Snæfellsnes

Snæfellsnes spannar stórt svæði, og nokkra sectora. Enginn af þeim er stór. Stærsti sectorinn er Mýrarhyrna, fyrir ofan Grundarfjörð, en það hefur verið gefinn út leiðavísir fyrir hana sérstaklega.

Álftafjörður
Ein skráð leið sem Will Gadd og Kim fóru þegar að þau voru hér í sinni frægu ferð 1998

  1. Wish I had a penis – WI 4+
  2. Mysturlum – WI4
  3. Fondue Plausch -WI4+

Grundarfoss
Eitthvað er í boði af leiðum í nágrenni Grundarfjarðar. Helst ber þar að nefna Grundarfoss og fossana sitthvoru megin við hann

  1. Hin – WI 3?
  2. Grundarfoss – WI 5
  3. Brattasti þristur landsins – WI4+
  4. Óskilamunir – WI 5+/6-

Mýrarhyrna
Hefur að geyma nokkrar af flottustu ísklifurleiðum á landinu. Þær eru frá einni og upp í 5 spannir. Mýrarhyrna er á norðanverðu Snæfellsnesinu, alveg við Grundarfjörð. Keyrt er í vestur út úr Grundarfirði, og þá blasir Mýrarhyrnan við á móts við Kirkjufell. Leiðirnar sem sjást á myndinni snúa í austur. Best er að leggja bílnum við skilti sem bendir á Kirkjufellsfoss, þaðan er svo gengið. Best er að elta girðinguna eins lengi og hægt er.

Leiðarvísir fenginn frá Sigurði Tómas Þórissyni

1. Golíat – WI 4
2. Christian IX – WI 4+
3. Kerling – WI 4+
4. Wake up call – WI 6+
5. Abdominal – WI 5
6. Comeback – WI 5
7. Þvergil – WI 3

Búlandshöfði
Höfði sem er miðja vegu milli Ólafsvíkur og Grundarfjarðar. Ofan Látravíkur vestan við bæinn Höfðakot eru nokkrar ísleiðir. Fossinn virðist ekki hafa nafn en lækurinn sem úr honum rennur heitir Biskupslækur, þar eru leiðir 1-5 og fossinn sjálfur er óklifinn. Örlítið utar á höfðanum myndast ís alveg niður að veg og við útskot með borði. Talið er að leiðirnar Nábítur og Múldýrið séu þar.

  1. Dordingull – WI 5
  2. Alien muffin – WI 4
  3. Túðan – WI 3+
  4. Sigurjón Digri – WI 3+
  5. Holan – WI 4+
  6. Nábítur – M 4
  7. Múldýrið – WI 4+

Rauðskriðugil
Sunnan megin í fjallinu Höfðakúlu ( Í norðurhliðinni er sectorinn Búlandshöfði ).  Hægt er að beygja út af Snæfellsnesvegi og inn annað hvort Mávahlíð (5743) eða Tunguveg (5742) og halda svo áfram inn veginn Mávahlíðarland. Þetta er sennilega einkaland svo að ráðfæringar við heimamenn um hvar sé í lagi að skilja eftir bíla eru ráðlagðar. Myndir óskast!

  1. Gunnars majónes – WI 4
  2. Fjórir fílar – WI 3

Lóndrangar
Stærri Lóndranginn er 75m á hæð og hefur verið klifinn á öllum hliðum (N-S-A-V). Stærri drangurinn var fyrst klifinn 1735 og er það elsta skráða klifurleið á Íslandi. Minni Lóndranginn er 61m á hæð og hefur einnig verið klifinn en bara á einum stað og hann er talsvert fáfarnari.

Í Lóndröngunum er talsvert fuglalíf, sérstaklega fýlar. Ráðlagt er að fara leiðirnar annaðhvort fyrir varptímann eða eftir þ.e. fyrir júní, eða eftir ágúst.

  1. Stærri Lóndrangi
    1. Upprunalega Lóndrangaleiðin – 5.6
    2. Austurhlið Lóndranga – 5.6
    3. Suðurhlið Lóndranga – 5.6
  2. Minni Lóndrangi
    1. Minni Lóndrangi – 5.6

Örninn
Alpaleið upp á einn flottasta tindinn á Snæfellsnesi

  1. Örninn – PD

Miðhyrna

Stök alpaklifurleið upp suðurhrygginn á Miðhyrnu. Fjallið er úr gabbró, svo að það er nokkuð heillegt klifur. Miðhyrna er áföst Þorgeirsfelsshyrnu og er leiðin einnig þekkt undir því nafni.

  1. Suðurhryggur Miðhyrnu – 5.6

Hítardalur
Ein leið frá Palla Sveins og félögum

  1. Óþekkti maðurinn – WI 4+

Kort

Skildu eftir svar