einna best í merki Ísalp, en þar er einmitt Skessuhorn í aðalhlutverki.
Frægt verkefni í Skarðsheiðinni er að klifra alla þrjá Norðurveggina á einum sólarhring. Þetta eru NV veggur Skessuhorns, N veggur Skarðshorns og NV veggur Heiðarhorns. Þetta verkefni var fyrst klárað af Páli Sveinssyni og Guðmundi Helga Christensen í mars 1993, Róber Halldórsson og Sigurður Tómas Þórisson urðu svo annað teymið til að klára þessa þolraun í apríl 2008.
Skarðsheiðinni er skipt niður í þó nokkur undirsvæði eins og sjá má á mynd
Skarðshyrna
Í Skarðshyrnu er megnið af klifrinu á veggnum sem snýr í suðvestur og svo er leið 8 á veggnum sem snýr í suðaustur.
1a. Með Skessubrunnum
1b. Annar hringur með hringekjunni
2. Úr Skarðsdal um austurbrúnir (gönguleið – ekki á mynd)
3. V – Miðgil
4. Giljagaur
5. A – Miðgil
6. Vesturlæna (ekki á mynd)
7. Um Skessusæti og Miðhrygg
8. Leiðir í SA- hlíðum (ekki á mynd)
Villingadalur
Villingadalur er vissulega hluti af Skarðsheiðinni en vegna vinsælda hans sem „sport“ ísklifursvæðis, sem sker sig frá öðru klifri í Skarðsheiði, þá var ákveðið að hafa hann sér. Upplýsingar um Villingadal má finna HÉR
Kaldárdalur
15. Mórauðihnúkur
16. Á Miðfjallskamb frá Mórauðakoti (sjá mynd við NA vegg Skessuhorns)
16a. Kambshryggur – AI3 M3/4
Hornsdalur
Hornsdalur er dalurinn austan við Skessuhornið. Leiðirnar í dalnum ná að Katlaklauf en eftir það tilheyra leiðirnar Skessuhorni.
17. Úr Hornsdal á Þverfjallskamb
18. Þverhausarnir
19. Austurlæna í Katlaklauf
Skessuhorn
Hér er um að ræða einn klassískasta alpavegg Íslands, sem er í uppáhaldi margra eða á óskalista yfir næsta mission. Hér eru leiðir 21 og 22 á austur veggnum en megnið af klifrinu (23-29) eru á NV veggnum.
19a. Tvíhleypan (sjá mynd við Hornsdal)
19b. Austurhryggur Skessuhorns (sjá mynd við Hornsdal)
20. Katlakinnarleið (gönguleið – ekki merkt inn á kort)
21. Austurhlíðar (sjá mynd við Hornsdal)
22. Norðausturhryggur (sjá mynd við Hornsdal)
23. Skessukorn
23b. Vestrakorn
24. Eystrigróf
25. Skessuþrep
26. Rifið
26a. Gleymdi þrusinn
27. Vesturgróf
27a. Vesturjaðar I -WI 3+
27b. Vesturjaðar II – WI 3
29. Katlaklaufsleið
30. Þverklofið
Skarðshorn
Skarðshorn er án efa einnig einn af vinsælli alpaveggjum Íslands. Ein af leiðum veggsins prýðir forsíðu ársrits Ísalp frá 1987, en þar má sjá Snævar Guðmundsson í frumferð á leiðinni Dreyra.
30a. Skarðshryggur
30b. Kanínan
31. Sólei
31a. Dreyri
31b. Jóka póka
32. Austurrif
33. Hrollur
34. Vesturrif
Heiðarhorn
35. Jónsgil – AD+
35a. Jónsgil beint af augum – Gráða IV
35b. Drullupumpan – Gráða IV+
36. Meinhornið – AD+
36a. Vængjasláttur í þakrennunni – Gráða IV
36b. Axlarbragð – Gráða IV
Gestabók Hraundrangans komin til byggða
Bókasafni ÍSALP var nýverið afhent gestabók af tindi Hraundrangans í Öxnadal. Í bókina eru skráð nöfn þeirra sem komu við á tindinum frá jóladegi 1993 og til 24.júní 2001, en þá var blautri bókinni bjargað úr gestabókarkassanum sem hafði gefið sig. Fremst í bókinni eru upplýsingar um allar uppgöngur fram til þess að bókin var sett upp.
Bókin endaði í góðu yfirlæti hjá bjargvætti sínum, Jökli Bergmanni um árabil þar til það varð til tíðinda að Bjarni E. Guðleifsson líffræðingur, skrifaði kafla um Hraundrangann í bók sína Hraun í Öxnadal og hafði upp á gestabókinni góðu hjá Jökli. Bjarni afhenti stjórn ÍSALP síðan bókina, eftir að hafa nýtt hana sem heimild í skrif sín. Bjarni gaf klúbbnum einnig nýútkomna og glæsilega bók sína og kunnum við honum bestu þakkir fyrir!
Nú þarf að koma nýrri gestabók upp á Drangann. Stjórn óskar eftir sjálfboðaliðum í verkið.
Bókarhöfundurinn Bjarni E. Guðleifsson og Helgi Egilsson, formaður ÍSALP á góðri stundu
Annar í Bratta
Sunnudaginn 6. september héldu nokkrir vaskir garpar út í góða veðrið með það í huga að grafa holur fyrir nýjum undirstöðum undir Bratta. Með í för voru 22 álhólkar, skóflur og járnkarlar, sleggja, öll rúnstykkin á Select, guðsveigar og samkomutjald. Þetta reyndist hin skemmtilegasta ferð þó að lítið hafi náðst að grafa holur sökum erfiðleika í jarðveginum. Hjáleið var gerð framhjá stóra steininum sem lokaði veginum í seinustu ferð og undirstöður gamla Bratta voru hreinsaðar og jafnaðar jörðu. Ekki gekk vel að tjalda. Verkefninu er hvergi nærri lokið en Helgi, Gísli, Jonni, Árni og Þorsteinn þakka fyrir sig.
Tunglskin WI 4
Leið númer 2 á mynd
30m
F.F: Rúnar Óli og Freyr Ingi, febrúar 2010
Klifursvæði | Kirkjubæjarklaustur |
Svæði | Hörgsárgljúfur |
Tegund | Ice Climbing |
Gamli gráni WI 4
Leið númer 1 á mynd
50m
F.F: Ágúst Þór og James McEwan. Feb 2010
Klifursvæði | Kirkjubæjarklaustur |
Svæði | Hörgsárgljúfur |
Tegund | Ice Climbing |
Dynjandi WI 3
Fossinn er staðsettur í botni Arnarfjarðar og hefur aðeins verið klifinn einu sinni. Fossinn er breiður og er sennilega hægt að klifra mörg afbrygði af honum ef nægilegt frost næst. Vegurinn inn að Dynjanda og yfir Dynjandaheiði er ekki þjónustaður á veturna og því er sjaldgæft að fá fossinn í aðstæður en ekki ófærð inn að honum.
F.F: Rúnar Óli Karlsson og Búbbi febrúar 2010
Videoið er frá einu uppferðinni hingað til, horfið á allt myndbandið.
Klifursvæði | Arnarfjörður |
Svæði | Dynjandi |
Tegund | Ice Climbing |
Myndbönd
Pilsner WI 4+
Eina leiðin í Bjargagili, D
WI4+, 30 metrar
F.F: Freysi, Stymmi, Ingvar, Jón
Klifursvæði | Brattabrekka |
Svæði | Bjargagil |
Tegund | Ice Climbing |